CHAPITRE XXIX
Description du haut mont Pelion de Thessale en Grèce. Et célébration des noces du Roy Peleus, et de Thetis la Nymphe, en grand gloire et triomphe, auecques toutes manières desbatemens, là ou maintes choses poétiques sont touchées et exprimées assez clere" ment, qui bien y prend garde.
Le mont Pelion en la prouince de Thessale, auquel ces noces se faisoient, est haut et droit à merueilles. Car selon les escritures (1), si le sommet iusques au pied estoit mesuré perpendiculairement, cestadire à plomb, il ha bien mille deux cens cinquante pas de hauteur. Or estoit arriué bien matin sur ledit mont, le Roy des Dieux et des hommes lupiter, qui est ainsi dit, quasi iuuans pater : cestadire père aydant. Et se seoit en son throne deïfique et impérial esclarcissant les nues par la sérénité de sa chère, (2) auironné de gloire et de maiesté triomphale : selon la resplendeur de sa clere planette, qui est chaude et humide, modeste, et attempree, hautaine, libérale, miséricordieuse et amoureuse. Son noble throne estoit disposé au plus haut de la montaigne, souz vn haut chesne glandifere. Lequel arbre est dédié à iceluj Dieu lupiter, en signifiance que au premier aage, la prouidence diuine paissoit les hommes de
(1) les livres.
(2) visage.
glands. Auprès de luy estoit le beau Ganymedes Troyen, son eschanson, tenant sur le poing vn grand aigle Royal, lequel oyseau est consacré à lupiter, pource quil vole plus haut que nul des autres : et dénote présage et signification de hautesse impériale et victorieuse. Auprès de luy estoit son héraut Mercure, et larchiprestre Genius, auecques les dessusnommez : cestasauoir Honneur, Grâce, Vertu, Victoire, Amour, Maiesté, Fortune, Renommée et Vénération. En sa main il tenoit vn sceptre fulgurin à trois pointes et rays, pour designer que la foudre que Dieu enuoye en terre, ha trois proprietez principales. Cestasauoir pour la première, quelle est clere et coruscante : pour la seconde, tronche et pénètre toute chose matérielle : et pour la tierce, elle brusle et confond tout ce quelle atteint.
Or fut le grand Roy lupiter moult ioyeux quand il veit si noble assemblée et tant de hauts personnages arriuez sur la montaigne, tous resoluz à faire bonne chère. Et ne douta sinon que Mars le grand Dieu des batailles troublast la feste comme il auoit fait autresfois aux noces de Pirithous, et Hippodamie, en ce mesmes païs de Thessale, esquelles il incita les Centaures moitié hommes moitié cheuaux, à faire meslee furieuse et mortelle contre les Lapithes, comme descrit élégamment Ouide au douzième Hure de sa Métamorphose. Toutesfois pource quil le veit paisible et débonnaire entre les dames, il neut aucune souspeçon de luy. Mais tout le mal viendra dun autre costé : cestasauoir de la faulse Déesse Discorde, qui sen est allée au iardin des Hesperides en Afrique, pour quérir vne pomme dor, dont le noble conuiue sera desemparé. De laquelle chose ignorant le bon Roy lupiter, il se tourna deuers ses ministres, en leur commandant que lappareil fust grand et somptueux, et que chacun fust diligent de semployer en son office ordi-
SINGVLARITEZ DE TROYE. LIVRE I. î2l 5
naire. A quoy faire, Hz furent tous prompts et ententifz. Car alors Flora la gracieuse Nymphe compaigne du doux vent Zephyrus, sentremit de tapisser la noble montaigne de fresche verdure, et de plantes aromatiques et flairans violettes dyaprees de maintes couleurs, dont son mary le gentil Zephyrus filz d'Astreus et de la belle Aurora luy faisoit fourniture. Si comme de mariolaines, poliot, cyprès, spic, romarin, euroine, mente, basilisque, marguerites, soucies, ancolies, iennettes, giroflées, coqueletz, percelles, bacinetz, passeroses, passeueloux, glays, noyelles, liz, pencees, muguetz, roses, et œilletz herbuz. Les autres Nymphes aussi meirent la main à la paste, et se ayderent de leur part. Mesmement les Hymnides, lesquelles se prindrent à tendre et dresser au long de leurs praries, les beaux verds buissonnets florissans et les hayes toutes couuertes de fioriture. Faisans tentes, tref, treilles, fueillees, frescades et pauillons de rosiers florissans , de flairans englen tiers, groseliers, meuriers, framboisiers, iassemins, sehuz, (1) vignettes, et couldriers, pour faire vmbrages aux Dieux. Et quand ilz furent tous tendus et bien hourdis, Rosée la belle pucelle, fille de la Lune et de TAir, vint pendre autour des branchettes mille perles rondes, et gemmes cleres et transparentes quelle tira de son espargne, pour enrichir leur fiorissance, laquelle rendoit telle odeur, que toute la région en estoit toute imbue et embaumée. Aucunes des autres Fées, si comme les Napees, sestudierent de faire sortir de plusieurs endroits de la montaigne, plusieurs fontainettes et ruisseaux courans à douce noise, dont leaue estoit plus clere que béryl, et le regard amené et délectable. Si produisirent aussi les Hamadryades, et meirent hors de
(l) sebuz(éd. 1528).
