CHAPITRE XLI

Comment la noble Nymphe Pegasis Oenoae informoit particulièrement son seigneur et amy, Paris Alexandre, de tout son parentage, qui iusques alors luy auoit esté incongnu. Et comment le preux Hector, pour le premier, se raeit en ieu à deffendre le pas. Auec déclaration expresse du ieu de la Palestre.

Le noble adolescent Paris estant sur vn petit tertre esleué, regardoit ainsi tout le mistere (1) et ordonnance de la noble assemblée des Princes, ce pendant que les champions saccoustroient en leurs tentes. Et la Nymphe Pegasis Oenone, luy apprenoit à congnoitre tous ses parens. Et luy disoit ainsi tout bassement : « Mon seigneur mon amy, ce beau Prince grand et droit, de regard vénérable que tu vois là, à tout vne barbe meslee, tenant vn sceptre en sa main, séant en ce riche eschafFaut, et à qui tous les autres font -honneur, est mon seigneur le Roy ton père. Lautre Prince presques de mesme aage auprès de luy est le Roy Eetion de Thebes, père de madame Andromacha, femme de monsieur le Prince Hector ton frère aisné. Et lautre plus ieune, qui est deçà apuyé, est Polymnestor de Thrace, Roy des Bistoniens et de Odryse, lequel espouse ta sœur Hione. Et ce vieillard à qui il tient paroles, est le baron Panthus, père du noble escuier Polydamas. Les autres six

(1) cf. ministeHum et mèàtiet*.

SINGYLÂRiTËZ DE TROYE. LIVRE I. 309

Princes graues et meurs qui sont après, tous dan reng, sont les six luges ordonnez pour distribuer le prys : et sont tous tes parens et affins. Le premier est le Roy Bauo de la haute Phrygie. Le second est Sarpedon Roy de Lycie. Le tiers Asius ton oncle maternel. Le quatrième Anchises. Lautre après est Antenor, et le dernier le grand bastard Phorbas. Lesquelz tu congnoitras plus à plein dedens brief temps, sil plaist aux Dieux. Mais ie te vueil donner commencement de la notice de ces nobles dames, dont tu vois illec vn si grand nombre, qui presques toutes sont tes parentes et alliées.

« Geste grand Princesse qui est plus deçà, assise toute seule en ce mesme eschafFaut qui est si blancbe et ha les yeux si clers, et sappuye contre ces tapis reluisans dor et de pierrerie, est madame la Roy ne Hecuba ta mère. Et le plus grand de ces quatre enfans à qui elle tient parole, est ton neueu, nommé Scamandrius, filz légitime de ton frère Hector, lequel Iha bien voulu ainsi estre nommé, pour lamour de mon père le fleuue Scaraander : toutesfois aucunesfois on lappelle Astyanax. Le second après est son frère le beau Leodamas. Et lautre plus petit blondelet, qui ne peult auoir gueres plus de deux ans, se nomme Francus, fîlz d'Hector, duquel descendra la nation Françoise merueilleuse et hardie. Et le tiers ensuiuant qui se ioue à elle, est lenfant Polydorus le plus ieune de tous tes frères légitimes. Et le quart est lulus Ascanius, aussi ton neueu, filz de monsieur Eneas, et de ta sœur madame Creusa. Les deux ieunes dames si richement atournees qui sont à dextre et à senestre, assises assez loing de la Royne ta mère, sont ses deux filles tes propres sœurs. La plus ieune sappelle madame Laodice, et surmonte lautre en beauté. Si est mariée au ieune Prince monsieur Helicaon, filz du Roy

510 ILLVSTKATIONS DE GAVLE, ET

An ténor de Thrace, lequel tu verras tantost issir de son pauillon pour luitter contre le Prince Hector ton frère. Et lautrese nomme madame Ilione, espousee, denouueau (1) au Roy Polyranestor, que ie tay desia monstre auprès du Roy, et pour laquelle toute ceste feste se fait. Lautre dame après, laquelle ha si riche atour sur le chef, et est plus aisnee, cest madame Astioche, ta sœur germaine, femme du Roy Telephus de Mysie, et mère du gentil Prince Eurypylus : laquelle est venue à ceste solennité, richement accompaignee par la licence du Roy son mary. Les autres dames qui sont assises sur les carreaux et tapis, sont autres dames et damoiselles de la famille de la Royne, ta mère et délie.

