CHAPITRE XXXV

Explication tant morale comme philosophais et historiale, des noces dessus escrites : ensemble du iugement de Paris, en plusieurs sortes : auec la figure du Ciel, qui fut à la naissance de Paris. Et lapprobation dudit iugement faite en la présence de saint Pierre, prince des Apostres. Et comment Paris recita la vision des trois Déesses à sa femme la Nymphe Oenone, dont elle fut soucieuse et douteuse.

Afin que mieux soit entendue la matière dudit conuiue, laquelle est toute obombree de raisons tant poétiques comme philosophales, morales et historiales, il est asauoir tout premièrement que ladite Nymphe, que les poètes appellent Thetis, fut appellee de son droit nom Ocyroé, et fut fille de Chiron le Centaure, et dune Nymphe fille du fleuue Caïcus, comme mettent Bocace, au huitième liure de la Généalogie des Dieux, et Dictis de Crète, au sixième liure de Ihistoire Troyenne. Et la raison pourquoy elle est dite Nymphe, est semblable à ce queauons dit cy dessus de Pegasis Oenone. Car toutes nobles femmes sont dites Nymphes. Et est dite nymphe Nereïde, cestadire. Nymphe de mer, pource quelle estoit dame de lisle de Thetios, comme iay leu quelque part, mais ne me souuient ou. Les poètes feingnent que Proteus le sage deuin admonnesta lupiter de non appeler lamour de ladite Thetis : car délie deuoit naistre vn enfant qui surmonteroit son père, en grandeur de faits et en renommée. Cestadire, que les astrologiens, à Iheure de la

SINGVLARITEZ DE TROYE. LIVRE I. 27i

natiuité délie, prognostiquerent les choses dessusdites. Et la transformation dicelle en plusieurs formes, signifie que Peleus obtint à grand difficulté, des parens de Thetis, quelle luy fut donnée en mariage. Et en oultre, lassemblee de tant de Dieux, Demy dieux et Heroës selon le sens historial, ne signifie autre chose, fors la congrégation des parens de lespoux et de lespousee, lesquelz estoient tous Roys, Princes et grans seigneurs, et aussi Roy nés. Dames et damoiselles, adorées en terre comme Déesses. Et cela met expressément Dictis de Crète en son dernier liure. Et le grand appareil supernaturel qui y fut fait, dénote que toute planté de biens y estoit à labandon.

Mais Fulgentius Planciades en ses Mythologies met vn autre sens physical en ceste manière. Et dit, que les anciens philosophes cuiderent iadis chacun des Dieux et Déesses obtenir certaine seigneurie sur aucune partie des corps humains. Cestasauoir que lupiter dominast au chef, Minerue aux yeux, luno aux bras, Neptune à la poitrine. Mars au fauts du corps, Venus aux reins, et aux parties pudendes. Et par ainsi veulent ilz donner à entendre, que tout icelles puissances diuines furent présentes et occupées à la natiuité d'Achilles : à fin de le faire naistre homme parfait et accompli, bien complexionné et bien organisé de tous ses membres. Et encores auiourdhuy noz astrologiens assignent semblables puissances et dominations aux corps célestes, cestadire aux planettes qui portent le nom diceux Dieux et Déesses, et aux douze signes du Zodiaque sur lesdits corps humains. Discorde nest point appellee à la procréation d'Achilles à fin quelle ne dissolue et empesche lœuure vnanime des influences célestes, qui se concordent ensemble par vnion harmonique . Toutesfois en la fin Discorde si ( 1 ) vient

(1) sy (éd. 1528).

272 ILLVSTR AXIONS DE GAVLE, ET

mettre occultement, et iette la pomme dor quelle ka cueilly es iardins des Hesperides, qui sont dédiez à Venus. Car nul homme nest exempt de cupidité naturellle et venerique. Et en tant quil touche le iugement de Paris, quant à la structure literale, iay suiuy en partie ce treselegant acteur Apuleius, lequel en son liure de Asino aureo, descrit ledit iugement par grand mignotise. Et quant au sens interiore, ie me suis totalement fondé sur lexplanation du dessusnommé Fulgentius Placiades (1), lequel au deuxième liure de ses etymologies (2) lexpose par grand curiosité. Et qui bien y voudra prendre garde, iceluy iugement est assez déclaré selon diuers sens. En adioustant ce que ie imagine : Cestasauoir, que les nobles poètes ont voulu entendre, que Paris au oit la planette Venus en son horoscope. Cestadire, selon les astronomiens, que Venus dominoit à Iheure de sa natiuité, et lenclinoit à choses amoureuses et vénériennes. Et pourtant (3) deliura il la pomme dor à ladite Déesse : Cestadire, son noble chef qui estoit de rondeur spherique, et de splendeur aureine comme la pomme : et consequemment son entendement enclos dedens, il laddonna du tout à vie voluptueuse, et venerique, et mesprisa la vie actiue de luno, et la vie contemplatiue de Pallas. Lesquelles il veit nues, pource que son subtil engin les imagina par grand perspicacité et attention. lupiter nen voulut point iuger : pource que Dieu laisse faire le cours aux destinées, et ne veult tollir à Ihomme son franc arbitre. Et aussi si Dieu eust condamné deux desdites manières de viure, il nen eust laissé quune au monde. Et bien fut déléguée ladite iudicature, à vn ieune

