CHAPITRE XXV
Description du banquet gracieux, fait auprès de la fontaine Creusa, par la Nymphe Pegasis Oenone, à Paris Alexandre. Et comment il fut ardamraent espris de lamour délie, et la requist premièrement damours. Auee leffect consequutif. Ensemble narration légère daucunes fables en passant.
Quand le gentil adolescent Paris eut sauouré de ce gracieux fruitage plus doux et plus substantieux que manne, lequel luy rendit vn goust plus que délicieux, et vne volupté inestimable, il luy sembla auoir mengé toutes les espices et bonnes viandes du monde. Lors la Nymphe Pegasis Oenone dit à Paris : Puis que tu as sauouré du doux fruit de mes compaignes, ie te vueil abruuer de la liqueur maternelle. Car à fin que tu saches, la noble Fee qui préside à ceste fontaine, est ma treschere mère, et le grand fleuue Xanthus est mon treshonnoré père, lequel tient par tiltre de possession grand partie de ces valees plaines et fertiles. Et ie qui suis leur bien aymee fille, ay le sourgeon de ma belle fontainette vn peu plus bas en la valee, laquelle porte mon nom, comme tu pourras cy après sauoir. Ce dit, elle print lescorce dun citron large et ample, et par grand cerimonie la plongea trois fois en la fontaine, prononçant ces mots : Ma tressacree génitrice que les Nymphes et Fées de ce païs appellent Creusa, ainsi comme il est vray que tu sois dame
176 ILLVSTRATIONS DE GAVLE, ET
de ce plaisant pourpris, exauce la prière de ta tendre fille Pegasis Oenone icy présente : en produisant du parfond de tes trésors vn don que le te requiers maintenant songneusement. Cest, que tu me propines la substance de tes vndes souefues et plus sauoureuses que autresfois, et qui soient dignes dattoucher aux leures vermeilles du noble enfant Royal, qui cy est, et darrouser son gosier amoureux.
Incontinent ceste oraison prononcée, la clere vnde de la fontaine se print à frémir dedens son réceptacle, en bouillonnant au fons de sa sourse, et murmurant doucement alendroit des riues, comme si elle auoit sentiment daccorder la requeste de la Nymphe. Adonc Oenone ioyeuse, puisa dedens en rapportant son vaisselet plein de la noble eaue clere comme crystal ou fin béryl, froide et fresche à merueilles, et le présenta à Paris : disant ainsi : Lepreeslu des Nymphes de Phrygie, reçoy le présent maternel selon la voulenté de celle qui le test offrant. Paris le print, et but à son hait. Et après auoir sauouré la noble liqueur, plus éloquent que parauant, il parla en ceste manière :
0 noble Déesse, comment suffira iamais ma bouche à dire tes louenges, ny aussi des glorieuses Nymphes tes compaignes, desquelles labsence mest à ceste heure grieue et moleste, pour les hauts biens que ie congnois reposer en elles ? et me repute iusques à ceste heure auoir esté trop lasche et sobre de sens, qui ne me suis plustost auancé de leur offrir mon petit seruice. Mais iuuenile honte, iointe auec rusticité pastorale, men doiuent excuser. Si ne scay encores maintenant comment se pourra esuertuer ma puissance imbecille à rendre grâces méritées de voz humanitez et bienuueillances, sinon que tu et elles par vostre bénignité accoustumee, vueillez supporter ma rude ignorance passée, et considérer mon ineptitude présente : En attendant que au
moyen de toy (ô bienheuree Nymphe) ie soye constitué en tel estât et si ample fortune, que lors ie puisse recongnoitre voz bénéfices, et macquiter de mon deuoir enuers vous. Donques, ô précieuse gemme, qui mas icy refectionné de toute viande céleste, ie ne croy point que les fruits que tu mas donné présentement ne soient parcruz es champs Elysees, là ou il ne repaire que les benoîtes âmes. Et quant à la portion melliflue que tu mas administrée, il me semble quil doit suffire aux supernelz esprits, silz sont seruis de pareille. Car la seule vapeur nectaree et ambrosienne, est si pénétrante et si végéta tiue, que des que le flair en ha esté prochain à mon sens odoratif, mon rude conceuoir sest esclarcy, mon gros entendement sest ouuert, et mes organes se sont ampiiez, comme pour receuoir vn don supernaturel : tellement que ainsi comme tout enyuré de nouueau désir, ie suis rauy en ecstase : et aprens à spéculer hautes choses.
