CHAPITRE XXVIII
Spécification de la belle valee de Mesaulon, sur le fleuue Scamander, en. laquelle Paris Alexandre gardoit ses brebis. Et de la semonce de tons les Dieux et Déesses;, excepté Discorde, faite aux noces du Iloy Peleus de Thessale, et de la Nymphe Thetis, par le commandement du Dieu Jupiter, en Ihostel de Chiron le Centaure, et des régions dont vindrent les Dieux et Déesses, là ou la matière poétique est bien expliquée et dilucidee.
Tandis que la noble Nymphe Pegasis Oenone estoit en gesine de son second fîlz (comme le imagine) le ieune berger Paris Alexandre non sachant plus suiure compaignie si sa dame ny estoit, comme celuy qui de son amour estoit tant abruué (1) que plus ne pouuoit, deuenoit ainsi comme tout solitaire, et ne frequentoit plus tant la chasse quil souloit, ny ne se tenoit gueres auprès des bergers. Car il nest rien qui mue si soudain les conditions dun homme, que nouuelles amours, comme met Terence en sa première Comédie. Or aymoit il oultre mesure le lieu là ou premièrement il auoit eu iouyssance de sa dame : et souuent frequentoit la valee dont dessus est faite mention, en laquelle il en eut la première accointance. Si sen alloit souuentesfois à tout sa panetière et sa houlette, sa harpe et ses flageoletz et musettes, menant paitre ses berbisettes, et ses cheures, et ses gras bœufz et toreaux en la valee prochaine. Car le lieu
{\) ahuvré {éd. 1512).
estoit vmbreux et odoriférant par laduenement du printemps qui nouuelles fleurs et fueilles y auoit tissu, et sappelloit alors le val de Mesaulon : comme met Bocace au sixième liure de la Généalogie des Dieux. Et est prochain en comparaison à celuj qui sappelle Tempe, sur le fleuue Peneus de Thessale, dont Guide fait vue belle description en son volume de Métamorphose.
Car icelle valee de Mesaulon est humble et coye, se baissant doucement entre les deux cruppes des montaignes, lesquelles seslieuent hautement dun costé et dautre. Et sont richement reuestues de pins, sapins, cèdres, cyprès, ifz, huissetz, (1) et houx, geneure, galles, therebintes, et cocques : qui portent la graine descarlate, et de maints autres petis arbustes aromatiques. Et au fons de la valee le plaisant fleuue nommé Xanthus ou Scamander, couloit ses vndes aual qui sont verdes et bleues par la reuerberation du ciel et des terres prochaines, et bruit taciturnement entre ses riues, lesquelles sont bien peuplées de cannes, roseaux, ioncz fluuiaux, et autres herbes aquatiques. Entre lesquelz nidifient cygnes, plongeons, pionniers, malars, cercelles, fulliques, louchiers, poulies deaue, et autres oyseaux de riuiere. Et dessus les hauts arbres disposez au long du riuage, cestasauoir chesnes, saulx, fresnes, tilleux, allemarches, ormes, plaines, fouteaux, poupliers, myrtes, et lauriers, habitent maintes nouuelles espèces doiseaux : dont les plumettes peintes de diuerses couleurs sont esparses par dessus Iherbe poingnante : si comme phaisans, hérons, pellicans, poulies d'Inde, bécasses, grues, butors, cicongnes, corbeaux, cormorans, chauuettes, torterelles et coulons ramiers.
(l)buissetz(éd. 1512 et 1528).
