CHAPITRE XXVI

Annotation de la saison Estiuale : déduction de la fable d'Apollo, qui donna à la Nymphe Pegasis Oenone, puissance sur toutes herbes : et de la promesse de mariage faite par Paris Alexandre, à ladite Nymphe. Et comment il la mena aux bordes champestres des pasteurs RoyauX) et illec lespousa à grand ioye.

Endementiers que les deux vrays amans cueilloient le doux fruit damoureuse iouyssance, le cler Titan passant par les arcures du Zodiaque, par deuant la maison de la Vierge, iettoit son regard en terre, et voyoit le noble Aoust vn moys impérial tout nud, tout haslé recueillant ses espicz auec la Déesse Ceres, les cygales et ioyeux crinchonnets estriuans parmy les chaulmes et les buissons : du frémissement de leurs résonances, faisoient retentir lair et la campaigne. Laquelle de grand ardeur sembloit fumer et estre prochaine à combustion, si neust esté que le gracieux vent Eurus venant des parties Orientales se parforçoit de adoucir la véhémence du chaud estiual : et faisoit mouuoir la sommité des arbres, bransler doucettement les branches, et bruire les fueillettes, pour rendre lombre plus délicieuse aux amans : lesquelz après le doux exercice damours sassirent sur les verds préaux lun deuant lautre, Paris faisant chère plaisante et esgayee, mais Oenone portant semblant de courroux et de troublement, iettoit vn pleur gracieux : et en souspirant paisiblement dit en ceste manière :

Si les trois Déesses nommées parques (pource quelles nespargnent personne, ainçois donnent les destinées à chacun ainsi quil leur plait) mau oient dauenture souzmise à ceste fortune, que ie deusse endurer la force et le plaisir de tous les Dieux et de tous les hommes ausquelz il sembleroit bon dainsi le faire, si neusse ie iamais cuidé quelles meussent tollu la puissance de me défendre et reuenger, comme ie lay à ceste heure expérimenté : car au temps mesmes que le Dieu Apollo me requist damours premièrement, si luy monstrây ie bien autre resistence. le dis mesmes iceluy Dieu Apollo qui est surnommé Phebus, filz du haut Dieu lupiter, et de la Déesse Latone : le trescler et le tresbeau qui luyt là haut, et nous ha peu voir présentement, si lespesseur des fueilles et branches de ces lauriers (qui de tous temps sont dédiez à luy) ne len ha gardé. Mais pour lors il estoit banny du ciel, et despouillé de sa diuinité, à cause de ce quil auoit occis les merueilieux Cyclopiens qui forgent les fouldres de son père lupiter es monts de Sicile. Pource que par la fulmination dicelles son filz Esculapius auoit esté tué. Parquoy u fut contraint de garder les vaches du Roy Admetus de Thessale neuf ans durant.

Or aduint vn iour que iceluy Dieu Apollo estant en forme humaine et en habit pastoral comme tu es ores (car maintesfois en te voyant il mest souuenu de luy) il se vint esbatre en ceste contrée à tout sa harpe dyuoire à grands bendes dorées. De ceste gracieuse harpe il se print à iouer si doucement, sur la riue du fleuue Scamander, laquelle est à mon père, que presques toutes les Nymphes mes compaignes abordèrent à sa douce harmonie. Et quand elles le veirent à tout son chef auricome, si beau iouuenceau, si spectable et si aduenant, congnurent tantost à sa face, et à ses gestes, que point nestoit vn dentre les humains : si luy

d86 ILLVSTRATIONS DE GAVLE, ET

demandèrent courtoisement de son nom, et de son affaire. Et il leur conta voulentiers le tout, et la cause de son exil, dont elles furent dolentes et compassibles, et le consolèrent chacune à son mieux. Puis, après le banquet, à leur requeste il ioua vne chanson bucolique, faisant mention comment les Dieux transmuèrent iadis sa dame en amours, la Nymphe Daphné, en forme dun laurier : et comment luy raesmes transforma la belle Clytie, en vne soucie : et Leucothoë, la fille du Roy de Perse, en vn arbrisseau qui porte lencens. Que pleust aux Dieux quilz eussent vsë enuers moy de pareille transmutation, à fin que ie neusse esté reseruee à liniure que tu mas irroguee (1) présentement.

