CHAPITRE XXXVIII

Du conseil que la Nymphe Pegasis Oenone donna à son espoux Pans Alexandre, de se trouuer aux ieux et combats qui se deuoient faire à Troye. Et comment elle descouurit au pasteur Royal, et à sa femme, que Paris estoit filz naturel et légitime du Roy Priam : et se feit monstrer le berseau auquel il auoit esté apporté. Et comment la Royne Hecuba manda couuertement audit pasteur, quil amenast Paris aux ieux de Troye.

Qvand donques le bruit de la noble entreprise, fut volé par Royaumes, prouinces, citez et villes, et respandu par le plat pais, et finablement paruenu iusques à la notice du berger Paris et de la Nymphe Oenone : après que icelle Nymphe eut un petit pensé, elle dist à son mary le beau Paris en ceste manière : « Mon amy, ie me suis aduisee que pour te desennuyer, et pour voir lassemblee des hauts Princes de ton sang, et des nobles faits des cheualiers de Phrygie, il seroit bon que par manière de passetemps tu ty allasses esbatre. Car aussi ne vis tu iamais la noble cité de Troye, ne le Roy Priam ton seigneur et père. Et parauenture que ce pourroit estre occasion et ouuerture de quelque grand bien pour toy et pour moy : et vne entrée pour paruenir à noz atteintes, iusques à estre réintégré en la maison paternelle. » A ces mots Paris dressa loreille, et luy dit : « Comment ne par quel moyen se pourroit il faire, Mamie, que la chose print son efFect, il me semble bien difficile. »

290 ILLVSTRATIONS DE GAYLE, ET

— « le te diray, mon amj (fait elle) : Fortune ayde tousiours à ceux qui ont hardiesse de se vouloir auancer. »

0 noble Nymphe aueuglee darabition, et désirant destre appellee femme de filz de Roy, toy mesmes tends les lacz esquelz tu seras prinse, et commences desia à forger le diuorse, de ton tant cher espoux, qui te causera dueil immortel, et mort finale. Désiste toy (belle dame) si tu peux, car il me prend pitié de ton infortune. Mais faire ne se peult autrement. Il faut que les Destinées fassent leurs cours : et que pour bien faire tu ayes rétribution non condigne. Car tu tefforces de réduire ton mary en la maison de son père, et luy dis alors ces paroles : « Paris, mon seigneur et espoux. La manière de procéder en ce cas sera assez facile, pourueu que les Destinées ny donnent encombrier : nous taccoustrerons au mieux que possible sera : et irons là ou se fera la noble assemblée. Et si tant est que (par la bénignité des Dieux) tu puisses estre receu entre les seigneurs et gentilz hommes aux ieux quilz feront, cestasauoir à tirer de lare, à courir, luitter, ou saillir, attendu que de ces choses tu te scez moult bien ayder, lefficace de ta vertu, auec ta singulière beauté, seroient cause parauenture que le Roy, les dames et barons se voudroient enquérir de ton estre, et de ton parentage : Alors ie ne seray pas loing, et pouruoirons bien au surplus. Mais il te faudroit du tout délibérer de bien faire, et de te monstrer vertueux et vaillant, au besoing. Car iamais ne sauroit suruenir matière de meilleure inuention que ceste cy. »

Quand Paris eut ouy parler la Nymphe si prudentement, il lacolla de grand ioye en disant : « Madame et mamie, or voy ie bien que tu ne dors pas tousiours, et que les Dieux tont preste merueilleuse sapience, pour me donner ayde : dont ie tasseure que de tel bénéfice, ie ne seray pas ou-

blieux par ingratitude, si mon affaire prospère. Si me tarde desia que la iournee da pas (1) nest venue : Car iespere dy monstrer assez bon effect de ma possibilité, (2) pour lamour de toy. Et ay intention de non y acquérir deshonneur, pourueu que iaye lieu et occasion de ce faire. » — « Il suffist, mon amy (dit la Nymphe) ; or me laisse auoir la solicitude du demourant. » Tantost après en la présence de Paris, elle appella lancien bonhomme, qui lauoit nourry, et sa bonne femme aussi : et les tira appart en vn coing de leur maisonnette. Si leur dit ainsi : « Mon trescher père, et vous ma tresbonne mère, ie vous vueil faire requeste dun petit don : si vous prie le mottroyer voulen tiers. » — « Or demande ce qui te plaira, ma tresbelle fille (dit le pasteur) et sil est en nostre puissance, il ne te sera point refusé. » Adonc la Nymphe dit : « Voicy mon amy et mon espoux, Paris Alexandre, que vous deux auez nourry souefuement, tant quil y pert, la mercy aux Dieux : Mais combien que vous le tenez pour vostre propre enfant, et que luy mesmes layt tousiours creu ainsi fermement, neantmoins iay ouy murmurer en secret, quil nha pas prins sa naissance céans, et vous ha esté apporté dailleurs. Et le don que ie vous demande, nest sinon que ie vous prie men declairer la vérité apporte, pource que quelque grand bien parauenture luy en pourroit aduenir, et à nous tous aussi. »

« Certes (dit le bon vieillard) ma belle fille, onques à personne viuant nen descouuriz lauenture : mais à toy ne la vueil ie mie celer. Or, conuient que tu le saches. La vérité est telle, que lenfant Paris nest point nostre : car il y ha enuiron seize ou dixsept ans quune ancienne dame de Troye le nous apporta céans, à nourrir secrètement sans

(1) pas d'arme». — (2) ma valeur.

