CHAPITRE XIX
Du commencement du règne de Priamus à Troye, au temps duquel regnoit en la haute Phrjgie Bauo son cousin germain, lequel depuis vint habiter par deçà en nostre Gaule Belgique ; Et fonda la iadis tresgrande cité de Bauais en Haynau, et selon aucuns Beauuais en Picardie. Et comment le Roy Priam restaura sa cité de Troye, deetruite par le petit Hercules Grec, et amplia grandement sa seigneurie, et multiplia sa lignée en grand prospérité.
Or met Bocace en la généalogie des Dieux, que Priam filz aisné de Laomedon estoit ieune enfant, quand il perdit son père. Et dit, que le petit Hercules de Thebes lemmena prisonnier : mais depuis, sa rançon fut payée par ses subietz et voisins. Et pource fut il appelle Priamus : cestadire, racheté. Et (1) allègue sur ce pas Seruius commentateur de Virgile. Diodorus Siculus met dautre part, que Priam estoit en ladite prinse : mais pource que Hercules entendit que ledit Priam auoit tousiours esté dopinion et conseillé à son père Laomedon quil contentast ledit Hercules, et gardé quil ne traitast mal ses embassadeurs, à ceste cause il sembla audit Hercules que Priam estoit preudhomme et iuste : et luy remit en ses mains le Royaume de Troye. Mais pource que les Grecz ont tousiours parlé à leur auantage, ie croiroye beaucoup plustost lautorité de Dares Phrygien, qui met expressément, que pendant ce que ledit petit Her-
(1) « Boccace cite là-dessus Servius. »
cules desroba Troye, Priam estoit en la haute Phrygie, là ou son père lauoit constitué chef dune armée. Si ne peut venir à temps à son secours : car parauenture plustost ouyt il les nouuelles dudit inconuenient, que de lentreprinse diceluy.
Et à ce propos, maistre laques de Guise, homme de merueilleuse literature (1) et diligence à inuestiguer les antiquitez de nostre Gaule Belgique, met au commencement de son premier liure des chroniques de Belges, que au temps que Laomedon fut tué, et sa cité destruite par le petit Hercules de Thebes, surnommé Alceus, regnoit en Phrygie, cestasauoir la haute (car Laomedon regnoit en la basse) vn Prince nommé Bauo, filz de la sœur légitime de la femme dudit Laomedon, père de Priam. Par ainsi le Roy Priam, et le Roy Bauo, estoient enfans de deux sœurs. Lesquelz estans pour lors ensemble en ladite haute Phrygie, quand ilz furent aduertis de la piteuse mort du Roy Laomedon, de la désolation de Troye, et de la captiuité de la pucelle Hesionne, ilz en menèrent vn merueilleux dueil. Et deslors feirent vne forte alliance ensemble.
Iceluy Roy Bauo, cousin germain de Priam, le plus sage Prince de tout son temps, estoit grand Astronomien, Magicien, et Nécromancien : dont il ne se faut esmerueiller. Car on treuue que les Princes dadonques mettoient fort leurs estudes en telz sciences. Comme nous auons monstre cy dessus du grand Hercules de Libye, et de Dardanus. Et sur ce propos est à noter, que au temps iadis, cestoit chose fort honnorable aux Princes de sauoir lart Magique, laquelle comprenoit trois sciences principalles : Cestasauoir, Religion, Medicine, et Astronomie. Esquelles trois le sage Roy
(1) Même sens que rancien letreiire.
120 ILLYSTRATIONS DE GAVLE, ET
Salomon estoit parfait et accomply. Et à ceste cause, ladite art Magique fut iadis en grand reuerence et dignité, enuers les Roys et Princes dorient, et mesmement ceux de Perse, lesquelz (comme met Philippe Beroald, (1) au commencement des commentaires de lasne doré) ne pouuoient régner sur les Persans, silz nestoient introduits en ladite science : Tellement que les enfans du Roy y estoient endoctrinez de leur prime ieunesse. Laquelle chose iay voulen tiers récitée, à fin quen lisant le deuxième et troisième liure de ce volume, on ne sesbahisse pas de la Nécromancie (2) et Astronomie dudit Roy Bauo, dont illecques sera souuent mention faite.
Reuenant donques à nostre propres, ledit Roy Bauo feit alliance perpétuelle auec son cousin Priam : et luy promit ayde et assistence à tousiours, et de toute sa puissance enuers tous et contre tous. Et lors Priam print congé de luy et vint voir les ruines de sa cité de Troye en la basse Phrygie : Là ou il feit en grand dueil et magnificence tout ensemble les obsèques Royaux de son père le Roy Laomedon. Et esleua sa sépulture hautement dessus vne des portes de la cité de Troye : Laquelle porte estoit nommée Scea. Puis recueillit son peuple dispersé çà et là : et print possession de son Royaume désolé, lan après la première fondation de Troye par Dardanus, cclvii. Depuis le déluge vniuersel, onze cens quatre vingts et sept. Qui fut auant lincarnation nostre Seigneur, onze cens et trente ans : Et ains que Romme fust fondée, huit vingts et dix ans : Apres la création d'Adam le premier homme, deux mille huit cens quarante et trois ans : Estant iuge sur les enfans d'Israël
(1) Beroaldo l'ancien^ professeur à l'Université de Bologne.
