CHAPITRE XXXII
Démonstration euidente^des accoustremens de Venus la Déesse. Narration de son oraison délicate et industrieuse, faite au luge pastoral Paris Alexandre, en declairant sa beauté» pounoir et excellence, auec promesse expresse du iouissement de la belle Heleine.
La tresbelle Déesse Venus auoit ses précieux habille mens tissuz de la main de ses Nymphes, appellees Grâces, ou Charités. Sa cotte intérieure estoit dun verd gay comme Iherbette, du temps vernal : La houppelande de dessus estoit de couleur iaune et dorée, brochée à estincelles dargent, entrechangee dun bleu céleste par si agréable représentation, que ce sembloit vne nueevespertine, enflambee de la resplendeur du Soleil occidental. Et estoient tous ses aornemens de si déliée filure, que quand le doux vent Subsolanus (1) ventillant pressoit iceux habits contre ses précieux membres, il faisoit foy entière de la rotondité diceux, et de la solidité de sa noble corpulence. Et estoient aussi les borts et les orfrois (2) diceux subtilement ouurez de diuerses espèces danimaux de lun et de lautre sexe, et de petis enfans tous nuds esleuez bien viuement. Tout au long de la fente de sa robe, depuis le haut iusques au bas, y auoit tout plein de camahieux, agathes, onices, corneoles, iacynthes, ame-
(1) vent d'est.
(2) frange d'or, auHfrigia, orfresiuM,
24i ILLVSTRATIONS DE GAVLE, ET
thystes, pierres dazur, corail, et autres gemmes grauees et entaillées de diuerses histoires amoureuses par le noble imager Pigmalion de Cypre. Sa précieuse ceinture dont elle estoit ceinte, sappelle Ceston (1) par les nobles poètes. Et la luy donna et forgea iadis dame Nature raesmes, à fin que la trop vagabonde lasciuité de Venus, fust cohibeee et restreinte par propre vergongne, et aussi par lautoritë des loix coniugales. Et en icelle auoit diuinement esmaillé ladite Déesse Nature, les figures damitié, désir, faconde, blandices, plusieurs signes damours et secrettes collocutions. Laquelle ceinture icelle Déesse Venus ne porte iaraais, sinon aux noces chastes, honnestes et légitimes. Et à ceste cause toute autre conuention qui se fait de femme à homme, est appellee inceste, quand Venus ny ha point sa ceinture Ceston. En son beau front elle auoit vn riche escarboucle, lié dun petit ruben de soye noire, taillé à manière destoille, qui rendoit grand splendeur de nuict, pour dénoter la belle relucence de sa planette. Ses blonds cheueux espes, estoient richement tressez à petis lacs dor trait à manière de retz, distinguez de fines perles, saphirs, topaces, et fines esraeraudes, à grands houppes de soye purpurine pendantes derrière le dos. Et par dessus le tout vn petit chapelet dun arbrisseau, tousiours verdoyant, lequel est nommé myrte, et est consacré à ladite Déesse. Aussi tenoit elle en sa main vn houppeau (2) de roses blanches et vermeilles, rendant soueue odeur : lesquelles luy sont dédiées tant pour leur beauté singulière, comme pource quelles poingnent en cueillant. Son filz Cupidoàtout son arc dyuoire, et ses saiettes dorées, et Volupté sa fille, estoient
(1) lô xîffTflç, ceinture brodée.
(2; bouquet, vn rouchi houpiau^ en gantois hapeel.