Ainsi après que le plaisant Dieu Apollo eut mis fin à son chanter, il feit danser les Nymphes sur Iherbette. Et ie qui estoye lors simple et ieune pudique pucelle, fus tirée auec elles pour me solacier. Si croy que mon maintien luy pleut assez, et plus que trop. Car à chacun tour de danse, il me remarchoit de lœil par plusieurs semblans attractifz (sans ce que toutesuoyes ie y pensasse autrement) mais le tressubtil Dieu, après ce qail eut prins congé de toutes les Nymphes, et que chacune se fut retirée en son repaire, et moy au mien, il me suiuit diligemment sans mon sceu, espia mes allers, et mes venirs : et tant exploita, quil me surprint seulette et impourueue, lauant mon chef en ma fontaine. Alors ie toute fondue en crainte feis mon effort de fuyr et de me musser : mais ce fut en vain. Car la présence dun Dieu si cler voyant est ineui table. Mon crier aussi ne me fut vtile, ne mon prier exaucé : ne mes larmes qui couroient à grans ruisseaux ne furent suffisantes à estancher sa chaleur véhémente. Voyant donques ma def-

(I) infligée.

fense petite, ie ne sceu faire autre chose, sinon recourir aux armes féminines. Si luy violay sa clere face de mes ongles, et emportay les poignées de ses beaux cheueux dorez : et neantmoins tout ce me proufîta peu : Car il rauit violentement la fleur de ma ieunesse, et la despouille de mon pucelage.

Lors, pleurant mon meschef, et ma mesauenture, vouloye donner triste fin à ma vie, dont la trop longue durée mestoit desia desplaisante. Toutesuoyes par sa douce éloquence, il laboura tant à mon appaisement, que pour me destourner de ce propos mortifère, mofFrit le choix de toutes les choses quil auoit en possesse, en me donnant hardiesse de les demander, en lieu de ma virginité perdue : Tellement que après long refus, ie ne fus encline à luy faire demande ne dor, ne de loyaux, ne de pierres précieuses (car il seroit trop deshonneste, quune fille noble changeast son honneur à si viles choses) mais par sens plus rassis, et mieux choisissant, luy requis le don, et la congnoissance de toutes les herbes qui sont souz le ciel, et de leurs efficaces et vertuz : Ce quil mottroya libéralement : comme celuy qui les ha toutes en commande, et qui premier ha esté inuenteur de les appliquer en médecine.

Neantmoins ces choses ne mesmeuuent en rien à glorifiance, ainçois eusse esté trop plus contente, sil se fust déporté de non faire enuers moy telle poursuite damours, comme il feit : et que honnoree ne meust de si haut guerdon. Toutesuoyes les liberalitez que les puissans Dieux ottroyent, ne sont à répudier. Car (ainsi ou autrement) leur autorité est si hautaine, et leur loisibleté (1) si extrême, que nul ne pourroit contredire à leur plaisir. Mais ce dequoy ie

(1) l'arbitraire.

i88 ILLVSTRATIONS DE GAVLE, ET

suis plus esbahie, cest de toy, qui nés pas iouissant de tiltre diuin : et neantmoins as eu la presumption de toy equiparer à la souueraineté des Dieux, en renouuellant en moy semblable délit, et me rendant cautelle pour simplesse, et iniure pour bienfait. Veu quen ayant estime de ta bonté, ie me suis osée approcher de ta personne, plus pour te rendre sauant de ton origine, que pour autre mérite : en quoy iay bien esté deceiie. Nonobstant que ie iuge assez, que limpetuosité de ieunesse ha rompu en toy les lacz dattrempance et modération. Parquoy il test plus de léger pardonnable. Lors Paris respondit en ceste manière :

