CHAPITRE XXXIIII

Du retoar de la Déesse Venus au mont Pelion de Thessale à tout sa pomme dor. Et comment murmure sourdit entre les Dieux pour l'absence des deux grands Déesses luno et Pallas. Et de loraison faite par Apollo remémorant les anciens forfaits des Troyens : Ensemble aucunes vaticinations et prophéties prononcées par luy. De linimitié commencée à ceste cause, entre les Dieux ; et du département diceux.

Qvand Phebus Apollo, autrement appelle Sol, pource quil est seul en singularité de lumière, et ha sa planette de complexion ioyeuse, amiable, noble, bien moriginee, véritable et de grand prouesse, apperceut de dessus le haut mont Pelion le retour de son frère Mercure, et veit en lair le chariot de la Déesse Venus, sans les autres, il sen esbahist fort, et le monstra au Roy lupiter son père. Si ne tarda gueres que dame Venus vint descendre sur la montaigne en grand triomphe et gloire, et en faisant monstre et ostentation de sa pomme dorée à tous les autres Dieux et Déesses, lupiter aduerty par Mercure (son filz et son héraut) de tout le procès et démenée, fut desplaisant à merueilles de labsence des deux Déesses, et de ce quelles se tenoient ainsi pour soulees du iugement de Paris : aussi les autres Dieux et Déesses, Demydieux et Demydeesses, à ceste occasion se prindrent à murmurer ensemble : les vns approuuans la indication, les autres la reprouuans, tenans diuerses bondes, selon diuerses affections. Ainsi fut la feste troublée, et

ILLVSTRATIONS DE GAVLE, ET

le déduit contourné en tumulte. Lors Apollo enuieux de Ihonneur de Venus, et pour causer despit et stomachation à elle et à Mars son accointé, lesquelz il naymoit gueres de tout temps, ny eux luy, depuis quil manifesta leur adultère à Vulcan, feit signe de la main pour obtenir silence. Et quand les Dieux se furent renduz ententifz, en adressant son parler à son père le Roy lupiter, il prononça ceste oraison :

la ne te faut esbahir (ô mon tressacré géniteur, ne vous autres puissans Dieux et Déesses, tous mes parens et affins, icy assemblez premièrement en bonne vnion et concorde) si le berger Paris par sa folle légèreté et malice hebetee, ha causé rumeur et dissension entre vous, à loccasion du mescontentement de madame luno, et de ma sœur Pallas : Car le sang Troyen est coustumier de faire iniure aux hautes maiestez des Dieux. Et que ainsi soit, iay icy pour tesmoings(l)autentiques mon oncle le Dieu Neptune Roy de la mer, et mon frère le trespreux Hercules, auec ma propre expérience. Car comme auez bien sceu, Laomedon Roy de Troye, et père de Priam, print es temples de mon oncle Neptune et de moy, certaines grands masses dor, dont il feit édifier et bastir les murs de sa cité d'Ilion des le fondement iusques aux combles. Ce que nous soufFrismes moyennant promesse et vœu solennel par luy fait de rendre ledit or (à nous dédié et consacré) en pareille somme et quantité ou plus grande : Mais après lacheuement de son édifice, le détestable pariure sacrilège ne dénia pas seulement la restitution de son emprunt , mais (qui pis est) par forme dérisoire, irrita noz diuinitez en grand contumelie, dont mon oncle Neptune (iustement esmu à vindication de telle

(1) tesmoingtz (ëd. 1512).

