CHAPITRE XLIII

Prosecution de la honte et fureur esmue au courage du Prince Hector, à cause de sa cheute. Et comment il voulut oultrager Paria, ignorant quil fust son frère. Et de la recongnoissance dudit Paris, faite au moyen du berseau de son enfance. Et de sa réception en la maison paternelle. Et aussi de sa compaigne la Nymphe Pegasia Oenone : Et de leurs nouueaux accoustremens riches et précieux.

De la chevte merueilleuse du Prince Hector, fut esbahi tout le monde generallement. Car iaraais en nulz ieux du monde on ne lauoit veu estre vaincu (et certes il faut bien dire, que ce cas merueilleux ne signifioit autre chose, sinon la prochaine ruine de Troye). Hector donques qui du grand coup estoit tout défroissé, et auoit le visage et la barbe ternie du sablon, se leua à peine, à layde de ses gens. Quand il fut reloué, honte, douleur et despit luy boudèrent les yeux de raison. Et grief desdain meslé de cholere, obnubila (1) la clarté de son entendement. Comme il fait communément en tous nobles hommes, lesquelz ont ce vice approprié, que quand ilz se voyent surmontez en efficace de vertu, par aucun homme quilz estiment de basse main (2) et petite vocation, cela leur est intolérable. Le noble Hector donques ayant sa splendeur offusquée de ceste faute, sencourut en sa tente, ou il se feit lauer et nettoyer hasti-

(1) c.-à-d. couvrit d'un nuage.

(2) c.-à-d. de basse condition. "^

522 ILLVSTRATIONS DE GAVLE, ET

uement le visage, print son espee, et sarma contre vn homme desarmé, feit tonner sa voix pleine dhorreur, de menasses, et de maltalent, en beguaiant de la langue (selon sa coustume) et comme foudre ou tempeste horrible, forsenant parmy lair, courut après Paris en certaine délibération de le tuer.

Quand lenfant Paris Alexandre veit que cestoit à bon essient (à ce quil estoit tout nud) il ne sceut faire autre chose, sinon de se mettre en fuite, pour euiter la fureur de son frère : mais Hector indigné le poursuiuoit de si près entre deux lisses, quil ne luy pouuoit eschapper : ne personne luy osoit faire voye, (1) ne se mettre au deuant. Les quatre gentilzhommes Nisus, Euryalus, Gyas, et Cloanthus (ausquelz la Royne auoit donné charge de la garde de Paris) se cuiderent mettre au deuant d'Hector, et le prier quil le vousist laisser en paix : mais quand il les eut regardez felonneusement et dun mauuais œil, ilz neurent plus grand haste que de se oster de là. Le Roy Priam ietta son sceptre en bas, à fin de signifier que ceux qui estoient commis à la garde des lisses se missent entredeux. La Royne et les dames crioyent quon gardast de tuer le ieune berger. Mais cestoit pour néant : car il ny auoit remède que nul (tant fust hardy) sen osast entremettre. Car onques lyon ne fut plus redoutable en sa fureur, que estoit Hector en son courroux. Auec ce que ire allumée de honte, luy auoit aueuglé toute sa sensualité, dont la fumiere obnubiloit lintelligence raisonnable, comme desia auons dit. Si ne faut pas demander en quel point estoit la poure Nymphe Pegasis Oenone, et ses bonnes gens qui voy oient Paris en tel danger. Et maudissoient Iheure que iamais ilz lauoient

(1) c.-à-d. laisser passer Paris.

amené à Troye, plouroient, crioyent et brayoient piteusement. Mais ilz nestoient point escoutez pour la noise et tumulte de la tourbe populaire.

Paris Alexandre plus léger quun cerf, et plus habile quun dain, se contournoit assez, puis ça puis là, et feit beaucoup de ruses pour euiter la mort, laquelle luy estoit apparente. Mais le fier Hector tant affectionné que rien plus, ne le laissoit nulle part estre à seurté. Alors Paris tout esperdu et hors dhaleine attrapé en vn anglet, sans auoir plus loy (1) de fuyr ne de se sauner, voyant son frère Hector qui dressoit contremont son fort bras à tout lespee flambloyante pour le fendre en deux pars, saduisa de se ietter aux genoux de son seigneur et frère, et en plourant et ioingnant les mains, luy dit piteusement ainsi : « Helas, monseigneur mon frère, ie te requiers en Ihonneur des Dieux et de noblesse, quil te plaise auoir pitié de ton treshumble frère germain : et ne vueilles souiller tes mains illustres et vainqueresses de ton propre sang fraternel. »

