CHAPITRE XXXVI

De la natiuitô, nourriture et adolescence d'Achilles filz du Roy Peleus et de la Nymphe Thetis. Et comment sa mère le cuida par tous moyens obuier aux Destinées, leso[uelle3 lanoient adiugé denoir mourir deuant Troye.

Or povr reuenir au propos, Thetis la belle Nymphe et sage auoit escouté et noté diligemment tous les propos des Dieux et leur débat : et ce que ApoUo entre autres choses auoit declairé des auentures de la portée quelle feroit. Cestadire pource quelle estoit prudente deuineresse, elle entendoit les secretz des Dieux, et prophetisoit les choses futures. Si se délibéra de remédier à lordonnance fatale, par tous moyens possibles. Car desincontinent quelle fut deliuree de son filz Achilles, lequel elle conceut de son mary le Roy Peleus, elle le porta es basses régions souzterraines : et illec selon la discipline de lart magique, auec enforcement de charmes et enchantemens, dont elle estoit ouuriere, luy plongea le corps es noires vndes, dun des fleuues infernaux nommé Styx, qui est interprété Tristesse : à fin quelle le rendist dur inuulnerable, et patient aux labeurs. Mais la plante des piedz ne fut mouillée de ladite eaue. Et au moyen dicelle faute, Paris luy infligea depuis de sa saiette, playe mortelle, comme sera declairé cy après au deuxième liure.

Aussi bailla la Royne Thetis son filz Achilles quand il

fut grandet à Chiron le sage centaure son ayeul, pour le nourrir et introduire en tous exercices que filz de Prince doit sauoir. Ledit Chiron habitoit en la montaigne de Pelion dessus spécifiée, et estoit filz de Saturne et de la Nymphe Phillyra, comme dessus est dit : Il fut des premiers inuenteurs de médecine, et monstra anciennement à Esculapius filz du Dieu Apollo ladite art, quant à la propriété des herbes et aussi dastrologie. Et pareillement il institua le noble enfant Achilles, en icelle art de médecine. Et dabondant luy aprint à toucher de la harpe, comme tesmoigne Ouide au premier de Lart d'aymer, disant :

Phillyrides puerum cithara perfecit Achillem.

Iceluy Chiron estoit homme tressage et tresprudent : et pource luy fut baillé Achilles à gouuerner, à fin quil naprinst nulle mauuaistié auec les autres humains, comme met Euripides en la tragédie de Iphigenia. Or ne le feit il pas vser de nourrissement accoustumé : mais seulement luy faisoit menger les mouesles des os des cerfz, biches, dains, sengliers, ours, et autre sauuagine, quil prenoit en la montaigne : à fin de le rendre plus fort, plus membru, plus puissant et plus robuste. Et à ceste occasion fut il appelle Achilles, qui vaut autant adiré comme sans viande (aumoins commune) car a, en Grec signifie, sans, en nostre langue : et chilos, viande (1). Et cest la raison de son etymologie selon Bocace, au xii. liure de la Généalogie des Dieux.

Or par trait de temps Achilles parcreut en beauté, force et grandeur merueilleuse surpassant la corpulence des gens de maintenant. Car Philostratus recite au troisième liure de la vie d'Apollonius, que ledit Apollonius philosophe et

(l) xw^o'î, suc.

28S ILLVSTRATIONS DE GAVLE, ET

grand magicien, lequel viuoit du temps de Vespasien Empereur, alla au sépulcre d'Achilles qui estoit au port de Sygee (et luj auoit lerreur dadonques institué vn temple). Si parla à lombre dudit Achilles, et luy feit plusieurs interrogations touchant les faits de Troye. Laquelle ombre luy respondit à tout : et sapparut en forme dun ieune homme, premièrement de sept couldees de haut, et puis de douze. Et à ce propos il me souuient en ieunesse auoir ouy dire à aucuns bons personnages dignes de foy, quun grand clerc expert en magique et nigromance, monstra vne fois à feu de clere mémoire le Duc Charles de Bourgongne , tresuertueux Prince, et curieux des prouesses antiques, les simulacres et propres semblances d'Hector et d'Achilles, dont les statures estoient de hauteur énorme et espouuentable. Et certes le croy fermement quen ce temps là, les gens estoient plus grans quilz ne sont ores : tesmoin luuenal en sa quinzième Satyre, qui dit que des le temps d'Homère les hommes commençoient desia à descroitre : lequel fut enuiron cent ans après les faits de Troye :

Nam genus hoc viuo iam decrescebat Homero.

