CHAPITRE XXI

De la première imposition et etymologie du nom de lenfant Paris, filz de Priam et de Hecuba. De la ' progression de son enfance, auec description locale, du territoire de Troas, en la région de la basse Phrygie. Des montaignes Idées, des fleuues Simois et Scamander : De la situation de Troye et de Cebrine : et des esbatemens iuueniles, et exercitations de lenfant Paris, qui furent de grand louenge, auec plusieurs incidens seruans à la louenge de Troye.

La femme de chambre assez sage et discrette, laquelle au partir neut pas loisir de sauoir comment il plaisoit à la Royne que lenfant fust nommé, auoit (de son propre mouuement et autorité, et selon lauenture de lenfant) commandé au Pasteur quil lappellast Paris : c'estadire, passant. Car parimi (1) en Grec, signifie en François, ie passe. Ainsi que met Vbertin sur le comment de lepistre de Paris à Heleine. Et pource que lenfant auoit passé lauenture de la mort, elle luy feit donner le nom de Paris, combien que aucuns y assignent autre interprétation. Or fut il nourry pastoralement es bordes champestres des bergers. Et par trait de temps deuint grandet, tant quil pouuoit aller, et commençoit à parler. Sa nourrice, il lappelloit sa mère, et le mary délie son père, et leurs enfans ses frères et sœurs, non sachant auoir parens de plus grand sorte. Les enfans des autres bergers estoient ses cousins et ses compaignons.

(1) nàpufit.

i34 ILLVSTR AXIONS DE GAVLE, ET

Plus venoit en auant, et plus croissoit en beauté singulière. Et auec ce, estoit doux, plaisant, et débonnaire à merueilles : parquoy il estoit aymé parfaitement non sans plus de ceux qui le nourrissoient, mais aussi de tous ceux qui le veoyent et congnoissoient.

Passé laage denfance qui de soymesmes est imbecille, et venu en puérilité laquelle est vn peu plus ferme. Nature laquelle il auoit sortie bonne et bénigne au ventre Royal de sa mère, luy administroit agilité et force correspondante à sa beauté. Si commença à aller aux champs garder les bestes, auec ses frères et compaignons. Et pource quil estoit sanguin, (1) ingénieux et bien complexionné, tout ce quil veoit faire aux autres il lapprenoit de léger, voire et en brief les surmonta, aumoins ceux de son aage, fust à ietter la pierre k la main, et à la fronde, à tirer la boule, à luitter, à courir, à saillir, ou à noer, aussi à sonner cors, chalemeaux, harpes, reberbes, (2) et musettes pastorales. Et souuerainement à tirer de lare, au plus loing et au plus droit, à cheuaucher et dompter chenaux. Et aussi il fut quelque peu instruit en lecture et en escriture.

Brief à tous les ieux, esbatemens et doctrines ausquelz les petits ieunes bergerets sont introduits, et ont accoustumé de faire, il y estoit propre, ardant et esueillé. Et non content de seiour, (3) quand il pouuoit auoir licence de ses parens putatifz, tousiours estoit inuenteur de quelque nouuelle emprise, consonant à lestude des bergers : en esmouuant ses frères et compaignons ou à aller cueillir les houx piquans en la forest, pour faire du gluy à prendre

(1) vif, en anglais sanguine (Palsgrave, p. 265).

(2) rebecz (éd. 1528).

(3) c.-à-d., délai, repos; mais l'ëd. 1512 porte : de ce jour.