impieté) enuoya vn si horrible déluge de ses vndes marines, par tout le riuage circonuoisin, que la champaigne de Troye en fut gastee, et faite stérile. Et non content de ce, pour plus ample punition du maléfice diceluy Laomedon, il feit esleuer de ses parfonds abymes vn monstre merueilleux et abominable, qui exterminoit toute la prouince de Phrygie, assise sur la marine. le aussi de mon costé, esmu par iuste douleur à semblable vengeance (à cause de ma maiestë lèse) causay de la chaleur et reuerberation de mes rayz, telle putréfaction en la région aërine, et pestilence si contagieuse, tant entre les hommes comme entre les bestes, que les Troyens esbahis de si énorme dépopulation, me vindrent (en grands vociférations et consternation de courage) crier mercy en mon temple de Delphos, et supplier miséricorde. Mais pour response brieue, ie leur feis assauoir que la persécution qui les vexoit par leurs démérites, ne prendroit fin ne cessation, ne le sacrilège et pariurement de leur Roy ne seroit purgé, satisfait et aboly, pour appaiser noz indignations, silz ne donnoient tous les raoys à la Belue marine, vne de leurs pucelles.

Les malheureux Troyens, ainsi certiorez par mon oracle, de leur remède greuable, se déterminèrent à lexecuter, de peur de pis auoir : et par longue espace de temps le feirent ainsi. Dont plusieurs nobles hommes ce voyans, aymerent mieux auenturer leurs filles à tout autre desfortune, que les voir périr deuant leurs yeux. Et entre les autres, vn nommé Hippotes gentilhomme Troyen, embarqua sa belle fille Egesthe, accumulée de pleurs et de regretz, en vne petite nasselle, souz la miséricorde de mon oncle Neptune, Dieu de la mer, auquel il en print pitié, et la feit aborder à la bouque et entrée du fleuue Crinisus en Sicile ; lequel fleuue la receut benignement, et lespousa tantost. Si engen-

264 ILLVSTRATIONS DE GAVLE, ET

dra en elle le gentil Acestes, qui ores règne paisiblement en Sicile. Et quand par traict de temps le sort fut tombé sur la belle Hesionne fille diceluy Roy Laomedon (comme la sentence diuine le décréta) et que la pucelle Royalle fut attachée au rocher, et sur le grauier exposée, pour estre promptement deuoree du monstre marin et horrible Belue, (1) et que ses parens misérablement plourans, luy apprestassent desia obsèques et funérailles, comme non esperans voye aucune de sa saluation : lors mon frère Hercules par là passant, auecques son amy Theseus, sarresta de pitié, et print compassion de la vierge : feit pact auec Laomedon de la deliurer du danger de la Belue, pourueu quil luy donnast ses deux coursiers blancs comme neige, lesquelz estoient procréez de la semence céleste de mes cheuaux : ce que Laomedon ioyeux asseura de faire, moyennant linterpos de sa foy, et de son serment. Mais après la deliurance de sa fille Hesionne, le coustumier moqueur des Dieux plein dinsolence et dingratitude, neut point vergongne de perpétrer second pariure : ains refusa rondement les chenaux estans en son estable, à mon frère Hercules, auquel ilz appartenoient par iuste desserte. Mais point ne sesiouit longuement en son péché inueteré : car peu de iours après mondit frère Hercules en print vengeance condigne sur ledit Laomedon, et sur sa cité de Troye, laquelle il démolit, et meit en cendre, tua le Roy, et feit emmener sa fille en seruage par Telamon.

Ainsi (ô mon tresauguste père, et progeniteur) par la perception des hauts arcanes fataulx, prescience de tes ordonnances, et congnoissance du futur aduenir, dont tu mas priuilegié par dessus tous tes enfans, ie voy à l'œil que

(l) bellua ou Muay bête féroce.

