CHAPITRE XXXI

Recitation des oraisons et des offres faites à Paris Alexandre, par les deux puissantes Déesses luno et Pailas . Auec explication totale de leurs habits, aornemens, valeurs et puissances. Esquelles choses qui bien y voudra viser, on peult cueillir assez de fruit allégorique et moral souz couleurs poétiques.

La havte Déesse luno, ayant sa fille Hebé, Princesse de ieunesse auprès délie, et ses Nymphes derrière qui luy portoient la queue, sappuyoit délicatement sur lespaule de lune dicelles : et estoit aornee de raerueilleux trésors inestimables : Car en son chef achesmé (I) dun tresriche atour deïfique, elle auoit sa couronne de si grand excellence, quil est impossible de la spécifier : Son précieux colier estoit garny de mille espèces de pierrerie ; Tant de bullettes pendantes à chaînes dor, tant de carquans, tant daffiquetz, tant de brasseletz, tant de bagues aux doigts, que cest vne chose infinie, et toutes faites en chef dœuure, par les mains de Mulciber le feure des Dieux. Sa robe estoit de pourpre sanguine, batue en or, et garnie par grand prodigalité de grosses perles orientales. Et son manteau de couleur azurine, tout ourlé de brodure à lesguille, et figuré de diuers oiseletz, volans en lair, bien pourtraits au vif, et de nues distillantes pluyes et gresles, qui se congregent en

(l)ornë.

252 ILLVSTRATIONS DE GAVLB^ ET

lair, dont luno est mais tresse. Sa ceinture estoit tissue de fin or traict, estoffee de gros doux et bouillons dor esmaillé, et enrichie de plusieurs escarboucles , topaces , chrysolithes, diamans, rubis, balais, saphirs, esmeraudes, et autres pierres précieuses. En sa main tenoit vn sceptre fait dun bois nommé Aloës, qui vient de Paradis terrestre, tout bendé de lames dor, et bien entaillé, lequel demonstre sa puissance regale, sur tous les humains. Brief, tout son accoustrement estoit riche et pompeux oultre mesure, pour dénoter quelle est Déesse de toute richesse et opulence. Son port estoit hautain, et son maintien magnifique, qui bien monstroit sa Princesse. Les paons estoient attribuez à son seruice, pource que la puissance des nobles quiert tousiours aornemens exquis, pour conuertir le regard du populaire à elle : et aussi pource que ce sont oiseaux Royaux, orguilleux, hautains, et de grand clamosité. Et le chariot ou curre, luy estoit assigné, en signifiance de la volubilité de Fortune. Iris aussi (cestadire lare, au ciel) estoit ordonné pour sa pedisseque, et messagère. A demonstrer que comme ladite Iris est peinte et enrichie de diuerses couleurs, et en vn moment sesuanouit, aussi la Fortune mondaine combien quelle soit aornee pour vn temps, de grand resplendeur, et speciosité, neantmoins elle est légèrement fugitiue, et tost anichilee. Hebé sa fille, Déesse de ieunesse laccompaignoit, en signifiance, que les hauts Princes et Princesses ont en leurs courts la fleur de toute gentille ieunesse. Et quatorze Nymphes la suiuoient, pour dénoter le grand train des nobles damoiselles qui sont en leur famille. Si parla la Royne luno (chacun faisant silence taciturne) et prononça son oraison de graue accent : en asseurant la timidité de lenfant Paris, en ceste manière :

Adolescent Royal, de progéniture illustre, et de tresantique générosité, (1) esueille ton sens pour hautes choses désirer : et prens audace contre pusillanimité, pour mettre à chef la haute charge qui test eniointe, de laquelle par mon neueu Mercure peux desia estre aduerty. Mets ius rusticité pastorale, aspirant à hauteur Royale. Mets ius ton ignauitë rurale, pour atteindre à seigneuriant prospérité, et garde que ne te mescontes au choix des guerdons qui te seront proposez : car là gist le neu de la besongne. Et pour euiter que ny procèdes peu meurement, par faute de congnoitre les parties, ayes le courage esleué en hautesse et magnanimité. Et saches que ie suis lemperiere des hommes et des Dieux, fille de lancien Saturne, et de la Déesse Opis : sœur et femme du Roy lupiter altitonant, qui est le plus puissant des mortelz et des immortelz : égale à luy en puissance et diuinité : Ayant mon temple merueilleux en lisle de Saraos, en la cité de Mycenes, en Ephese, et autres lieux, tant prochains comme lointains, là ou on me fait vœux, sacrifices et oblations : Qui suis appellee luno, Quasi iuuans omnes. Cestadire, adiuteresse de tous : ou Lucina, pource que ie baille lumière et entrée à tous nobles cœurs : et distribue aux meritans richesses mondaines, noblesses désirées, et baux mariages légitimes : auec les tiltres de couronnes Royales, Impériales, et de toutes terrestres monarchies. Desquelles choses tu es capable, tant pour lantiquité de ton origine et progéniture illustre, comme pour la magnificence de ton priué personnage mesmes : et aussi par le port et ayde de tes parens. Mais toutesfois sans mon ayde, nen peux paruenir à aucune iouyssance.