ILLVSTRATIONS DE GAVLB, ET

declairer à qui il estoit : ne onques puis nous ne la veismes, ne en ouymes nouuelles certaines, sinon que durant lenfance de Paris, elle enuoyoit vne fois ou deux lan voir comment il se portoit : En nous mandant que tousiours il fust bien nourry, et que quelquesfois en pourrions auoir bonne recompense. Et ainsi lauons nous fait, selon nostre petit pouuoir. Et nha esté tenu par nous, sinon au lieu de lun de noz propres enfans, comme il scait. » — « De cela suis ie bien aduertie (dit la Nymphe), et aussi iespere quil ha bon vouloir de vous en guerdonner, si iamais il ha puissance. Or me dites encores : Sil se trouuoit dauenture quil fust de quelque grand maison, et que aucuns de ses parens qui le cuidoient auoir perdu le voulsissent recongnoitre, sauriez vous bailler nulles enseignes bien certaines pour ce faire ? »

— « Vrayement (dit la bonne femme, nourrisse de Paris, tout en plourant) ouy monstreroit on enseignes assez : Car encores fineroy ie (1) bien céans à vn besoing, le berseau et les draps ou mon cher enfant Paris fut apporté, lesquelz sont tous de fine soye, et si les garde chèrement pour lamour de luy. Mais ia pourtant ne seront par moy monstrez à créature viuant, aumoins pour la cause que tu dis, ma fille Oenone. Car ie ne le veux point perdre, ains layme autant comme sil fust party de mon ventre. Helas, mon cher enfant Paris, que t ay ie fait ? pourquoy veux tu abandonner ta poure ancienne mère désolée ? t'ay ie si mal traité, f ay ie fait aucun desplaisir ? » Ainsi disoit la bonne femme en plourant, pour la merueilleuse amour quelle auoit à Paris. Et le bon berger luy disoit ainsi :

— « Femme, tu nentens pas assez : et ne sert de rien ce que tu te demaines ainsi. Escoute moy. Quand le cas aduien-

(l) trouverai-je s'il le faut.

droit tel, comme nostre fille Oenone ha cy mis en auant, ne penses tu quil me greuast autant comme à toy ? Ne scais tu que iayme lenfant Paris plus que nul des miens ? Mais toutesuoyes pour vn plus grand bien (tant pour luy, comme pour nous) il le faudroit endurer. Et quand ie vise bien aux choses passées, ce que nostre fille Oenone dit, ha quelque apparence de vérité : Car tu scais bien que toy et moy, nous sommes maintesfois donnez garde, que depuis quil est céans, il nous ha tousiours porté bon heur, et bonne aduenture, et sommes accreuz en bien et en bestail. Mesmement ceux à qui nous rendons conte des troupeaux du Roy, et de la Royne, nous ont tousiours mieux traitez, quilz nont fait les autres pasteurs noz voisins. » — « Certes (dit la Nymphe) Cest tresbien et tresprudentement coniecturé à toy mon père. Et pour ce ne faut il pas, ma bonne mère, que tu estimes que ie le te vueille tolir ou faire perdre, mais plustost gaigner et recouurer. Car tu le verras aussi sonnent que tu fais à présent, et en plus grand honneur, dont seras plus ioyeuse. Et quand tu voudrois destourber ce bien et auan cément, tu ferois mal et ton dommage propre. Si te prie nous monstrer le berseau que tu as dit, et ie te promets te aduertir de chose qui assez te plaira. » Alors la bonne femme persuadée par paroles (ayant toutesuoyes les larmes aux yeux, et les souspirs en la bouche) alla ouurir vn escrin auquel elle tenoit lesdites choses, précieusement enuelopees de bonnes herbes, et fleurs bien odorantes.