216 ILLVSTRATIONS DE GAVLE, ET
leurs arbrisseaux, plusieurs fueillettes et fruitages de diuerses sortes, tellement que ce pouuoit sembler vn paradis terrestre. Car chacune si employa par grand estude, qui mieux mieux : Mesmes Syluanus le Dieu des bois et des forestz amplia ses vmbres de plus grand estendue pour rendre le lieu plus plein de délices.
Ce pendant aussi les Heures filles du Soleil et de Chronis : cestadire, du Temps, portières du Ciel, et palafrenieres (1) de Phebus, establirent les quatre merueilleux cheuaux aux frains dorez de leur seigneur, ayans les crins recercellez et rutilans de fin or, et longle des piedz dun métal nommé aurichalque, en lieu de corne. Lesquelz chenaux iettent feu et flambe par la gueuUe, et sont leurs noms, Pjrois, Eous, Ethon, et Phlegon. Le premier est rouge, le second est blanc, le tiers est iaune et ardant, et le quart est noir et obscur, selon les diuerses dispositions du iour. Et auec ce lesdites Heures prindrent la charge de lescuyrie des autres Dieux : en administrant largement parmy les râteliers précieuses herbes et fourrages propices à la nourriture des autres diuerses bestes. Broutes et Pyragmon, Cyclopiens, enfans de Neptunus et de Amphitrite, grans Geans et de la famille de Vulcan, pource quilz ayment le feu furent contens dauoir charge de cuisine. Priapus le Dieu des iardins et de fertilité, filz de Bacchus et de Venus, fut verdier ou saulsier. Si fournit la cuisine de toute verdure nécessaire, et broya la saulse.
Vulcan autrement appelle Mulciber, feure des Dieux, fut estably à la garde du buffet, duquel toute la riche vaisselle auoit prins tournure, merueilleuse et supernelle, par ses propres mains. Le gentil Perseus filz de lupiter et de
(1) pallefreniers (éd. 1512).
la belle Danaé, auec le noble lason filz du Roy Pelias de Thessale, portant à son col lordre diuine de la toison dor, furent enroollez pour escujers trenchans. Car nouuellement ilz estoient stellifiez et rédigez au nombre des Dieux. La noble Nymphe Hebe, Déesse de ieunesse et fille de la Royne luno (de nouuel espousee, au preux cheualier Hercules lequel estoit deïfié) fut establie à seruir le Roy lupiter, de couppe dor. Et Ganymedes le noble enfant Troyen à excercer la charge ordinaire deschanson enuers les autres Dieux : et attrempa les douces potions nectarees pour iceux seruir. Certes la Déesse des bledz, eust desia fourny tous les offices de paneterie. Les gens de Bacchus pareillement eurent fait garnison de toutes sortes de vins, tant pour la bouche que pour le commun. Pomona lune des Hamadryades, et Frutesa sa compaigne eurent aussi fait finance de toutes espèces de fruiterie. Et fut incontinent tout prest : au moyen de la solicitude et bonne diligence d'Hymeneus le Dieu des noces, filz de Bacchus et de Venus, ayant pour ce iour charge de maistre dhostel, auecques le Roy Peleus espoux.
Quand les précieuses tables Dyuoire et de Cèdre, estof-* fées dor et de pierrerie, furent couuertes et disposées parmy la prairie, les Tritons qui sont menestriers et trompettes du Dieu Neptunus, cornèrent leaue, alors après que lupiter le Roy des hommes et des Dieux eut laué, il sassist à table, et auprès de luy la Royne luno sa sœur et compaigne. ' Et consequemment au bout de la table, la belle Nymphe Thetis ieune espousee. Les autres Dieux et Déesses Demydieux et Demydeesses furent assis es autres tables chacun selon son degré et vocation. Et les Heroës et Princes seruirent en lieu de ieunes gentilz hommes. Les gentilz Satyres fort légers et soudains à tout leurs piedz de cheures coururent
ILLVSTUATIONS DE GAVLE, ET
à la viande, comme si ce fussent pages. Laquelle Cliiron le Centaure leur deliura, pource quil seruoit descuyer de cuisine. Si ne faut pas attendre la description des mets ambrosiens confits en ma'nne céleste, dont les Dieux furent seruiz alors : ne aussi lapprest diceux, ou lordre du seruice : car le raconter excederoit pouuoir humain. Mais il suffit dimaginer, que ceux qui ont en gouuerne les cieux, la mer, la terre, les enfers et tous les éléments, neurent faute daucune chose qui soit désirable en ce monde.