(1) noblesse.

ILLVSTRATIOKS DE GAVLE, ET

Fiche donc ton aspect en ma beauté non equiparable. Aduise par admiration le comble de ton humain désir, qui en moy repose : désire les fruitions de mes dons, dont ie suis libérale par grand munificence, telle que au moyen dicelle vn noble cœur se peult saouler de tout honneur terrien. Dresse les voiles de ta pensée fluctuante es flotz de ieune cupidité, en vouloir hautain de sceptres maintenir. Regarde la béatitude de ceux qui par moy régnent : Note la merueilleuse resplendeur dorée et perlifiee, de mon throne auguste, de mon Royal diadème et sceptre immortel. Boute en ta saueur les mirifiques distillations dont les hauts Princes sont par moy arrosez. Mesure la grandeur et amplitude de la bienheuree puissance que ie leur administre. Comprens en ton choisir lestendue non limitée de leurs plaisirs, et de leur large posséder, en or, pierres précieuses, et toutes choses souhaitables. Sauoure en ton palais la douceur de leur souueraine loisibleté et franchise (non restrainte par loix) laquelle par moy leur est eslargie. Et aussi le pouuoir et licence dacheuer hauts faits, pour perpétuer leurs mémoires, et faire voler leurs renommées, par tous les climatz du monde vniuersel, en exaltant les grans, et humiliant les petis, qui sont œuures presques diuines. Et en félicitant les misérables par libéralité de dons, et impunitez de mesfaits, et eslargissement de grâce et miséricorde aux subietz : et en punissant lobstination des malfaiteurs par accomplissement de iustice. Et autres diuerses œuures appartenantes à ma maiesté tressacree, Impériale, et Royale, et régime de la chose publique. Et encores plus en debellant les orguilleux rebelles, et en domptant la proteruité (1) des inobediens par la puissance

(1) Tinsolence.

actiue, des nobles armes cheualereuses de mon filz le Dieu Mars, craint et redouté par toutes les régions du monde, et par la relucence de son triomphe et gloire, laquelle te sera communiquée, en mer, en terre, et diuulguee en la région aerine, en laquelle ma puissance et vigueur est fort exaltée.

Et au contraire, réduis en estime lignobilité de ceux qui en oisiueté racroupie, et en contemplation solitaire, de ie ne scay quelz songes de philosophie passent inutilement leurs iours, sommeillans et baillans après les biens de mon trésor, desquelz ilz ne peuuent atteindre goutte, pource que rien ne déduisent en action égale et correspondante à mon vueil. Et aussi naffiert à homme de Royale vocation muser si parfond en literature, ne tant peser le sens, ou epiloguer les diffinitions de prudence, et autres vertuz morales, et les difïîcultez de la conduite des choses, par verbale garrulité seulement sans rien mettre en reaile efficace. Congnois aussi dautre part la meschance et vilité des autres encores plus mesprisables, qui nensuiuent sinon le délit corporel et la doctrine Epicurienne pleine de contemnement et nonchaloir de vertu. Et sont rempliz de luxurieuse immundicité, bannis de conuersation honneste, et tous enclins à corruption, (1) rapine et homicide. Lesquelz tous viuans sont enseueliz en ordure mortelle, et détestable. Leurs forces eneruees, leur pouuoir débilité, leur vigueur efféminée, et leur renom dénigré, de toute obscure viciosité. Et pense que ie te puis bailler déduit assez condigne et propice à ma hautesse et dignité, et à lequipollant de tes mérites. Et que iay faculté de te impartir (2) et rémunérer

(1) correption (éd. 1512).