202 ILLVSTRATIONS DE GAYLE, ET
Le doux vent Fauonius, qui souffle d'Occident et fauorise aux boutons sortans des branches des arbres, faisoit cresper doucettement et figurer raultiformement la partie superficielle des nobles vndes de Scamander. Et le tresbel Alexandre se delectoit à ouyr le chant des oiseletz, qui decoroient la fresche matinée de leurs harmonieuses chansonnettes, dont entre plusieurs estourneaux, merles, mauuis, iays, loriotz, masenges, nonnettes, pies, picz vers, pinçons, pyuoines (1), passerons, serins, tarins, verdiers, calandres, lynottes, aloettes, et autres dediuerses espèces, Philomena la douloureuse sœur de Progne larondelle ûWe du Roy Pandion d'Athènes ayant forme nouuelle de rossignol, faisoit grand querimonie de sa virginité perdue, et îtys son neueu le malheureux enfant Royal, aussi nouuellement transformé en vn chardonnereul, ayant encores la teste rouge de son propre sang, debrisoit piteusement en ses prolations le decours de son infortune, tellement que le riuage en retentissoit loing et près, et semonnoit le ioyeux cœur de Paris à ditter et composer lais et virelais à Ihonneur de sa dame, lesquelz puis après il chantoit sur sa harpe harmonieuse. Et autresfois soccupoit à entailler sa deuise à tout vn couteau, sur lescorce des fouteaux, et autres arbres, en escriuant le nom et les tiltres d'Oenone sa dame : A fin que dautant elle fust exaucée, comme les arbres croitroient : et dautant que plus ilz croissoient, dautant plus saugmentoit au iouenceau Paris lamoureux désir dicelle. Dont entre plusieurs mots quil y meit, vne fois entre autres il ditta cestuy cy :
Quand Paris délaisser Oenone on verra, Xanthus le ileuue cler encontremont ira.
(1) bouvreuils.
SmGVLARlTEZ DE TROYE. LIVRE I. 205
Vn iour donques entre les autres que la laine du mouton à la toison dor, Prince des douze signes, resplendissoit par les rais du soleil vernal, lupiter troisième de ce nom, Roy de Crète, souuerain des hommes et des Dieux selon lopinion des anciens, estant pour lors en son grand temple de Dodone, qui est en vne prouince de Grèce, nommée Chaonie, pour décorer les noces de son neueu Peleus, filz d'Eacus, Roy de Thessale, de Myrmidone, et de Pharsalie, lequel espousoit la belle Nymphe Tethys, surnommée la leune (à la différence de la grand Tethys Déesse de la mer) feit venir de la cité de Cyllene en Achaie, son filz et son héraut Mercure, le Dieu deloquence, lequel il engendra iadis en Maie fille du grand géant Atlas. Et quand il fut venu douant sa présence, lupiter luy enioingnit daller promptement semondre tous les Dieux et toutes les Déesses du ciel, de la mer et de la terre : et de par luy leur commander, quilz se trouuassent tous au grand conuiue quil vouloit faire sur le haut mont Pelion de Thessale, en Ihostel de son frère bastard Chiron le Centaure, cestadire demy homme et demy chenal, filz de Saturne, et de la Nymphe Phillyra. Car lupiter auoit prédisposé en sa céleste prouidence, que de la conionction matrimoniale desdits Peleus et Thetis naistroit en brief, le grand chef dœuure en prouesse et en armes, le treshardy combatant Achilles, qui feroit triompher le nom des Grecz, en perpétuelle mémoire des siècles aduenir. Et selon la prophétie de Proteus le sage diuin Roy d'Egypte, seroit plus grand et plus renommé, que celuy qui lauroit engendré, et pource sestoit déporté lupiter de prier damours ladite Nymphe Thetis, de peur quil nengendrast en elle plus grand que luy. Si commanda à Peleus son neueu de lespouser. De laquelle chose ledit Peleus ne vint pas à chef sans grand peine. Car Ja Nymphe se tr^^nsformoit en
ÊBA ILLVSTRATIONS DE GAVLE, ET
maintes sortes et manières : cestasauoir, vne fois en oiseau, et autresfois en arbre, et puis en tigre, comme appert clerement par lonzieme Hure d'Ouide en sa Métamorphose.
