CHAPITRE XXIIII

De lapparition de plusieurs belles Nymphes et Fées faite au iouuenceau Paris Alexandre, auprès de la fontaine Creusa. Et comment Tne noble Nymphe Napee, nommée Pegasis Oenone de la marche Cebrinoise, informa premièrement ledit Paris, de son origine Royale. Auec narration poétique du pouuoir et beniuolence desdites Nymphes, enuers Paris Alexandre.

Certains iours après le rencontre des Scepsiens, Paris Alexandre tout lassé de la course dun cerf, lequel il auoit longuement suiuy en la forest Ida, à cor et à crj, et en le poursuiuant sestoit eslongné de ses compaignons, sendormit en lombre des lauriers tousiours verdoyans, auprès dune fontaine nommée Creusa, laquelle est au fons dune plaisante valee des montaignes Idées, là ou le fleuue Xanthus ou Scamander prend son origine. La délectation du val plaisant et solitaire, et lamenité du lieu coy, secret et taciturne, auec le doux bruit des cleres vndes argentines partans du roch, incitèrent le beau Paris à sommeiller et sestendre sur Iherbe espesse et drue, et sur les fleurettes bien flairans, faisant cheuet du pied du rocher, et ayant son arc et son carquois souz son bras dextre. Apres ce quil eut prins le doux repos de nature, recréant les labeurs des hommes, il sesueilla, et à son reueil en estendant ses forts bras, et torchant (1) ses beaulx yeulx clers comme deux

(1) essuyant.

estoiles, getta son regard en circvnference : si veit tout alentour de luj vn grand nombre de belles Nymphes gentiles et gratieuses Fées, qui le regardoient par grand attention : Mais si tost quelles lapperceurent remouuoir, et entrebriser sa plaisant somnolence, toutes ensemble en vn moment se disparurent, et tournèrent en fuitte.

Adoncq Paris tout esmerueillé et transmué dune vision si nouuelle, se dressa sur piedz en sursaut, et dun grand zèle ardant, se print à courir après elles si treslegerement quil ne sembloit point fouler Iherbe de ses plantes. Et tant feit quil en rataingnit vne légèrement fuyant, de laquelle les cheueux aureins voletoient en lair par dessus ses espaules : Si la retint doucement par les plis vndoyans de sa robe gentile, et luy dist humblement en ceste manière : 0 Déesse spécieuse quelle que tu soyes, au nom de la clere Diane, plaise à ta grâce et courtoisie demourer vn petit (sauue ta bonne paix) et me vouloir dire, quelle est lassemblee de ces nobles Nymphes, que iay présentement veiies : car onques nulle chose ne desiray tant sauoir que ceste cy. Lors la gracieuse Nymphe, qui se sentit arrestee, se retourna promptement, et dune chère semblable à coursée, (1) luy dit ainsi : Quelle hardiesse te meult, ô ieune adolescent Royal, ne de quelle fiance présumes tu de mettre la main aux Nymphes (qui sont Demydeesses) en leur faisant violence ? le te prie déporte toy de telle outrageuse témérité, et nous laisse aller franches et libres, par lexemple de ceux à qui il en est autresfois mescheu.

Le noble enfant Paris Alexandre, quand il ouyt la Nymphe ainsi parler impérieusement et hautainement, (2) tout

(1) d'un air qui paraissait irrité.

(2) haultement (éd. 1512).

