CHAPITRE XX

Des visions nocturnes, mauuais présages et deuinemens sinisties, qui précédèrent la naissance de lenfant Paris, filz de Priam et de la Royne Hecuba. Cestasauoir que par son moyen seroit mise Troye en totalle ruine. A cause dequoy, ledit Roy Priam ennoya au temple d'Apollo en Delphos : Auec description dudit temple, et de ses circonstances. Et de la response de l'Oracle. Ensemble déclaration, comment Paris fut condamné par ses parens, d'estre occis incontinent après sa natiuité, à fin deuiter linfortune. Ce qui ne fut point exécuté, ains fut sauué du consentement de sa mère, et enuoyô secrètement pour estre nourry, es montaignes Idées, auec les pasteurs du Roy.

Cicero, acteur tressuffisant, en son liure de Deuination, (1) recite que la Royne Hecuba compaigne du Roy Priam, estant enceinte du cinquième de ses enfans masles (qui puis fut appelle Paris) veit vn songe en son repos, par lequel il luy sembla quelle enfantoit vne torche alumee, toute sanglante, qui brusloit et enflamboit la cité de Troye : Et aussi fait Ouide en lepistre d'Helaine à Paris, disant .

Fax quoque me terret quam se peperisse cruentam Ante diem partus est tua visa parens . (2)

(1) Divination (éd. 1512 et 1528).

(2) pentamètre ajouté par Téd. 1549.

Dictis de Crète, au troisième liure de son histoire Troyenne, met quelle songea enfanter vn flambeau, dont le feu brusloit toute la grande forest Ida, et la flambe esparse embrasoit tous les temples des Dieux, et redigeoit en cendre la grand cité de Troye, sans dommager toutesuoyes les maisons d'Antenor et Anchises. De ce songe après son reueil la Royne Hecuba fut toute triste et le recita au Roy Priam son mary. Semblablement en ce mesme temps, comme raconte Seruius en son comment sur les Eneïdes de Virgile, Thymetes filz bastard du Roy Priam, et dune sienne concubine nommée Arisba, lequel estoit grand Augure, Deuin, et Astronomien, prédit et prognostiqua à son père Priam, que dedens peu de iours naistroit vn enfant, par lequel Troye pourroit vne fois estre destruite. Aussi feit Cal chas archiprestre du temple d'Apollo, et grand ^deuinateur de Troye. Disant clerement que la cité d'Ilion seroit arse et bruslee par feu venant de Grèce. Pour ces choses de tresmauuais présage, et signification, Priaraus fort douteux et pensif, nensuiuit point lopinion de ceux qui disent que songes ne sont que mensonges, et que par art de Deuination et astronomie, on ne peult auoir aucune congnoissance des choses aduenir : ainçois comme Prince garny de grand prudence quil estoit, feit faire sacrifices publiques, en tous les temples de la cité, et à ce conuoqua tous les sages Augures, Près très, Arioles et Vaticinateurs quil peut. Si trouua par leur conseil, quil deuoit enuoyer promptement certains sages personnages, meurs, entenduz, et à ce congnoissans au temple d'Apollo en Delphos pour en sauoir laueuture asseureement.

Delphos est vne cité située en vne contrée de Grèce, appellee Phocide, en la prouince de Locres : comme met Pline au troisième chapitre du quatrième liure de Ihistoire

