CHAPITRE XXIII

Des autres labeurs et occupations gentiles de lenfant Paris : mesmement à la grosse chasse. Et de la première vaillance quil feit en recouurant son bestail, contre vne manière de gens appeliez Scepsiens, qui est illec spécifiée. Et du grand les quil acquit à ceste cause, auec le surnom d'Alexandre.

Les iovrs de feste et de repos que le noble enfant Paris ne vaquoit aux actes dagriculture et de pastourerie dessus mentionnées, il alloit en la montaigne cueillir les bons ifz, pour faire des arcs à luy et à ses compai gnons, et du fresne pour faire dards et flesches : et des plumes de cygnes et des oyes sauuages^ quil tuoit sur le fleuue Scamander, il en faisoit les empenons. Et auoit lindustrie de les sauoir tourner, polir, coler et neruer, mieux que nul autre. Et quand il auenoit dauenture que quelque beste (1) affamée viuant de proye, descendoit de la montaigne, pour faire son effort dassaillir autour des parcs aucunes bestes de la bergerie, cestoit tousiours le premier qui les reboutoit et persecutoit à force de dards et de flesches. Si luy print courage de sessayer à plus grands choses : cestasauoir, aller chercher icelles criminelles bestes en leurs repaires mesmes : laquelle chose nestoit pas de petite difficulté. Si en prenoit il ainsi grand enuie, pource quil lauoit veu faire aux autres plus aagez de luy. (2)

(1) heste, supprimé en éd. 1512.

(2; que luy (éd. 1528).

154 ILLVSTRATIONS DE GAVLE, ET

Admonnestant donques ses frères et compaignons de semployer à ce déduit, par instinct de noble nature, il estoit tousiours le premier et le plus prest à leur monstrer le chemin. Et entreprenoit à chasser, non seulement les bieures aquatiques, les conilz terrestres, les Heures craintifz, les dains légers, les chamois bien saillans, les cheureux habiles, (l)les cerfz cornuz, les porcz espicz armez de nature, les renards fins et rusez : mais aussi les chats saunages, dangereux de longle, les léopards tresapres, les bouquestains impétueux, les rengiers (2) bien cheuillez, les sengliers rudes et fort dentez , les panthères diuerses, les tigres redoutables, les loups familleux, les terribles loups ceruiers, les fiers Ijons, et les cruelz ours. Ses compaignons auoient la charge des limiers, des leuriers, des brachetz, des allans, des chiens courans, et des mastins : et aussi des toilles, des hayes, des huées et des fumées, et autres ofifices de chasse. Et il auoit le cor pendu en escharpe, pour sonner les mots qui seroient nécessaires. Lare turquois en main, et le carquois au costé, pour tirer aux bestes quon ne pourroit auoir à course de chiens, ou de gens. Aucunesfois lespieu trenchant sur lespaule, et les dards affilez en la dextre, pour aconsuiure, retenir, et enferrer toutes bestes rousses et noires, légères et orguilleuses. Et tellement exploitoit, quil ne luy venoit beste au deuant, quelque horrible ou merueilleuse quelle fust, quil nattendist hardiment sans frayeur, ou quil ne rataingnist du pied ou du dard, et quil ne desfist en la fin par quelque manière, principalement du traict. Car de tous les hommes qui furent iamais après le preux Hercules, Paris Troyen est renommé pour le meilleur archer, le plus fort et le plus iuste. Tesmoing

(1) cbevreailB rapides. — (2) rennes (terme de blason).

Ouide, qui dit en la personne dudit Paris : Figitur in iusso nostra sagitta loco.

Combien que Homère vueille attribuer semblable gloire à Teucer, frère bastard d'Aiax Telamonius, disant que pour ces te cause, Apollo luy donna lare et la trousse, par manière dexcellence. Mais brief, Paris estoit vn grand veneur. Ce que demonstre assez Oenone, en lepistre à Paris, disant ;

Retia ssepe cornes maculis distincta tetendi, Seepe citos (1) egi per iuga summa canes.