J66 ILLVSTRATIONS DE GAVLE, ET

craintif et plein de tremeur, (1) senclina en terre, comme estonné et moitié rauy tant de sa merueilleuse éloquence, comme de sa souueraine beauté, et la voulut adorer comme vne Déesse céleste : mais elle le refusa, et ne souffrit luy estre exhibé si haut honneur. Lors Paris planté debout sans sonner mot, notoit son singulier accoustrement non commun ou vulgaire, mais bien séant à la forme nompareille. Car en son beau chef elle ne portoit or ne gemmes, mais seulement pour la preseruer du hasle, vn chapeau de branches de laurier, qui est vn arbrisseau dédié à Phebus, dont les fueilles obtiennent tousiours florissant verdeur. Sa belle face sans fard et sans teinture autre que naturelle, modeste et gracieuse de blancheur sans blandices, pretendoit autorité non austère, et reuerence loingtaine de rusticité. La nudité de ses beaux bras bien pleins et bien formez, non enuelopez de lin ne de soye, fors seulement dun crespe cler et délié, faisoit foy du reste de sa venuste corpulence. Laquelle nestoit absconce du regard de Paris, sinon par linterpos dune houpelande tenue et déliée, telle que les Nymphes et Fées ont accoustumé de porter. Cestasauoir de fine cotonine tissue à diuerses figures de flourettes et doiseletz, fronsee et labourée par haut et sur les lisières à lettres dor. Ceinte dune riche ceinture purpurine entrelassee à nœuz damours : et retroussée par dessouz les mamellettes dont elle monstroit la forme ronde et distincte. Les vndes multicolores de cest habillement feé, flottoient iusques en terre. Et le regard diceluy estoit de variable plaisance, semblable à la superficialité dun ruisselet argentin entrechangeant la gaye verdeur et florissance de ces riues auecques lazuree beauté du ciel, laquelle y est ioyeusement reuerberee. Au

(1) cremeur (ibid.).

bas de ce vestement nompareil, pendoient franges vermeillettes auec petis tintinables et cymbalettes, armonieusement sonnans quand elle marchoit. La forme de ses petis piedz estoit aornee de iolis escalpins (1) tissuz mignonnement de ioncz palustres. Et en lune de ses mains mignonnes et délicates portoit vn petit panier dosiere tout plein de diuers fruitages.

Quand Paris Alexandre eut vne espace considéré la speciosité de la Nymphe, elle luy sembla belle oultre mesure. Parquoy il fut esmu dun nouueau sentement damours non encore à luy accoustumé, et dont luy mesmes estoit ignorant. Si ne sauoit trouuer manière dentreouurir la bouche pour mot respondre : mais sa noble nature lenhardit et luy bailla élégance de parler (assez en tel cas requise) si dit en ceste manière : Noble Déesse, quelle que tu soyes, ou de celles qui habitent le haut manoir Olympique, ou ceste région terrestre inférieure, ie te supplie donner pardon à ma folle hardiesse et presumption. Et si ie tay fait aucun desplaisir, en approchant ta hautesse, si nay ie pas esté meu à ce pour cause de te faire violence, car auant voudroiz ie mourir : Mais seulement pour te supplier par humblesse de me faire certain, qui sont ces gracieuses Nymphes et Demydeesses, que iay nagueres veu auec toy, à fin que ie me mette en deuoir de leur faire la reuerence, et premièrement à ta hautesse, selon mon possible, et à la mesure du sauoir dun petit simplet bergeret, lequel pour autant que (2) ie puis coniecturer par tes paroles, tu prens en lieu dun autre, veu que tu mattribues tiltre de lignée Royale.

(1) eschapins (éd. 1512). escapins (éd. 1528).

(2) locution encore fréquente en Belgique.

it)9 ILLVSTRATIONS DE GAVLE, ET

Alors la fleur des Nymphes Pegasis Oenone (ainsi sappelloit elle) en souzriant doucement print Paris par la main dextre. Et en le regardant dun œil doux, amoureux et débonnaire, ouurit sa tresbelle bouche, plus vermeille que boutons de roses, et luy dit ainsi : Cesse noble filz de Roy trescler, prince de ieunesse : cesse de cuider que la prudence des Nymphes soit abusée en la congnoissance de ta noble personne : car à elles qui sont Demydeesses terrestres ne peult estre rien incongnu. Nous sauons et de plante et de lait ton origine. Nous congnoissons que tu es lenfant Paris surnommé Alexandre par ta vertu, nourry (par Fortune ennemie) entre les pasteurs du Roy, desquelz tu cuides auoir prins naissance. Mais ie ne vueil plus que tu ignores que ton estoc paternel prend racine du propre sceptre Royal de Priam Roy de Troye, et seigneur de toute Asie, duquel ignorant tu gardes les troupeaux, comme poure serf, ou esclaue, frustré dadueu et congnoissance de filialité. Or te suffise à tant, et me laisse retourner vers mes compaignes, lesquelles mattendent : Car il nest pas bien séant quune Nymphe ou gentilfemme seule, tienne si longues paroles à aucun homme mortel.

