CHAPITRE XL

De la bende des assaillans. Et comment la seigneurie partit de la cité de Troye pour venir aux eschaffauts, sur le lieu du tournoy. Auec spécification des merueilleux prys, et des iournees du pas et des personnages ordonnez chacun iour à les deffendre.

Plvsieurs ieunes Princes venuz aux ieux et tournoymens, tant de deçà la mer Hellesponte, comme de delà et des isles estans là entour (lesquelz seigneurs estoient tous amis, alliez, affins et vassaux du Roy Priam, et faisoient vne bende dassaillans apart) couchèrent ceste nuict en leurs tentes, dehors la cité de Troye. Si se leuerent la fresche matinée, pour aller cueillir le may, en la montaigne prochaine, puis sen reuindrent desiuner et eux habiller en leurs tentes, attendans de pied coy la cheualerie de la cité.

Apres les sacrifices solennellement faits de bon malin, es temples de la noble cité de Troye (selon que la manière ancienne estoit de les faire deuant les ieux agonaux), et que le Roy eut disnë de bonne heure, la seigneurie commença à partir en grand flotte, de la cité. Le Roy Priam auecques le Roy Polymnestor son gendre nouueau, et lancien Prince Panthus de Troye, père de Poly damas, auecques le Roy Eetion de Thebes en Cilicie, père de madame Andromacha, montèrent au plus noble eschaffaut, à ce approprié, grand et riche à merueilles : et aussi feirent les six Princes establis, pour estre iuges du tournoy. Cestasa-

uoir pour le premier, Bauo Roy en la haute Phrygie, cousin germain de Priam, lequel depuis fonda Belges en Haynaut: comme sera plus notoirement delucidë (1) au troisième liure. Le second estoit Sarpedon filz de lupiter Roy de Lycie. Le tiers fut le Prince Asius ou Asirus filz de Dymanthus, et frère de la Royne Hecuba. Lequel vint depuis au secours de Priam, comme met Dictys en son liure. Et y fut tué par Aiax Telamonius. Le quatrième estoit le vieillard Anchises, seigneur de Dardanie. Le cinquième le Prince Antenor, et Phorbas grand bastard du Roy Priam, pour le sixième. Iceluy Phorbas, comme met Bocace au sixième liure de la Généalogie des Dieux, estoit si aagé au temps de la guerre Troyenne, quil sembloit mieux estre frère du Roy Priam que son filz. Et pour la vaillance dont il estoit plein (nonobstant sa vieillesse) fréquenta souuent les batailles auec les plus ieunes. Mais finablement il y fut tué par le Roy Menelaus. Aussi monta audit eschaffaut la Royne Hecuba accompaignee de madame Ilione lespousee, et madame Astioche Royne de Mysie : ses filles, et les autres seigneurs et dames aux autres loges et eschaffauts ordonnez à ce : et consequemment entrèrent es lisses closes tous les Princes et cheualiers qui deuoient combatre, dont dessus est faite mention.

La pompe estoit grande et merueilleuse : la richesse inestimable, et larroy (2) triomphant oultrebort, dont il sembloit au ■ ieune berger Paris (qui iamais nauoit veu telles choses) quil fust arriué en vn autre monde, ou en vn paradis terrestre. Il sesmerueilloit de tant de peuple et de tant de chenaux. Il estoit esbahi. dun si terrible tumulte. Ses

{\)dilu€idé{éd. 1528).

(2) l'ordre.

30^ ILLVSTRATIONS DE GAVLE, ET

oreilles estoient toutes essourdees du hennissement des coursiers, et du bruit des raenestriers, trompettes, clairons, fluttes, tympanes, bedons, cors, busines, et autres manières dinstruments diuers du temps passé. Il auoit les yeux tous esblouis, de la resplendeur des riches banieres, penons et estandars ventillans au vent, des pommeaux dorez, et des somptueux pauillons qui là estoient : mesmement de la radiation des harnois tresluisans dor et dargent, et de pierrerie, qui reflamboyoient à la repercussion du Soleil. Si estoit aussi tout estonné de la valeur et richesse des prys, lesquelz furent ordonnez en vn grand parquet clos de tous costez, iusques au nombre de neuf, tous diuers et estrangers. Et estoient telz quil sensuit :

Le premier prys estoit pour le meilleur et plus fort luitteur, et estoit estably quil deuoit emporter la peau dun Lyon ayant la hure et les crins tressez de fin or trait à plusieurs perles orientales de prys, et autres pierres précieuses pendantes. Les dents et les ongles de fin or massif, auec la couronne de laurier par manière dexcellence. Le plus viste coureur en lestade , cest la huitième partie dun miliaire ou enuiron, pour le second prys, gaignoit vn Tigre et ses petis faons tous dargent massif, du pois de cinquante marcz : et vne table dun précieux bois nommé Hebenus, qui- est noir comme layet, pesant et poly comme marbre, excepté quil ne naige sur leaue, et vient de paradis terrestre par le fleuue du Nil, laquelle table estoit toute estoffee à bendes et lames dor. Le plus grand sailleur et le plus léger, pour le troisième prys, auoit la corne précieuse dune licorne, mise en œuure, et estofFee richement dor fin, et de dixhuit que topaces que balais de grand estimation : ensemble vne ieune pucelle serue et esclaue, de laage de quinze ans, singulière en beauté, et bien endoctrinée en