Pourquoy, ô tresnoble Nymphe, à laquelle il ha pieu me semondre à tel diuin repas, ie ne scay que penser. Car pour la grand beauté dont ie te voy pleine, il me vient au douant en la fantasie, que tu soyes lune des hautes Déesses du ciel, descendue ça bas en semblance humaine, pour prendre soûlas auecques les créatures mortelles. Car ainsi comme iay ouy dire maintesfois au bon pasteur qui me nourrit, nha pas trop long temps que dame Venus Déesse de beauté, laissa lisle de Cypre, et ses beaux iardins qui y sont, pour se venir esbatre en ces plaisantes valees : esquelles elle trouua le Prince Anchises, qui estoit alors en fleur de ieunesse, gardant les bestes (comme ie fais) sur les riuages du fleuue Simois. Et y fréquenta tant, quil print audace de prier damours vne si haute Déesse, à quoy elle se condescendit finablement, iusques à estre enceinte du noble Eneas,
178 ILLVSTRATIONS DE GAVLE, ET
qui ores est gendre du Roy Priam. Ainsi, ô vierge tresillustre, tes yeux verds et estincellans, et ton beau corps proportionné oultre la forme commune, me font coniecturer de toy, et ymaginer que tu soyes parauenture icelle mesme Déesse Venus, transfigurée en habit de Nymphe. Et me incitent par vne ardeur plus que violente de dire, que celuy seroit bienheureux que tu voudrois nommer ton seruant en amours : Car si lupiter le Roy des hommes et des Dieux vouloit béatifier vn corps terrestre sans lassumpter au supernel habitacle, si ne le pourroit il mieux faire, quen le laissant vser familièrement de ton regard, et de ta souefue coUocution. 0 Déesse remplie de souueraine speciosité, qui as daigné tant abaisser ta hauteur que dacquiescer à ma prière, et faire icy si gracieux seiour auec moy ton humble seruiteur, dont ie rens grâces immortelles à ma bienheureuse destinée.
Quand Pegasis Oenone, la noble Nymphe Napee eut ainsi ouy parler Paris Alexandre, elle conceut tacitement en son cœur vne ioye incroyable, voyant le comble de ses désirs venir à fin prétendue. Car elle nauoit iamais eu son affection plus enclinee à chose du monde, que destre accointée de Paris, et dauoir son amoureuse alliance : tant pour sa haute extraction, comme pour lestimation de ses vertuz tresrenommees, et sa bauté mesmes. Toutesuoyes elle nen faisoit pas grand semblant. Mais voyant Paris tout esmu et enuelopé de nouueau soing, raffermoit bellement son maintien doux et simple, comme vne tourterelle, et luy rendoit mutuel aspect, declairant assez neantmoins par le semblant de ses yeux attrayans auoir laffection intérieure de mesmes à luy. Lequel tout embrasé de feu vénérien dont encores nauoit esté si viuement attaint, tenoit ses yeux inséparablement fichez en elle. Mais les pupilles errans et
SINGVLARITEZ DE TROYE. LIVRE I. i79
vagabondes en leur circonférence, estincelloient de désirs amoureux, comme font les rayz du Soleil matutin, reuerberez en la clere fontaine. Et son gentil cœur altéré de chaleur véhémente, buuoit à grans traits la feruente liqueur de cupidineux appétit. Laquelle non pouuant digérer, tout ainsi que les flambes dune fournaise, dont le feu est trop véhément, pressent lune lautre à lentree du souspirail, ainsi du noble estoraach de lenfant Paris vuydoient souspirs en si grand multitude, que lun ne donnoit lieu à lautre.
