CHAPITRE XXX
De la faulse Déesse Discorde, qui ietta la pomme dor, entre îuno, Pallas, et Venus. Et comment lupiter nen voulut iuger : mais fut renuoyé le iugement au ieune berger Paris Alexandre : Ters lequel Mercure guida lesdites trois grands Déesses. Auec mention dun autre iugement de Paris et de sa harpe.
Tandis que le doux bruit, et la noise accordée du chant et des instrumens, estoit si grande, que à peine y peust on ouyr Dieu tonner, et que la noble compaignie, ne pensoit à autre chose, fors à ioujr de toute plaisance délicieuse, pour rendre le conuiue nuptial plus illustre, et plus honnoré, Discorde la noire Déesse (dont dessus est faite mention) non contente de sa repuise, auoit tant fait dexploit, à tout ses brunes esles draconiques, quen peu dheure elle estoit volée iusques au riche iardin des belles Hesperides, filles du Géant Atlas, qui est en Afrique, duquel iardin le fort Hercules fut iadis hardy despouilleur. Et tant laboura la criminelle serpente, à force de prières importunes, et requestes adulatoires, que desdites pucelles, elle impetra vne noble pomme de métal aurein, qui croissent sur les entes de leur verger, et sont dédiées à Venus. De laquelle pomme quand elle se veit saisie, elle ioyeuse retourna légèrement au pied du mont Pelion, pour mettre à efFect sa malice excogitee. Si entailla promptement ces mots, autour du noble fruit :
ILLVSTRATIONS DE GAVLE, ET
La pomme dor enluminée, A la plus belle soit donnée.
Puis la charma et empoisonna de tensons, riottes, noises, et inimitiez. Et la baigna au ius de soucies, mélancolies et dautres plantes plus nuisantes et plus dangereuses, que nest le ius dune herbe appellee aconitum. Et quand elle eut ce fait, elle monta cauteleusement (sans estre apperceiie) au plus haut du mont Pelion, là ou les Dieux se deduisoient, et se tapit tout coyement, en lombre dun arbre appelle en Latin Taxus, et en François If, duquel lombre est mauuaise et mortifère : et là se feit inuisible.
Illec attendit Discorde la faulse et deceuable son opportunité, iusques à ce quelle veit ensemble trois puissantes Déesses, les plus nobles et mieux emparentees de toute la feste : cestasauoir luno, Pallas et Venus, qui sestoient escartees vn petit loing de la grand compaignie, en vn beau lieu plaisant et vmbrageux, et là endroit se soulassoient à cueillir flourettes. Lors elle iugea, quil estoit heure de besongner ou iamais. Si ietta occultement au mylieu délies trois, la malheureuse pomme resplendissante de noble couleur. Et quand elle eut ce fait, de peur destre ratainte, elle senfuyt plus vite quun carreau darbaleste, et s'alla plonger au fin fons d'Enfer, là ou est son domicile. Mais le grain de sa malheureuse semence demoura et fructifia si fertilement, que le goust en dure encores par tous les siècles.
Car incontinent que les Déesses veirent tresluire (1) la pomme dor au mylieu délies, par conuoitise et hastiueté feminime, furent esmues à la leuer. Toutesuoyes luno de qui elle estoit plus prochaine, leut premièrement en sa
(1) reluire.
manutenence : dont après lescriture leûe, se sourdit grande dissension entre elles, à qui elle deuoit appartenir : car chacune mettoit en auant sa grand beauté. Et tant saugmenta la question, que le bruit et la rumeur en paruint iusques aux oreilles du Roy lupiter. Lequel pource quil est iuste luge, droiturier et souuerain, fut establj par commun consentement, arbitré^arbitrateur, et amiable compositeur dentre elles, pour en congnoitre et discuter iusques en diffinitiue : mais point nen voulut accepter la charge, ains sen excusa, disant quil ne vouloit encourir la maie grâce de lune partie, ne de lautre. Car toutes estoient belles oultre mesure, et toutes de son sang. Et par ainsi luy sembla difficile den pouuoir discerner (tant estoient indifférentes (1) en formosité) mais leur conseilla quelles mesmes se trouuassentdaccord : ou autrement eslussent quelque luge subalterne, daucun de ceux qui estoient en présence, et si par appel le iugement luy estoit deuolu, lors il confermeroit ou infîrmeroit la sentence, selon les mérites de la cause, et selon ce quil trouueroit par son conseil. A laquelle chose ne se peurent encores accorder les trois Déesses : car en tous et chacuns des assistans trouuerent matière de suspection. Et ce voyant le beau Ganymedes Troyen, mignon du Roy lupiter, eschanson des Dieux, et lun des douze signes du Zodiaque, froid et humide, surnommé Aquarius, sauentura de parler, et dit en ceste manière :
Treshautes et tresredoutees dames et Déesses, puis que vostre plaisir nest de se condescendre à lelection daucun des Dieux immortelz, qui sont icy presens, il sensuit donques, si de vous mesmes ne vous appointez en transaction pacifique (parlant toutesuoyes souz vostre grâce et correc-
(1) peu différentes.