tout ouurage desguille, de brodure, et de lanifice. Celuy qui ietteroit la barre de fer, plus pesante et plus loing, auroit pour le quatrième prys vn Taureau vif et indompté, ayant les cornes dargent mcassif, et vne bullette dor, pendant sur le front, en laquelle estoient enchâssées trois riches escarboucles de prys inestimable, ensemble la couronne de palme, en signe de victoire. Le mieux tirant de lare, pour le cinquième vn riche brasselet dyuoire tout ourlé de bons saphirs. Lare fait de la corne dun dain, ayant les deux bouts de fin or. Et le carquois de cuir bouUi richement ouuré, auec la chaîne dor pendant. Et la trousse estoffeede vingtquatre saiettes de cèdre, empenees dor, et ferrées de fines pointes de dyamans. Le mieux iettant le dard et le plus droit, pour le sixième vne targe dacier poly, bordée de fin laitton, garnie de clers rubis, et de chrysolithes : richement esmaillee de main ouuriere, à histoires antiques. Auec vne salade de fin or, et le plumas de mesmes. Et aussi la couronne doliue, pour démonstration de sa vertu. Le septième prys estoit pour les mieux combatans à pied, à la barrière armez de tonnelets, (1) descuz et demy lances à fer esmoulu, auec certains coups despees trenchans sans estoc. Et auoit pour ceux, six cottes de maille iadis appellees iasserans, toutes de fin or : et six cuirasses, aneiennement appellees thoraces, toutes de fin argent, ouurees à esmail et pierrerie, ensemble deux hanaps ou couppes de fine esmeraude, et de grand valeur. Le huitième prys pour le combat, tournoy et behourt, des plus dextres cheuaucheurs et mieux sachans contourner chevaux et chariots à la foulle, pour ceux y auoit ordonné dix coursiers de prys, houssez dorfeurerie et de campanes et poirettes dargent :

(1) pourpoints nommés aussi tonnolets, tonacella.

304 ILLVSTRATIONS DE GAVLE, ET

ajans chacun vne estoille dor au front, et vne bague de dix pierres précieuses au poitral : et à chacun cheval son varlet ou page de serue condition, natif d'Afrique, ou terre de Mores : ensemble dix armets ou heaumes dargent doré, estoffez de pierres précieuses, et enrichis de crestes et timbres de merueilleuse façon.

Si faut sauoir, que anciennement (et mesmement, au temps de Troye, comme on peult voir par les nobles escrits du poëte Homère et Virgile) les cheualiers batailloient sur chariots, atteliez de quatre grans coursiers bien bardez, ou de deux fors et puissans pour le moins. Et chacun desdits cheualiers auoit son compaignon bon gendarme, et bien armé, qui le seruoit de aurigateur, et conduisoit les coursiers, et moderoit leurs freins. Le chariot estoit de deux roues : et dessus y auoit vne petite forteresse, comme vn chastelet, auquel le cheualier pouuoit tenir planté (1) de lances, dards et autres bastons, et combatre de loing, ou main à main, et descendre à pied quand il vouloit. Et quand lesdits chariots estoient à aucun grand Prince, les lymons, les trefz, (2) et les roues estoient estoffees de cuiure, de fer ou dacier, et le chastelet de mesmes, auec enrichissement dor et desmaillure, aux armes et deuises du Prince. Aucunesfois garny de pierres précieuses, comme estoit celuy du Roy Rhésus de Thrace. Au chariot d'Hector y auoit quatre merueilleux coursiers, comme met Homère en son huitième liure d'Iliade : et sappelloient Xanthus, Podarges, Ethon, et Lampus desquelz le bastard Cebrion estoit gouuerneur et laurigateur. Toute la raaistrise et industrie desdits chariots, gisoit en sauoir régir les freins

(1) abondance.

(2) pièces de bois.

des cheuaux, et de pouuoir descendre et remonter apertement armé ou sans armures, sur le chariot, ou sur les cheuaux mesmement quand ilz couroient à bride abatue, et les sauoir tourner et contourner à son plaisir. Icelle manière de combatre tindrent ceux de la grand Bretaigne, descenduz des Troyens, iusques au temps mesmes que Iules César entra premièrement en leur pais à main armée, comme il tesmoigne en ses Commentaires, et sappelloient adonc Essedaires. Aussi estoient contenuz audit huitième prjs les meilleurs cheuaux et les mieux courans. Ausquelz estoient décrétées dix bardes de riche estoffe, et dix selles dyuoire à grands bendes dor, auec les freins de mesmes. Et le neuuieme et dernier prys estoit pour le behourt des nobles enfans dhonneur, lesquelz deuoient courir sur cheuaux légers, armez de harnois non pesans : et combatre de dards non esmouluz, de courtois roquets (1) et despees rabatues. (2) Et les six mieux faisans diceux nobles enfans, auoient chacun vn colier de fin or, bien tourné, et bien esmaillé, auecques vne robe de pourpre, toute brodée à lesguille, et enrichie dor et de perles orientales à fleurettes, oiseletz, deuises de plaisant ouurage Phrygien (car audit pais fut premièrement trouué lusage de brodure). Et aussi auoient chacun desdits six enfans mieux faisans, vn riche chapeau de perles de conte, pour mettre sur son chef. Ce tournoy et combat de ieunes enfans, fut la première inuention des grands ioustes et tournoyemens, qui se font à présent. Car Ascanius fils d'Eneas le refeit depuis en Sicile , aux ieux funèbres, qui se célébrèrent pour la commémoration et anniuersaire du trespas de son grand père An-