auec elle : car iaraais Venus nest sans amours et sans plaisance. Et derrière elle, à sa queiJe, estoient ses trois Grâces, appellees Charités, toutes nues. Cestasauoir Pasithea, Egyale, et Euphrosjne. La première attrayant, la seconde entretenant, et la tierce retenant fermement les amans en amours : et sont filles de lupiter et de la Nymphe Autonoë, ou selon aucuns, de Venus mesmes. Elles estoient ainsi nues, pour dénoter quen captant la grâce et beniuolence daucune personne, on ne doit point estre feint ne couuert. Apres les Grâces pouuoit on voir consequemment les deux femmes de chambre, et pedisseques de Venus, dont lune se nommoit Accoustumance, et lautre Tristesse, comme met Apuleius, De asino aureo. Le curre ou chariot de la Déesse estoit auprès délie, pour designer le cours et la vélocité de sa sphère et planette. Et les cygnes estoient dédiez à son seruice, en signifiance de la blancheur et netteté des dames : et aussi pource que cest vn oyseau doucement chantant. Et les coulons aussi estoient souz sa tutelle et sauuegarde, pource quilz sont luxurieux et fécondes (1) à procréer leurs pigeons. Venus donques ainsi aornee, dune voix doucement organisée procédant du creux de sa poitrine amiable, feit resonner la circonférence de lair en ceste manière :
0 fleur florissante de naïue beauté, gentil Prince de ieunesse, le plus accomply des dons de formositë corporelle qui iamais marcha ne marchera sur terre : Apres quil ha pieu à chacune de mes dames, qui sont icy, toy instruire de son estre, et de son pouuoir, pour tendre aux fins dusurper la pomme dor, qui de soy mesmes est dediee à ma diuinité, veu quelle ha esté cueillie aux iardins des Hesperides,
{\)fecundes (éd. 15 12).
244 ILLVSTRATIONS DE GAVLE, ET
ce nest pas raison que tu demeures incertain de mon affaire, combien que peu de gens en soient ignorans. Dont en tant quil touche la hauteur de nostre origine, ie croy que toutes trois approchons en equiparation conuenable, quant à ce, comme celles qui sommes sorties dun mesmes estoc : Cestasauoir de Saturne, et de lupiter omnipotent : duquel lupiter ie suis la bien aymee fille, et de la Nymphe Dione. Mais de la festiuité élégante et propriété Ionienne et paternelle, ie suis héritière non dégénérant. Les autres tiennent des mœurs et complexions de leur grand père Saturne. Or suis ie donques renommée par tous les climatz du monde, et nommée Venus venuste, en beauté principale. Princesse damours amoureuse, à toutes gens gentille et gracieuse, pleine de vrbanité traitable sans aucun traict de plaintiue orphanité, et de pénible oifension. Quant aux hauts honneurs qui sont instituez à ma deïté parmy la terre habitable, nest ia besoing que ie men vante : ains me suffit sans plus, que tu tenquieres de la magnificence des temples qui me sont édifiez es isles de Cypre et de Cythere : dont aucunesfois ie porte le nom, en la cité de Corinthe, qui est en Achaie : et sur le mont Eryx en Sicile. Et que tu te informes du nombre des vierges, qui là sont dédiées à mon seruice, par prostitution de leurs corps : et de la fréquentation des autelz, qui là endroit me sont consacrez : esquelz toutesuoyes ie ne seufi're aucunement estre respandu sang ne morticine. Car ie ne suis point Déesse sanguinolente, ny aymant occision : mais veux estre seulement seruie par offrandes de douces prières, et de fleurs bien flairantes, et par sacrifice de pur encens odoriférant : ny autrement ne veux estre adorée. Et au surplus, sil faut faire comparaison de la geniture par moy procréée aux autres, mon seul filz Cupido, le puissant Dieu damours, lequel est
SINGVLARITEZ DE Tl\OYE. LIVRE I. 245
icy présent en fera assez foj. Duquel (sauue la paix dunchacun) le pouuoir non mesurable ioint auec le mien ne semble pas moins excéder celuy de tous les autres Dieux et Déesses, que la clarté du Soleil surmonte celle de la Lune. Car, qui sera celuy qui niera, que nostre puissance noccupe mesmes lieu sur les Dieux immortelz, qui maintesfois en ont esté ratains ? Mais en taisant iceux, ne voit on pas quelle vsurpe principauté sur les plushauts hommes du monde, esclarcis par les tiltres et richesses de madame luno, et par les estudes de ma sœur Pallas, qui peu leur proufitoient à resistence. Et pource que les exemples yieux et récents en sont desia si autorisez, quen les trespassant souz silence taciturne mesmes les bestes mues et les oiseletz du ciel, en porteront tesmoignage : den spécifier plus auant ie me déporte. Et me tais aussi, de dire que la société du genre humain deperiroit tantost, et tourneroit à néant, voire mesmes la machine totalle de ce beau monde vniuersel se dissolueroit, et tomberoit en ruïne sa perpétuelle composition par linimitié mutuelle des actions élémentaires, si elle estoit priuee de nostre amoureuse concordance. Mais tout cecy ne sert de rien au propos mis en termes, ne la lactation et glorifiance de noz faits et pouuoirs illustres nha point de lieu en la matière subiette. Ny tu noble enfant, nés point institué luge, pour congnoitre de noz valeurs intrinsèques : Car à ce ne suffiroit ton industrie, ny aussi le temps qui requiert plus longue spéculation, ains seulement as receu délégation et faculté deliure (1) de déduire sommairement et de plein, sans figure de plaid, le procès verbal icy intenté par nous deuant ta présence. Et pour ce faire, choisis de tes beaux yeux corporelz, laquelle de nous trois te
(1) absolue.