Or feirent les Dieux si grand chère, que iamais ne fut veiie la pareille. Dont Cybele la grand mère des Dieux receut au cœur vne ioye inestimable, voyant tant de sublimes esprits de sa noble génération tous assemblez en tel triomphe. Et le noble Bacchus appelle Liberpater, tout libéral, et tout ioyeux, lestenoit en plus grand liesse, et les inuitoit à boire ses vins délicieux, et en taster puis de lun puis de lautre, tenant en sa main vn pesant hanap large et ample, que souuent il faisoit remplir, pour pleiger dautant. Aucuns des Demydieux, qui le cuiderent suiure ne le peurent pas bien supporter, ainçois en furent prins par le nez.
Apres que le mestier (1) fut seruy, les quatre Siraines fines ouurieres filles du fleuue Achelous, et de Calliope la Muse, compaignes de Proserpine fille de Ceres, Déesse de fertilité, se présentèrent sur le beau bout, ayans visages de pucelle, esles au bras, pour facilement voler dun lieu à lautre, le corps féminin iusques au nombril, auquel est situé toute leur libidinosité, les queiies de poissons comme bestes lubriques et légèrement coulans, et les piedz de coq, à tout lesquelz elles grattent par tout pour trouuer pasture. Ces
(1) la table. Cf. Dueange v» Ministerium.
quatre meretrices et monstres marins, se prindrent à chanter et accorder leurs instrumens, ausquelz chacun se rendit ententif. La première nommée Parthenope, qui depuis fut enterrée à Naples, chanta vn cler dessus^ de sa voix cliquante et sonoreuse. Leucosia la seconde ioua la partie du teneur à tout sa harpe dyuoire. Et Lygia la tierce feit la contrebasse des fluttes doubles. Et la quarte nommée Iligi attrempa toute Iharmonie par le son bondissant de son tympane. Elles quatre prononçoient si doux accords et prolations de diapason, triple, diatesseron et autres figures de musique, que à la mélodie non accoustumee, plusieurs soublierent et sendor mirent à table. Dont le Roj lupiter se donna garde, et de peur quil ne sommeillast, se leua tantost de table. Si feirent tous les autres Dieux et Déesses.
Les tables abatues, et la place deliure. Pan se meit en auant. Pan est le Dieu des pastoureaux d'Arcadie, qui signifie, le tout vniuersel, filz de lancien père des Dieux Demogorgon, et de Chaos, cestadire la confusion des choses : ayant le front cornu, comme le croissant de la Lune : la face rouge et enflambee, comme le Soleil : la barbe longue iusques au pis, signifiant la vertu actiue des quatre Eléments, descendant en terre : les espaules couuertes et aornees dune peau de diuerses couleurs, appellee Nebride, représentant le ciel stellifere et la variété des corps célestes : les cuisses et les iambes lourdes et velues, denotans la superficialité de la terre. Et tenoit en sa main vne houlette pastorale, seruant au régime et substentacle de nature naturee. Lors souffla Pan en sa chalemelle de sept buseaux accordez selon Iharmonie des sept Planettes, et feit danser Egle et Galatee les belles Naiades, auec les plaisans Satyres, Pans, Egypans, et Tityres qui faisoient merueilles de saillir, de trepper, et de se démener. Si ren-
220 ILLVSTRATIONS DE GAVLE, ET
força la douce noise par retentissement des prochaines valees, esquelles la Nymphe Echo iadis amoureuse de Narcissus, respondoit tousiours au dernier verbe selon sa nature.
Tantost après suruint le cler Dieu Apollo, touchant de sa harpe dorée par grand maistrise : ayant le chef couronné de laurier. Et amenoit en vn bransle, les neuf Muses filles de Jupiter et de Mémoire, ausquelles il préside tousiours, à cause que des neuf sphères des cieux, celle du Soleil est la plus parfaite en harmonie. Icelles neuf Muses, selon lesdites neuf sphères des cieux, chantèrent diuerses chansons toutes concordantes en raison de musique, en remémorant chacune en sa cantilene, ce dont elle auoit esté inuenteresse. Clio pour la première, recita en son chant les nobles histoires et faits cheualereux des preux de iadis. Melpomene la seconde, prononça en graue accent, ses autentiques tragédies. Thalia la tierce, descliqua ses plaisantes comédies treselegantes. Euterpé la quarte, feit noble modulation de ses fluttes, dont elle trouua premièrement lusage. Terpsichore la cinquième, diminua maint bon passage, de son mélodieux psalterion. Erato la sixième, se desgoisa, et dansa doucement selon les mesures de Géométrie. Calliope la septième, tressage clergesse, et bien literee, de sa voix clere et résonante chanta maint dittier scientifique. Vrania la huitième, fonda toute son harmonie sur le noble mouuement des cieux. Et Poîymnia la neuuieme, et la dernière, meslee de plusieurs sciences, accentua maints chants Royaux, balades, seruentois, lays et virelays, aornez de couleurs rhetoricales. Lesquelles choses pleurent singulièrement au Roy lupiter, et aux autres Dieux. Si en prisèrent beaucoup lafFaire.