(1) Les trois éditions portent Placiades, {2) mytologico (éd. 1512).

(3) c^est pourquoi.

pastoureau Royal, comme à celuy qui nauoit encores nulle façon de viure déterminée, et neantmoins estoit capable de toutes les trois dessusdites.

Et pour mieux prouuer ce que dessus est dit, cestasauoir que la destinée de Paris fut causée par linfluence des corps célestes, iay trouué expressément au cinquième liure des natiuitez de Iulius Firmicus mathématique (1), la figure du ciel dudit Paris Alexandre, laquelle fut telle. A Iheure de sa naissance, son horoscope estoit Aquarius : le Soleil au signe du Lyon ; La balance en Lescorpion : Saturne au Lyon : lupiter en Aquarius : Mars en Lescorpion : et Venus auec Mercure au signe de Gemini. Laquelle conionction selon ledit acteur, demonstre celuy qui y est né, deuoir obtenir noces contentieuses, et mariage sans paix, et tout plein de malheurté, dont il se peult ensuiure merueilleux tumulte de guerre mortelle, menasses des contendans, et concitation de fureur horrible, auec grand respandement de sang humain. Et tout ce au moyen de cupidité venerique.

Mais à fin que lune des meilleurs parties du fruit de toute ceste œuure, cestasauoir le iugement de Paris, soit mieux autorisée et esclarcie, et que les lisans congnoissent que de tous temps, mesmes les saintes gens en ont fait grand estime, non pas comme de chose friuole et fabuleuse, mais comme vtile et de grand substance, nous trouuons que ceste matière fut disputée douant saint Pierre lapostre, ainsi comme recite Clément au dixième et onzième chapitres de son Voyager (2). Lequel autrement est intitulé Des recongnoissances de saint Pierre, et dit ainsi :

(1) Julii Firmici Materni Jttnioris Siculi V. C. Matheseos libri VIII (Venise, 1497).

(2) Voyagier (éd. 1512). C'est à propos des voyages de S* Pierre à la poursuite de Simon.

274 ILLVSTRATIONS DE GAVLE, ET

Clément noble homme Rommain (lequel fut depuis quatrième Pape de Romme, disciple de saint Pierre) estant nouuellement conuerty à la foy catholique, disputoit de la vérité de nostre foy Chrétienne, alencontre dun grand philosophe, et orateur payen, nommé Niceta, en la présence dudit saint Pierre. Lequel Niceta pour deffendre sa créance payenne, se vantoit de donner raison de toutes choses quon luy sauroit demander, seruans à ce propos. Et adonques Clément linterroga ainsi : Expose nous, ie te prie, en quelle manière vous- autres entendez et coulourez le grand conuiue des Dieux qui fut fait aux noces de Peleus et de Thetis. Que vouloient ilz entendre par le berger Paris, et que signifioient les trois Déesses luno, Minerue, et Venus, lesquelles se souzmeirent à son jugement ? Quest ce de Mercure, et de la pomme dor : et de toutes les autres choses qui sensuiuent par ordre ? Alors Niceta le philosophe respondit ainsi :

Lassemblee des Dieux sentend en ceste manière. Lordre de lassiette en iceluy, cest la situation des estoilles, planettes et luminaires qui sont aux cieux et au firmament. Lesquelz Hesiodus nomme Dieux et Déesses engendrez du ciel et de la terre. Et en conte six masles et six femelles, selon le nombre des douze signes du Zodiaque, qui circuissent la terre vniuerselle. Les viandes dudit banquet et conuiue, sont les raisons et les causes des choses. Lesquelles délies mesmes sont douces et couuoitables. Et peult on gouster et apprendre par icelles, comment le monde est gouuerné par chacune situation des estoilles. Mais toutesuoyes tout homme ha sa liberté, quant à cela : et nest point tenu de taster de ladite science, sil ne luy plaist. Car tout ainsi quen vn disner, ou soupper mondain, nully nest contraint de boire et menger oultre son gré, aussi la science et lestude de philosophie, est limitée par la mesure du franc arbitre.