126 ILLVSTRATIONS DE GAVLE, ET

Naturelle, contingue au Royaume de Beotie, (1) non pas fort loing d'Athènes. Et est ladite cité assise au pied du mont Parnassus, et arrousee du fleuue Cephisus : comme sera dit plus à plein en nostre œuure de Grèce, et de Turquie. En celle cité auoit pour lors vn temple de grand somptuosité, et encores de plus grand vanité et superstition. Car en iceluy estoit adoré, Phebus Apollo, le Dieu de deuination, selon lerreur des anciens : lequel rendoit response de toutes choses douteuses, du parfond dune cauerne souzterraine. Parquoy les Roys et Princes prochains et loingtains y alloient ou enuoyoient communément, pour auoir aduis sur leurs affaires, et y donnoient grans dons, et offrandes. Tellement, que cest chose increable des merueilleux trésors et statues dor et dargent massif, qui estoient en iceluy : et dura long temps en bruit : comme on peult voir par Ihistoire de Herodotus Halicarnasseus, qui toute en est pleine. Mais pour la conuoitise des richesses infinies qui là dedens estoient, les Princes estrangers et circonuoisins le pillèrent (2) souuent. Mesmes Xerxes Roy de Perse, quand il enuahit Grèce, le voulut violer et despouiller : mais il en fut retardé par grans signes et prodiges. Mesmement pource que deux merueilleuses roches tombèrent du haut mont Parnassus. Semblablement aussi le Roy Brennus et les Gaulx Senonois qui destruisirent Romme, excepté le Capitole, après ce quilz se furent transportez en Grèce, cuiderent piller ledit temple, en commettant sacrilège, mais ilz y furent tous foudroyez, comme recite Valere. (3)

Et de Delphos fut la Sibylle nommée Delphique, laquelle

(1) Boetie (éd. 1512 et 1528).

(2) pilloient (éd. 1512 et 1528).

(3) Valère -Maxime.

SINGVLARITEZ DE TROYE. LIVRE I. i27

florit mille deux cens cinquante et cinq ans auant lincarnation nostre Seigneur, et prophétisa beaucoup de choses concernans nostre foy : Mais fînablemeni iceluy oracle saneantist, tellement que des le temps d'Octouien, il nen estoit plus nouuelle : comme met Strabo. Neantmoins autres oracles furent en grand estime en diuers temps : Si comme celuy aussi d'ApoUo en lune des isles Cyclades, nommée Delos, auquel Eneas, après la captiuité de Troye, alla pour estre informé de ses destinées. En laquelle isle, Latona enfanta Phebus et Diane. Guy de la Colomne (1) qui composa en Latin celle destruction de Troye, quon lit vulgairement, met et cuide estre ledit temple et cité de Delphos, en ladite isle de Delos : Mais cest pour ce quil ignora la Géographie : cestadire la situation de la terre, à cause dequoy il ha souuent failli, comme on peult entendre. Et est la raison pourquoy nous nous sommes vn petit arrestez à descrire ledit Temple et cité de Delphos.

De ce temple donques dessus spécifié d'Apollo en Delphos, pour lors estant en grand reuerence et estimation, les ambassadeurs enuoyez par Priam, rapportèrent response correspondante à ce que Thymetes, Calchas, et les autres sages Deuins, et Augures en auoient dit : cestasauoir, que le premier enfant qui de là en auânt naistroit au Roy Priam, sil estoit produit en nourriture, seroit cause de la totalle destruction de Troye, et de la ruine de ses Pergames : cestadire des murs dicelle. Lors Priam acertené de son meschef, fut plus angoisseux que deuant. Et après longue délibération, conclut auec la Royne sa femme, que attendu les mauuaises destinées prétendues, ce nestoit

(1) Guido Colonna (cf. A. Joly, Benoist de Sainte More, Introduction.

128 ILLVSTRATIONS DE GAVLE, ET

point chose idoine, de nourrir vn tel enfant, ains valoit mieux quil mourust ieune, que par luy aduinst la destruction de son païs, et de ses parens. A quoy la Royne persuadée par paroles, et pour crainte du danger apparent, se consentit iînablement, et promit ainsi le faire.

Venu le temps denfanter, elle feit vn beau filz, selon la response de loracle. Si aduint que ce mesme iour aussi enfanta la femme de Thymetes bastard de Priam, lequel auoit prognostiqué (comme dessus est dit) que certain iour naistroit vn enfant dont Troye periroit. Or feit ladite femme vn filz, lequel Priam commanda estre occis, comme il auoit fait du sien. Et oultreplus, feit aussi tuer la mère, qui fut vne chose inhumaine. Et ne treuue on par escrit, que le Roy Priam commist iamais cruauté, que ceste là. Toutesfois aucuns tiennent, comme met Bocace, au vi. liure de la Généalogie des Dieux, que iceluy Thymetes nestoit point bastard de Priam, mais seulement mary dune femme nommée Arisba, laquelle ledit Roy entretenoit. Quoy que soit, iceluy Thymetes print si grand desplaisir de la mort de son filz et de sa femme, et aussi de ladultere commis en icelle part par Priam, que depuis il conspira auec les autres en la trahison de Troye. Comme met Seruius, sur le comment du tiers liure des Eneïdes. Mais retournons à la Royne Hecuba.

