CHAPITRE XXII
Recitation des actes louables de ladolescence de Paris, et de ses iuueniles exercices en la vie pastorale. Et comment lancien pasteur Royal, son père putatif, linstruisoit sagement en la noble art et pratique de bergerie et dagriculture.
Le temps coulé si légèrement quon ne sen donna garde, que le noble enfant Paris commença à approcher laage dadolescence : Cestasauoir, quatorze ou quinze ans : auquel temps dame Venus iointe auecques nature, commença à faire sentir ses ardantes estincelles. Mais pource quil passoit son temps en tous bons exercices et œuures labourieuses, il ne luy challoit destre amoureux, combien quil y veist assez de ses compaignons occupez, et que maintes bergerettes ses -s^oisines fussent attaintes de son amour, et luy feissent beaucoup de familiarité, et de beaux semblans : en le requérant et semonnant souuentesfois de chanter auec elles, dancer au viroly, (1) ou iouer de la harpe, ou faire quelque autre esbatement : mais Paris sen passoit de léger : et neantmoins en toute gracieuseté leur vouloit complaire. Or deuenoit il fort et robuste à merueilles, de bonne taille, ample corpulence, et large croisure, et prenoit tousiours
(i) Ducange v. ViroU ; dânae en rond, surtout à la St-Nicolas. Virelai désigne quelquefois une ancienne danse de chasse ou Tair de cette danse.
l46 ILLVSTRATIONS DE GAVLE, ET
accroissement, autant en puissance et vigueur, comme en beauté corporelle. Si sesuertuoit à toutes bonnes choses sans estre nullement oiseux : Cestasauoir à charpenter logettes ou maisonnettes, quon appelle Bordes portables, qui sont de fust, assises sur quatre roues pour les mener là ou onveult. Et sont les habitacles des bergers aux champs, depuis Printemps iusques en la fin d'Autonne. Autresfois il semployoit à faire clayes de verges et gaules, entrelassees ensemble par industrie, pour clorre les parcs des ouailles : ou à tistre paniers dosiere et fîscelles de ionc, pour former les molz froumages : et autres semblables choses, desquelles il faisoit présent à sa mère putatiue.
le diray icy par manière dincident, quil me semble en ce cas auoir grand matière de rire : considérant les faits ridicules de Fortune la diuerse. Laquelle pour demonstrer combien grande est sa puissance trop licentiee, se ioue orendroit à faire occuper le filz du plus grand Roy d*Asie en telz poures négoces pastoraux, et le tient encores couuert en poureté (non ignoble toutesuoyes, mais assez libérale) pour le manifester cy après quand son plaisir sera : A fin quil soit instrument de la destruction du règne paternel. 0 cruelle moqueresse du genre humain ! 0 faulse détestable belue ! Cest exemple suffit assez, pour auoir congnoissance pleniere de ta mobilité redoutable, et malicieuse eautelle.
Ainsi passoit son temps le iouuenceau Paris, ignorant les hautes fortunes aduenir : et apprenoit lart et mestier de bergerie, souz le bon pasteur son père putatif. Lequel ayant les cheueux tous blancz, et la barbe meslee de vénérable vieillesse, aucunesfois les leurs de feste se reposoit en lombre dun tilleul ou dun ormel bien large et bien fueillu, auec les autres bons hommes ses voisins : et faisoit asseoir
SINGVLARITËZ DE TROYË. LIVRE I. 147
deuant luy, et alentour ses enfans, ses neueux et le beau Paris : Et comme le bon précepteur en vne escole enseigne ses disciples, il leur lisoit debonnairement vne leçon de sa science Ruralle, et ilz lescoutoient songneusement : Si disoit en ceste manière,
Mes chers enfans, ma douce nourriture, puis que ainsi est que la prouidence et bonté du Dieu Pan, et de la grand Déesse Pales, nous ont appelle en ceste vocation pastorale, tant noble et tant honnoree, cest bien raison que non seulement nous mettons peine à lexercer deiiement, mais aussi que nous labourons, à ce que noz postérieurs la maintiennent en sa dignité : lay bien osé dire dignité tout à essient : et encores quand iauroye dit maiesté, nul ne men saur oit reprendre. Car ie soustiens, que ce labeur cy nest pas seulement Royal, mais plustost vne occupation deïfique. Et quil soit vray, vous deuez sauoir que iadis le Dieu Apollo mesmes garda les bestes du Roy Admetus de Thessale, par lespace de neuf ans. Et Anchises, qui est auiourdhuy lun des plus puissans Princes de ce Royaume, exerça long temps ce tresnoble mestier sur le fleuue Simois qui nest pas loing dicy. Et se y porta tellement, que la Déesse Venus daigna bien sacointer de luy, tant quil engendra en elle le fort Eneas, gendre du Roy Priam. Et encores du temps présent, cest la manière de plusieurs nations prochaines et loingtaines, quelles eslisent leurs Roys et leurs gouuerneurs de telz gens que vous estes : Pource quil leur semble quil nest point de plus libérale entremise, de plus iuste acquest, ne de plus parfaite générosité, que de pastourerie.