Discorde est la concupiscence, et sensualité charnelle du cœur qui seslieue alencontre de lintention de la pensée intellectiue, et erapesche le désir de sauoir. Peleus et Thetis désignent deux éléments contraires, lun actif et lautre passif : lun sec et lautre humide, par la commixtion desquelz tous corps sont procréez au monde. Mercure signifie la parole, par laquelle toute doctrine est adressée et insinuée à nostre entendement. luno est Chasteté, Minerue Fortitude, Venus Luxure, Paris est lentendement sensitif. Si donques il adulent que Ihomme soit rude, ignorant et insensé, et quil nayt point bon sens naturel, il mesprisera Chasteté, et Vertu, et donnera Ihonneur de sa victoire, à sa paillardise et sensualité. Pour lesquelles choses il aduiendra, non seulement à luy, mais aussi à tous ceux de sa maison, de son parentage et voisinage, mal et destourbier, ruine et destruction. Comme il feit aux Troyens et aux Grecz, à loccasion de Paris, qui rauit Heleine.

Et comme Niceta lorateur eut acheuë son propos, S. Pierre loua et estima la déduction : Et dit, que certainement les hommes ingénieux recueillent beaucoup de semblances de vérité, par les choses quilz lisent. Et voicy les propres mots dudit Clément en lonzieme chapitre de sondit Voyager : Et Petrns collaudans prosecutionem ait : MuU tas {vt video) ingeniosi homines ex his quœ legunt verisimilitudines capiunt. Lesquelles choses puis quelles sont approuuees par le Prince des Apostres, donnent à congnoitre que ce nest pas labeur perdu, dauoir prins la peine dexpliquer le iugement de Paris tout du long, ainsi que nous auons fait : et ce que nul autre nauoit encore fait deuant nous, à fin dobuier aux ignorans, qui disent que les choses poétiques, ne sont sinon pleines de menterie et vanité. Or retournons maintenant à Paris et à la Nymphe sa femme.

276 ' ILLVSTRATIONS DE GAVLE, ET

Apres que les trois Déesses sen furent allées lune trescontente, et les deux autres peu ioyeuses, Paris Alexandre voyant le Soleil abaissé pour aller plonger ses cheueux auricomes es vndes du grand Océan, recueillit à tout sa houlette ses troupeaux de brebis, chieures et moutons espars, ça et là, et les remena à Ihostel. Et quand il y fut, il salla seoir et appuyer auprès de sa compaigne, la Nymphe Oenone, qui gisoit denfant. Il auoit la chère pensiue, et lentendement tout transporté des merueilleuses visions , choses estranges et hautaines, lesquelles il auoit entendues, et de si nouuelles apparitions quil auoit veiies : et de si diuerses promesses et menasses quil auoit ouyes. Et ne sauoit à peine iuger, si cestoit quelque aduisement par songe, ou sil auoit esté rauy en ecstase, et en penser contemplatif, ou quelque autre fantasie et illusion : ou si cestoit proprement démonstration de vraye apparence : Toutesfois il y prenoit aucun goust, pour les promesses de Venus. Quand la Nymphe Pegasis Oenone le veit ainsi musart et morne oultre sa coustume (car tousiours il estoit gay et ioyeux) elle luy pria beaucoup de sauoir la cause de son pensement, et len pressa si fort, quen la fin Paris (que voulentiers que enuis) luy raconta tout laffaire bien au long, et les menasses de luno et Pallas. En se taisant toutesuoyes du don que Venus luy auoit promis.

Quand la Nymphe Pegasis Oenone eut tout entendu, elle ne sauoit en quel sens interpréter la vision de Paris. Mais luy disoit ainsi : Helas, mon amy, iamais tu ne deuois désirer tel rencontre, combien que tu ny pensasses point quand elles se sont offertes à toy. le ne scay coniecturer à quelle fin ceste besongne tend. Mais toutesuoyes le sang men est transmué, comme sil mapportoit mauvaises nouuelles : Le cœur me bat en la poitrine, et toute crainte