Mercure donques entendant que son seigneur et père le Roy lupiter vouloit célébrer la natiuité future de son beau neueu Achilles, en la plus grand solennité que faire se pourroit : pour accomplir son commandement, affubla sa riche capeline, que les poètes nomment Galère, laquelle est garnie de belles plumes, en signifiance que Ihomme éloquent est armé de deffence et de diligence, contre tous ennemis : Puis chaussa ses talonnieres de fin or, garnies de belles esles, qui luy seruent à voler parmy lair, en dénotant la grand vélocité de la parole, qui va légèrement en diuerses régions loingtaines. Et print en sa main sa verge ou masse de héraut, que les poètes appellent Caducée, enuelopé de deux serpens entortillez, qui signifient prudence. De laquelle verge il enchanta et endormit iadis Argus le clervoyant. Car prudence et beau parler humain endort les plus rusez. Et à tout ces accoustremens Mercure sen coula parmy la région aërine clere et sapphirine, pour parfournir son message, lequel il acheua en peu dheure, combien que les personnages ausquelz il sadressoit feissent résidence en diuerses pars, de grand distance et remotion.
Au mandement du Roy lupiter exposé par Mercure, tous les Dieux inférieurs et supérieurs, et les grands Déesses aussi, les Demydieux, Heroës, Nymphes et Demydeesses, obéirent promptement, et abandonnèrent leurs manoirs, régions, seigneuries, domaines, citez, temples, autelz, et autres lieux sacrez, pour prendre leur chemin vers le lieu assigné, du haut mont Pelion de Thessale. Excepté le vieillard Saturne, triste, mélancolique, et tardif, selon la nature de sa planette : Lequel sexcusa de venir, pource quil estoit
malade. Et aussi que sa sphère et région est trop loingtaine de la terre habitable. Pareillement lancien père des Dieux Demogorgon demeura en son abyme, et au parfond centre de la terre : si nen peut onques eschapper. Or diray ie de quelz pais, isles et régions, vindrent la plus part des autres Dieux et Déesses, par mer et par terre, en ensuiuant Virgile en ses Priapees, qui assigne à chacun diceux certain lieu et habitation, et aussi Bocace, et autres acteurs.
Premièrement y alla, de la grand mer Oceane Thetis Déesse des eaues : et entra par les destroits de Maloch, (1) en la mer Mediterrane. Icelle grand dame Thetis fut fille du Ciel et de Vesta, cestadire la terre. Car Vesta est ainsi dite, pource quelle est vestue de fleurs et de verdure. La dessudite Tethys est mère génitrice de toutes Nymphes et Fées : Car toutes femmes sont humides de nature. Elle estoit montée sur le chariot de son mary le grand Océan, qui va et vient, flotte et reflotte deux fois le iour : et estoit trainee par deux grands balaines : et à sa queue estoit sa fille Doris, ainsi nommée pource quelle est amere et salée, ensemble les Siraines et grand nombre de Nymphes apellees Nereïdes, pource quelles sont filles de Nereus, et de ladite Doris : lesquelles estoient montées sur le dos des Dauphins. Et toutes estoient sorties de leurs parfonds gouffres et repaires de mer, délibérées de venir faire honneur à leur sœur et compaigne, la ieune Tethys espousee.
Consequemment des isles qui sont en la mer Mediterrane, y alla pour le premier Eolus seigneur de lisle de Liparos, et des autres isles Vulcanes qui sont à lendroit de Sicile. Iceluy Eolus est Roy des vents, filz de lupiter le tiers, et de la Nymphe Sergeste. Mais il ne mena auecques luy fors
(I) Maroch (éd. 1512).
âbft ILLVSTRATIONS DE GAVLE, ET
seulement le doux vent Zephyrus, autrement appelle Fauonius, pource quil fauorise aux fleurettes : et sa femme la belle Nymphe Flora. Si enferma Boreas et ses autres compaignons trop terribles et impétueux dedens les cauernes et gouffres desdites isles. Et de lisle de Lemnos, qui est lune des Cyclades, partit le boiteux Vulcan Dieu du feu, lequel est feure des Dieux, et forge les foudres de son père lupiter, tant en ladite isle, comme au mont Etna de Sicile. Il mena auec luy deux de ses ouuriers nommez Cyclopiens : Cestasauoir Brontes et Pyragmon, qui sont grans Geans : et recommanda fournaises, enclumes, et marteaux aux autres compaignons.