Paris le noble adolescent en doute ambigueuse de son parentage, ne sceut que faire pour en sauoir plus à plein (1) la vérité : sinon de se ietter aux piedz délie, et lembrasser par les genoux, suppliant en ceste manière : Certes noble Demydeesse, puis que les Dieux par leur prouidence tont icy amenée, et mont baillé le bienheurté de te trouuer, ie ne croy point que ce soit pour me laisser ainsi incertain des choses proposées. Dont le premier ouyr (sans plus ample déclaration) causeroit en mon rude entendement plus de

(l) àplain(éd. 1512).

vexation que de délectation. Parquoy le te fais humble prière de raen bailler aduertence de plus grande intégrité, en prenant vn petit de repos souz ces beaux arbres prochains, tandis que lardeur du Soleil se passera : et en après ie te conuoieray sauuement, quelque part quil te plaira aller.

La belle Nymphe persuadée par douces requestes procedans de la pure et simple affection de Paris, sans y penser raalengin, ne sceut vser de plus long refus : mais luy va dire ainsi ; 0 noble Paris Alexandre, ton doux prier ha ie ne scay quelle vertu latente, beaucoup plus forte dattraire vn courage à ses fins, que la pierre daymant nha de tirer lacier. Brief, ie ne te sauroye esconduire : combien que auecques nul autre homme mortel ie ne demeurasse ainsi seulette. Lors Paris bien ioyeux la remercia de sa debonnaireté : et la mena seoir auprès de la fontaine bien reuestue et enrichie de mousse et de cresson. Si se posèrent sur le beau marbre poly, entaillé par degrez dœuure naturelle. Adonc la Nymphe Oenone parla en ceste manière :

Paris Alexandre, le bien aymë des Dieux et des Déesses, à fin que tu soyes hors du seing, auquel ie tay mis, faisant mention de la tresillustre origine dont tu es extrait : le te dis, que ta radicale progéniture ne descend dailleurs que du haut lupiter le père des hommes et des Dieux. Parquoy ie suis plus encline à vser enuers toy de priuauté. Et quil soit ainsi : Tu dois sauoir que lupiter second de ce nom, Roy d'Athènes et d'Arcadie, engendra Dardanus en la belle Electra, fille du grand Géant Atlas. De Dardanus fut filz Erichthonius, qui fut père de Tros, duquel les illustres Troyens ont prins leur nom. Tros engendra le beau Ganymedes eschanson de lupiter troisième de ce nom, et Roy de Crète : et aussi Ilion qui fonda la cité d'Ilion, quon dit

170 ILLVSTRATIONS DE GAVLE, ET

Troye la grand. Ilion après engendra Laomedon père du noble Roy Priam, duquel tu es filz naturel et légitime, et nen as rien sceu iusques à présent. Car ton père cuide que desia ayes passé les Destinées mortelles, ausquelles les respons et oracles des Dieux tauoient adiugé. Mais ta mère la tresclere (1) Roy ne Hecuba tha fait nourrir incongnuement entre les pasteurs Royaux, par pitié maternelle. Or est il ainsi, que les Destinées fatales te reseruent encores à hauteur Royale (si ie ne suis deceue) moyennant que tu eusses ayde et conduite daucun ton bienuueillant. Toutesuoyes de ce ne te faut enorgueillir en manière aucune par insolence, ne faire semblant den rien sauoir, iusques en temps et en lieu. Car toy mesmes te pourrois bien précipiter en abysme de mort. Mais te sera mestier de vser en ce de prudente industrie et de bon conseil, lequel parauenture moy mesmes te donroye plustost que nul autre, quand lopportunité le requerroit, pourueu que tu ten monstrasses digne.

