CHAPITRE XXXVII
Du bruit qui courut au Royaume de Phrygie, que Polymnestor Roy de Thrace venoit espouser lune des filles du Roy Priam : et de la preparatiue des ieux et combats qui se deuoient faire ausdites noces. Auec explanation de la propriété desdits ieux.
En ces entrefaites , nouuelles coururent par tout le Royaume de Phrygie et Asie la mineur, quon dit maintenant Turquie ou Natolie, quun puissant Prince des parties de Grèce et de la contrée de Thrace estoit nouuellement venu à Troye, pour auoir en mariage vne des filles légitimes du Roy Priam : Cestasauoir madame Ilione, et se nommoit Polymnestor Roy des Bistoniens et de Odryse, lequel deuoit espouser vne des filles du grand Roy Priam de Troye : laquelle chose estoit lun des commencemens de son malheur, comme on verra maintenant.
Iceluy Polymnestor auoit autresfois receu en son Royaume, le Roy Priam passant par là : et lauoit traité en toute bonne chère : et pource fut enclin ledit Roy Priam de faire alliance auec luy, en luy donnant lune de ses filles : considéré quil estoit son voisin, et ny auoit que peu de mer entredeux. Mais au plus fort de son affaire, cestasauoir durant le siège des Grecz, il se monstra tresmauuais homme, traytre et desloyal. Car Priamus voyant sa destruction euidente : et loccision cotidienne de ses enfans, pour en sauuer au moins lun (si plus ne pouuoit) enuoya
ILLVSTRATIONS DE GAVLE, ET
Polydorus le plus ieune de tous les légitimes, audit Polymnestor son gendre, auec grand quantité dor et dargent, pour le nourrir et ayder quand temps seroit. Mais iceluy Polymnestor homme tyrant, et tout corrompu dauarice, amy seulement de fortune, quand il congnut les affaires de son beau père Priam tombez en inconuenient, tua ledit ieune enfant Polydorus frère de sa femme, par conuoitise des trésors, et ietta le corps en la mer. Et ceste est 1 opinion de Virgile et Ouide : mais Dictys de Crète autheur plus ancien, le recite autrement en son deuxième liure de Ihistoire Troyenne, disant que pendant le siège de Troye, Aiax Telamonius pilloit et gastoit toute la contrée du riuage de Thrace, pource que les Thraciens tenoient le party de Priam. Parquoy le Roy Polymnestor qui illec auoit son règne, comme dessus est dit, craingnant la grand vaillance et fureur dudit Ajax, eut peur, et se rendit tantost. Et pour acquérir paix et grâce, meit le petit Polydorus ieune enfant, es mains dudit Aiax : et oultre ce luy donna planté dor et de viures, en renonçant publiquement à lalliance et amitié du Roy Priam son beau père, et des Troyens. Et depuis continua tousiours de fournir victuailles en larmee des Grecz : et iceux Grecz feirent mourir cruellement lenfant Polydorus deuant Troye, comme sera dit au second liure. Mais reuenons au propos.
Aux noces donques de madame Ilione, qui fut fiancée audit Roy Polymnestor de Thrace, comme dit Bocace au VI. liure dessus allégué, le Roy Priam lors assis au plus haut throne de sa bienheuree fortune, voulut bien monstrer aux estrangers le triomphe de son empire, et la multitude de ses richesses. Si feit vn merueilleux appareil : et délibéra les festoyer en la plus grand magnificence et somptuosité que faire se pourroit. Et commanda à son aisné
filz le Prince Hector, que aussi de sa part il semployast à ce que luj et ses frères feissent honneur à leur sœur, et ce par tous moyens possibles. Pareillement la Royne Hecuba en pria doucement iceluy Prince Hector son /gp, à cause quelle vouloit honnorer les Princes de Thrac^e ^ont elle estoit yssue.
Les nobles escriuains disent, mesmement Isidore, au XVIII. Hure de ses Etymologies, que les ieux anciens en lieu des ioustes, courses, behourts, combats, et tournoyemens qui se font maintenant, furent premièrement trouuez et instituez à Ihonneur des Dieux, et pour la commémoration des trespassez, en leurs obsèques funeralles. Car Hercules de Thebes, qui premier establist les ieux Olympiques, sur le mont Olympus en Macedone, consacra iceux à lupiter, et les feit en mémoire de Pelops son ayeul ma^ ternel. En ordonnant pour guerdons et prys aux mieux faisans, non autre chose que couronnes de rainceaux darbres, si comme de pin, de myrte, ou de laurier : Et depuis iceux ieux furent continuez par accoustumance, et réduits, ou transferez à autres propos : Cestasauoir ou pour exercitation de corps, entre les nobles hommes, et pour ostentation de force corporelle, ou pour gloire acquérir, et aussi pour Ihonneur des dames, et pour quelque grand ioye et festiuité. Laquelle chose comprend en soy plusieurs des autres causes. Et furent deslors mis en auant prys de plus grand value, pour reguerdonner les meritans, si comme aornemens, armures ou bestes viues. Et contenoient iceux prys ou spectacles plusieurs manières dexercices,qui en langue Grecque sappellent Agons, cestadire tournois. Si comme la course en lestade, (1) le iect de barre, la sagittation,
(1) le stade.
ILLVSTRATIONS LE GAYLE, ET
la force de soustenir pesanteur, lindustrie de bien cheuaucher, et contourner chariots et chenaux : et la palestre, cestadire la luitte, ou le ieu des barres, en laquelle les champions g.stoient tous nuds, oincts seulement dhuile doliue, pjur t^uiter la prinse.
De toQs ces ieux, la fleur de cheualerie, dhonneur et de noblesste, le trespreux Hector, assez y enclin de sa propre nature (sans la solicitation et admonnestement du Roy son père) feit prys dinars. Et les feit publier par ses hérauts darmes, à son de trompe, parmy les rues et carfours de la tresgrand cité de Troye, et ailleurs au Royaume de Phrygie. Et iceux ainsi diuulguer par plusieurs prouinces prochaines et lointaines, tant deçà que delà la mer Hellesponte, en distribuant par tout le double des articles, et lordonnance des ieux et du tournoy. Et en ce declairant vouloir tenir le premier pas : à fin que pour la renommée de sa personne, la feste fut célébrée et solennisee par fréquentation de plus de nobles hommes priuez et estrangers.
SINGULARITEZ DE TROYR. LIVRE I. ^fti$