(( En cest autre eschafFaut prochain, ces deux dames qui sont ensemble, et se monstrent assez de bon aage, sont tes deux tantes. Lune est madame Sicambrie sœur au Roy Priam ton père, et lautre est madame Theano sœur à la Royne Hecuba ta mère, femme du Prince An ténor, et mère du beau cheualier Iphidanas, qui nouuellement est retourné de la court de ton ayeul maternel Cisseus Roy de, Thrace. Ceste dame qui surpasse les autres de toute la teste, et est assise sur ses riches tapis, et ha la couleur clere et les yeux vers, est ta belle sœur, madame Andromacha, fille du Roy Eetion de Thebes en Cilicie, et femme de ton Jrere aisné le Prince Hector. Lautre après est ta sœur germaine nommée madame Creusa, femme d'Eneas, et mère du petit enfant lulus Ascanius, lequel ie tay monstre auprès de la Royne. Lautre ensuiuant à qui elle se deuise, (2) est la belle Hippodamie, fille du Prince Anchises sœur de ton cousin Eneas, et femme du gentil cheualier

(1) récemment.

(2) En wallon, diviser = converser, causer.

Alcathous. Celle que tu vois de lautre costé, de moyenne stature, ayant la face clere, les cheueux roux, les yeux flamboyans, la bouche petite, et la chère simple, est Cassandra ta sœur tresprudente : laquelle scait et congnoit toutes choses aduenir. Et lautre ieune pucelle pleine de douceur, et beauté, laquelle ha les cheueux si blonds et si dorez, tous tressez à fin or luisant, et à pierres précieuses, est ta belle sœur Polyxene, aagee sans plus donze à douze ans.

« Mais en ce troisième eschafîaut, pour la plus part, sont les concubines de ton seigneur et père le Roy Priam, lesquelles demeurent en son palais : et aussi tes sœurs bastardes. Dont celle que tu vois la plus aagee de toutes, est Epithesie fille iadis de Stasippus Mygdonien, mère du grand bas tard Phorbas. Lautre après qui est reluisante en beauté singulière, est Castianira de Thrace, mère du gentil bastard Gorgythion. La tierce qui tient ce bel enfant par la main, est Laothoy (1) fille du veillard Altaus, seigneur de Belletesse : et lenfant est son filz, le petit Polydorus bastard. Lautre ensuiuant, est la Nymphe Antidone, mère de Teucer le bas tard. Et celle clere brunette tant gorgiase, (2) laquelle aussi porte habit de Nymphe, fut iadis lune de noz compaignes, laquelle le Roy ton père chassant en noz montaignes Idées, print par force (comme tu feis moy) et ha eu délie deux beaux enfans masles, dont lun sappelle Iphates, et lautre Tester. Mais sa prochaine compaigne, est Lycastes la gracieuse, ta sœur bastarde, nouuellement fiancée au beau Polydamas : que bien Iha voulu demander pour sa grand beauté. Et puis lautre qui est presques égale à elle

(1) Laothoi (éd. 1512).

(2) bien attifée.

312 ILLVSTRATIONS DE GAVLE, ET

en formosité, et se sied plus bas, est la pucelle Medesicasta aussi ta sœur bastarde. Ces autres que tu vois reluire de grands richesses et de toute beauté, tant parray celles que ie tay nommées, comme en ces autres eschaffauts, sont autres Princesses et dames tant de Troye, comme de Phrygie, Mysie, Lycie, Mygdonie, des isles circonuoisines, et dai Heurs, lesquelles tu congnoitras mieux cy après. Et les autres Princes, seigneurs et gentilzhommes que tu vois en diuers lieux, sont pour la plus part tes parens, ou vassaux du Roy ton père. Et autres cheualiers estrangers, qui cy sont venus, pour honneur et bruit acquérir. »

Ainsi que la noble Nymphe Pegasis Oenone, informoit Paris Alexandre de la congnoissance de son haut parentage, les trompettes et clarons commencèrent à bondir mélodieusement. Et voicy le trespreux cheualier Hector, qui va saillir de sa tente, tout nud, excepté tant seulement dun brayer, (1) ou demychausses quiluy couuroit le ventre, les reins, et le dessus des cuisses. Lequel accoustrement estoit de fin or traict, tissu à figures de pourpre, tout estofie de riche brodure, et ourlé de pierrerie. Si auoit les cheueux troussez en une coiffe dor richement ouuree, et au mylieu vn escarboucle, et six autres estranges pierres précieuses de prys inestimable, entaillées à manière de camahieux, et au demeurant semé de grosses perles orientales. Or faut il sauoir, que anciennement le ieu de la palestre, cestadire le ieu des barres et de la luitte, se iouoit par les nobles champions, tous nuds, fors dudit habillement qui leur couuroit les parties secrètes, et estoient oincts dhuile doliue. Comme tesmoigne Virgile au troisième liure des Eneïdes, disant :

Exercent patrias aleo labente palsestras Nudati socii, etc. (1) des braies.