Madame et mamie, certes ie mercie ta debonnaireté, qui congnoit que non pas comme iniuriant malicieusement, mais comme esprins de flambe amoureuse, iay commis la faute (si faute y ha) de laquelle toutesuoyes, ie ne me fusse point gardé, si le fort Dieu lupiter mesmes par menasses de sa puissance immortelle, men eust voulu destourber. Mais encores quand ie seroye digne de reprehension, en tant que iay attempté chose à moy non pertinente, si pourrois ie couurir mon erreur par lexemple daucun pastoureau de ma sorte : Cestasauoir Endymion nostre voisin de la prouince Ionique. Lequel osa iadis prier damours la clere Déesse Diane : dont après aucune repulsion, elle ne fut point si desdaigneuse, quelle luy niast vn baiser de sa noble bouche, sur la montaigne de Latmie. Et dautre part, se présente lexcuse plus facile enuers moy, pourautant que ce nest de merueilles si vn simple et rude bergeret, tel que ie suis, ha esté attaint du désir de ta beauté incredible, veu que les hauts Dieux mesmes et Demydieux célestes et terrestres, ont esté enclins à semblable effect. Et non pourtant si iay ensuiui leur exemple, et il soit ainsi que ie ne te puisse rendre pareille rémunération, à tout le moins ie te fais offre

de ce peu de biens que iay en ma fruition, cest de mon propre corps : car le demeurant est petit ou nul. Neantmoins quelque fortune que auenir me soit, ou Royale ou tousiours pastorale, ainsi que les Dieux lordonneront (sil te plaist la prendre en gré) tu y partiras comme moy, promettant asseurément te tenir en reuerence, et en chierté par légitime alliance, comme ma propre femme espousee.

Le cœur tressaillit de ioye à la gente Damoiselle, quand elle ouyt son bel amy Paris luy présenter si cordiallement la iouyssance de sa personne, en forme de mariage : oultre laquelle chose elle ne demandoit autre félicité aux Dieux : si luy dist en plourant de liesse : Or pleust aux Dieux immortelz, Paris Alexandre mon cher seigneur, et mon amy, que ie fusse bien certaine que les paroles par toy maintenant proférées, prinssent leur source du meilleur de ton cœur. Car si ainsi estoit, et lupiter mesmes me voulsist honnorer de mansion céleste, si prefererois ie ces bois et ces valees, à son paradis pour te suiure, et vser le demeurant de ma vie en ta bienheuree compaignie : Nonobstant que (si ie ne faux à ma pretente) gueres ne demoureras ainsi, ains seras colloque en palais Royal, comme il test deu, et lors auras souuenance de Pegasis Oenone ton humble ancelle, laquelle neantmoins ce pendant entre le dénombrement de ses douaires, apportera en ton hostel. Chasteté pudique, et vraye amour coniugale, non possible à enfraindre. Alors Paris en inuoquant à tesmoings les arbres, les fleuues, les Nymphes, et les Demydieux champestres, mesmes la Déesse luno qui préside aux mariages, et Pan le Dieu des pasteurs, et la grand Déesse Pales, qui administre herbages et pastures aux moutons, et aux brebis, dit ainsi : Madame et mamie, ie te prie ne vueilles penser, que si redoublée malice peust auoir lieu en ton seruiteur Paris : et que sa bouche

iOO ILLYSTRATIOKS DE GAVLE, ET

dittast mensonge si contradictoire au pensement de son cœur. Les Dieux et les Déesses par moy inuoquees, feront foy au temps futur de la promesse, laquelle derechef ie te fais solennellement, de non iamais auoir autre femme espousee : Et le cas aduenant, de te bailler sceptre Royal es mains comme tu es bien digne de le porter. Ce dit, pour plus ample ratification desdites conuenances, les deux amans sentreaccollerent derechef.