les petis oiselets ramages, (1) vestuz de diuerses couleurs de plume ttes, ou à tistre fîletz pour les deceuoir en chantant, ou faire cages pour les garder et nourrir. Aucunesfois luy et eux grimpoient sur les hauts arbres pour desnicher les pies, les chauuettes, les iays et les coquus. Ou ilz alloient tout coyement parmj les humbles buissonnets chercher les nyz des chardonnetz et des lynottes. Ou autresfois ilz surmontoient les dangereux rochers aguz et mal rabotez, pour trouuer les gistes (2) et tanières des escuireaux faitiz, des belles martres, des fouynes, ienettes, (3) hérissons, et blanches herminettes, et emportoient leurs faons auec eux. Et pour ce faire, sans precogiter les dangers des autres cruelles bestes sauuages de la montaigne (car tel aage est tousjours aueugle et inconsidéré) Paris sauenturoit le premier à descendre dedens les parfondes cauernes des hautes forestz. Autresfois il montoit légèrement sur les fructueux arbres en la saison, et iettoit à ses compaignons des rouges cerisettes, mesples, sorbes, cornilles, franches meures, chastaignes, caroubes, pignolles, noisettes, et maintes autres sortes de fruits agrestes dont la région abonde : et puis il les menoit baigner au fleuue Xanthus, autrement appelle Scamander, lequel court aual la prairie tout du long de la valee. Mais à fin que Ihistoire soit mieux entendue, nous declairerons (4) icy la situation dudit fleuue, et de la montaigne Ida, et denionstrerons à lœil, lassiette de la grand cité de Troye, et du païs circonuoisin : lequel est en Asie la moindre, quon dit maintenant Natalie ou Turquie.

(1) sauvages ; cf, chant, ramage dans Marot.

(2) gestes (éd. 1512). gystes (ëd. 1528].

(3) genette, espèce de fouine.

(4) nous déclarons et demonstrons (éd. 1512).

136 ILLVSTRATIONS DE GAVLE, ET

Le territoire de la région de Troas en Phrygie, est assis sur la mer Hellesponte, laquelle se nomme à présent le bras saint George, et sépare Asie dauec Europe, est en partie montueux, et en partie planier, comme met Strabo en sa géographie. Les montaignes sappellent Idées, tresnoblés, et tresrenommees par les poètes et historiens, dont la plus eminente sappelle Gargarus, et estoient anciennement dédiées à lupiter. Or lesdites montaignes Idées de Phrygie sont fort fertiles et de grand estendue, plaisantes au regard, bien garnies des (1) herbages et pasturages, et toutes reuestues de hautes forestz, comme tesmoigne Homère en maints lieux de son Iliade. Si occupent lesdits monts vne grand contrée tout du long de la Marine dun costé, et vontfineràla prouince de Mysie. Et estoient pour lors toutes habitées et peuplées de gens, villes et citez, tant au pied comme au sommet dicelles. Lesquelles appartenoient pour la plus part aux enfans de Priam, Anchises et Antenor. Et es lieux ou lesdites montaignes sont plus vmbrageuses de Pins et de Chesnes, elles sont bien fournies de sauuagine. (2) Et en tous endroits dicelles sourdent fontaines et ruisseaux en grand abondance : comme met Strabo recitant les vers d'Homère :

Venimus in plenam venatu et fontibus Idam.

Plusieurs fleuues aussi saillent dicelles, dont il en y ha deux plus renommez : lun sappelle Xanthus ou Scamander, et lautre Simois. Lesquelz sortans de diuers lieux et endroits desdites montaignes, et loing lun de lautre, se vien

(1) de (éd. 1512).

(2) bêtee fauves.

nent fînablement rencontrer en la plaine de Troje, laquelle ha grand et plantureux espace entre la mer, et les monts. Et en icelle planure estoit assis le chef de tout le Royaume, le noble Ilion, la grand cité de Troye, à mille et cinq cens pas de la mer, comme met Pline au cinquième liure de Ihistoire Naturelle, en lieu amené et fertile, autant quon sauroit souhaiter. Et aussi en ladite plaine furent faites toutes les batailles merueilleuses dentre les Grecz et les Troyens, durant le siège. Et rougist souuentesfois le fleuue Xanthus, du sang des occis : et fut vne fois si plein de corps, quil en surmonta ses riues, et sespardit parmy la champaigne, comme met Homère, au xxi. de l'Iliade.

Or après que iceux deux fleuues ont meslé leurs vndes ensemble, Simois perd son nom, et Xanthus demeure vainqueur, et passe parmy la cité de Troye faisant vn lac au dessouz dicelle, entre la cité et la mer. A cause que ledit fleuue ameine des montaignes grand sablon, et estouppe les bouques par ou il entre en la mer : Lequel lac ou palu sappelle Palescamander, comme met Strabo. Et va finablement tomber en la mer Hellesponte, assez près de la ville et port de Sigee, ou depuis Achilles eut sa sépulture. Iceluy port de Sigee, se nomme ainsi pour le silence du petit Hercules, auquel le Roy Laomedon dénia ledit port, dont Hercules mal content, dissimula liniure et sen teust, sans vser de menasses : mais puis il retourna, et sen vengea durement. Laditte ville de Sigee estoit le port, haure et station de toutes nauires et fustes (1) marchandes, venans à Troye. Et illec faisoit le Roy Priam armer et esquipper ses naux de guerre, quand il entreprenoit aucune chose.