224 ILLVSTRATIONS DE GAYLE, ET
tion) que vous en reseruez le iugement à aucun de ceux qui sont mortelz. Dont si mieux trouuez, ien scay vn de mon parentage (descendu toutesuoyes de la lignée des Dieux) qui bien y satisfera, comme celuy qui entre les viuans est auiourdhuy le plus renommé de sauoir mettre fin à semblables querelles. Cest le tresbeau Paris Alexandre, filz de mon neueu le Roy Priam de Troye, nourry incongnuement entre les pasteurs des montaignes Idées, qui sont dédiées à la tressacree maiesté du Roy qui cy est.
Au parler du noble Ganymedes, les trois Déesses prestans escout, et non concluans encores, Mercure le Dieu deloquence, et dinuention, reprint la parole disant ainsi : Certes mes dames et mes Déesses, la vérité est telle comme lenfant Ganymedes Iha récitée (au moins selon la voix commune et plus fameuse) car Paris de Royal parentage (toutesfois sans Royal appareil) met en parité pareille, et accord pariforme, maintes pairs de pers et départies. Et nest point accepteur de personnes, ne sousteneur de querelles iniques. Mais droiturier retributeur de guerdons. Et que cecy soit véritable, moy mesmes puis faire foy de luy auoir veu faire vn tour de vray luge iuste, duquel la brieue recitation ne vous sera point fâcheuse ne désagréable. Il aduint dauenture nha pas long temps, que pour fournir certaine ambassade (dont le Roy mon père mauoit donné charge) ie passoye légèrement par dessus les montaignes Idées. Si apperceuz au fons dune grand valee, lenfant Paris appuyé sur sa houlette, qui regardoit ses brebis et ses toreaux paissans selon loriere (1) dun bois. Et cependant suruint dauenture vn torel estrange, de contenance fiere et hardie. Lequel en mugis-, sant dune voix ténébreuse, vint assaillir de pleine course
(1) A Torée.
lun des plus pnissans toreaux qui fust entre tous ceux du gentil Paris. Et tant le pressa (quelque defFence que lautre feist) que finablement fut contraint de se mettre en fuite : et demoura le camp et la victoire au torel assaillant. Dont Paris non seulement non coursé, mais tresioyeux, blasma la lascheté du sien, et extolla la force et lemprise du vainqueur estranger. Et pour demonstrer la rectitude de son iugement, cueillit incontinent fleurs de liz, roses et violettes odoriférantes, dont après auoit tissu vn grand floquart et chapeau (1), il en aorna les cornes dudit torel victorieux, et luy en feit vne couronne pour tesmoignage de sa vertu. De laquelle œuure ceux qui le veirent, louèrent beaucoup Paris Alexandre, et dirent que mieux estoit digne de régner, que de exercer pastourerie. Parquoj si ainsi est, que vous mes Dames, vous submettez à sa iudicature, il est à coniecturer que vous nen pourrez auoir sinon bonne yssue, et ie moffre vous y conduire.
De ce conte rirent assez les Dieux et les Déesses. Et mesmement les trois principales, lesquelles le trouuerent bon , et touttes dun vouloir vnanime saccorderent de faire le pasteur Paris Alexandre, leur iuge arbitraire en ceste matière, moyennant que le Roy lupiter y interposast son décret, ce quil feit assez enuis (2) toutesuoyes : Car bien congnut alors, que cest ouurage et pratique auoit esté trafiqué par le moyen de Discorde la maudite Déesse. Si se douta que ce ne fust vne sourse de nouuelle contention entre les Dieux, et présage de dissension future. Toutesuoyes il ordonna que la pomme dor fust séquestrée es mains de son fîlz Mercure leur guide et conducteur, iusques à la chose adiugee par nouueau luge champestre.
(1) nœud et guirlande.
(2) malgré lui.