De lisle de Crète, desmarcha la clere Déesse Diane, quon appelle autrement Phebe ou Luna, laquelle tous les mois repare ses cornes : et amena auec elle grand nombre de Nymphes : Elle estoit montée sur vn chariot à deux roues pour designer son cours iournal et nocturne, lequel estoit tiré par deux cerfz blancz : signifiant quelle est Déesse des Veneurs. Aucuns disoient que cestoient deux cheuaux dont lun est blanc et lautre noir. Le blanc dénote le iour : et le noir la nuict. De lisle de Rhodes vint Apollo autrement nommé Sol, ou Phebus, filz de lupiter et de Latone, et frère germain de ladite Déesse Diane. Lequel portoit en son noble chef auricome vn diadème cler et irradiant, distingué de XII. pierres précieuses selon les douze signes de Zodiaque. Et estoit monté sur son chariot doré, à tout lequel il circuit continuellement la terre. Iceluy chariot est aorné richement de diamans, chrysolithes, rubis et autres pierres précieuses, qui dénotent les diu erses vertuz et proprietez du Soleil, et sont mises en œuure à lenteur des roues aureïnes, des rays argentez, et du timon de fin or massif. Et Aurora, cestadire laube du iour, sa belle four-
SINGULÂRITEZ DE TROYE. LIVRE I. ^fff
riere fille de Titan et de la Terre, le precedoit chassant toute ténébreuse obscurité nocturne de douant luy.
En après vint de lisle de Cypre, la belle Déesse Venus fille de lupiter et de la Nymphe Dione, et laissa ses nobles vergers floris qui sont en ladite isle. Si vint auec luy son filz Oupido Dieu damours, aorné de telz accoustremens quon scait. Lequel aussi amena sa fille Volupté : et les trois Grâces filles de la Nymphe Autonoé vindrent auecques leur maistresse la Déesse Venus. Pareillement de lisle de Tenedos, qui est le bien aymé seiour de Neptune, deslogea ledit Dieu Neptunus, filz de Saturne et de la Déesse Opis, et sen vint en grand pompe séant sur vn chariot que douze chenaux marins trainoient, sur flotz et sur vndes salées. Lequel chariot dénote la circuition que la mer fait alentour de la terre : il tenoit en sa main vn grand trident en lieu de sceptre, en signifiant les trois proprietez de leaue : cestasauoir quelle estlabile, cestadire coulant, nauigable, et potable. (1) Et menoit auec luy ses instrumentaires et précurseurs appeliez Tritons qui cornent en bussines de coquilles de mer, et désignent le bruit que la mer fait contre les riuages et rochers. Aussi mille autres monstres de mer le suiuoient. Si laissa Neptune, la garde des grans troupeaux de ses poissons et belues marines, à Proteus le sage vieillard Roy d'Egypte, filz de l'Océan et de la grand Thetis, lequel estoit son berger. Et oultreplus, recommanda la conseruation des ports et haures de mer, à Pôrtunus, autrement appelle Palemon, le Dieu diceux. Et la defiense des riuages, à Marica la Déesse. Et ce quant aux isles de mer.
De la région de terre ferme, oultre la mer Hellesponte, cestasauoir de Phrygie, qui est en Asie la mineur, et du
(1) portable (éd. 1512).