le malheureux adolescent Paris (ensuiuant le train de ses ancestres : cestasauoir quant au contemnement des Dieux, et quant au pariurement et déception de son ayeul Laomedon) oultre ce quil ha prouoqué lire de si hautes Déesses, si comme ma tante luno, et ma sœur Pallas, pour satisfaire au seul appétit de dame Venus , laissera et répudiera brieuement sa femme légitime Pegasis Oenone, tresnoble Nymphe, à laquelle il ha sa foy promise : et à laquelle pour ses mérites, moy mesmes ay autresfois donné toute puissance sur herbes et sur racines. Et par limpulsion et enhort de Venus, ira rauir en Grèce vne des filles de mon seigneur lupiter. Parquoy il sensuiura la cause totale de la ruïne irréparable de Troye (comme autresfois iay prognostiqué auant sa naissance) quand son père Priam enuoya vers moy en mon temple de Delphos, pour linterpretation du songe de sa femme Hecuba, laquelle auoit songé enfanter vn flambeau bruslant et dissipant toute Troye. Or luy eust il mieux valu esteindre ce flambeau eneauede mort perpétuelle, que lauoir reserué en vie malheureuse sans le sceu de son mary, pour allumer vn tel feu, qui esprendra toute Asie, et toute Europe, et auquel iceluy Paris mesmes périra au pourchas des deux Déesses iniuriees, et des autres Dieux leurs adherans. Si ne len saura garantir la Déesse Venus, pour rétribution de sa pomme. Mais bien seroit aduenu, si luy seul en portoit la paste au four : à fin que si grand nombre de hauts hommes (extraits de la lignée des Dieux) ny prinssent deffinement, ce qui ne se pourra faire : Car entre les autres, y termineront leurs vies par mort violente, Ascalaphus filz de mon beau frère Mars, qui tant désire la guerre, Cygnus filz de mon oncle Neptune. Et mesmes (dont plus ie me dueil) men frère Sarpedon Roy de Lycie, filz de toy mon seigneur lupiter, et de la Nymphe Laodoraie : Et aussi y

266 ILLVSTRATIONS DE GAVLE, ET

mourra Tlepolemus Roy de Rhodes, filz de mon frère Hercules, et sera nauré Telephus Roy de Mysie, vn autre de ses enfans. Et qui plus est, le noble enfant qui naistra diceux, pour qui tu, mon seigneur lupiter, as fait conuoquer ceste assemblée nuptiale, y prendra mort finale par les mains efféminées du malheureux Paris. Mais ce ne sera pas auant que ledit enfant qui sera nommé Achilles ayt acheué plusieurs beaux faits darmes, et prouesses incredibles. Toutesuoyes son prochain héritier qui ystra de son sang, et aura nom Pyrrhus, len vengera après en horrible fureur, et souillera ses mains au sang du tresnoble Roy Priam, dont il me prend pitié : Car cest celuy dentre les humains qui plus honnore en gênerai, et en particulier toute la sainte congrégation des Dieux, qui cy sont, par fréquence de sacrifices.

Toutesfois après longue reuolution de iours, et que après le feu de Troye les siècles auront fait en leurs decours, enuiron deux mille sept cens ans : et que les cendres et reliqua des Troyens seront ventilées et esparses par tous les climatz de la terre, lors les Destinées fatales, qui ne veulent laisser dépérir la mémoire diceux, susciteront de leur généreuse semence es parties Occidentales, plusieurs tresgrans et tresglorieux Princes, tant de la nation Germanique, Gallique, Françoise, Belgique, Bourguignonne, Espaignole et Britannique, comme aussi de la gent Italienne. De tous lesquelz grans peuples, les Princes et dominateurs qui auront prins origine des Troyens, après labolition de toutes vieilles quereles et inimitiez anciennes, sarmeront par concorde vnanime, contre les tyrans de Turquie, qui pour lors se vanteront estre yssus dextraction Troyenne : et vsurperont les règnes de Priam en Asie, et passeront en Europe. Dont lesditsvrays Troyens naturelz,esmuz de iustezele (au pourchas

et moyen dune Princesse Auguste, qui sera lors nommée Dame de paix vniuerselle) viendront finablement, à main puissante et bras excelse, et recouureront leur héritage et le tenement de leurs progeniteurs, et triompheront victorieusement de leurs ennemis. Toutes lesquelles choses, ie prédis (souz la correction de toy mon père lupiter, et de ta haute prouidence, laquelle mha administré la notice des choses futures) à fin que vous autres Dieux et Déesses, nen prenez stupéfaction quand les choses aduiendront.