(2) gratifier. •

236 ILLVSTRATIOMS DE GAVLE, ET

de plaisance non aueuglee de lasciuité vénérienne. Quand dame luno eut acheué ses paroles, Pallas se présenta consequemment en son ordre.

La noble vierge Pallas Déesse de prudence et de fortitude, estoit habituée (1) de trois riches vestemens de diuerses couleurs, telz quelle mesmes auoit teint et tissu de ses propres mains sacrées. Car elle fut la première qui trouua lusage de lesguille, et de lanifice. En icelles trois robes estoient peintes et subtilement tirées douurage de brodure les sept ars libéraux, et les sept vertuz tant morales que cardinales, et plusieurs autres images de force bellique et humaine prudence. .La triplicité diceux trois accoustremens estranges et entrechangeans leurs couleurs inusitées, denotoit, que sapience est fort celée et couuerte aux ignorans : et que peu de gens peuuent discerner sa variété merueilleuse et sa beauté intérieure. Elle estoit oultreplus armée, pource quelle trouua premièrement lordre des batailles : et pour designer que prudence est tousiours bien garnie de defFense contre ses maluueillans. La première pièce de son harnois estoit vne riche salade crestee et lambequinee (2) richement : Tymbree dune Chouette, et couronnée dune branche doliue. En signifiance que lentendement dune sage personne, doit estre noblement muny et aorné de plusieurs et diuerses choses. Et en sa cuirasse que les poètes appellent Egide (qui est larmature des corps célestes seulement) estoit imprimée Ihorrible teste Gorgone, pour donner crainte et frayeur à ses ennemis. Elle auoit vn escu crystallin qui est ferme, cler et transparent. En signifiance que le prudent homme peult faire deux choses ensemble :

(1) vêtue, du bas-latin hahituare.

(2) & lambrequins.

Cestasauoir se deffendre, et regarder aussi par quel moyen il pourra mieux greuer son adversaire en lassaillant. Elle portoit oultreplus, vne lance baneree et armoyee, dont le bois estoit de grand longueur : pour dénoter que la parole dune sage personne fiert de loing. Elle auoit esles emplumees aux bras et aux talons. En signe que Prudence est diligente à toute œuure vertueuse, tant en allant comme en exploitant. (1) Sa veiie estoit fiere et regardant de trauers, pource quon ne congnoit iamais lintention dune personne prudente à sa chère. Ses pucelles et compaignes estoient parées dhabits correspondans à leur maistresse, et se nomraoient Crainte, Terrification, Diligence, et Sagacité, qui sont toutes choses appartenantes aux sages Princes. Lesquelz par leur prudence sont craints des rebelles, causent terreur à leurs ennemis, et sont diligens, sages et industrieux en tous leurs négoces et de leurs subietz. Loliue est consacrée à ladite Déesse Pallas, à cause que paix qui est entendue par loliue quise par armes, et la Chouette est mise en sa tutelle, pource que Ihomme prudent voit aussi cler de nuict que de iour en la diflSculté de ses affaires. Or oyons maintenant par quel langage ladite tressage Déesse admonnesta Paris :

Enfant de bonne indole, et de tresingenieuse nature, lequel ie congnois par la démonstration de ta physiognomie, estre flexible à toute docilité, et à la compréhension du haut sauoir que les Dieux mesmes ont en leur espargne, puis que ton vueil est ores en balance, ton pied prest à desmarcher pour tirer vn chemin ou autre, et les yeux de ta pensée intérieure vacillent en lelection de choses différentes, prens à ceste heure ton ploy non effassable : Imbue

(1) travailant.