Parquoy il appert, que pour lopportunité du lieu, et

(l) Cf. Ducange yo /îf5^«.

ILLVSTRATIONS DE GAVLE, ET

pour lamenité de la situation, on ne sauroit souhaiter plus beau ne meilleur que celuy là ou Troye estoit assise et édifiée royalement. Et pource se glorifioient ceux du païs, tant tant pour la béatitude du lieu, comme pour la somptuosité des édifices : disans que les puissans Dieux Neptunus et Apolio, auoient de leurs propres mains construit leurs Pergames : cestadire, les murs de la cité de Troye : desquelz auiourdhuy on ne voit plus rien, sinon quelque peu de vieilles ruines. Et encores suis ie dopinion, que ce nest point du re manant de la destruction faite par les Grecz, mais plustost des reedifications, qui depuis y ont esté faites. Car Alexandre le Grand, Roy de Macedone, et monarque du monde, en faneur des vertuz d'Hector, la feit reedifier, comme tes qi oigne Strabo en sa Géographie. Depuis elle fut derechef destruite par Fimbria questeur Rommain, du temps de Mithridates Roy de Ponte : Cestasauoir enuiron lxix. ans douant lincarnation nostre Seigneur : comme met laques de Bergame, en son Supplément des chroniques. Et puis elle vint es mains de Sylla, lequel repara la cité, et consola Ips Iliens ou Troyens de beaucoup de bénéfices. Et depuis aussi Iulius César monarque des Rommains, print la cure et la solicitude de ladite cité, et leur donna plusieurs grans priuileges. Et ce feit il, tant pour ensuiure la magnificence d'Alexandre le grand, duquel il estoit studieux imitateur, comme pource quil estoit descendu en droite ligne d'Eneas Troyen. Mais tout cela nha point eu de durée tesmoing Lucan, qui dit :

Ac tôt a teguntur

Pergama dumetis, etiam periere ruinée.

Icy ha assez couleur et matière pour seruir à lenhort et

admonestement de noz Princes Troyens : cestadire Chrestiens, à ce que par efFect ilz désirassent et sefforçassent de recouurer leur patrimoine héréditaire d'Asie la Mineur, quon dit maintenant Natalie ou Turquie : et daller voir le païs Natal, iadis du grand Roy Priam de Troye, et du Prince Hector, qui furent les vrays sourgeons de toute noblesse : et reuerender leurs tombeaux, à lexemple de plusieurs puissans Princes, lesquelz ont fait le semblable : Si comme Xerxes, le grand Roy des Persans, lequel ains quil passast son armée en Grèce, voulut contenter son regard du noble territoire de Troye : Monta sur les murailles ruineuses pour spéculer toute la pourprise à lenuiron, en laquelle tant de hauts et excellens hommes auoient autresfois exercé leurs prouesses merueilleuses. Puis après sacrifia auec ses Princes et satrapes, mille bœufs à la Déesse Minerue, en Ihonneur et reuerence diceux vaillans hommes trespassez, comme met Hérodote au sixième liure de son histoire.

Pareillement Alexandre de Macedone, allant en ses conquestes d'Asie, voulut voir la sépulture d'Hector : Et lors esmu et stimulé de la gloire Hector ienne, publiée et esclarcie par le poëte Homère, sescria hautement : 0 fortunate adolescens, quem talis tuha decantauit. Et depuis retournant dune grand victoire offrit plusieurs riches dons en vn temple de Pallas, lequel estoit situé au mesmes lieu ou fut iadis le palais de Priara. Et en oultre, ledit Roy Alexandre remit sus la cité d'Ilion, comme met Pape Pie (1) en la description d'Asie.

Iulius César aussi, après la bataille mémorable des champs Pharsaliques, se tira oultre la mer Hellesponte en Phrygie :

(1) Pie II (^aeas Sylvius Piccolomini).