226 ILLVSTRATIONS DE GAVLE, ET
Alors la Royne luno commanda à la messagère Iris de trois couleurs, fille de Thaumas, (1) quelle attellast promptement son chariot et ses paons à grands queiies peintes, esquelles sont les yeux d'Argus. Et Iris obéît par grand attention, et leur meit au col les beaux coliers dorez, au moyen desquelz ilz portent en lair leur maistresse. Et quand tout fut prest, madame luno se meit dedens le chariot, auec sa fille Hebé Déesse de ieunesse, et ses quatorze Nymphes : et la belle Iris se meit deuant, pour gouuerner les frains des paons. Pareillement les trois Grâces, qui sont damoiselles et pedisseques de Venus, accoustrerent celuy de leur maistresse, lequel est mené par six cygnes et douze coulons plus blancz que neige. Et la belle Déesse monta dessus, auecques sa nièce Volupté, fille de son filz Cupido, et de la belle Psyché. Son filz aussi le beau Cupido Dieu damours, se meit sur le timon auec son dard et ses eslettes, et se monstroit curieux (2) à faire seruice à la Déesse sa mère, en régentant ioyeusement les cygnes et les coulons de son chariot. Mais Pallas la prudente Déesse, qui nauoit cure de char, ne de chariot (combien quelle en eust iadis trouué lusage) appella ses pucelles, et par elles se feit armer sur ses précieuses robes de ses armes accoustumees : Et se feit mettre aux piedz ses riches talonnieres faees à pinnettes crestees (3) et à belles plumettes : et à ses bras feit adapter ses nobles esles, richement empennées, qui par tout le monde la portent.
Quand donques toutes les trois Déesses furent prestes et attintees, (4) chacune sesleua de terre, et se meirent en la
(1) Thannas{éd. 1512).
(2) vigilant. — (3) bordure dentelée.
(4) attinter^ atéinieler = aUare{D\ica.nge), aptare » Siccommoder^ ajuster.
voye parmy lair spacieux et cler, suiuans le noble Dieu Mercure qui les precedoit, et trenchoit deuant elles la région azurée, plus viste que nul aigle Royal ne fait quand il voit sa proye. Le Roy lupiter et tous les autres Dieux et Déesses les conuoyerent des yeux tant quilz les peurent choisir. Et quand ilz les eurent perduz de veiie, diuers propos sesleuerent entre eux : asauoir mon laquelle des trois gaigneroit : car les vns et les autres estoient diuersement affectionnez. Et ne fut plus mention de faire si bonne chère que parauant, depuis que Discorde y auoit mis la main. Et ce pendant lesdites trois Déesses, et leur guide et séquelle gaignoient pais, tellement quen peu dheure elles eurent passé les confins de Thessale, de Macedone et de Thrace, et paruindrent sur la mer Hellesponte, en laquelle elles voioyent les isles de Tenedos, Methelin, Nigrepont, Rhodes, Candie, et plusieurs autres Cyclades, tant quilz furent à lendroit de la région de Troas, et laissèrent la grand cité d'Ilion à gauche. Lors Mercure prochain des nues, iettant les yeux en bas, choisit (1) de prime face le beau pasteur Paris Alexandre au fons de la valee de Mesaulon, adossé contre vn grand rocher creux et concaue, bien tapissé par dedens dherbes et de mousse, et par dehors bien reuestu de diuers arbrisseaux. Et tout alentour du berger ses cheures broutans les branchettes des arbres, ses berbisettes et ses toreaux paissans Iherbe menue, espesse et drue. Et au plus près de luy les gardes de son troupel : cestasauoir ses bons chiens mastins. Si sestoit Paris nagueres desiuné dun peu de pain auec des dattes, et des franches meures, quil avoit cueilli souz les arbres prochains. Et seoit oiseux, à la frescheur du roch, duquel
(1) aperçut.
ILLVSTRATIONS DE GAVLE, ET
sourdoit la belle fontaine nommée Creusa. Et après quil eut assez ioué de ses muses (1) et flageolz, il touchoit vne chanson de sa harpe mélodieuse, pensant bien ententiuement à la grandesse de la maison paternelle, en laquelle la Nymphe Pegasis Oenone lauoit promis de remettre.
Mais pour euiter le scrupule daucuns qui pourroient dire, quil nest pas vraysemblable que Paris sceust iouer de la lyre ou violle : nous ramenteurons icy par manière dincident, quil leur doit souuenir que le Roy Dauid encores exerçant estât de bergerie, manioit tresbien ledit instrument. Et qui plus est, Homère en son Iliade introduit Hector reprochant à son frère Paris lusage de sa harpe, disant ainsi .