Vous donques qui estes tous pasteurs Royaux, et dignes destre Roys à vn besoing, perseuerez en vostre affection courageuse à ceste doctrine. Et quant hautesse de cœur ne vous y esmouuroit, à tout le moins vous y doit tirer le
proufit qui en vient. Et fait à considérer, que la reuenue et lutilité est si grande et si fertile, quil nen est point de semblable. Car à fin que ie me taise de plusieurs autres menuz proufits, tout premier la culture des Dieux vous en est plus facile, moins coustengeuse, et à eux plus agréable. Car des meilleurs et plus beaux aigneletz que vous prenez en voz mesmes troupeaux, sans les emprunter dailleurs, vous en fait sacrifice agréable , et offrande légitime aux Dieux supérieurs et inférieurs. Et de voz ouailles, moutons et brebis prenez vne fois lan la laine, et la tonsure, dont on fait la fine draperie : laquelle par noble artifice reçoit teinture de maintes riches et diuerses couleurs. Si comme descarlate, de migraine, de pourpre et de cramoisy. Et se peult tistre et figurer variablement, auecques le fin or traict, dont puis après voz Roys, voz Princes et Princesses, et voz souuerains Prestres se vestent et se décorent : mieux que de soje, qui nest que fiente de vermine. Et les somptueuses tapisseries qui sont faites de la laine de voz bestes, aornent les murs des Temples diuins, et les parois des palais Royaux. Oultreplus, des peaux de voz ouailles à tout leurs toisons espesses et drues, vous ne vous pouuez bonnement passer. Car elles vous arment contre la froidure yuernalle. Et aucunesfois en faites voz liz et couuertoires pour euiter la malice et la durté de la terre. De la chair et des entrailles, nostre syre le Roy et la Royne auec noz Seigneurs leurs nobles enfans, et généralement tous les citoyens de Troye, en prennent vigoureuse substance, et alimentation nécessaire. Et nous mesmes en sommes refectionnez. Et consequutiuement toutes autres choses partans de voz bestes à laine, sont pleines de bien, de proufit et de remède : depuis la moindre iusques à la plus grande. Ce sont les proufits de voz bestes lanigères : lesquelles lu-
piter le souuerain des Dieux ha tant voulu honnorer, quen son temple d'Aphrique il se fait adorer en forme dun mouton cornu. Et la noble conqueste de lason en Colchos, prend son fondement dun mouton à la toison dor, qui resplend maintenant au ciel, faisant lun des douze signes du Zodiaque. Pareillement tous autres foucqz (1) et troupeaux de voz autres bestes bouuines et cheualines sont de grand vtilité et reuenu, et bien agréables aux Dieux immortelz : excepté les boucz puans, et les cheures gayes et lasciues : qui sont haïes du Dieu Bachus et la Déesse Miner ue, pource quelles broutent et gastent de leurs dens outrageux les vignes et les oliviers. Or donques mes chers et bien aymez enfans, si nostre estât de bergerie, ainsi comme ie dis, est totallement fondé sur honneur et sur proufit (dont lun ne peult estre sans lautre) honnorez le, et il vous proufitera. Et imaginez que vostre manière de viure, nest autre chose fors le vray exemplaire dun Royaume, et vne espèce de régime politique dune chose publique. Certes mon filz Paris, quand ie te voy aller aux champs au mylieu de tes frères et compaignons le plus haut et le plus eminent de tous, tu me semblés représenter, et me souuient lors de la noble personne du Prince Hector enuironné de ses frères et de sa baronnie, quand ilz marchent ensemble armez aux behours et tournoyemens. Car les fers de voz lances, qui sont voz houlettes cleres et bien aguisees aux grosses hantes de mesplier, tresluisent au soleil tant que mes yeux en esblouissent. Voz blancz rochetz de cotonine, ou de belle toille, resemblent cuirasses polies. On oyt de loing le cliquetis de voz harnois, ce sont voz boitelettes, voz coutelets, voz ciseaux, voz estuyts dalesnes et deguilles : et aussi voz
(1) autrefois /o/c, troupe.
