CHAPITRE XXVII
Du louable contentement de Paris Alexandre, en son premier mariage. De la grand amour mutuelle qui estoit entre luy et sa femme : et des deux enfans quil eut délie. Auec allégations suffisantes pour prouuer quelle estoit sa femme légitime. Et vne explanation notable, que cest à dire Nymphe, à parler proprement. Auec probation de la noblesse dicelle Nymphe Pegasis Oenone.
Le noble Paris Alexandre, et sa compaigne Pegasis Oenone, demenoient ensemble vie si amoureuse et si plaisante, que cestoit vn grand soûlas de les voir. Souuentesfois se reposoient au mylieu de leurs troupeaux, souz le doux vmbrage des hayettes (1) fueillues, et souz lespesseur des branchettes des arbres : ne iamais lun ne fut veu sans lautre. Et quand ce vint que le riche temps dautomne eut mis en grenier tout son trésor et amas fructueux de lannee, pour le viure et prouision des animaux marchans sur terre, et que tous arbres furent despouillez de leur beauté verdissante, Vulturnus le froid vent venant de septentrion, comme précurseur, vint annoncer triste nouuelle de froidure hyuernalle, et sifflant de sa grieue al aine, escroloit (2) les gros trônez des hautes forestz. Et son çompaignon Boreas congeloit la liquidité des fleuues decourans, et les transformoit en crystal immobile. Alors les deux amans se tapissoient en leurs petites maisonnettes pastorales, ayans pour tout habil-
(1) petites haies. — (2) En italien scrollare, secouer. I. 13
194 ILLVSTRATIONS DE GAVLE, ET
lement à résister contre limpetuosité du froid hyemal des peaux de mouton houssues (1) de leur toison, et bien garnies de laine : Et se contenoient dedens leurs bordes champestres, couuertes de chaume, ou desteulle, (2) dont les cheurons flechissoient aucunesfois de foiblesse, pour la pesanteur de la neige, qui de nuict cheoit dessus. Et ilz se gisoient non pas en coustres de plume de duuet, mais en poures materatz farsis de paille, ou de fueilles de chastaignier, esquelz ilz se reschaufFoient du feu damoureuse exercitation. Adonc les troupeaux beslans et mugissans par faute de pasture, tous hérissez, et racroupis de froid se contenoient dedens leurs astables, et on leur adrainistroit foin et fourrage pour leur sustentacle. Mais nonobstant la rigueur de froidure, Paris impatient de seiour, raesprisant glaces et bruines par ardeur iuuenile, aymant le trauail corporel, et fuyant toute lasche oysiueté, souuentesfois faisoit bondir son cor, et assembloit ses compaignons pour aller à la chasse. Et la belle Nymphe par semblable cburage le suiuoit parmy la montaigne : et souuentesfois luy aydoit à mener les chiens, ou tendre les retz et les filez. Et luy enseignoit les cauernes des rochers là ou les bestes paisibles et non dangereuses auoient accoustumé de repairer : mais des autres bestes cruelles et furieuses elle admonnestoit tousiours Paris de fuyr les duyeres, (3) en luy racontant Ihistoire du malheureux iouuenceau Adonis.
Adonis, (disoit elle) mon amy, fut filz de Cynara Roy de lisle de Cypre (laquelle nest pas trop loing de ce pais) engendré incestueusement en sa propre fille Myrrha. Mais il estoit si beau et si plaisant, que Venus la Déesse en fut de
(1) travaillées en laine.
(2) destulle (éd. 1528). En wallon liégeois steûîe.