(1) lances courtoises à pointe émoussée.

(2) mouchetées.

306 ILLVSTRATIONS DE GAVLE, ET

chises, comme recite tresnoblément Virgile, au cinquième liure des Eneïdes. Et depuis les Romains obseruerent ceste manière de faire : et fut tousiours par eux nommé le combat de Troje. Et consequemment les grans Princes occidentaux descenduz des Troyens lont tousiours continué, iusques à ores.

Selon les neuf prys dessusdits le pas duroit neuf iours. Cestasauoir les six premiers iours consequutifz, à pied et sans armures : et les trois derniers iours à pied et à cheual, en toutes manières de harnois. Esdits six premiers iours du pas, il y auoit dixhuit defFendeurs, contre cent et huit assaillans et endessus : Cestasauoir tous les iours trois deffendeurs : dont chacun deuoit attendre six assaillans et endessus. Ainsi cestoient pour le moins dixhuit assaillans pour iour, contre trois deffendeurs. Et chacun desdits six iours premiers deuoit deffendre le pas, vn des enfans légitimes du Roy, vn des bastards et vn des gentilzhommes de Ihostel. Au premier iour, estoit enrollé pour la luitte et pour les barres, le noble Hector légitime, Esacus bien ieune, mais le plus fort de tous les bastards, et qui eust peu sembler vn second Hector, sil eust vescu ; mais il mourut pour lamour dune Nymphe : et le troisième estoit Dares gentilhomme Troyen , grand luitteur à merueilles, qui depuis assaillit Entellus le Demygeant, aux ieux funèbres que Eneas feit en Sicile, pour lanniuersaire de son père. Au second iour pour la course, furent establis, Deïphobus légitime : Mistor bastard, et Alcathous Troyen, gendre d'Anchises. Au troisième pour le sault, Troïlus légitime, Teucer bastard, et Iphidanas fîlz d'Antenor. Au quatrième pour ietter la barre, Antiphus légitime, Cebrion bastard, et le fort Eneas filz du Prince Anchises. Au cinquième pour tirer de lare, Polytes légitime, Gorgythion bastard,

SïNGVLARITEZ DE TROYE, LIVRE I. 307

et Phorcjs un grand seigneur Phrygien qui depuis vint habiter en Allemaigne. Et au sixième pour le iect du dard, Chaon légitime, Dorjclus bastard, et Polydamas filz du baron Panthus. A la septième et huitième iournee, tous les dessusnommez, et auec eux le sage Helenus et autres enfans légitimes dont on ne scait les noms, et autres bastards aussi, si comme Tymetes, Laocoon, Pammon, Iphates, Testor, Dicomoon et autres. Ensemble les autres enfans d*Antenor : cestasauoir, Archelaus, Athamas, Glaucus, Laodicus et Coon. Et Euphorbius second filz de Panthus, Pisander et Hippolochus enfans d'Antimachus, de laquelle bende estoit chef le Prince Hector. Ce seroit chose trop longue à spécifier lordre desdites deux iournees, esquelles iceux Princes et nobles hommes deuoient deffendre le pas, du combat à la barrière, à pied, et en armes et la iouste et tournoy des chariotz, et course de chenaux, à la foule en plein champ. Ceux de dehors aussi de leur costé y auoient mis grande et ample ordonnance pour assaillir. Mais la neuuieme iournee estoit pour les enfans dhonneur, cestasauoir Turcus filz de Troïlus, duquel la nation des Turcz est descendue, comme nous dirons plus amplement au troisième liure ; le petit Polydorus bastard de Priam ; le petit Priam filz de Polytes, lequel depuis fonda la petite Troye en la Duché de Cleues, (1) et autres ieunes enfans de Princes. Contre lesquelz deuoit ioùstervne autre bende. Cestasauoir Antiphates filz du Roy Sarpedon de Lycie, les deux enfans du Prince Gygnus de Methore, nommez Cobis et Corianeus, lesquelz depuis furent emmenez en seruage par Aiax Telamonius, auec la belle Glauca leur sœur, quand les Grecz pillèrent la cité de Methore, comme sera dit plus à plein au troisième liure, et plusieurs autres nobles enfans,

(1) Xanten. ^

308 ILLVSTR AXIONS DE GAYLP., ET