CHAPITRE XVIII
Galatas le ieune xxi. Roy de Gaule, florissoit en grands vertuz, tant de science de lettres, comme de conquestes lointaines : et eut vn filz nommé Namnes, qui fonda la cité de Nantes en Bretaigne. Enuiron le temps que Laomedon filz du Roy Ilion et père de Priam regnoit à Troye, ledit Namnes fondateur de Nantes engendra Rhemus XXII. Roy de Gaule. Lequel fonda la cité de Rheims en Champaigne. En ces entrefaites Troye fut destruite, et Laomedon occis par le petit Hercules Grec. Et fut Priam Roy des Troyens contemporain au Roy Rhemus de Gaule.
Si le Royaume de Troye alloit tousiours florissant de plus en plus, celuy de Gaule nalloit pas en abaissant : Car après le dessusnommé Roy Olbius, régna son filz, xxi. Roy de Gaule, nommé Galatas le ieune, à la différence de lancien Galateus, filz du grand Hercules de Libye, et de Galatee la belle Geande, dont nous auons fait ample mention par cy douant. Diceluy second Galatas nostre acteur Manetlion dit ces mots, bien dignes destre notez : A'pud celtas Galatas iunior, qui mcit jSarmatas : et condidit Galatas Âsiœ. Voila en peu de paroles merueilleusement grand efFect et substance. Et dénotent, que ledit Galatas par sa grand hautesse chenal eureuse, partant de son Royaume de Gaule à tout grand armée, estendit ses conquestes, iusques au païs des Sar mates, quon dit maintenant le Royaume de Polone, et Rasie qui du nom dudit Galatas sappella Galatie, comme met Raymond Marlian sur les Commentaires de
Iulius César. Et de là tira en Rousse, Prusse et Tartarie : là ou il vainquit et subiuga tous ces peuples. Et de là passa en Asie la Mineur, quon dit maintenant Natalie, ou Turquie : et fonda le peuple des Galates, ausquelz saint Paul escrit aucunes epistres. Et enseigna ausdits peuples, les lettres et la philosophie de Gaule. Car (comme nous auons dit cy dessus, en parlant du premier Roy et Saturne de Gaule, Samothes, surnommé Dis) les Gaulois ont eu premier lettres que les Grecz. Et à ce propos dit frère lean de Viterbe, expositeur de Berosus : Neque GalU à Orœcis, sedpotius à Gallis Asia et Gracia, cum Coloniis etiam literas et disciplinas conseguutce fuerunt. Et en vn autre passage il dit : XenopTion quoqne lihro de œquiiiocis ait : Cadmiim intulisse Grœciœ literas similes Galatis et Mcronids, magis quàm PJiœnicibus. Igitur ante Gadmîim fuere literce, pTiilosopTiia, carmina, tJieologia et leges, Hispanis, Gallis, Gerinanis et Italis per multa secula et œtates. Certainement cest grand honneur et gloire à toute la nation Gallique, quand le Roy Galatas non seulement vainquit les autres lointaines nations à force darmes, mais aussi les dompta et surmonta par vertu de lettres et de philosophie, et feit resplendir son nom par tout le monde. Et oultre plus, porta tant dhonneur à son père, le Roy Olbius, quen toutes lesdites contrées par luy conquises et subiuguees, il fonda citez, du nom de sondit père, comme cy deuant est dit. Parquoy il appert, quil fut bien Prince digne deternelle renommée. Et toutesuoyes ses hauts gestes estoient perduz et enseueliz au gouffre dobliuion par longueur de temps, si le bon Manethon d'Egypte ne les nous eust ramenteuz, par ce peu descriture, cy deuant mise. Lequel par son histoire nous donne à entendre, que ledit Galatas mourut, lan deuant que Laomedon comraençast à 1. 8
régner à Troye. Parquoy on peult estimer quil régna enuiron cinquante ans. Et eut vn filz nommé Namnes, duquel nous parlerons, mais que nous ayons premièrement désigné le decours du règne de Laomedon cinquième Roy de Troye. Laomedon filz du Roy Ilion, commença à régner à Troye lan ccxxii. après la première fondation dicelle, par Dardanus. Il eut cinq enfans masles : cestasauoir, Priam, Tithonus, Lampus, Clytion et Letaon : desquelz Homère fait mention en son Iliade : et deux filles, Antigone et Hesione. Les poètes Grecz ont beaucoup menty de cestuy Laomedon, disans que les Dieux Neptunus et Apollo, feirent marché auec luy pour édifier les murs de Troye, moyennant certaine quantité dor quil leur promit. Lesquelz murs acheuez par iceux Dieux deuenuz massons, Laomedon ne leur tint point promesse. Parquoy Apollo courroucé, enuoya tantost vne grand pestilence à Troye, et Neptune vn monstre marin, auquel il failloit donner tous les iours vn enfant Troyen pour deuorer, lesquelz enfans on eslisoit par sort. Si tomba la maie fortune en parfin sur la belle pucelle Hesionne. Laquelle liée contre vn rocher pour estre deuoree par ledit monstre de mer, le petit Hercules Grec par là passant, et allant auec lason à la conqueste de Colchos, deliura dudit péril, et tua le monstre, par moyen que le Roy Laomedon la luy deuoit donner en mariage. Et oultre ce, luy promettoit aucuns chenaux dediuine semence. Mais au retour de Colchos quand Laomedon deux fois pariure, ne voulut point tenir sa promesse audit Hercules Grec, ains comme met Diodorus Siculus en son cinquième liure, voulut outrager ses ambassadeurs, ledit petit Hercules occit Laomedon en bataille, destruisit et pilla sa cité. Et pource que Thelamon son compaignon au oit fait vaillamment à lassaut, il luy donna pour esclaue et concubine, la
pucelle Hesionne, laquelle il amena en lisle de Salamine, dont il estoit Roy.