Quand elle veit lenfant quelle auoit fait, si beau, si doux et si débonnaire, ainsi comme mères par naturelle inclination sont piteuses et tendres de leurs enfans, elle mua son propos de le faire mourir. Et non ayant regard au danger futur, postposa (1) la promesse quelle auoit faite au

(1) J. Palsgrave (éd. Génin. p. 608) dit : « / levé asyde. — C'est le plaisir du roy que, toutes aultres choses postposées, cest homme soyt délivré ou condempné. »

Roy. Si le print entre ses bras, et tout pleurant disoit : Las, mon doux cher enfant, que peux tu auoir perpétré en si ieune aage, contre la souueraineté des Dieux, quand ilz tont prédestiné à si raauuaise auenture ? Qui pourroit iamais croire que par toy, qui es si beau et de regard si begnin soit vne fois Troye destruite ? Dont lasse moy, dolente, il ha fallu pour ceste crainte que ie me soye obligée, par promesse et serment inhumain, de te deffaire et absconser en ténèbres mortelles, ains que à peines ayes eu loisir de voir la lumière de vie. Si ne voy en ce cas apparence du monde, de vérité (sauue la paix des Dieux). Car si tu estois bossu, contrefait et monstrueux, il y auroit quelque coniecture de malice en toy. Mais ainsi mayt la Déesse luno Lucina, (qui mha esté propice à mon enfantement) ie ne veis oncques si belle créature. Et en ce disant, les souspirs et les larmes luy entrerompoient la parole.

Alors lune des plus graues et plus anciennes matrones, laquelle estoit dame dhonneur de la Royne, et luy auoit baillé lenfant à tenir, va dire : Madame, posé ores que tu ayes promis au Roy, de le faire destruire, pour le contenter, et pour aucun fol deuinement parauenture que les Prestres en ont peu faire : serois tu pourtant si inhumaine, si cruelle, et si desnaturee, que tu oubliasses la propre nature de mère, la ou tu vois, que les Ourses, les Tygres, les Lyones et les Louues ne le font point : Certes ie ne sauroie croire, que les Dieux toussent tolu ton bon sentement iusques là, pour te faire homicide de ton propre sang. Ne vois tu comme il te rit : Ne considères tu, que cest la substance de tes entrailles : commande tant que tu voudras quil soit occis et mis à mort, tu ne trouueras ame de nous toutes estans icy, qui souffre que tu soyes obeïe en co : non pas si le Roy mesmes le nous comraandoit expresse-

iZO ILLVSTRATIONS DE GAVLE, ET

ment sur noz vies, ainçois le garantirons de toutes noz puissances : et parauenture aussi le fait il pour essayer ta constance et pitié maternelle. lay veu en aucun temps quon me reputoit quelque peu congnoissante en la physiognomie des enfans nouueaux nez, mais si ie ne me mesconte, il est facile à iuger en la face de cestuy, quil est mieux taillé de seruir vne fois la Déesse Venus en matière damours, que le Dieu Mars au fait de ses batailles, ne de faire la guerre si auant, que iusques à destruire ce beau Royaume. Mais encores pour acquiter ta clémence et debonnaireté en tous endroits, ie te diray vn expédient qui se pourra faire. Moymesmes (sans ton commandement de bouche) feray bailler lenfant à nourrir hors de la cité, sans que le Roy en sache rien, et le recommanderay aux Dieux. Et si cest leur plaisir de lappeller en lautre monde, au moins auras tu satisfait au commandement de ton seigneur, sans en auoir ta conscience chargée, ne tes mains polues de son sang. Et sil vit aussi, ce sera à dire que par trait de temps, les destinées auront fait leur cours, et que lors seurement le pourras faire rappeller céans, sans doute daucun inconuenient, à la grand ioye et soûlas du Roy ton espoux.