(2) Nigromancie (éd. 1512).
SINGVLARITEZ DE TROYB. LIVRE I. 121
Tola : Régnant en Egypte Amenophis : En Italie, Picus le ieune, père de Faunus : En Gaule Namnes, comme nous auons dit par cj deuant : En Athènes Egeus, père de Theseus : et au Royaume de Mycenes, Atreus, père d'Agamemnon et Menelaus.
Or se meit le ieune Roy Priam, le plus beau, le plus noble, et le plus courtois Prince du monde, à restaurer en grand diligence sa cité bruslee et démolie. Et pour mieux résister contre les (1) ennemis, print alliance auec vn puissant Prince nommé Cypseus selon les aucuns, ou Dymas selon les autres, Roy de Thrace, qui est vne prouince de Grèce, deçà la mer Hellesponte : dont le chef est maintenant Constantinoble. Si espousa sa fille nommée Hecuba, belle Princesse à merueilles, grande, brune, et droite, vertueuse et débonnaire : comme met le noble historien Dares de Phrygie. De laquelle il eut xix. enfans légitimes, tant masles que femelles. Laquelle chose estoit vn grand fournissement de bienheurté mondaine. Et oultre ce, eut il dautres diuerses femmes et concubines, faisans résidence en son palais selon la manière d'adonques, autres xxxi. bastardz et bastardes : qui faisoient en tout le nombre de cinquante enfans, louxte ce que dit Virgile au deuxième des Eneïdes :
Quinquaginta illi thalami, spes tanta nepotum.
Et Homère aussi le tesmoigne semblablement au dernier liure de son Iliade.
Troye donques ainsi redoubleement fortifiée, embellie, ampliee, enrichie, peuplée, garnie de toutes choses faisans à la guerre, et autrement : Cestasauoir de riches temples
(1) ses {éd, 1512 et 1528).
pour la culture des Dieux, et multipliée en tant que cestoit lune des principales citez du monde, voire et telle que par les respons des Dieux elle estoit asseuree destre à iamais imprenable et inexpugnable, pourueu que les trois destinées dicelle fussent songneusement gardées et preseruees : Comme met Seruius expositeur de Virgile : et Bocace le recite en son sixième liure de la Généalogie des Dieux : Cestasauoir tant quilz feroient bonne garde de limage de Pallas, nommée Palladium : Tant que le sépulcre de Laomedon, qui estoit dessus la porte Scea, demoureroit en son entier : Et tant que Troilus seroit en vie. Par ainsi le Roy Priam bien songneux de garder ces trois choses, et comme asseuré de non iamais les perdre, resplendissoit en grand triomphe et admiration de tous ses voisins. Si prospéra en si merueilleuse affluence de richesses, quil agrandit son tenement par adionction de neuf prouinces. Tellement quil ne sembla point seulement estre Roy de Phrygie, mais seul dominateur de toute Asie, quon dit maintenant Natalie ou Turquie : et réputé Roy des Roy s, comme met Strabo au XIII. liure de sa Géographie, disant ces mots par exprès : PHamus onagnus ex jparno : et rex regum effedus.
Et non seulement estendit il son empire en terre ferme, mais aussi bien auant en mer : car lisle de Tenedos, et lisle de Methelin, estoi^nt subiettes de sa couronne. Parquoy comme il fust ainsi exalté au plus haut throne de sa fortune, plusieurs Princes d'Asie et d'Europe, priuez et estrangers, se reputoient bienheureux dauoir son alliance. Et à ceste cause il maria presques tous ses enfans hautement. Creusa lune de ses filles légitimes, fut assignée au Prince Eneas, fîlz d'Anchises son parent : Astyoche à Telephus, Roy de Mysie. Et Hector print en mariage Andromacha, fille du Roy Ection de Thebes en Cilicie. Et Poly damas lun des
enfans d'Antenor, voulut bien espouser Lycastes la bastarde, pour laraour de sa beauté extrême. Aussi plusieurs des autres furent bien richement colloquees, comme on verra cy après. Mais de ce nous tairons nous, iusques à ce que le conte sadressera à les ramenteuoir : et dirons principalement de lenfant Paris, qui fut cause de mettre toute ladite grand félicité du Roy Priam, en perdition et ruineux infortune.
124 ILLVSTRATIONS DE GÀVLE, ET