Et ne laissoit nulle fois la chasse quil nemportast bonnes enseignes de sa prinse : Si comme la despouille dun lyon ou dun tigre, les grands pattes dun ours, la hure dun senglier, ou le bois et ramure dun cerf : dont il honnoroit la Déesse Diane, dame et patrone des veneurs, et les pendoit à vn grand chesne dédié et consacré à ladite Déesse, selon la superstition d'adonques. Et ses compaignons apportoient la reste de la venaison : laquelle Paris mespartoit tousiours iustement sans faire tort à personne, et estoit content den auoir la moindre portion pour son père et ses frères putatifz.

Telles vertuz du noble iouuenceau Paris, faisoient congnoitre et voler sa renommée loing et près. Mais encores suruint il vne auenture qui en donna plus aperte déclaration : car les ennemis des Cebriniens au moyen dun pillage par eux perpétré donnèrent à congnoitre quelle et quante la force et valeur de Paris se monstroit, quand elle estoit irritée. Antoine Volsc interpréteur de lepistre de Paris à

(1) cinctos (éd. 1512).

4M ILLVSTRATIONS DE GAVLE, ET

Heleine, dit que ce furent les Ciliciens : Mais il ne me semble point vray semblable, veu quilz sont trop loi-ngtains du Royaume de Phrygie, ainçois marreste plustost à ce que dit Strabo en sa Géographie. Lequel comme ia dit est dessus, ou nous auons parlé de la situation de Troye, met que lautre riue du fleuue Scamander en montant la montaigne, estoit la région nommée Dardanie. Et là habitoient vne manière de gens appeliez Scepsiens, pour pluspart pasteurs et agrestes : lesquelz auoient incessamment guerre et dissension auec ceux de la marche Cebrinoise, qui demouroient deçà le fleuue, comme dessus est dit. Scepsis (comme met iceluy Strabo au xiri. liure de sa Géographie) estoit vne cité située en la montaigne Ida : et tant icelle, comme le territoire de là entour, qui sappelloit Dardanie (de par Dardanus ancestre de Priam) estoit du patrimoine d'Eneas filz d'Anchises, et des enfans d'Antenor. Et confrontoit à ladite marche de Cebrine, le fleuue Scamander estant entre deux : et limitant lesdits deux territoires. Pline au v. liure de Ihistoire Naturelle, met ladite région de Scepsis, des dépendances de la prouince de Mysie. Et Dictis de Crète au II. liure de Ihistoire Troyenne, dit que ladite cité de Scepsis fut pillée et desmolie par Aiax Telamonius.

Or combien que lesdits Scepsiens et Cebriniens fussent à deux seigneurs, qui estoient parens, amis et alliez : cestasauoir Hector et Eneas, neantmoins ilz sesmouuoient souuent en tumulte, pour faire guerre les vns aux autres : ainsi que communément on voit les gens qui plus ilz sont voisins, et plus ont occasion de noise et de discorde. Leur débat (comme ie coniecture) procedoit à cause de leurs limites et pasturages. Car quand les vns se trouuoient plus forts, ilz passoient le fleuue Xanthus, autrement dit Scamander, et alloient menger la pasture des

SIM6VLÂR1TEZ DE TROTE. LIVRE I. 157

autres. Et peult estre que les bergers et païsans de la marche Cebrinoise, se tenans forts de leur seigneur Hector, vniz aussi auec les pasteurs du Roy, le plus souuent comme les plus forts fouloient les autres : Et auoient desia par plusieurs fois passé leurs metes et confins : cestasauoir le fleuue Scamander, et nourry leur bestail aux despens des autres, dont les Scepsiens nauoient osé dire mot, pource quilz se voyoient les plus foibles et plus mal emparentez, parquoy ilz dissimulèrent leur iniure aucun temps. Mais finablement ennuyez de ce quil duroit trop : et que desia y auoit grand pièce que les pasteurs Royaux et les Cebriniens auoient passé la riuiere, en vsurpant et fourrageant leur territoire, ilz prindrent cœur en pance, et le frain aux dents, et conspirèrent vn grand nombre ensemble de sen venger par quelque aguet et moyen subtil.