d46 ILLVSTRATIONS DE GAVLE, ET
semble de prime face deuoir emporter le prys en beauté naturelle : et en declaire ton opinion par arrest diffinitif. Et en ce, consistent les bornes de ta iudicature : dont le taduertis voulentiers, à fin que ne mesprennes, en laissant le principal pour laccessoire.
Ainsi donques, ô perle vndoyante de blancheur arrondie, rutilant escarboucle de beauté rubicunde, surpassant toute élégance humaine, Paris le nompareil dentre le ciel et la terre, arreste ton plaisant aspect sur la speciosité dont ie suis décorée, à laquelle toute autre ne peult sortir (1) comparaison. Remire la faitisse (2) tournure de ma venuste corpulence, reflamboyant de forme seraphine : et seiourne ton regard corporel en la clarté de ma face. Equippe le gracieux nauire de ton franc arbitre selon la démonstration de ma carte propice. Evade lennuy de tenebrosité curieuse, et le labeur de grieue solicitude. le congnois que la marine enflée du vent impétueux des paroles lunoniennes superbes et presumptueuses, et de ses promesses farcies de vaine gloire, ha fatigué le vaisseau de ta ieunesse esgaree : iapperçoy que presques as esté esbranlé par limpulsion des vndes Palladiennes, pleines de strepit et garrulité, inculquée pour enueloper ta noble fantasie, en ses vagues sophistiques, en ses regorts (3) de disputations morales, physicales ou metaphysicales, et faire hurter ta Galee ingénieuse contre la roche brune de ses syllogismes politiques, intriquez et entouillez (4) de timidité, mal séant à ieune Prince, pour estre absorbé en ses abymes parfondes et inuestigables : englouty
(1) essayer.
(2) bien faite.
(3) gordus, détroit.
(4) enveloppés.
au fons de ses figures de difficile intellecture, et versé au canal enigmatique de ses propositions douteuses et paraboles ambiguës, auquel si tu eusses vne fois esté détenu, ton plaisir estoit frustré à tousioursmais de volupté corporelle, qui est en ma saisine : et ta liesse géniale corrompue de tristeur Saturnienne, et changée en taciturnité mélancolique. Mais il te faut vigoureusement esuertuer au contraire, résister à toute rigueur à leurs enhortemens tentatoires, et ensuiure ma doctrine naturelle, et la propre inclination de ton sens. Tourne donc à gauche, enfuis le grand chemin vsitë de la plus part des humains. Fay muer tes antennes, rasseure tes cables et tout ton cordage, commande singler en la haute mer de menuz plaisirs, laisse le riuage de grauité senile et de trop sage stolidité, euite le pol arctique, la plage septentrionale, la froideur transmontaine, la mer congelée de continence lunonique, et stérilité de Minerue, donne regard à ma planette féconde et fertile, lune des plus cleres et plus refulgentes qui soit entre les estoilles non fixes au firmament, laquelle est nommée Venus, pource quelle vient à toutes choses. Aucunesfois aussi est appellee Hesperus, Vesperugo, ou Lucifer : cestadire portant lumière : Estoille marine, et sidère iournal, tousiours précédant le Soleil matutin : Lespoir des nauigans : la Maistresse de vertu concupiscible et de puissance génitale. Laquelle principalement esclaira ta natiuité, et propina à ta conception influence amoureuse, dulciloque, gaye, voluptueuse, de méditation ague, et de complexion totalement Vénérienne et non euitable. Si test nécessité densuiure sa beauté radiante, et sa fécondité désirable : et ne te chaille de tenir guet au plus haut de ta hune : Car ie veilleray assez à ta garde, et fourniray à ton trinquet vent Zéphyr in propice à la boulingue. Si ny aura monstre marin, ne belue si har-