Praue Paris forma melior, moUeîsque puellas
Intrepidus bellare thoro veterator inique :
0 vtiaam nuaquàm genitus, seu morte peremptus
Ante nephanda fores connubia, nuUa iuuabit
Te dulcedo lyrae, Ueneris nec munera diuse,
Nec coma, nec species : cum puluere lapse iacebis, etc. (2)
Parquoy il suffit quil appere, que non feintement nous luy auons attribué la science du ieu de la harpe. Quil sceust aussi iouer des flûtes et musettes pastorales, et quil gardast les bœufz à la pasture, nous appellerons pour tesmoing Euripides en sa tragédie nommée Iphigenia, qui dit ainsi :
Illinc, Pari, es profectus, Ubi alitus inter Idae Armenta lœta pastor, Ubi barbaras cicutis
(1) musettes.
(2) lapsa iacehit (éd. 1528).
Phrygiis canens solebas Sonare cantilenas :
Olympicoque ritu Calamos liquente cera Adgiutinare plureis :
Boumque grex obesus Pascens virente passim Obambulabat aruo.
Mais retournons à nostre propos. Ainsi marchoit la pompe des trois Déesses parmy lair cler et serain : semblable à vn vol de grues qui obseruent leur ordre. Mais incontinent que le héraut des Dieux eut apperceu le berger Paris, qui se ombroyoit dedens la roche creuse, il le monstra aux nobles Déesses, lesquelles eurent grand plaisir de le voir en telle contenance. Puis Mercure se ietta en terre plus impétueusement que ne fait la fouldre dardée de la forte main de lupiter, et se planta tout court deuant Paris. Lequel fut bien estonné(l) dételle soudaine vision. Lors le Dieu deloquence parla ainsi : Gentil Alexandre, le plus heureux des humains, laisse le par fond pensement ou tu es, destre restably au palais du Roy Priam ton père : car les Dieux sen soucient assez pour toy. Et saches que le grand lupiter te salue : et de par moy te mande, que pour le bon rapport de ta renommée, tu es eslu à diffinir (2) ce à quoy luy mesmes nha osé toucher. Cest, à faire le iugement de la beauté nompareille de ces trois excellentes et diuines Princesses, lesquelles tu verras tantost sadresser vers toy. Car entre elles sest mue question sur ceste matière. Or ten acquite en façon que rapporter en puisses honneur et grâce
(1) stupéfait.
(2) décider, trancher.
230 ILLVSTRATIONS DE GAVLE, ET
perpétuelle de tout le noble consistoire des Dieux et des
Tandis que le Dieu Mercure informoit Paris Alexandre de son affaire, Pallas auoit desia prins terre : Venus aussi et luno estoient descendues de leurs curres triomphans, ou chariotz, et marchoient de leurs diuins piedz, sur Iherbette iolie, et se tiroient vers le iouuenceau Paris. Et luy ce voyant, estoit tout transporté et tout rauy en contemplation, comme vn homme qui songe, et ne sauoit sa contenance. Neantmoins il sauança, et de tout le corps prosterné en terre les adora deuotement : mais elles le feirent leuer. Et quand elles leurent veu si beau et de si bonne et Royale physiognomie, prisèrent beaucoup son estre : et prindrent fiance de leur besongne. Et pour ce que de force desbahissementil estoit deuenu muet, et ne sauoit prononcer vne seule parole (car ce nest pas peu de chose destre surprins de la présence de telz personnages), le Dieu Mercure luy bailla audace, et ladmonnesta de ne sesbahir en rien. Puis les trois Déesses sassirent dun reng sur le tronc dun grand chesne abatu. Et feirent asseoir deuant elles, sur vn siège de la viue roche mesmes, leur luge pastoral : lequel selon la mode des luges antiques, auoit les iambes croisées lune sur lautre : et pour sa contenance sappuyoit sur sa harpe. Alors après certain gracieux estrif, meu entre elles, pource que toutes faisoient honneur lune à lautre, et nen y auoit nulle qui voulsist parler la première. Finablement madame luno se condescendit à entamer le propos, si se prépara pour faire la harengue primitiue. Mais auant ie vueil vn peu descrire les riches habillements dont elle estoit parée.
SINGVLARITEZ DE TROYE. LIVRE I. 25i