Pour laquelle chose mettre à eifect, ilz espioyent de iour en iour et dheure en heure leur auentage et opportunité. Si sarmerent vn soir, et sembastonnerent au mieux quilz peurent, et sauenturerent de venir tout coyement, iusques aux parcs des Cebriniens, lesquelz ilz trouuerent dormans, pour la plus part. Si les recueilleront bien lourdement, et donnèrent sur eux de toutes pars, et aussi sur les pasteurs du Roy. Lesquelz combien quilz fussent en grand multitude tous aagez et robustes, neantmoins pource quilz furent surprins en desordre, ilz neurent loisir de se mettre en resistence. Parquoy il en y eut le ne scay quantz blessez de ceux qui se cuyderent reuenger, mais la plus part le gaigna à-fuyr. Dont les Scepsiens ioyeux et esbaudiz pillèrent le meilleur du meuble pastoral quilz trouuerent es maisonnettes des bergers : rompirent et gasterent les parcs, et cueillerent tout le bestail pesle et mesle : aussi bien celuy des pasteurs du Roy, comme ceux de Cebrine. Cestasauoir,

488 ILLVSTRATIONS DE GAVLE, ET

buffles, toreaux, moutons, pourceaux, brebis, aigneaux, bœufz, vaches, veaux, asnes, cameaux, iumens, cheuaux, et boucs, et chieures, et cheureaux. Et à tout ceste proye grande et opulente reprindrent leur chemin asseurément vers les montaignes de Scepsis, se confîans au bénéfice de la nuict maleficieuse.

Ceste nuict mesmes dauenture lenfant Paris et ses frères et compaignons reuenuz tard de la chasse, estoient demeurez aux bordes champestres deçà la riuiere auecques leurs mères et leurs sœurs qui ceste nuict esbeurroient le lait de la sepmaine, et en auoient esté la cresme pour mettre le demourant en présure à faire des frommages de forme. Apres la mynuict quilz se furent couchez, le bruit fut grand des afFuyans : et le cry misérable des naurez, et de ceux qui auoient perdu tout leur vaillant, lesquelz se retiroient dolentement vers leurs femmes, leurs enfans, et leurs amis, pour leur conter lamentablement la somme de leur perte et de leur desconfiture. Adonc Paris tout effrayé de si piteuses et espouuentables vlulations non accoustumees, se leua hastiuement : et aussi feirent ses frères et compaignons pour sauoir que cestoit. Si trouua Paris son père, et les autres les leurs tous mouillez dauoir râpasse la riuiere tous esperduz : tous hors dalaine, et demy désespérez : lesquelz contèrent à leurs femmes (en grans plouremens et désolation mutuelle, et en tirant aigrement leurs barbes et leurs cheueux) tout le comble de leur meschef irréparable, en tencant et blasmant amèrement la folle ieunesse indiscrète de leurs enfans, lesquelz nestoient reuenuz coucher aux parcs pour les deffendre.

A ces paternelles reproches et <îastigations verbales, le franc Paris sans plus dattente, tout entrepris et tout esmu dune ire louable, et dune gentile commotion : Cestasauoir

de noble honte meslee de iuste douleur ensemble, sencourut soudain prendre son arc, ses flesches, ses dards et ses armures, feit hautement bondir (1) son cor : ralia en peu dheure ses frères et compaignons et quelque peu dautres qui le voulurent suiure, mesmes de ceux qui auoient esté à la première secousse et desiroient de se venger. Si commanda généralement à tous de prendre telz harnois quilz trouueroient de prime face : si comme vieux iaques enflez de coton, haubers de double maille, et lasserans rouillez : pauois et targes de cuir et de bois vermolu : Salades, bauieres, et capelines darain tout rauerdi : (2) auecques rasteaux esdentez : Fourches ferrées, guisarmes, badelaires, alemelles ployees, iauelotz, pafTuz, fondes, holettes, cannes bruslees au bout, et autres bastons inuasibles, vnchacun qui mieux mieux.