Eux estans ainsi seulets et taciturnes, aucune espace après, lamoureuse Nymphe rompant le doux silence ennuyeux, (1) reprint le propos, et dune uoix plus harmonieuse que les accords de la harpe d'Orpheus, frappa lair circonferent en ceste manière : Enfant dextraction illustre, combien que ta parfonde éloquence soit de telle efficace, quelle pourroit tirer en sa sentence mesmes vn cœur adamantin, et faire quun simple entendement cuidast résider en sa personne beaucoup plus de biens que Dieu et nature nen y auroient mis, neantmoins la congnoissance de propre mérite doit estre arbitre droiturier en ce cas. le donques par ton record mise en estimation telle quil ha pieu à ton iugement la diter, (2) nen doy prendre gloire (si ie suis sage) sinon par , mesure limitée à la vraye existence : et aussi ne fais ie. Congnoissant que parauenture ton œil peult errer par affection non modérée, et que la formosité qui pourroit estre en ma personne (si aucune en y ha) nest pas equiparable à la spécieuse beauté dont les Dieux et les Déesses sont si amplement garniz. Nonobstant que les Demydieux terrestres de cy entour se contentassent assez de ma forme, quand ainsi
(1) anxieux. — (2) dicter (éd. 1512), c.-à-d. prononcer.
180 ILLVSTRATIONS DE GAVLE, ET
seroit que ie voulsisse acquiescer à leurs importunes requestes. Et entre les autres, Faunus le Prince des bocages, lequel mha souuent arraisonné damours sans effect de sa prière : et pareillement les nobles Satyres de ces montaignes, lesquelz ardans et amoureux de ma beauté (telle quelle est) mont maintesfois poursuiuie par telle hastiueté que ie ne trouuoye moyen deuader leur force et violence, sinon en me mussant en la parfondeur des bois et des tailliz prochains. Car d'eux ie nay cure, quelques Dieux ou Demydieux affaitez quilz soient. Ainçois quand ie seroye aucunement délibérée de me condescendre à aymer par amours, il nest homme auiourd'huy du monde, qui finast plustost de ma beniuolence que ta douceur et simplesse.
Et combien que ie ne soye haute Déesse, comme dame Venus fille du Roy lupiter et de la Nymphe Dione, dont tu as fait mention, neantmoins la primitiue naissance de mes ancestres du costé maternel ne vient point de moindre lieu, que de l'Océan et Neptune, grans Empereurs de la mer, et de Thetis la Princesse des eaues. Et quant au costé paternel, chacun scait bien que mon père Xanthus est filz de lupiter. Parquoy quand dauenture ainsi seroit que tes paroles ne fussent point feintes ou adulatoires, ta hautesse procédant de Maiesté Royale, et de lancienne geniture des Dieux nen seroit point trop amoindrie ny abaissée. Mais certes les langages assez légers dentre vous iouuenceaux, nest sinon vn las deceptif, englué de miel soporifere, pour attraper et endormir la simple crédulité féminine, aucunesfois peu constante et trop libérale. (1) Dont il sensuit, que par téméraire folie, vous en faites après voz contes dérisoires à nostre grand deshonneur et preiudice, et à
(1) libre, volage.
vostre honte et dommage : comme feit le preallegué Anchises, yssu du mesme estoc de ton parentage. Lequel incontinent après le fait salla vanter publiquement dauoir eu participation des amours de la haute Déesse Venus. Mais il nen demoura pas impuni : car en le payant de sa desserte condigne, la Déesse indignée luy tollut lusage de ses yeux, dont encores à présent il est aueugle, et à bon droit : veu qui! ne fut content dauoir priuee et secrette fruition des amours dune dame si excellente, ainçois ayma mieux le publier et vulgariser. Si luy en print tellement, quil est auiourdhuy exemple à tous nobles hommes, de son imprudence et indiscrétion à bon droit punie et manifestée. Et vn miroir à toutes dames et damoiselles, Nymphes et Demydeesses de non estre si faciles d'adiouster foy légère à voz blandices, ne de se trouuer si familièrement auec vous. Ce que iay tousiours songneusement euité, iusques à ce que par force de ton bien courir, iay esté rateinte. Mais toutesuoyes, ie fais tant destime de ta vertu, que nulle vilennie ou lascheté ne saurait tomber en si noble courage, ne par fait ne par pensée.