Apres que le Dieu Apollo excellent en diuination, de sa bouche fatidique et véritable eut prononcé tant de si merueilleuses destinées futures, plusieurs des Dieux assistans en furent estonnez : Mais le Roj lupiter sachant que telles seroient comme il les auoit dites, cheut en grand solicitude et pensement, pour la destruction fatale des Troyens quil aymoit, et ne les pouuoit bonnement destourner. Et dautre part, print grand délectation en son courage, pensant à la fortitude desdits Princes occidentaux, qui si vertueusement remettroyent sus la valeur Troyenne. Mais (1) le Dieu de batailles, dont la planette (mesmement quand elle est en la maison de Venus) signifie homme chaud, luxurieux, et enclin à tout abus et fornication, et qui ne se déduit fors en noises et riottes, tout estomacqué du parler d' Apollo (quand à la subuersion de Troye, souspeçonnant, que tout ce auoit esté dit en la hayne de luy et de Venus, sa dame paramours) (2) menoit grand bruit, faisoit horrible vocifération parmy la montaigne, tout escumant de fureur accoustumee, et de fieres menasses et vantises insupportables, disant que pas ainsi nen iroit : Et que quand le remanant de tous les Dieux auroit conspiré au destruisement de Troye, si estoit

(l) Mars (éd. 1512 et 1528). — (2) Ea anglais paramour, amante.

ILLVSTRATIONS DE GAVLE, ET

sa puissance toute seule assez suffisante pour les en garder. Venus dautre costé soustenoit sa querelle, auecques son filz Cupido. Neptune et Hercules au contraire, ensemble toute leur séquelle, defFendoient les dits d'Apollo, et les beautez de luno et de Pallas. Ainsi les Dieux se mutinèrent lun contre lautre : et tant (1) montèrent les paroles, que peu sen faillit quil ny eust aspre bataille et contention. Mais le Roy lupiter ce voyant, y interposa son décret redoutable, et par grand maiesté impériale, meit entredeux promptement son autorité. Et en fronsant la sourcille dune voix tonante, dont tous les éléments tremblèrent, les feit cesser leurs questions, et leur commanda sen retourner chacun en son domaine : ce quilz feirent trestous soudainement, appaisez de frayeur (aumoins par semblant). Mais toutesfois ilz gardèrent leurs inimitiez en courage : lesquelles ilz declairerent depuis, bien à plein, au temps de la guerre Troyenne, comme sera dit cy après au deuxième liure.

Au dernier, le Roy lupiter prenant assez triste congé de son neueu le Roy Peleus de Thessale, de Pharsalie, et de Myrmidonne, et de la Nymphe Thetis espousee, (lesquelz il laissa tous désolez) monta sur son merueilleux chariot, estoffé de toute matière supernaturelle, et lascha la bride à ses chevaux deïfiques qui le portoient sur les esles des vents et sur les pennes des nues : en les menassant par grand courroux, de son sceptre fulgurin. Si repaira en son habitacle accoustumé, qui est sur le haut mont Olympus, en Macedone, dont le chef est prochain au ciel stellifere, surpassant la région aërine, en laquelle limpetuosité des vents, et la vélocité des niebles nobtient (2) plus domination. Ainsi

{\)mal (éd. 1512).

(2) nohtiennent (éd. 1512).

par le moyen de Discorde la faulse diablesse, qui machine tous maux, la noble feste qui auoit prins ioyeux commencement eut tresdolente yssue, et tresmalheureuse termination. Car au moyen du discord des Dieux et des Déesses, se forgea la désertion irréparable du noble Ilion et de la contrée Troyenne.

270 ILLVSTRATIONS DE GAYLE, ET