Eux donques ainsi armez et bien entalentez, et après les auoir enhortez de bien faire à peu de paroles, Paris se meit douant et passa le fleuue Scamander moitié de saut moitié de no (3) : si feirent les autres chacun en son endroit. Mais leur capitaine plus habille quun dain, et plus eschauiFé quun tigre, quand il ha perdu ses faons, suiuit tant les Scepsiens ses aduersaires capitaux à la trasse, quen peu dheure il les eut rataints : et trouua que desia ilz estoient assez près de se sauuer dedens les bois et les foretz espesses. Et lors en inuoquant layde de la Déesse Diane, cestasauoir la Lune qui pour lors luisoit belle et clere, il se hasta pour leur couper le chemin : Et se print à les escrier à mort, en les appellant par grand aigreur et indi-

(1) retentir,

(2) vert-de-gris.

(3) à la nage.

160 ILLVSTRATIONS DE GÂVLE, ET

gnation traytres fueillars et larrons nocturnes. Et commença promptement à descocher sur eux de son fort arc bendé, flesches mortifères en grand abondance, dont il assena plusieurs qui tombèrent à terre vomissans leurs âmes sanglantes, fretillans des piedz, et mordans Iherbe desia teinte et souillée de leur sang, auec plainte de hauts souspirs. Quand sa trousse fut vuidee, il print ses dards, et' dune terrible impétuosité iuuenile, se fourra parmy eux, ainsi comme vn lyon furieux en vne flotte de brebis. Et à laborder feit tant darmes en la presse, meit à mort et naura tant de ses grosses gens rustiques et barbares à grans coups de dards esmouluz, et puis de sa symeterre bien acérée, et à layde dune bonne targuette qui le couuroit, que cestoit pitié et horreur, douyr la meslee tumultueuse du brayement des mourans, du gémissement des blessez, et de la huée des assaillans. Car desia le secours et le renfort de ses frères et compaignons, et autres Cebriniens estoit arriuë, faisant merueilleux exploit : tellement que la tourbe des ennemis troublée et mise en desarroy, commença à perdre terre et reculer. Et les gentilz adolesccns voyans la hardiesse de leur chef, qui de plus en plus se redoubloit : mesprisoient tous perilz pour le suiure. Si feirent tant, que nonobstant la rude resistence des durs païsans montaignars, qui se deffendoient rebellement de grosses massues et macques enquantelees à broches de fer, perches, leuiers, boyaux, louchetz, sarpes, coignies, faux, faucilles, et mailletz de plomb, auant laube du iour leuee, le camp leur demeura franc et quitte. Dont oultre leur bestail recouuré ilz se chargèrent de la despouille des Scepsiens morts et desconfits en grand nombre.

Ainsi fut la retraite sonnée, et le tresualeureux Paris, à tout son armée pastorale reprint son chemin vers ses parens

putatifz, auironné de gloire, et marcliant pompeusement en bel ordre. Ses frères et compaignons le suiuoient ioyeusement par bendes, extollans ses beaux faits et leurs propres vaillances, et vantans lun lautre, pour auoir louenge réciproque. Leurs parens demourez en grand perplexité, les attendoient es parcs rompuz, desbiffez, et desemparez. Et faisoient toutes prières et vœuz solennelz aux Dieux immortelz, pour leur salut et preseruation. Si ne faut pas demander silz receurent au cœur vne merueilleuse liesse, quand ilz apperceurent leur retour si triomphant et si victorieux, et tous leurs troupeaux à sauueté. Alors les mères larmoyans de ioye non espérée, coururent aux colz de leurs treschers enfans, pour les baiser et bienueignier : et les pucelles accollerent doucement leurs tresdesirez amis. Là fut exaucée la prouesse de Paris, iusques aux cieux : et la tresheureuse audace, autorisée en la bouche de tous. Si se prindrent incontinent, tant les pasteurs du Roy comme les Cebriniens tous ensemble, à redresser et reparer leurs parcs, et maisonnettes, feirent grands lentes et fueillees vmbreuses de grosse ramure, tellement quil sembloit que ce fust vn ost de Princes. Puis establerent leurs bestes reconquises à force, tuèrent grand nombre des meilleurs toreaux et aigneaux quilz eussent : et iceux sacrifièrent solennellement à la Déesse Diane, à Syluanus le Dieu des bois, à Pan le Dieu des pastoureaux, et à la Déesse Pallas, dame des pastourages, sur certains autelz de terre et de gasons, quilz leur esleuerent en haste, et là, leur rendirent grâces de la victoire obtenue. Puis feirent fumer leur cuisines, et enuoyerent quérir du vin souef et odoriférant, en la prochaine cité de Cebrine, dedens des peaux de cheures : Lequel vin ilz eurent par eschange de brebis et de moutons : car lusage de monnoye nestoit point encores 1. il