208 ILLVSTRATIONS DE GAVLE, ET
mont Berecynte enuiron Troye vint dame Cybele la grand mère des Dieux, femme de lancien Saturne, et fille du Ciel et de Vesta. Laquelle est nommée Vesta, pource quelle est reuestue de fleurs (comme dessus est dit) ou Terre, pource quelle est conteree (1) et defoulee des piedz, ou Opis pource quelle baille opulence, et opitulation aux viuans, ou Aima et Pales, pource quelle preste aliment et paslure aux animaux. Ladite Cybele donques estoit montée sur son chariot, attelle de quatre Lyons domptez, pour demonstrer que les plus forts de la terre sont subietz aux loix de Nature. Et tenoit vn sceptre Royal en sa main. Ayant au chef vne grande et merueilleuse couronne, toute estofFee de tours, citez et chasteaux. Sa robe estoit bien figurée de bois, herbes, et diuers arbrisseaux dont la terre est parée. Et tout alentour délie ses gens appeliez Corybantes, armez et embastonnez, sonnans tabours, tympanes et bedons, dont ilz menoient grand noise, en signifiance que chacun doit estre prest à deffendre sa terre et son païs. Priapus aussi le Dieu des iardins et de fertilité vint de (2) ce quartier : cesta-dire de Lampsacus, qui est vne cité de Phrygie, située sur la mer Propontide.
Des parties Citramarines, cestadire de la région d'Italie, passèrent la mer Adriatique, et allèrent ausdites noces Hercules filz de lupiter et d'Alcumena, nouuellement deïfié en la cité Tyburtine, à cause de ses grands prouesses : et de ce quartier aussi y allèrent Faunus filz de Picus, et Syluanus son compaignon, lesquelz sont tous deux Princes et Demydieux des bocages. Pareillement y alla de Sicile la fertile, la noble Déesse Ceres, fille de Saturne et de la
(1) battue.
(2) à (éd. 1512),
Déesse Opis, laquelle est dominateresse des bledz. Maintenant reste à descrire les Dieux et Déesses, qui y allèrent de Grèce.
Pluton Roy de Molosse, et des régions inférieures, frère de lupiter et de Neptune, et filz de Saturne et de la Déesse Opis souuent nommée, partit de basse terre et de sa grand cité nommée Dis, qui est toute barrée de fer, et se fia du tout en son portier Cerberus le grand chien à trois testes. Il estoit monté sur vn chariot à trois roues, que trois cheuaux plus noirs que meure trainoient : en dénotant que la puissance Plutonique, cestadire les richesses lesquelles on prend es régions souz ter raines, sont tirées par trois grans labeurs, cestasauoir délibération dacquerir, tristesse et difficulté. Si amena auec luy sa compaigne Proserpine, fille de Ceres Déesse de fertilité. Et de la riche cité de Mycenes qui estoit en Achaie, y alla la Royne luno bien accompaignee. Aussi Pan le Dieu des pasteurs habitant es landes de la prouince d'Arcadie, laissa ses brebis, et se meit à chemin. Et en oultre, la Déesse Pallas partit de luniuersité d'Athènes, et se tira celle part. Et les neuf Muses laccompaignerent, auec leur mère Mémoire.
Dautre costé Mars le terrible, filz de luno la diuerse(l) qui estoit bien empesché en ses batailles print tresues, et desmarcha du plus profond de Thrace sur les frontières de Tartarie, à simple estât et peu de compaignie : laissant en son ost Impétuosité, Boutcmens de feuz. Homicide, Iniure, Dispersion de biens, Ruïne, Espies, Menasses, Tristesse, Fureur, et autres souldars de la guerre, qui ne sont point duisans à vne assemblée nuptiale. Et sen vint hastiuement monté sur vn chariot tout dacier, fourbi et destrempé à gros clouz
(I) dure y cruelle.
210 ILLVSTRATIONS DE GAVLE, ET
darain, dont les cheuaux estoient hideusement teints et couuers descume et de sang, fumans et hennissans horriblement : et luy tout eschauffé ayant les mains sanglantes, et lo visage tout terny de pouldre et de sueur, se vint ruer au lieu de lassemblee. Mais les dames qui le recueillirent, le lauerent deaue rose elles mesraes, et le désarmèrent. Puis luy baillèrent vn riche manteau de pourpre, fourré dermines, qui le rendit plus gracieux et plus auenant.