Quand la Nymphe Pegasis Oenone veit le noble berseau, lequel estoit richement entaillé dun bois noir nommé Hebenus, bien cher et bien exquis, croissant es Indes, dont on fait les berselets des enfans Royaux : pource quil ha vertu de les garder despouuentement, ainsi que recite Isidore en ses Etymologies : et quelle choisit les drapelets, contre et

294 ILLVSTRATIONS DE GAVLE, ET

couuertoir de pourpre, et les fasses (1) et liens de soye, esquelz son seigneur et mary auoit esté enuelopé, denfance, et apporté de la maison paternelle : elle senclina deuers iceux, et les baisa en grand honneur et cerimonie. Dont le père et la raere putatifz de Paris Alexandre, furent tous esmerueillez. Lors elle leur dit : « Ne vous esbahissez si ie fais reuerence aux choses esquelles le digne fîlz du Roy (voire du plus grand Roy du monde) ha prins nourriture et croissance. » De ces paroles les bonnes gens furent plus estonnez que deuant. — « Certes, dit la Nymphe, il est ainsi sans nulle faute. Cest le tresnoble Paris Alexandre, mon âeigneur et mon espoux, fîlz du Roy Priam et de la Royne Hecuba, lequel vous auez doucement nourry et couché cy dedens souuentesfois. Et en ce faisant lauez preserué de la cruelle mort, à laquelle les Destinées fatales lauoient adiugë. Si est il perpétuellement tenu à vous, de sa vie et conseruation. » A ces mots les bonnes et simples gens tous tremblans de peur, et plourans auec grans souspirs, se prosternèrent aux piedz du noble Paris, leur alumne et nourriture, et disoient ainsi : « Las, mon seigneur, pour Dieu mercy. Que ferons nous dolents et malheureux ? Ne comment pourrons nous impetrer pardon , des rudesses et maltraitemens que tauons faits ignoramment en enfance ? » Et Paris tresdebonnaire larmoyoit aussi de grand pitié, et ne leur sauoit dire mot : sinon quil les feit relouer à grand peine, et les baisoit et accolloit par grand douceur. Adon- • ques la prudente Nymphe Pegasis Oenone (tellement quellement) feit cesser leur pleur. Puis leur conta bien au long toute lauenture de lenfant Paris : et declaira le moyen par lequel elle pretendoit le faire recongnoitre à ses parens, aux

(1) faiur a emmailloter.

ieux prochains qui se feroient à Troye. Et ilz promirent luy estre obeïssans en tout ce quelle commanderoit, sans en sonner mot nesvn, à personne viuant.

La Royne Hecuba dautre part, laquelle (par incitation des mauuaises Destinées) bruloit de désir maternel de trouuer façon de ramener son cher enfant Paris, au palais Royal (à sa senglante ioye, et destruction finale) appella la femme de chambre qui sauoit tout son secret (quant à ce) et luy dist : « Tu scais que le comble de mes souhaits nha tousiours esté fors de réduire céans mon tresaymé filz Paris Alexandre, qui par lenuie de fortune est encores incongnu entre noz pasteurs : mais le moyen de ce faire ne sestoit point offert iusques à ores. Tu vois lappareil que mon filz Hector, et tous les autres font de mettre sus esbanois et tournoiemens aux noces de ma treschere fille Ilione. Par ainsi me greuera trop, si lenfant Paris nyest, pour accomplir le nombre : parquoy ie me suis apensee (veu quil est si fort, si puissant, si beau, et si dextre de sa personne, comme souuent tu las ouy dire) que tu luy mandes secrètement en ton nom, quil vienne à ces ieux : et quil treuue maniera de se y monstrer vertueux : car ie neuz iamais si grand désir de chose nulle, que iay de le voir : et si ie puis ie pouruoyeray bien au demeurant. »

La femme de chambre senclina tout bas, et dit que bien fera le commandement de la Royne. Si feit venir promptement vn sien varlet féal et diligent, qui desia sauoit assez la demourance des pasteurs du Roy, lesquelz nourrissoient Paris: et luy enchargea son message. Etceluy sen va légèrement, et sadresse aux parcs des troupeaux du Roy, près des montaignes Idées, la ou il trouua lancien berger et sa femme, et leur dist ainsi : « La dame qui vous bailla lenfant Paris à nourrir vous salue, et vous mande par moy, que

296 ILLVSTRATIONS DE GAVLE, ET

VOUS ne faillez point de lamener à Troye, le premier iour de May prochain. Et que sil scait rien faire de force de corps et dappertise, quil sespreuue hardiement en toutes manières desbatemens,auec les grans seigneurs, Princes et gentilzhommes, qui là seront, et grand bien luy en pourra aduenir, et à vous aussi. Car aucuns y aura, qui le verront voulentiers, pour la bonne renommée de ses vertuz, dont il est loué et estimé. Et gardez que ny fassiez faute, si vous aymez son bien et son auancement. » Quand le varlet eut ce dit, il sen retourna promptement. Et le bon berger et sa femme, espris de grand ioye accoururent le dire à la Nymphe Oenone, et à Paris. Adonc la Nymphe congnut par coniecture certaine, que ce mgindement ne venoit dailleurs que de la Royne Hecuba. Et donna seurté à ses gens que tout se porteroit bien pour eux, au plaisir des Dieux.