Le beau Phebus commençant à baisser son chariot deuers Occident, pour plonger ses cheueux ardans es vndes de Tethys,, Paris se partit dillec, et emmena sa Dame nouuelle aux bordes champestres de son père putatif, auquel il la présenta, et à sa mère nourrisse aussi, en les informant de la noblesse délie, et de ses singulières vertuz. Et leur conta toute lauenture ainsi quelle auoit esté, sans toutesuoyes sonner mot de ce que la Nymphe luy auoit dit de son origine : mais bien les aduertit des conuenances mutuelles de mariage dentre eux deux. Quand les bonnes gens la veirent, à ce que bien cognoissoient le haut lignage dont elle estoit yssue, ilz furent tous esmerueillez dune telle auenture, et sesbahirent beaucoup, par quel moyen, vne si grand gentilfemme sestoit peu et voulu condescendre, à prendre le berger Paris, pour son espoux. Si la receurent à grand ioye, honneur et reuerence, et aussi feirent leurs enfans, en luy priant humblement et courtoisement, quelle voulsist prendre en gré et en patience leur petit estât, en lieu de plus riche appareil. Et au surplus ilz la festierent à leur pouuoir de telz biens quilz auoient, et conuoquerent des le soir mesmes tous leurs amis prochains, et vn prestre de leur loy aussi qui les bénit et espousa selon la manière d'adonques, et couchèrent la nuict ensemble. f

Le lendemain matin, tous les frères et parens putatifz de

Paris, et ses amis et compaignons, feirent vn grand conuiue nuptial : et en inuoquant le Dieu Hymeneus, qui est protecteifr des noces, feirent resonner leurs douces musettes, et burent du vin largement, quilz enuoyerent quérir en la cité de Cebrine, par eschange de moutons, et de bestes. Les belles bergères du païs Cebrinois se rassemblèrent toutes, et bienuiegnerent la gracieuse Nymphe, en chansons, danses, et esbattemens, mesmes les autres Fées ses compaignes qui parauant menoient dueil, cui dans lauoir perdue, reprindrent plaisance et liesse, et démenèrent ioyeuses festiuitez parmy leurs repaires. Si feit son père le noble fleuue Xanthus, et la belle dame de la fontaine Creusa sa mère. Lesquelz au moyen de ce quilz estoient Demy dieux sauoient tout lestre et lextraction de Paris, leur gendre, esperans de voir quelque iour leur fille colloquee en honneur Royal. Brief, toute la marche circonuoisine en démena ioye et soûlas : Car tant estoit Paris agréable à vnchacun, et tant aymé de tous et de toutes, autant pour sa beauté, comme pour ses singulières grâces et vertuz, que tout ce quil faisoit, estoit exaucé en commune congratulation, comme sil fust vn Demydieu. Et la tresamoureuse Nymphe, voyant tel honneur à luy estre fait, estoit toute confite en plaisir et en resiouissance, et se deduisoit et soulacioit debonnairement auecques les autres, dont par sa bonne nature elle fut tantost appriuoisee. Si feit tant par sa douceur et prudence, quen peu de temps elle fut en grand estimation de ses voisins : Mesmement à loccasion de ce quelle auoit lart et la congnoissance de toutes herbes, plantes et racines du monde, pour médecine et sanation de toutes diuerses morsures de bestes venimeuses, et autres espèces de maladies. Lesquelles (par le don du Dieu Apollo) elle sauoit curer, comme dessus est dit, et dont elle faisoit

492 ILLVSTRATIONS DE GAVLE, ET

beaucoup de secours aux pasteurs et aux bestes de là entour. Tellement que son beau père et sa belle mère, et aussi tous leurs voisins et congnoissans, benissoient Iheure et le iour quilz lauoient rencontrée.

SINGVLAmTEZ DE TROYE. LIVRE I. 193