ILLVSTRATIONS DE GAVLE, ET

le vaisseau de ta noble arae, de liqueur prudente et vertueuse, et dépeints les tablettes de ta haute perspicacité de couleurs précieuses et immortelles. Et en ce faisant, seiourne les pupilles de ta circonspection discrète, au miroir de ma speciosité céleste. Nauenture point la précieuse galee (1) de ton aage florissant au vent dambition sinistre, et de gloire vaine et desmesuree, ny en la tourmente de négoces ruineux. Euite les perilz de tyrannique cruauté, les destroits dauarice insatiable, et le naufrage inconsidéré doffension de voisins. Ne tabandonne point à la nuict de terrienne amour : et ne te fie en lobscurté dignorance mondaine. Fuy le gouffre de vilaine lubricité : Donne toy garde des rochers de cupidité effrénée de la graue (2) doutrecuidance, et de la plage doutrage sanguinolent. Et pour ce faire, veille à tes créneaux, desploye la meiane (3) et contremeiane de ton sens naturel. Guindé la maistresse voile du raast de ton entendement. Conduis la pointe de ta prore à dextre, par bonne perspectiue iustement aux rays de ma resplendeur, dont les yeux des ignorans sont esblouis. Et dresse là ton esguille, comme bon pilot doit faire. Lors auras vent en poupe, et prospérera ton nauigage. Si affuyront à toy comme à leur vray patron, tous les soudars de ma famille : Cestasauoir, Sobre plenté, Eloquence non vaine, Congnoissance historiale, Viuacité de sens. Estimation de valeur. Chasteté en délices. Riche suffisance. Méditation possible. Vertueux exercice, Studiosité humaine, Inquisition de vérité. Notice de raison, Licite entreprise, luste querelle, Hautesse de cœur, Hardiesse demprendre,

(1) galôrô.

(2) grève, gravier.

(3) la misaine (voile ?).

Conseil industrieux, Discipline militaire, EfFect de iustice, Armature de prudence, Conduite louable, Déduction prospère, et Glorieuse acheuissance. Sans lesquelles vertuz, mon frère le Dieu Mars ne sauroit conduire ses batailles, ainçois appeteroit pour néant, la sublimité des règnes, la subiugation des puissans, et la vengeance de ses ennemis. Car il ne fait exploit digne de mémoire, si moy mesmes ne régis son chariot. Ny aussi la communauté politique des humains en temps de paix ne peult consister en valeur, sans mon adhérence. Quand donques tu voudras prendre repos au port de tranquilité paisible, et distraction de négoces, lors ma hauteur te sera assistente, mon renom te fera bienueigner en terre, ma splendeur enluminera ta renommée, ma literature esclarcira tes gestes illustres, mon sauoir obombrera ton chef, mes contemplations esleueront ton esprit, iusques au tiers ciel, et ma rosée refreschira tes ardeurs imaginatiues. Si te seront mes trésors communiquez : et auras la congnoissance parfonde des choses secrettes, rétention memoratiue des besongnes passées, cler entendement des présentes, et vtile preuision des futures. Et aussi se présenteront, pour tes familiers et domestiques en tes priuez consaulx Acuité Platonique, mesprisement asseuré de tous cas fortuits, auecques intelligence des artifices de nature, et de sa sapience, et lesclarcissement dabymes de toute science, diuine et humaine. Par lesquelles choses la vie des humains resplend, sans encorabrier de iamais suruenant obscurté : et sans lesquelles les sceptres des Princes sont facilement brisez, leurs couronnes démolies, et leurs affaires obombrez dignauité, souffrent détriment irréparable, ne leurs délices voluptueux ne sont point asseurez de placide oisiueté. Et que tout ce que iay recité sans vantise, soit en ma puissance de

240 ILLVSTRATIONS DE GAVLE, ET

ten faire iouysseur, tu en peux prendre facile coniecture , par ma natiuité, laquelle fut iadis produite du propre chef de mon père, le Roy lupiter, sans coadiutoire de sexe féminin : Et par letymologie de mes noms, qui suis aucunesfois appellee Pallas, autresfois Minerue, cestadire vierge immortelle, et non corrompable : et autresfois Bellone, pour ma uertu bellique. Et mesmement te doit à ce inciter lexemple de la sage vniuersité d'Athènes, laquelle est en ma tutelle, et mexhibe vne reuerence incroyable : et aussi ladmonnestement de ceux de Troye, qui est ta propre nation. Lesquelz gardent ma sainte image, nommée Palladium, en merueilleuse obseruation de cérémonies. Et tant quilz la garderont bien, ilz me trouueront propice et secourable : ne iamais Trove ne tombera en irrision de ses voisins, ny en proye de ses ennemis. A peine pouuoit attendre Venus, à qui la prudente parole estoit fastidieuse, que Pallas eust sa raison acheuee, quand elle ouurit la bouche pour parler. Mais auant il nous faut descrire ses aornemens.

SINGVLARITEZ DE TROYK, LlVRK I. 241