ILLVSTRATIONS DE GA?LE, ET

fut prins prisonnier par ledit lupiter. Et cest lopinion de Fulgentius Placiades (l)en ses Mythologies. Et àcestecause, les Poètes ont trouué occasion de feindre, que lenfant Ganymedes allant à la chasse, fut rauy par vn aigle, et emporté au ciel. Si le feit lupiter eschanson des Dieux. Et dit on, que cest Aquarius, lun des douze signes du zodiaque. Les autres acteurs disent, que Tan talus Roy de la haute Phrygie, et aussi de Paphlagonie, tresmauuais et tresauaricieux homme, combien quil fust tresriche, ayant en son estandart vn aigle, rauit par aguet et par force ledit trèsbel adolescent Ganymedes, estant à la chasse : et lenuoya par argent audit lupiter Roy de Crète. Laquelle chose est assez vray semblable, pource quil estoit voisin. Pour lequel oultrage venger, le Roy Tros (comme Prince courageux et hardy) liura vne forte et mortelle guerre audit Roy Tantalus, tant quil chassa luy et son filz nommé Pelops, hors de la haute Phrygie, et aussi de Paphlagonie, comme met expressément Diodorus Siculus en son cinquième liure. En fin, ledit Tan talus mourut meschamment. Et feingnent les Poètes que pour sa mauuaitié (2) et parfonde auarice, les Dieux le condemnerent destre à iamais en enfer, mourant de faim et de soif. lasoit ce quil soit en leaue iusques au dens, et ayt vn pommier chargé de pommes touchant ses leures. Son filz Pelops exillé et banny du Royaume paternel, sen alla en Grèce, et y print femme, dont il obtint vn païs, quil nomma de son nom Peloponnesus, quon dit présentement la Moree subiette aux Turcz : de luy descendirent Agamennon et Menelaus qui depuis destruisirent troye : comme nous dirons en son lieu. Telz sont les diuers esbats

(1) F. Planciades, do Mythologia lihri très. Venet. 1495.

(2) mauvaistie (éd. 1512).

de Fortune, de si long temps quil nest mémoire du contraire. Par ainsi le Roy Tros ayant perdu son filz Ganymedes, se reconfortoit à la vengeance quil en auoit prinse : Et aussi à voir florir ses deux autres enfans Ilus et Assaracus. De Ilus qui aussi se nomma Ilion, descendit Laomedon père de Priam : Et de Assaracus, Anchises père d'Eneas, comme nous dirons cy après. Et régna ledit Tros lespace de Lx. ans, selon Archilocus.

Huit ans douant que le Roy Tros regnast sur les Troyens, comme met nostre acteur Manethon d'Egypte, auoit commencé à régner pardeça sur entre nous Gaulois le xix. Roy nommé Lemannus, filz de Paris. Duquel Roy Lemannus, porte le nom le grand Lac Lemannus, quon dit maintenant, le Lac de Losanne, et de Geneue, duquel yst le fleuue du Rhône. Parquoy il est facile à coniecturer quil habita autour dudit Lac et fleuue. Et disent aucuns, que les Allemans, que nous disons Souyceres, portent le nom dudit Lac. Combien que nous ne ignorons pas que des vrays Allemans Germains leur xi. Roy eut nom Hercules Allemanus, comme nous auons touché cy douant, là ou nous auons parlé de la Déesse Isis, qui vint de son temps en Allemaigne.

Encores du temps dudit Tros Roy des Troyens, régna vn autre Roy en Gaule, filz et successeur dudit Lemannus, qui fut leur xx. Roy et eut nom Olbius. Duquel il faut dire quil fut merueilleusement puissant Roy, et grand conquérant. Car Ptolomee en sa Cosmographie nomme plusieurs citez de son nom, tant en Gaule, comme en lisle de Sardaigne, et au pais des Sarmates, quon dit maintenant les Poulaques, ioingnans à Tar tarie. Strabo en son quatrième liure met vne cité nommée Olbia, entre Marseille et Nysse en Prouence. Et au septième liure vne autre Olbia, en Tar-

HO ILLVSTRATIONS DE GAVLE, ET

tarie, à la bouque du fleuue Borysthenes, et met ainsi : Ufhs Olbia, id est beata. Et au quatorzième liure il fait mention dune autre cité de mesmes nom, située en Cilicie, qui est vne prouince d'Asie la moindre, quon dit maintenant Turquie. le ne scay bonnement si elles furent fondées par ledit Roy Olbius, ou se son filz Galatas, duquel nous parlerons cy après, les fonda en Ihonneur et au nom de son père. Retournons maintenant à Troye.

Lan huit vingts et six, depuis la première fondation de Troye par Dardanus, commença à régner Ilus, ou Ilion, filz du Roy Tros. Lequel à cause que son peuple croissoit et multiplioit à merueilles, et que la première assiete dicelle estoit au pié des montaignes Idées, loing de la mer, il édifia vne grand cité beaucoup plus près de la marine, sur le fleuue Scamander : et la nomma de son nom, Ilion : comme met Diodorus Siculus en son vi. liure : Et en icelle régna pacifiquement lespace de lv. ans, selon lautorité d'Archilocus en son liure des Temps. Et eut vn filz nommé Laomedon qui régna après luy.

Assaracus fut frère dudit Roy Ilion, comme dessus est dit, duquel nous nauons autre chose, fors quil engendra Anchises père d'Eneas. Au temps duquel Anchises (comme met frère laques de Bergame, en son Supplément des chroniques) florissoit au pais de Troye, et en vne cité nommée Ancyre, vne des Sibylles, quon dit Phrygie : laquelle prophétisa audit Anchises, que la cité d'Ilion deuoit périr. Et à ceste cause, il abandonna Ihabitation de ladite cité, et sen alla demourer aux bois et aux montaignes, suiuant lestât de pastourerie, comme cestoit la vocation des nobles hommes du temps passé. Et repairoit voluntiers auec ses troupeaux, sur le riuage du fleuue Simois, qui descend à Troye. Auquel lieu la Déesse Venus senamoura de luy, et sapparut à luy

en forme humaine : tellement quil engendra en elle Eneas, duquel descendirent depuis les Rommains par son fîlz lulus, duquel Iulius César porta le nom. Tesmoing Virgile qui dit :

Iulius à magno demissum nomen lulo.

Et disent les Poëtes, que pource que Anchises se vanta dauoir eu hantise auec ladite Déesse Venus, elle le priua de la velie, et fut aueugle le demourant de sa vie. Parquoy il ne se trouua point en la guerre de Troye, ny au conseil des Princes Troyens.

112 ILLVSTRATIONS DE GAVLE, ET