froidureuse sest esparse parmy mes membres : ie prie auz Dieux, quilz men donnent liesse. Scais tu point comment cest chose dangereuse de voir les hautes Déesses du ciel toutes nues ? Le malheureux Acteon fîlz du Roy Aristeus d'Arcadie, et neueu de Cadmus Roy de Thebes, en fut iadis exemple trespitoyable : combien quil fust yssu de la lignée des Dieux. Car le ieune damoiseau lassé de la chasse (laquelle il aymoit trop comme tu fais) estant fondu en chaleur, et résolu (1) en sueur, pour trouuer réfrigération compétente à son ardeur, sembatit en la valee espesse et vmbrageuse, appellee Gargaphie, pour estancher sa soif, en vne clere fontaine qui sourdoit au fons. Or y estoit dauenture pour Iheure, la haute Déesse Diane, maistresse des Veneurs, qui se baignoit dedens ladite fontaine auecques ses Fées. Laquelle surfondue (2) de vergongne féminine, quand elle se veit apperceiie par Acteon (qui toutesfois ny venoit pas pour lespier) puisa au creux de ses belles mains de leaue dicelle fontaine faee, et par grand ire la ietta au visage du iouuenceau Acteon, dont lefficace fut telle, que tantost après il fut transformé en cerf, et dessiré de ses propres chiens .

Donques si les Déesses se vengent ainsi cruellement de ceux qui les ont veiies nues, non à leur essient, encores doiuent elles estre plus aspres quand elles sont prouoquees à desdain par mesprisement de leurs propres vertuz et formes. Ignores tu comment Niobé fille de Tantalus, iadis Roy de ce païs de Phrygie, fut muée en dur marbre, par la Déesse Latone, pource quelle sestoit vantée estre plus féconde en génération, que ladite Déesse

(i) affaibli.

(2) débordant.

278 ILLVSTRATIONS DE GAVLE, ET

nestoit ? et ses quatorze enfans dont elle sestoit enorguillie, furent occis par les saiettes d'A polio, filz de ladite Latone. La pucelle Arachné aussi , nostre voisine du païs de Lydie, ne changea elle pas sa propre forme en celle dune araigne, pource quelle osa faire comparaison de ses ouurages, brodures et tissuz, à ceux de la Déesse Pallas ? Ainsi, mon tresaymé seigneur et frère Paris, tu peux coniecturer par ces histoires, combien grand péril gist en courser les hautes Déesses du ciel. Et mesmement la Royne îuno, laquelle est plus puissante que Latone, mère de Diane, plus irascible, que icelle Diane la clere : et plus redoutable que Pallas la Déesse armigere : et beaucoup plus vindicatiue, que nulle des autres. Et ce peux tu congnoitre par lexemple de ta tante Antigona, que iadis elle mua en cicongne, pource quelle se preferoit en beauté à elle. Et aussi le dois tu coniecturer par la mesauenture de Semelé mère du Dieu Bacchus, et fille de Cadmus Roy de Thebes, laquelle elle feit foudroyer, par ialousie. Et par plusieurs autres de ses faits le dois tu congnoitre : Mesmement par le conte récent, des grans labeurs quelle ha fait soustenir au trespreux Hercules, par despit de ce que le puissant Roy lupiter son mary lauoit (à son desauantage) engendré en Alcumena femme du Prince Amphitryon de Thebes. Lesquelles choses considérées, mon trescher seigneur et amy Paris, il ne reste à toy fors que, si tu sens auoir commis aucun meffait contre elle, et contre madame Pallas, tu mettes peine dappaiser leurs diuinitez, par expiations et purgations décentes, et par sacrifices, oblations et prières deuotes : et faire* pénitence de ta mesprison. Et moy de ma part, my veux aussi ayder.

Ainsi admonnestoit la belle Nymphe Pegasis Oenone, par douces paroles, son trescher espoux, Paris Alexandre.

Mais si elle eust sceu le mal qui puis luy en aduiendra, elle fust deslors tombée en desespoir. Toutesfois quelque semblant quelle feist, elle ne se pouuoit bonnement esgayer, comme parauant, ne réduire à resiouissement : ains luy apportoit le cœur occultement tristeur et doleance. Et ne se donnoit garde, que sans y penser, elle iettoit regretz et parfonds souspirs tant de nuict comme de iour, lesquelz luy estoient présage de son infortune. Dont pour auoir le cœur esclarcy, elle se descouurit à aucuns sages vieillars, et aucunes bonnes femmes ses voisines qui se congnoissoient en sortilèges et deuinemens, et sauoient à dire par art, ou par expérience, les fortunes des gens, et la signifîance des songes et diuerses apparitions. Si trouuoit par tout, que la vision de Paris, luy adressoit (1) vn grand deuil et mal nompareil. Dequoy elle fut de plus en plus troublée. Paris aussi esprins dardeur ambicieuse, nestoit point si délibéré quil souloit. Neantmoins il dissimuloit son désir au plus quil pouuoit.

(1) En anglais to addresSj préparer.

ILLVSTRATIONS DE GATLE, ET