die, ne pirate coursaire si entreprenant, qui t'ose approcher (attendu que de la mer ie suis extraite) et quand la marine sera calme et tranquile, lors mes Grâces auec tes gens et galiots, (1) mathelots et appetis sensuelz armeront leurs rames à la vogue. Mes Nymphes, mes Fées et mes Siraines en chantant doucement tireront ton vaisseau hors de toute laboriosité spirituelle, caleront les voiles, et le mèneront à bort, et au riuage de plenté de délices corporelles, de faueur populaire, cherissement des tiens, et amour des estrangers : là ou tu qui nés ores quun simple bergeret, exilé et banny, seras à grand pompe receu es palais triomphans du puissant Roy ton père, maugré Fortune ennemie : et y seras festoyé et bienuiengné, en bruit musical, en tumulte amoureux, et en ioyeuse noise. Si fermerons ton ancre, et en station délectable, ou tu auras mellifluence sans maie influence, douceur sans douleur, autorité sans austérité, honneur sans horreur, et luisance sans nuisance. Auecques le iouyr en tiltre de mariage, de ma propre sœur charnelle, la plus recommandée en beauté qui onques fut née de mère, ne qui iamais sera. Cest la belle Heleine Royne de Lacedemone, fille de monseigneur lupiter et de Leda femme du Roy Tyndarus lun des plus nobles du monde. Cest loutrepasse en beauté, non seulement dentre celles de Grèce, mais aussi entre toutes celles que nature sceut onques créer. De laquelle ie te reserue la fruition certaine, pour te rémunérer des guerdons desseruis. Car cest bien raison que les deux plus beaux personnages du monde soient alliez ensemble. Et aussi nous sauons assez, que la femme que tu as ores, nest pas correspondante à ton illustrité. Et pource, mon filz Cupido te deliurera la
(1) gens deU galère.
Déesse des femmes : et ma nièce Volupté la tentretiendra en liesse : mon frère et amy le Dieu Mars la te garantira à la pointe de son espee, enuers et contre tous. Et de tant plus seray encline à toutes ces choses, comme tu en es mieux digne. Et de ce dois tu auoir parfaite confidence. Leloquence artificielle de dame Venus, ses paroles délicates, et sa douce persuasion causèrent telle (1) efficace et telle émotion au cœur du ieune adolescent Paris, que encores en pourra il maudire les rhétoriques couleurs, qui luy seront rétorquées en douleurs. Ce nonobstant, il nosa encores mot respondre, ains demoura comme statue immobile, pensant à lambiguité soudaine du cas suruenant, iusques à ce que le noble Dieu Mercure duquel la planette est neutre et indifîerente, bonne auec les beniuoles, mauuaise auec les maliuoles, maistresse de vertu imaginatiue, fantastique et cogitante luy administra audace de parler et de procéder au surplus, et luy dit ainsi : Noble sang Troyen, combien que ceste auenture te soit autant douteuse, comme esmerueillable, neantmoins, puis quil ha pieu à si hautes Dames subir ton iugement, il te faut icy desployer la tresample sagacité de ton entendement, et la prudence de iuger, dont tu es renommé par tout le monde : en proférant sans plus longue mutation ou demeure, la sentence dont il sera mémoire à tous temps et à iamais. Tu vois quelz offres elles te font, et quelz guerdons elles te mettent en auant. Nayes lœil aueuglé : car en toy gist libéral et plenier arbitrage. Or considère meurement et attrempément ton affaire : et puis après selon lordonnance que tu en prononceras hardiment et sans crainte, ie feray deliurance de la pomme aureine (qui est cause motiue de leur différent) à la plus belle des trois.
{\) tel {éd. l^n).
250 ILLVSTRATIONS DE GAVLE, ET