(3) duyereSf retraites.
tel désir atteinte, quelle le suiuoit communément allant à la chasse parmy les bois et les forestz, comme ie fais toy. Et pour la souueraine amour et plaisir total quelle auoit mis en luy, laduisoit maintesfois de se garder des bestes qui sont fieres et rebelles, armées dongles et de dents, et de cruauté mortelle et périlleuse. Mais ce nonobstant, vn iour entre les autres lenfant trop hardi et peu robuste, non tenant conte dexhortations salubres de sa dame (pour lors absente) sauentura denuahir vn terrible senglier, grand et orguilleux à merueilles : lequel irrité des chiens, et escumant horriblement, pourfendit lenfant par grand outrage, et le meit à mort piteuse. Dont la Déesse, quand elle en fut aduertie, fut si dolente quelle le ploura long temps amèrement, et desrompit ses beaux cheueux aureins. Et sil ne fust quelle estoit immortelle, elle en fust morte de courroux. Mais pour son soûlas final, elle transforma le corps de son amy en vne fleur de couleur purpurine. Or, mon cher espoux et amy, si le cas semblable aduenoit de toy (que les Dieux ne vueillent) soyes seur et certain, que ie qui ne suis pas immortelle, auroye tantost trouué chemin à la mort : car après ton definement ie ne quiers viure vne seule heure. Parquoy ie te prie, mon tresdoux cœur, que tu nous reserues tous deux en vie, tant que nature ayt fait son droit cours, sans ce que mort violente fasse abréger les iours lun de lautre. Aussi ie tadmonneste par grand attention, que tu ne fréquentes en ces forestz présentes, sans bonne compaignie, de peur que dauenture le haut Dieu lupiter, ne te fasse rauir et emporter aux cieux, par ses aigles sacrées, ainsi quil feit iadis le beau Ganymedes ton ancestre et parent. Car ainsi comme ainsi, ie ne voudroye faire demeure en ce mortel monde, après toy. Alors Paris en laccollant amoureusement, luy disoit quelle neust aucu-
196 ILLVSTRATIONS DE GAVLE, ET
nement soucy de sa personne, car bien euiteroit tous ces dangers. Les frères et compaignons de Paris, qui vojoient et entendoient vne amour si parfaite entre ces deux personnages, en prisoient beaucoup laffaire, et leur attribuoient grand félicité.
Ainsi passoit le temps le gentil berger Paris Alexandre, auec la gracieuse brunette Pegasis Oenone, son espouse, en vne haute tranquilité, parfonde paix, et amour incredible, content des simples raetz de nature, en humble habitation et société pastorale. Lequel estât seur et pacifique mieux luy eust valu tousiours entretenir, que depuis par ambitieux appétit vouloir estre vestu de pourpre, et serui de metz délicieux en palais Royaux, en communication de Princes, et au mylieu de tumulte bellique : ou ny ha rien sinon grief soing, et inquiétude insupportable : lesquelles choses lenuelopperent en grieue tribulation, et finablement en la mort, trop temprifue, (1) pour auoir aspiré à la beauté d'Heleine, comme vous orrez cy après.
Or recite Bocace au vi. liure de la Généalogie des Dieux, que dedens aucune espace de temps, le ventre arrondit et enfla à la gracieuse Nymphe Pegasis Oenone, pour la croissance du doux fruit et semence qui dedens se vegetoit. Si se trouua enceinte denfant, et moult bien luy seoit, si que Paris en receut vne merueilleuse liesse. Le terme venu, que par droit de nature elle se deuoit descharger de sa portée, la Nymphe accoucha dun beau filz, qui fut nommé Daphnis. En laquelle petite créature, par ioyeux spectacle on pouuoit facilement recongnoitre la semblance et grand beauté de Paris. Et consequutiuement lan reuolu, elle fut derechef grosse dun autre enfant, qui fut appelle
(I) prompte.
Ideus. Toutesfois comme iestime, ilz ne vescurent point. Car on ne treuue par escrit rien de leurs gestes : ou silz demourerent aucun temps en vie, si furent ilz nourris obscurément entre les pastoureaux, sans chose digne de mémoire. Car ie nay veu acteur quelconque qui en escriue aucune chose plus auant, sinon Guide au quatrième de sa Métamorphose, qui en touche vn mot en passant : Disant que Daphnis Ideus, cestadire des montaignes Idées, fut transmué en pierre, par la maluueillance et ialousie dune Nymphe du païs. Neantmoins ie ne scay sil entend diceluy Daphnis filz de Paris.