Et par conséquent les gens doiuent bien estre appetissez depuis. Hérodote en son viii. liure recite que les os d'Orestes filz d'Agamemnon furent trouuez par les Lacedemoniens long temps après sa mort : et fut mesuré quil pouuoit auoir de hauteur bien sept couldees. Martin (1) en sa chronique, met que du temps de l'Empereur Henry deuxième de ce nom, cestasauoir enuiron mille quarante ans après lincarnation nostre Seigneur, le corps de Pallas filz du Roy Euander fut

(l)L'évêque Martinus Polonus, qui au treizième siècle composa Chronica summorum imntijicum imper atorumque.

trouué tout entier auprès de Romme, lequel estoit de si merueilleuse stature, quil surmontoit la hauteur des murs de la cité. Et la playe quil receut en sa poitrine de la lance de Turnus, pour soustenir la querelle d'Eneas Troyen, auoit quatre piedz douuerture. Beaucoup dautres exemples pourroit on alléguer de la grandeur des hommes de iadis. Mais il faut retourner à nostre propos d'Achilles.

Guide, au xiii. de sa Métamorphose touche bien à plein, que quand la belle Thetis mère d'Achilles, ouyt le bruit du rauissement d'Heleine, et sceut que tous les Princes de Grèce estoient conuoquez, pour le recouurement dicelle, craingnant la mort prédestinée de son filz, elle le desroba secrètement à son ayeul et gouuerneur Chiron le centaure, tandis qu'il dormoit en sa cauerne, laquelle estoit entaillée en vn rocher, et laccoustra en habit de pucelle, puis lenuoya prestement au Roy Lyco modes en lisle de Scyre. Lhabillement de damoiselle ne luy messeoit point : car il estoit si ieune, quil nauoit encores poil de barbe au menton. Or se contint illecques vne espace entre les dames, qui ne cuidoient autre chose, sinon quil fust ce quil sembloit estre, cestasauoir vne fille. Car il estoit bel adolescent amer ueilles. Neantmoins à la belle Deïdamie, fille dudit Roy Lycomedes, ne peut long temps estre occultée la vérité de son sexe. Ainçois luy en monstra Achilles la vérité par temps : Car en couchant auecelle, il engendra le cruel Pyrrhus mutilateur de la vénérable vieillesse de Priam, et respandeur du sang virginal de la noble Polyxene. Neantmoins la gente Deïdamie pour la commodité du fruit de ses amours cela la feinte du sexe d'Achilles, iusques à ce que après la coniuration des Princes Grecz contre les Troyens, Apollo donna response : que sans Achilles ne se pouuoit tel chef dœuure parfaire.

2||é ILLVSTRATIONS DE GAVLË, ET

Dont le tresprudent Vlysses Roy de lisle d'Itaque, enuoyé pour le chercher, le vint recongnoitre filant entre les pucelles au palais du Roy Lycomedes. Car iceluy Vlysses par nouuelle astuce, habillé en mercier, présenta à vendre plusieurs bagues et loyaux, aux dames de la maison dudit Roy, lesquelles prindrent communément choses affreans (l)àfemmes. Cestasauoir esguilles, fuseaux, bourses, guimpes, et autres choses semblables. Mais le damoiseau Achilles par affection virile, saisit incontinent vn arc et vne trousse : parquoy il fut descouuert, et tantost deshabillé, et mené à la conqueste de Troye. Et quand il y eut esté long temps, et fait plusieurs grans faits darmes, et que Hector eut tué Patroclus armé des armes d'Achilles, Thetis impetra nouuelles armes à son filz, forgées de la propre main de Vulcan, le feure des Dieux : ainsi comme recite élégamment le prince des poètes Homère au xviii. liure de son Iliade. Et brief, par toute sagacité féminine et maternelle prouidence, laboura pour le salut de son filz. Maispource que la nécessité des Destinées ne se peult euiter, finablement elle ne sceut obuier quil ne perdist la vie. Or faut il retourner au propos dont nous auons fait digression, et continuer nostre matière principale, qui est de Paris. Neantmoins il estoit bien séant de dire les choses que dessus, pource quelles ne sont point hors de propos.

(1) affierans (éd. 1528).