A fin que au moyen de Ihuile qui est glissant et coulant, ilz eussent moins de prise lun sur lautre. Mais il y auoit voiles tendues en haut par dessus les eschaffauts, pour les preseruer de lardeur du Soleil. Les Hongres maintiennent encores ladite manière de luitter ainsi nuds. Mais en lieu de ceste manière de faire es marches de Haynaut, les luitteurs et loueurs de barres, se vestent communément de cuirs veluz bien ioints, ou de rude caneuas, pour euiter la prinse. Et à ceste cause on leur voit aucunesfois rompre et entamer les ongles, et saigner du bout des doigts.

Quand la fleur des cheualiers Hector se fut monstre hors de son pauillon, ainsi accoustré que dit est, lors Ideus souuerain Roy darmes des Troyens feit son cry, en appellant les cheualiers assaillans, et remémorant les prys contenuz es articles dessus mentionnez. Si marcha Hector vers les Princes et les dames, et leur feit la reuerence : Puis salla planter au mylieu du camp, attendant son homme, là ou il le faisoit beau voir. Car il estoit grand et droit, excédant la commune quantité des hommes, terriblement membru et ossu : tout le corps assez blanc, mais fort velu : vn large entreœil, vns yeux ardans : la face large et spacieuse : le nez aquilin, esleué au mylieu : la barbe noire et crespe, et les cheueux de mesmes : grand croisure despaules : les bras gros et fournis, tous de nerfz endurcis au labeur militaire : les iambes seiches, toutes obombrees de poil, de la taille dun second Hercules, accompli de toute perfection naturelle, excepté quil estoit vn peu louche, comme escritDares de Phrygie, et beguayoit de la langue quand il estoit coursé. Mais de tous les hommes qui onques furent, cestoit celuy qui estoit le plus à redouter en sa fureur.

Gueres neut là seiourné le preux Hector, quand le gentil Prince Elycaon fîlz du Roy Antenor de Thrace, et gen-

314 ILLVSTRATIONS DE 6AVLE, ET

dre de Priam (auquel on auoit bien voulu faire cest honneur que dentatner le pas, contre son beau frère Hector) se monstra sur les rengs, gaillard et pompeux à merueilles, en la mesme sorte dhabillement comme Hector. Et après quil se fut acquité vers les dames, et que Ideus le sonnerai n Roy des hérauts à tout sa riche cotte darmes eut épilogue ses tiltres et ses blasons, il vint saluer le noble Prince Hector, en se recommandant à sa grâce bien courtoisement, et Hector pareillement à la sienne. Lors sans gueres marchander, les deux nobles champions se mirent en besongne. Hector luy souffrit faire son deuoir et accomplir ses venues, en le supportant gracieusement : tant que on sapperceuoit assez de la feinte, et après tout acheué au congé des dames, chacun d'eux se retira en sa tente.

Apres le Prince Elycaon selon lordre de ceux dehors, se meit en auant Glaucus, filz d'Hippolochus, Roy d'Ephyre, descendu de la lignée d'Hercules, iouuenceau assez robuste, mais non comparable à Hector. Lequel après quil se fut présenté gayement, (1) et Hector leut receu de mesmes : il feit assez defFort pour auoir part au prys, et luitta de bonne industrie : mais en fin il fut vaincu. Et consequemment le Prince Eurypylus de Mysie, et plusieurs 'autres, que longue chose seroit à la raconter.

Lesquelles choses voyant Paris qui ne se sauoit plus contenir en soy mesmes, ains estoit esmu, et tout eschaufie destre du nombre des luitteurs, dit à ses gens en efiect, quil y alloit de ce pas. Adonques la Nymphe Oenone luy dit : « Monseigneur et mon amy, tu fais bien : Car contre meilleur ne plus fort cheualier, ne saurois tu esprouuer ta vertu, que contre le Prince Hector ton frère. Aussi me

(1) vivement.

SINGVLARITEZ DE TROYB. LIVRE I. 315

suis'ie donné garde desia par plusieurs fois, que la Royne ta mère ha ietté son regard en circonférence, pour voir si elle te verroit point. Or va ores au nom des Dieux, et te fais homme de bien. » Et Paris dit que si fera il : et quilz se tiennent pretz quand il les appellera. La bonne femme sa nourisse pleure, et ha grand peur que celuy quelle ha si doucement alimenté, ne soit outragé par Hector qui tant est rude. Mais Paris qui de rien ne sespouuente, sen va trenchant là presse, et se fait faire voye parmy le peuple moitié par force, moitié par requeste. Et feit tant en peu dheure, quil perça iusques au droit des lisses (non pas sans grand peine) et là se contint iusques à ce quun ieune Prince qui luittoit contre Hector eust acheué ses venues. (1) Lequel assailloit gentement le trespreux Hector, et faisoit de bonnes diligences. Mais finablement Hector luy bailla la trousse, et le coucha doucement sur Iherbe tout estendu. Dont la risée fut grande entre le peuple et les dames.

(1) ses assauts.

5IC ILLVSTRATIOMS DE GAYLE, ET