Le tresbeau Paris acertené de son origine, à peine se sauoit contenir de liesse. Son cœur receut vne merueilleuse ioye, ses vaines se dilatèrent, son sang sesmut et luy monta au visage (ie ne scay quelle verecunde virginale) tellement que la couleur de sa face rendoit la similitude de beaux liz blancz entremeslez de roses vermeilles. Et pensoit à ce parfondement, pendant que la belle Nymphe Oenone, esmue dautre part, dun désir naturel, contemploit ententiuement ses gestes et se miroit en sa beauté merueilleuse : car de long temps elle lauoit choisi pour son amy, quand premièrement elle le veit baigner au fleuue Scamander. Finablement Paris ouurit sa bouche coralline, et luy dit en ceste manière : Tresgracieuse Nymphe, sil est ainsi comme tu

(1) illustre.

deduiz en ton parler (dont ce seroit à moy trop grand rusticité de faire doute que tout ne soit véritable) ie ne scay autre chose que ie fasse en cest endroit, sinon rendre grâces immortelles aux Dieux souuerains de ce quilz mont adressé ton accointance. Et au surplus, te remercier treshumblement et du plus parfond de mon cœur de tes offres non refusables, en me recommandant à ta bonne grâce. Et si dauemture quelque fois il te semble opportun de faire venir les choses à lumière, ie te promets que dautre uiuant ne veux ensuiure le conseil que de toy seule : si me garderay bien den faire à autruy mention quelconque. Mais oultreplus ie te supplie me vouloir dire, qui sont les autres nobles Fées qui nagueres estoient icy auec toy : et aussi me faire certain de ta personne illustre : Laquelle si ie remarche (1) bien à mon semblant, iay souuentesfois veiie de loing auec plusieurs autres Nymphes et pucelles, dansans souz les oliuiers assez près de la cité de Cebrine.

0 noble Paris sans per, perlifié (2) de toute speciosité corporelle (dit la gente damoiselle) pourquoy te celerois ie la vérité ? Certes ce que tu diz tient efficace de raison véritable. Tu me peux souuentesfois auoir veiie auec mes treshonnorees compaignes, les Nymphes et Fées de ceste région : Car maintenant et autresfois (quand tu te exerçois en plusieurs nobles œuures de labeur iuuenile) nous nous sommes délectées en ton plaisant regard, auons aymé ta présence, et nous sommes trouuees promptes escouteresses de tes louenges. Et par ie ne scay quelle curiosité beniuole, souuentesfois nous nous sommes raussees et tapies secrètement entre les verds buissonnets sans estre apperceiies,

(1) remarquer. Dans d'Aubigné remarcher 2^, déjà le sens moderne.

(2) embelli.

172 ILLVSTRATIONS DE GAVLE, ET

pour espier ta belle contenance : Maintesfois auons loué et extollé ta voix harmonieuse, dont les valees retentissoient. Et tousiours ha esté dit entre nous : que celle seroit bienheureuse, de laquelle tu daignerois diter vn lay amoureux sur ta harpe gentile, comme de ta cher tenue. Par ainsi estions nous continuellement desirans ta collocution priuee, et fauorisans à toutes tes emprises, sans ton sceu : toutesuoyes esmues à ce mesmement pource que après auoir inuoqué les noms des hauts Dieux célestes, tu ne faillis iamais de aussi te recommander à noz grâces et faneurs particulières. Parquoy mes trescheres sœurs et amyes les belles Dryades lesquelles ont leurs repaires parmy les bois fueilluz et les forestz espesses, en contemplation de ta valeur^ tont tousiours administré assez gibier et sauuagine, pour te déporter abondamment en leur pourpris. Les gentes Oreades lesquelles habitent sur les hautes montaignes Idées, prestoient aussi, et prestent encores franc cours et deliure à ton déduit, parmy leurs landes et champaignes larges et patentes, pour suiure et prendre toutes manières de bestes, dont il te prend enuie. Les douces Naiades attrempent la froidure congelatiue, et mitiguent la rapacité redoutable de grans fleuues, quelles ont en cure, en extirpant les herbes empeschantes, à fin que à ton plaisir quand le cas y eschet, soit en chassant, ou après la chasse, tu les puisses transnoer aussi légèrement, que les poissons mesmes, et y lauer ta sueur, et baigner toy et tes compaignons en seurté.