150 ILLVSTRATIONS DE GAVLE, ET
fouets et corgies, et voz riches panetières bien garnies qui pendent à voz belles ceintures. On se resueille au son de voz cleres trompettes, ce sont voz flattes, voz douçaines, (1) et voz ioyeuses musettes. On prise voz guides et hérauts : ce sont voz moutons sonnailliers, lesquelz en lieu de cottes darmes ne portent sinon leurs toisons houssues et vne clochette de bonne resonnance. On estime aussi voz gardes, voz descoureurs, et auantcoureurs : ce sont voz chiens loyaux et bien abayans, armez de gros coliers cramponnez de pointes de fer, sur les platines, fermans à belles charnières. Et puis on regarde par admiration le nombre innumerable de vostre grosse armée : Ce sont voz ouailles, voz moutons, voz brebis, voz aigneaux, et voz cheures, voz veaux, voz bœufz, et voz toreaux, qui sont diuisez par esquadres, bondes et compaignies, cestadire par foucqz et par troupeaux. Dont lune partie fait lauangarde, lautre larrieregarde, et lautre la bataille. Et vous comme bons capitaines et conducteurs de guerre, auez lœil veillant par dessus tout, à fin que les ennemis, cestasauoir les loups, les leucerues, les leopars, les lyons, et les ours de la montaigne, et aussi les fueillars et larrons nocturnes, nentament voz esles, et vous fassent dommage. Ainsi triomphe paisiblement vostre noble exercite, et vous en acquérez louenge et gloire. Mais comme les Princes et bons gensdarmes se gardent dentrer en bataille, ains quil ayent eu response des oracles des Dieux, ou des Prophètes astrologues et vaticinateurs : aussi ne vous deuez vous aduenturer de vuider hors de voz repaires et herbegeries, (2) ny aussi seiournerenicelles, si vous nestes premièrement certiorez de la tempeste ou sérénité
(1) douceine, doulcemer, ap. Ducange v» Dulciana.
(2) herbegeriercs (é(J. 1512), herbergeries (éd. 1528).
SINGVLABITEZ D£ TROYE. LIVRE I. 151
future, par consultation faite auec voz propres deuins et augures familiers. Entre lesquelz les Estourneaux, le Héron et FAronde diuersement volans, ou desiouchans de leur siège et pasture, vous sont bien propices. Si les deuez songneusement entendre et considérer. Et aussi le sifflement du Huas, quon dit Mylan ou Escouffle, le tonnement du Butor, le iargon du Pyuert, le caquet de la Pie, le cry de la Corneille, et le maintien de la Verdiere. Mais encores nauez vous point de plus vray prognostiqueur, que vostre mouton débonnaire , nommé sonnaillier, ou clocheman, lequel vous deuez assoter par mignotise, et souuent luy offrir du pain. Car au moyen de sa bonne nature, il vous donra tousiours certaines enseignes du beau temps ou de la pluye aduenir. Encores deuez vous tant sauoir de philosophie naturelle, que vous ayez notice de la qualité de tous les vents, procedans des quatres parties du monde ; Cestasauoir Orientale, Occidentale, Méridionale et Septentrionale : Dont les vns sont enclins à causer niebles pluuiales, et coruscations tempestueuses : Et les autres à clarifier la région aërine. Les aucuns tendent à chaleur, les autres à froideur, et les autres à attrempance. Laquelle différente congnoissance vous est souverainement nécessaire en toutes les saisons de lan. Ainsi sermonnoit au ieune Paris et à ses autres enfans, le bon vieillard plein daffection beniuole, en les encourageant à ce noble labeur : et oultre ce leur enseignoit les signes et les remèdes de diuerses maladies qui molestent et malmainent les bestes de toutes espèces. Et principalement leur monstroit comment ilz deu oient fuyr le pasturage des mauuaises et venimeuses herbes ameres et dangereuses. Et en oultre le bon pasteur Royal tresexpert en tout art dagriculture et de labourage, informoit ses enfans de la conduite et nourrissement de toutes autres bestes
152 ILLVSTRATIONS DE GAVLE, ET
bouines, cheualines, asinines,pourcelines et camelines, esquelz consiste la grand richesse de lestât pastoral. Et mesmement leur deuisoit plaisamment de la nature et propriété des raouchettes industrieuses : et de la manière de les preseruer de tous inconueniens dedens leurs ruches et catoires. (1) Esquelles de la substance des flourettes champestres, elles amassent vn grand trésor de miel et de cire. Ou à fin quilz ne ignorassent rien de ce que bons bergers, et agricoles doiuent sauoir, il leur monstroit à cultiuer iardinages, et y planter, enter, et greffer diuerses espèces darbres, tant fructueux, comme voluptueux : cestadire dont on recueille aucun proufit, ou délectation. Et par ainsi à tout conclure, il designoit, que le vray pasteur Royal en toute perfection ne doit auoir seulement la figure et représentation dun Roy, à cause quil régit les troupeaux : ou dun Prince, pource quil est le premier : ou dun Capitaine, entant quil est le chef de ses ouailles : mais aussi doit estre philosophe, cestadire amateur de sapience : et médecin. Car cest son office de curer les vices de ses bestes, et les entretenir en santé. Et père de famille, car sa charge est de pourueoir à ce que rien ne leur faille. Et laboureur, pource quil ne doit iamais estre oiseux. Et hortolan, car il doit discerner le bon plantage arrière (2) du mauuais, attendu quil est disciple de Minerue la prudente Déesse, qui planta premièrement la fructueuse oliue.
(1) ea rouchi, panier pour les abeilles.
(2) à part, en dehors, à côté, de côté.
il»
