CHAPITRE XVII

Enuiron le temps que ledit Paris dixhuitieme Roy, regnoit sur les Gaulois, Tros filz de Ei'iehthonius commença à régner sur les Phrygiens : et donna le nom à la cité de Troye, qui parauant se disoit Dardanie. Et eut ledit Tros guerre mortelle à lencontre de Tantalus Roy de la haute Phrygie, son voisin, et aussi de Paphlagonie. En laquelle guerre ledit Roy Tros perdit son bel enfant Ganymedes frère de Ilus et Assaracus, desquelz sortirent Laomedon et Anchises, Et y sont aucunes fables poétiques exposées. Aussi est faite mention daucuDs autres Roys de Gaule, contemporains à autres de Troye, successeurs des dessusdits.

Régnant donques Paris duquel le nom est tant clarifié sur la tresgenereuse nation Gallicane, maintenant Françoise, commença aussi à régner sur les Phrygiens, le tresrenommé Roy Tros, filz de Erichthonius, qui fut filz de Dardanus. Desquelz Dardaniens, ledit Tros changea le nom en Troyens, qui tousiours ha depuis duré. Il agrandit sa cité, et la nomma Troye, qui parauant se disoit Dardanie. Il eut trois enfans masles, Ilus, Assaracus et Ganymedes. Ledit Roy Tros hanta fort les armes, comme met Bocace en son vi. liure. Et eut vne guerre par mer contre lupiter troisième de ce nom, Roy de lisle de Crète, quon dit maintenant Candie, lequel portoit en ses armes vn aigle. Et comme le Roy Tros et lupiter se fussent entrerencontrez par bataille naualle, Ganymedes le plus beau iouuencel du monde, suiuant sou père, au tresnoble mestier des armes,