140 ILLVSTRATIONS DE GAVLE, ET

Et par grand curiosité, auec reuerence et admiration, visita les glorieuses antiquitez de Troye, comme recite Lucan en son IX. liure. Si dressa ledit César vn autel, auprès de la tumbe d'Hector, feit illecques sacrifice solennel. Et pource quil estoit du sang Trojen, promit et voua lors, de faire reedifier et repeupler la cité de Troye, par les Rommains. Ce quil meit depuis à efFect, comme met Strabo au xiii. liure de sa Géographie.

Nous lisons oultreplus en la description d'Europe, faite par le dessusnommé Pape Pie, que quand lempereur Constantin le grand, eut prins sa délibération de céder Romme au Pape saint Syluestre, et transporter le siège de lempire Rommain sur les marches d'Orient, il choisit sur tous les lieux du monde la tresrenommee région de Troye. Et de fait, en la mesmes champaigne ou les Grecz plantèrent leur siège, il commença les fondemens dune tresgrande cité. Mais après ce que par vision nocturne il fut admonnesté daller ailleurs, retourna arrière, en Grèce : et au lieu quon disoit iadis Byzance, fonda la iadis tresflorissante (et maintenant tresmiserable) cité de Constantinoble. Or retournons maintenant à la description de nostre territoire de Troye.

Au pied desdites montaignes Idées, à costé dextre, et à quatre ou cinq lieiies de Troye, selon ce quon peult coniecturer par les dits de Strabo, y auoit vne bonne ville, nommée Cebrinia, située en la belle plaine sur le fleuue Xanthus ou Scamander, qui sépare la marche Cebrinoise dauec le territoire des Sepsiens qui sont delà le fleuue, tirant en la montaigne, comme met celuy Strabo au xiii. liure de sa Géographie. Et semble vouloir, que ladite cité et contrée de Cebrine fust subiette pour lors à Hector aisnë filz de Priam. Laquelle chose est assez vraysemblable, veu quil dit aussi que la région prochaine nommée Dardanie, estoit

du domaine d'Eneas filz d'Anchises, et des enfans d'Antenor, ainsi que par tiltre dappennage. Aussi dit iceluy Strabo en ce mesme passage, que lun des bastards de Priam estoit appelle Cebrion, et auoit prins sa dénomination de ladite cité de Cebrine, ou de la marche circoniacente. Par lesquelles choses on peult imaginer, que parauenture la mère dudit Cebrion estoit de Cebrine, et aussi que le Roy Priam luy auoit assigné aucun estât et entretenement audit lieu de Cebrine, du vouloir et consentement d'Hector qui en auoit le tiltre, et lusufruit. Car Hector aymoit fort ledit Cebrion pour sa vaillance. Tellement que iceluy Cebrion le seruoit communément daurigateur, cestadire de conduire ses chenaux et son chariot, quand il alloit en bataille, comme met Homère au viii. de llliade. Or combatoient ilz en ce temps là sur chariotz, comme sera dit plus amplement cy après. Par ainsi il faut conclure, que Hector et son frère bastard Cebrion, souz luy auoient totale prééminence en la cité et marche Cebrinoise. Et à ce nous arresterons nous, car il seruira cy après. Ainsi en icelle contrée, pource quelle est grasse et herbue et bien fertile sur le riuage de deçà le fleuue se tenoient la plus part du temps les pasteurs gardans les troupeaux du Roy. Et quand leur pasturage estoit failli en la valee, ilz montoient en la montaigne.

Or pour reuenir à lenfant Paris et à ses compaignons (comme dit est) ilz se baignoient souuentesfois au fleuue Xanthus, dit Scamander, et le trauersoient à no : ou ilz se plongeoient dedens nageans entre deux eaues : et peschoient au long des riuages les escreuicettes fourchues et rétrogradantes. Puis après Parisse mettoit à luy ter tout nud auec les plus forts sur Iherbe verde, ou à tenir le pas quon appelle le croc madame, (1) ou faisoit partie aux barres, au bricoteau (2)

(1) croc et hanche (Littré).

(2) bricotiaih bilbotiaU) en rouchi = jeu de palet.