162 ILLVSTRATIONS DE GAVLE, ET

trouué. Ce fait, Hz dressèrent festes et conuiues (1) souz les vmbres espesses, faisans tapits de Iherbe verte et drue, en inuitant lun lautre à ioye, et à hilarité par toutes exhortations amoureuses (2) : Si feirent vne chère nompareille sur le territoire mesmes de leurs ennemis. Et après le repas se resiouyrent en toutes manières desbattemens, et ieuz champestres, principalement pour faire honneur et congratulation au noble iouuenceau Paris. Là ou au contraire les Scepsiens plouroient et lamentoient amèrement leur honte dommageuse et folle emprise, trop tardiue à sen repentir.

Or dura la feste lespace de trois iours continuelz sans intermission quelconque. Et ce pendant les belles bergerettes mignonnes feirent diuers chapeaux et flocquars (3) de toutes espèces de flourettes meslees, lesquelz elles presentoient pour refreschissement tousiours itératif au noble adolescent Paris : et en aornoient aucunesfois son chef, autresfois les mettoient en escharpe, ou les luy faisoient seruir de brasseletz : Aussi elles meirent sus, dictiers et chansonnettes seruans à la louenge du tresbeau et tresuaillant Paris, et les dancerent au viroly : et les pastoureaux les iouerent sur leurs douces musettes. Paris aussi composa vn lay plaisant et nouuellet, à manière dun hymne, à la louenge des Dieux et des Déesses, en leur rendant grâces de leur adiutoire proprice. Si le prononça sur sa harpe harmonieuse. Mais les principaux et les plus aagez dentre les pasteurs Royaux, par nouuelle inuention, et délibération vnanime, posèrent sur le chef de Paris, vne couronne doliuier, qui

(1) banquets.

(2) affectueuses.

(3) en roMchif flocart =s nœud de ruban avec des bouts pendants*

est consacré à la Déesse Pallas : et en sa main vne branche de palme, en signe de triomphe : Puis décrétèrent par ensemble, que désormais pour tesmoignage de sa vertu victorieuse, et merueilleuse vaillance, et pour layde quil leur auoit faite au besoing, il seroit surnommé Alexandre, qui vaut autant à dire, comme homme aydant, selon letymor logie Grecque, ainsi comme met Antoine Volsc, au comment sur lepistre de Paris à Heleine, et sur ce passage :

Penè puer cassis abducta armenta recepi Hostibus : et causam nominis inde tuli.

Lequel surnom d'Alexandre, fut ratifié par commune acclamation de tous les assistons, comme tresbien approprié à luy, tellement que onques puis ne luy tomba. Desquelles choses la renommée vola légèrement par tout le plat païs, au sceu des ieunes dames et damoiselles,d€s Nymphes, des Fées, et des gentilzfemmes de la contrée : et consequemment iusques aux oreilles de la Royne Hecuba, qui de Paris estoit trescurieuse, et en receut ioye tacite inestimable au cœur : Et conceut adonc certain espoir de procurer sa reuocation et remise, au nombre de ses frères, en la maison paternelle, au moyen de lostension de ses vertuz, comme elle feit depuis, ainsi que sera descrit cy après.

46i ILLVSTRATIONS DE GAVLE, ET