Bocace en parlant desdits deux enfans, peult sembler entendre quilz ne fussent point conceuz légitimement : mais sauue sa grâce : Car Dictis de Crète tresancien historien, et qui estoit du temps de Troye, nous asseure du contraire, disant en son m. liure, en la personne de Priam, qui parle à Achilles, ces propres paroles : Quem {scilicet AUxanànim) conmgio deinde Oenone iunctum, etc. Et puis au iiii. liure : Âleœandri funus per partem aliam portes ad Oenonen : qiicB ei ante raptum HeUna mipserat, etc. Pareillement Strabo, tresdiligent inuestigateur de lantiquité Troyenne, dit en son xiii. liure de Géographie ces mots exprès . In Gehrinia regione, Alexandri et Oenones sepuïturam ostendi : quam dicunt Alexandrie 'cxorem fuisse^ prmsquàm Helenam raperet, etc. Parquoy appert quil ne faut aucunement douter, que ladite Nymphe ne fust sa propre femme et espouse légitime. Et aussi ne faut mettre en dubitation quelle ne fust gentilfemme, et de bonne maison : Car à le prendre en bon sens selon ce que met Bocace au xiiii. chapitre du vu. liure de la Généalogie des Dieux, Nymphes sont dites toutes nobles pucelles ou femmes tendres et délicates, de bonne complexion, fresche, san-
198 ILLVSTRATIONS DE GAVLE, ET
guine et humide, souefuement nourries, en chambres et salles ymbreuses, loing de hasle. Et pour ce les appellent les poètes Naiades, ou Napees, comme Déesses de fleuues et fontaines, pour Ihumidité succulente qui est en elles. Et au contraire, femmes agrestes, seiches et consumées de labeur et de peine quotidienne, ne sont point dites Nymphes. Et en tant que la Nymphe Pegasis Oenone, est tenue fille du fleuue Xanthus, comme met Vbertin commentateur des epistres d'Ouide, combien que Antoine Volsc la dise estre fille du fleuue Yphrites, il faut présupposer que son père estoit quelque puissant homme, ayant son tenement et possessions autour du riuage dudit fleuue, et de la fontaine Creusa : pour laquelle raison elle est appellee Pegasis : cestadire Nymphe ou Fee de fontaine. Car pege en Grec, signifie fontaine en François (comme met ledit Vbertin) pour lesquelles raisons ladite Nymphe Napee, ou si vous voulez Naïade, selon ce que met Lucan en son ix. liure, disant :
quo vertice Nais Lusei'it Oenone.
Soy confiant de la grandeur de son origine, reproche en son epistre à Paris son ingratitude, disant que trop est mescongnoissant de la laisser pour vne autre, quand il est paruenu à meilleure fortune : Attendu que luy estant comme poure serf, et esclaue entre les pastoureaux, elle qui estoit femme noble, yssue de haut lignage, le daigna bien prendre à mary. Et ses mots sont telz en ladite epistre d'Ouide :
Nondum tantus eras cùm te contenta maiito Edita de Magno fluoaine Nympha fui.' Qui nunc Priamides, etc.
De toutes lesquelles choses amplement informée la Royne Hecuba fut trescontente, et luy pleut bien de tout. Si auoit incessamment loreille aux escoutes, et lœil au bois pour trouuer occasion de ietter son cher enfant Paris hors de lexil ou il estoit, et le réduire (1) près de sa personne. Et est vraysemblable quelle ne se passa point de laller voir occultement en son nouueau mesnage : en feingnant (parauenture) daller à la chasse, ou pour visiter les troupeaux du Roy, ou en quelque autre manière. Neantmoins elle nen feit encores aucun semblant, pource que trop craingnoit doffenser le Roy. Or quant aux dessusdits deux enfans de Paris, il nen sera plus faite aucune mention doresenauant en ce présent volume. Car comme desia est dit, autre chose ne sen treuue. Mais il faut mettre son entente à continuer heureusement nostre matière à layde de Dieu.
(1) reducere, ramener.
ÎOO ILLVSTRATIONS DE GAVLE, ET