142 ILLVSTRATIONS DE GAVLE, ET

et à la paulme. Aucunesfois cueilloit des cannes longues et des grans roseaux : puis comme capitaine diuisoit ses gens par bendes, et les faisoit marcher les vns vers les autres à grand criz et huées, à manière dune iouste ou tournoy. Autresfois luy et eux sessayoient à faire soubressauts, et plusieurs tours de soupplesse. Ou ilz sailloient hayes et fossez, et couroient qui mieux mieux, du long de lapree. Alors les belles Nymphes et les Fées du païs Cebrinois descendoient de leurs montaignes, vuidoient hors de leurs fleuues et fontaines, abandonnoient leurs forestz et bocages, et leurs diuers repaires pour venir voir la grand beauté de Paris. Si le monstroient lune à lautre, par admiration. Car il estoit blanc comme le noyau de la noix, et auoit les cheueux dorez, crespes et recercelans. Les membres pleins, bien faits et bien tournez, selon son aage, et nestoit rien si beau en ce monde. Et pource conspiroient elles aucunesfois, si elles eussent osé, ou si elles leussent trouué seul, de le rauir et emmener auec elles : comme les Nymphes du païs prochain de Mysie auoient autresfois rauy le bel enfant Hylas mignon d'Hercules, allant à la fontaine : et la Fee nommée Salmacis, laquelle iadis auoit par force ioint auecques elle le iouuenceau Hermaphroditus, qui se baignoit en sa fontaine. Paris et ses compaignons voyoient bien lesdites gracieuses Nymphes et Fées parmy les saulx, les arbres et les buissonnets, mais ilz nen osoient faire semblant, ne les araisonner aucunement : pource quilz estoient surprins de iuuenile honte : et pource aussi quil leur sembloit que cestoient Demy déesses.

En tous les esbats dessusdits, lenfant Paris demouroit le plus souuent maistre et vainqueur, et emportoit le prys par dessus ses compaignons. Lesquelz neantmoins nen prenoient aucune hayne, despit ou enuie contre luy. Car il

auoit ceste grâce et douceur, que quelque chose quil feist, combien quil feist mieux que les autres, si nen prenoit il aucune fierté, insolence, arrogance ne maistrise sur eux, ains les excusoit quand il leur mescheoit de faillir ou estre vaincu z, et souuent leur en donnoit le los, le prys et Ihonneur. Et par ce moyen il gagnoit si fort leur amour, quilz ne labandonnoient iamais : et lappelloient leur Roy et leur Capitaine. Si le tenoient pour leur Demydieu : ne ilz nauoient ne bien ne ioye, silz nestoient en sa compaignie. Et quand dauenture il sourdoit quelque petit débat, ou question entre eux, ilz len faisoient communément iuge et arbitre. Et il auoit si grand sagacité dy mettre tousiours bon appointement, que lune ne lautre partie ne trouuoit iamais occasion de se mescontenter. Par ce moyen il print Je nom et bruit de bien iuger et iustement de toutes choses. Et pource selon aucuns fut il appelle Paris, cestadire mettant parité et accord entre les parties ; combien que ie croy mieux que son nom prend et reçoit plus tost etymologie Grecque, comme dessus est dit.

Les autres bergers du-^Roy, pères et parens des compaignons de Paris, voyans la beauté diceluy, ses mœurs et ses inclinations si bien conditionnées, ne cessoient de le louer ; et disoient souuent par ieu, au pasteur qui le nourrissoit, que vrayement Paris nestoit point sien, et que sa femme lauoit emprunté ailleurs : car il ne resembloit en rien les autres. Et le bon homme sen prenoit à rire, et sa femme aussi, bien ioyeuse douyr ses louenges : car elle laymoit mieux que les siens propres. Et en ce poinct Paris passa son enfance, sans ce que la Royne Hecuba sa mère le veist oncques. Mais bien sauoit elle tousiours par gens interposites de son estre et de son portement : sans toutesuoyes en oser faire aucun semblant du monde : car elle crain-

144 ILLVSTRATIONS DEMÎAVLE, ET

gnoit trop doffenser le Roy son seigneur. Neantmoins elle proposa bien à par elle de trouuer quelque fois manière quand il seroit grand, de le faire reuenir à Ihostel. Et ce à son grand dommage, et destruction finale, comme plus à plein sera déduit cy après.