Certes, dit Paris, noble Nymphe, en ce nés tu pas decetie. Car ains que mabandonner à diuulguer le secret de noz amours (quand ainsi seroit, que accordées me fussent) oultre laquelle chose ie ne requiers autre chose aux Dieux, iaymeroie mieux estre mort de mille morts, et cent fois plus grieuement puni que ne fut Anchises. Donc si nostre alliance ne demeure pour autre chose, ie te prie et supplie mottroyer benignement le nom damy, et massigner lieu de retenue (l)en ton franc cœur gentil : sans penser que le mien parler soit fait par simulation feintiue : ne que le rude
(1) suite, cour, réserve.
itat ILLVSTRATIONS DE GÀVLE, ET
louer que iay fait de ta personne, soit corrompu de flaterie : Car à ce faire ne suis point habitué par coustume. Attendu que de dame ne de pucelle du monde ie ne quis onques tant la familiarité, ne me trouuay si auant en deuises, comme à présent. Mais la pure descouuerte de ton bel estre, et de ton magnifique contenir me contraingnent à vérité proférer : Sans ce aussi que troublement de raison par désir aueuglé, ayt occupé ma veiie.
Et si le nom damy (ô dame illustre) est trop grand, et à moy non deu, pource que ie ne suis quum simple pastoureau et poure bergeret, et vn riens auprès de ta grand et large noblesse, posséder de tes parents, neantmoins iay ceste confidence, quil te plaira quelque fois que ie soye plus grand, et que tu me réduiras au manoir paternel, et patrimoine héréditaire. A fin que tu mesmes soyes participant aux biens qui en sourdront, et seule administreresse. Et ce temps pendant ie me nommeray ton serf humble, et ton mancipe et esclaue perpétuel, pour faire et disposer de moy à ton plaisir. Et tu te tiendras, pour ma dame et ma maistresse, ma Nymphe, et ma Déesse, seule et vnique, en vsant sur moy de totalle prerogatiue et autorité. Si te prie en signe de ces conuenances ratifiées, me donner vn franc baiser de ta bouche rosaïque, pour mitiguer vn peu la grand ardeur du désir amoureux qui me brusle les veines. Et en ce disant il luy meit le bras senestre au col, et le dextre sur la clere poitrine, et sauoura lescorce du doux fruit damours par plusieurs osculations et approchemens amatoires. Mais ce ne le saoula point de réfrigération compétente, sans le goust principal du noyau, qui est au milieu de lescaille.
Les nobles Poètes disent, que cinq lignes y ha en amours, cestadire, cinq poincts ou cinq degrez especiaux. Cestasa-
uoir le regard, le parler, lattouchement, le baiser : Et le dernier qui est le plus désiré, et auquel tous les autres tendent, pour finale resolution, cest celuy quon nomme par honnesteté Le don de mercy. Paris donques venu de degré en degré, iusques au quatrième de ces poincts, lequel luy sembla plus doux que sucre de Madère, par instinct de nature ne se sceut abstenir de vouloir parfournir le cinquième. Car ainsi comme il aduient aucunesfois que les pastoureaux des champs par inaduertence ont laissé vn charbon de feu entre les seiches fougieres, et il suruient aucun impétueux vent chaud et méridional, qui allume les festuz et fueillettes gisans alentour, tantost la flambe esparse prenant vigueur, surprent ce qui luy est voisin, et ne cesse de forsener parmy les bruyères, iusques à ce quelle ayt tout mis en cendre : Ainsi pareillement le fort mouuement de nature esmu au ieune Paris par grand calefaction damoureuse concupiscence, trouuant deuant soy obiect plaisant et propice, ne se peut onques arrester auant son emprinse acheuee. Et combien que sa partie repugnast par semblant, neantmoins elle succomba voluntairement sur les tapiz verds de Iherbe espesse et drue, semez de flairantes violettes. Et au beau Paris vainqueur en demeura la force non forcée.
184 ILLVSTRATIONS DE GAVLB, ET