Toutes ces menterieset fictions Grecques, sont bien aisées à mespriser et annichiler par vne seule autorité de nostre acteur Manethon, lequel dit ainsi : Hercules AmpMtr y onis nascitur anno vi. Amenophis, tertii Larthis Aegyptii : mxitque annis lu. et periit igné. Primus ex maximis pira- Us. Par laquelle tant brieue autorité et tant pleine de sentence, il appert, que si les Grecz pleins de mensonge et de vaniloquence, attribuent les tiltres et les gestes du grand Hercules de Libye, tant vertueux Prince à cestuy cy (comme certes ilz font) cest faulsement et à tort : attendu que ledit Grec, nestoit autre chose fors vn Pirate, larron et escumeur de mer, homme de tresmauuaise vie, et qui mourut meschamment. Comme celuy qui ne faisoit sinon piller, rober et rauir nobles femmes par tout les riuages de la mer : si comme Hesionne et Medee, et assez dautres. Et qui tua Laomedon sans lauoir deffié. Et surprint Troye à despourueu, sans la sommer, et non pas par tiltre de iuste guerre, mais daguet, et de nuict, comme font larrons nocturnes pour le pillage. Ainsi que soustient frère lean de Viterbe, expositeur de Manethon. laques de Bergame dit, quen ce temps là Milan fut prinse et destruite par vn Troyen nommé Palas.
Ainsi receut ce premier dommage et infortune le Royaume de Troye, par la trahison des Grecz. Et fut la belle Hesionne emmenée. Laquelle chose causa la seconde et totalle ruine dudit Royaume. Laomedon fut occis lan xxxvi. de son règne, selon Archilocus en son liure des Temps. Son filz Tithonus sen alla chercher auenture comme cheualier errant, poursuiuant les armes iusques aux Indes : et là se maria à vne noble dame nommée Ida, selon Diodorus Sicu-
116 ILLVSTRATIONS DE GAVLE, ET
lus, et selon les Poètes Aurora : de laquelle il eut vn fîlz nommé Meranon, qui depuis vint au secours de son oncle Priam, et y fut tué par les mains d'Achilles : comme nous dirons en son lieu. Finablement ledit Tithonus fut mué en vn Crignon, (1) selon les Poètes, et Antigona en Cicongne. De tous les autres enfans dudit Tithonus ne se treuue autre chose, sinon de Priam son filz aisné et successeur, le plus congnu de tous les humains, duquel nous parlerons amplement. Pourueu qu'ayons premièrement veu quelz Roy s florissoient en Gaule de ce temps.
Lan douant que Laomedon commençast à régner à Troye, selon nostre acteur Manethon, fut couronné en Gaule le XXII. Roy, nommé Namnes, filz du dessusdit grand conquérant, Galatas le ieune. Duquel Namnes, nous auons autre chose, sinon quil fonda la cité de Nantes en Bretaigne, et régna xliiii. ans. Et eut vn filz nommé Rhemus, lequel édifia la cité de Rheims en Champaigne, en nostre Gaule Belgique, là ou les treschrestiens Roys de France sont consacrez, et prennent leur couronne. Si commença à régner iceluy Roy Rhemus, lan après la fondation du Royaume de Gaule, neuf cens cinquante et trois ans : et après la fondation de Troye, cclxvii. et douant la destruction de Troye, trente ans. Si régna encores huit ans après icelle. Ainsi appert que le Roy Rhemus commença à régner en Gaule, dix ans après que Priam à Troye : et que la cité de Rhemus fut fondée, enuiron le temps que Troye commença à prendre sa destruction. Comme si Dieu voulsist que les nobles Troyens laissassent Asie, pour venir habiter en Europe. Si se taira icy le conte des Roys Galliques, dont nous auons spécifié xxiii. Et est chose bien digne de noter, que de tous
(1) Cigale, crinchon en rouchi.
les XXIII. il ne sen treuue pas vn vicieux, mais tous Princes de grand vertu, grans philosophes, grans conquerans, et grans ediâcateurs de citez et de villes. Et ne parlerons plus du Royaume de Gaule, iusques au troisième liure, auquel nous dirons comment Bauo cousin germain de Priam vint habiter en Gaule Belgique, et Francus filz d'Hector, en vne autre partie de Gaule.
118 ILLVSTRATIONS DE GAVLE, ET