Tous les Dieux estoient arriuez, excepté le gentil Bacchus Dieu du vin, filz de lupiter et de la belle Sémele. Et pource quil tardoit beaucoup, à lappetit des attendans, et que la feste ne valoit rien sans luy, le héraut Mercure fut renuoyë pour le haster. Si le trouua partant de son lieu natal : cestasauoir de la cité de Thebes, en Beotie, qui sen venoit en grand triomphe sur son chariot, trainé par Lynces, qui sont bestes ayans le regard si agu, quil perce les murailles, et par Tigres, qui sont bestes tresfurieuses : en signifiance que quand Ihomme prend du vin raisonnablement, on en voit plus cler en ses affaires : et quand il en prend oultre mesure, on perd lusage de raison. Bacchus estoit en forme dun ieune homme nud et efféminé, pour dénoter, que le vin diuersement administré, raiouenist, desnue, et amolist les gens. En son chef il auoit vn chapeau de lierre, dont on couronne les poètes, en désignant que le vin est tousiours en sa vigueur et fioriture. Et en sa main tenoit vn sceptre de lettons de vigne. Apres Bacchus, venoit son maistre et gouuerneur appelle Silenus le bon vieillard, lequel estoit desia yure, et monté sur vn asne, tenant vn grand flascon par lanse : et se laissoit tomber. Mais Marsyas le Satyre, et ses compaignons le redressoient, et alloient alentour de luy, à tout leurs barbes et piedz de cheures, sautans et
treppans, (1) rians et vociferans par grand lasciuité : dont à lapprocher, la noble assemblée se print fort à rire. Le gentil Dieu Bacchus descendit de son chariot, et fut receu et bienuiengné grandement des Dieux et Déesses, des seigneurs et des dames, et son noble arroy fort prisé.
Oultre les dessusdits, plusieurs autres Dieux et Déesses, Demjdieux Demydeesses, Heroës et Heroïdes, de toutes pars arriuerent à la feste, dont le nombre est presques innumerable. Mais entre les autres y abordèrent et furent les bien venuz, Honneur, Grâce, Vertu, Victoire, Amour, Maiesté, Fortune, Renommée et Vénération. Et le gentil prestre Genius, amj de Nature, filz de Mercure et de Lara la belle (2) Nymphe : lequel y fut semons pour bénir lespousee, auec Hymeneus le gracieux Dieu des noces. Mais au contraire la faulse diablesse Discorde, autrement appellee Litige , et sa malheureuse bende, cestasauoir , Labeur, Enuie, Peur, Dol, Fraude, Pertinace, Poureté, Misère, Famine, Querimonie, Maladie, Vieillesse, Palleur, Nuict, Ténèbre, Melencolie et sa fille Tristesse, Paresse, Honte, Conturbation, Sommeil, et Mort. Tous enfans de Erebus : cestadire Bnfer, filz de lancien père des Dieux Demogorgon, et de lobscure profondité des abymes appellee Chaos. Et les trois Furies aussi, ce sont les trois rages infernales : cestasauoir Alecto, Tisiphone et Megera, filles d'Acheron Ihorrible fleuue, à tout leurs cheueux colu brins se cuiderent témérairement ingérer dentrer au pourpris deïfique, nonobstant quilz ny eussent point esté appeliez : (car Discorde et telles manières de gens ne doiuent point estre en bonne compaignie) Mais ilz furent rudement reboutez par
(1) saultans et tripudians (éd. 1512).
(2) la nymphe (éd. 1512 et 1528).
212 ILLVSTRATIONS DE GAYLE, ET
lanus à deux visages, portier des Dieux. Lequel tenoit en ses mains vn grand serpent retortilJé, mordant sa queiie. Si sen retourna la honteuse bende, toute dolente et confuse, es fauxbourgs d'Enfer dont elle estoit venue. Excepté Discorde la hideuse et la criminelle, laquelle se mussa en vn cauain parfond crolant la teste, pleine de menasses : et dit que bien sen vengera.