Oultreplus aussi les Hymnides tresfiorissantes qui font verdoyer Iherbe haute et drue parmy les prairies, et espanir les diuerses fleurettes au long des riuages, te baillent seur accès parmy leur tenement, et chassent serpens, couleuures, aspics, vipères et toutes autres espèces de bestes venimeuses, en telle façon, que toy et les tiens vous y pou-

uez esbatre sans aucune suspicion de danger. Les plaisantes Hamadryades ausquelles la Déesse Opis, autrement appellee la Terre, ha baillé le gouuernement des arbres branchuz et des ioliz arbrisseaux pour les faire croitre et végéter, et dresser leurs hautes cheuelures iusques aux nues, quand tu es las de ton plaisant labeur cotidien, fournissent vmbre delectatiue à toy et à tes bestes, ensemble fruit et fioriture. Et si dauenture il aduient quelquesfois que tu ayes eslu belle amye, qui se treuue digne de reposer entre tes bras, lors elles te feront tentes et vrabrages encores plus amples, de leurs rainceaux florissans, souz lesquelz tu te pourras repaitre des plaisans mets damours iusques à sacieté.

Et en tant quil touche les Nymphes Napees, qui sont maistresses et gardiennes des fontaines, dont ie suis lune, (et entre les autres non pas la moindre) tant de la part délies qui sont mes trescheres sœurs et compaignes, comme de ma propre autorité priuee, ie te dis sans reproche, et ne vueil que ignores que maintesfois auons estanché ta soif laborieuse de noz soueues liqueurs, et administré réfrigère plaisant à ton palais en noz diuerses fontaines, et estaint lardeur de ta douce alaine anhelant. Et pource que ce lieu cy est plaisant, et de nostre propre domaine et demourance maternelle, ie y auoye amené vne partie de mesdites plus priuees compaignes, à cause de prendre récréation solacieuse souz lopacité des vmbrages qui sont fraiz et gracieux. Mais ton resueil les ha disparees : combien quelles ne fussent encores saoules de te regarder, et que plusieurs en y eust qui louoient ta douce somnolence, et estoient délibérées de te desrober vn baiser, en dormant. Toutesuoyes nonobstant leurs absences, ie vueil que tu goustes du doux fruit que pour elles iauoye cueilli sur les arbres fertiles de mes sœurs les Nymphes Hamadryades : lesquelles tiennent

174 ILLVSTRATIONS DE GATLE, ET

en conserue tous les plus beaux iardinages du monde, sans excepter celui des Hesperides, qui est comme vn Paradis terrestre en Afrique : Ne celuy aussi d'Alcinous Roy des Pheaques en lisle de Corcyre, là ou il ha de nouuel par grand curiosité planté, enté et greffé, vn nombre infini de toutes manières darbres.

En ce disant la belle Nymphe Napee, versa en son giron mille espèces de fruits aromatiques, estans au pannier bien ouuré dosiere, et sembloit que la corne d'Achelous rompue par le fort Hercules fust illec respandue. Car il y auoit amandes, coingz, citrons, dates, figues, grenades, melons, mirabolans, orenges, oliues, pommes, poires, prunes, pesches, raisins de plusieurs sortes, et autres fruits estranges appeliez lotes. La lote est vn fruit naissant en Afrique, (quon dit maintenant Barbarie) sur hauts arbres, et toutesfois la quantité diceluy fruit nexcede point la grosseur dune feue. Sa couleur est iaune comme safiren, et dedens est plein de grains semblables à millet. Mais sa douceur et suauité est si tresespeciale , que selon Homère en son Odyssée, après que les gens de Vlysses errans par la marine en eurent gousté, ilz ne faisoient plus conte de retourner aux nauires, mais vouloient illec faire seiour. De ce fruit la Nymphe en présenta par singularité au gentil Paris, en le semonnant courtoisement de menger du noble labeur des Nymphes et de leur espargne.

SINGVLARITEZ DE TROYË. LIVRE I. 175