Ce conseil fut tantost approuué par la commune sentence et ratification de toutes les dames assistantes. Et fut conclu entre elles, quon bailleroit lenfant à nourrir secrètement à lun des pasteurs du Roy qui gardoient les troupeaux au pied des montaignes Idées : comme ces choses sont approuuees et autorisées par Dictis de Crète, en son troisième liure. Adonc la dame dhonneur appella lune des plus féales et plus secrètes femmes de chambre de la Royne. Et en sa présence luy ordonna de prendre vne autre femme de leans auec elle, ensemble vn varlet pour porter celeement et sans bruit lenfant nouueau né dedens son riche berseau en façon

comme si ce fust autre chose, au principal des pasteurs du Roy, lequel elle luy nomma et désigna par certaines enseignes : ce que ladite femme de chambre acompaignee (comme dessus est dit) feit diligemment et par bonne astuce. Or est asauoir, que anciennement l'auoir des Princes consistoit plus en nourriture de bestail, quen or, et en argent : comme il appert des Patriarches Abraham, Loth, lacob, lob, Moyse, le Roy Dauid et autres, dont lancien Testament fait mention.

Quand le bon pasteur Royal et sa femme, desquelz les noms ne sont point recitez par les acteurs, veirent lenfant enuelopé de tant riches acoustremens, ilz le receurent moitié en ioye, moitié en doute : Cestasauoir en ioye, pource quil estoit si beau : et en doute, pource quil leur sembloit venir de trop grand lieu, et ne sauoient comment ilz sen deussent cheuir. Toutesuoyes ilz sapenserent que quelque gentilfemme amoureuse, de l'hostel de la Royne, le pourroit bien auoir emprunté dauantage, ainsi quil auient bien aucunesfois par quelque coup demeschef à lemblee.(l)Si délibérèrent de le nourrir songneusement, comme leurs propres enfans, ainsi que la femme de chambre le leur ordonnoit et recommandoit. A laquelle chose ilz furent de tant plus enclins, comme la souueraine grâce et beauté de lenfant les y esmouuoit, laquelle oultre mesure leur estoit agréable. Et de bien venir, (2) la femme du pasteur estoit nouuellement relouée dun beau filz : Si présenta incontinent la mamelle à l'enfant Royal, et des lors le print en telle amour, quelle délibéra de faire alimenter le sien propre par vne autre nourrisse.

Ce temps pendant la Royne Hecuba auoit ordonné aux

(1) clandestinement. — {^}par bonheur.

132 ILLVSTRATIONS DE GAVLE, ET

autres dames et matrones qui la seruoient en gesine, de tenir ceste chose secrète sur leurs vies, pour doute du Roy : et quelles eussent toutes bonne bouche, (1) quand dauenture le Roy se viendroit enquérir délies quest deuenu lenfant : et elles le feirent tresbien. Car quand ce vint que Priamus le leur demanda, elles eurent toutes incontinent larmes à commandement en grand abondance, comme celles qui feingnoient auoir pitié et horreur, de lordonnance que la Royne auoit fait de loccire. Et le bon Roy voyant leur pleur ne peut oncques contenir le sien, ains se destourna dillec, sans en parler plus auant, et sen alla larmoyant et couurant sa face auec grand force de souspirs, en blasmant la malheureuse fortune du poure enfant, aussi tost mort que né, comme celuy qui cuidoit ainsi auoir esté fait. Si feit par tout courir la voix, que la Royne auoit auorty. Laquelle chose si elle eust esté vraye, et que ses larmes eussent esté iustes alors, cestadire si le Roy Priam neust point esté deceu en ce quil auoit commandé, il eust beaucoup espargné de celles quil respandit depuis en sa triste vieillesse, meslees en son propre sang : Et la mère trop piteuse, nen fust point morte de desespoir et douleur enragée, comme elle feit après. Dont pour la corroboration des choses dessusdites, Euripides poëte Grec, translaté en Latin par Erasme de Roterodam, dit en la Tragédie d'Iphigenia, et en la personne dicelle, par manière de condoléance :

Proh proh tectœ niuibus rupes,

Atque Idsei Phrjgise montes,

In quos olim Priamus tenerum

Pater infantem exposuit, matre

Procul amotum, vti morte periret Paridem, etc.

(1) être bien stylées.

SINGVLARITEZ DE TROYË. LIVRE I. 153