A ces paroles le tresualeureux Prince Hector, estant de la mesme nature et générosité royale dun lyon, voyant son ennemy prosterné, recreu et suppliant mercy, commença à fleschir son grand courage : soustint sa main en lair, et luy dit ainsi : « Quelle allégation friuole me fais tu icy de fraternité, pour garantir ta vie ? D est impossible que tu eschappes de mes mains par ce moyen. » — « Certes, dit lors Paris, Monseigneur, ie suis ton humble frère Paris Alexandre, yssu dun mesme ventre que toy. Mais les mauuaises Destinées mont fait demeurer iusques à présent incongnu entre pasteurs royaux des montaignes Idées, là où madame nostre mère menuoya des que ie fus né, pour

(1) c.-à-d. moyen, loisir (sens primitif).

324 ILLVSTRATIONS DE GAVLE, ET

euiter la mort à laquelle iestoye adiugé. Et sil te plaist den voir enseignes certaines, ieles te monstreray promptement.» Alors Hector vn peu modéré de sa cruelle fureur, luy dit ainsi : « le te donne respit iusques à ce que ayes monstre par efFect, ce que tu produis par parole : mais garde sur ta vie que tu ne mabuses. » 0 Fortune insensée, conducteresse des Destinées ! si tu eusses souffert alors que linstrument de la destruction de Troye eust esté deffait par les mains fraternelles, bien en fust aduenu à toute la lignée. Mais non : car tu le reseruois à plus grand meschef.

Paris donques leué debout, et vn peu estanché (1) de la grand peur quil auoit eiie, commmença à appeller par cris et par signes, la Nymphe Pegasis Oenone, et ses gens : lesquelz sestoient desia approchez autant quilz auoient peu. Mais possible nauoit esté dauoir audience ne lieu pour passer entre la presse. Toutesfois quand le peuple veit que le ieune berger les huchoit, place leur fut tantost faite : si entrèrent es lisses. La bonne femme nourrisse de Paris, de prinsault se laissa choir aux piedz du Prince Hector, et embrassa ses genoux dun costé : et le bon homme se rua à terre de lautre part : tous deux crians et plourans piteusement. La noble Nymphe Pegasis Oenone, et les deux enfans des pasteurs (qui aussi plouroient amèrement) desueloperent acoup (2) le berseau de lenfant Paris, et monstrerent à Hector les petis drapeletz esquelz son frère auoit esté fasse. Si luy disoit la bonne femme : a Helas, monseigneur Hector, helas, qu as tu cuidë faire à présent ? A peu que tu ne tes meffait trop malheureusement. Cest ton propre frère germain Paris Alexandre, que iay nourry de ces mamelles, *

(1) c.-à-d. fatigué.

(2) c.-à-d. tout à coup.

que iay alaitté si doucement. Et peu sen est fallu, que ne layes occis. » La Nymphe Oenone faisoit aussi grand deuoir de fleschir Hector à miséricorde, et à congnoissance, par son doux et gracieux langage : tellement que de la pitié délie et des bonnes gens, tombèrent au preux cheualier Hector, les grosses larmes des yeux. Auec ce que nature le semonnoit desia à recongnoitre son propre sang. Si ne sauoit sa contenance, et se repentoit en luy mesmes de son ire et précipitation trop soudaine : si ietta son espee à terre loing de luy. Ces choses ne sont point feintes par manière poétique : mais sont autorisées historialement par vn tresnoble escripteur. Cestasauoir Seruius Commentateur du prince des poètes Virgile, qui sur le cinquième des Eneïdes, et sur ce passage : Solus qui Par idem soliHs contendere contra. Dit ces propres mots : Sanè Me Paris secundum Troica Neronis,{\) fortissimus fuit, adebvt in Troia agonali certamine super ar et omnes, ipsum etiam Hectorem. Qui cùm iratus in eum stringeret gladium^ dixit se esse germanum : qtiod allatis crepundiis probauit, quia Tiabitu rustici adhuc latehat.

Alors le Roy Priam et tous les Princes (descenduz des eschafFauts) arriuerent là endroit. Si feit la Royne Hecuba, et les dames. Le Roy qui veit toutes ces bonnes gens à genoux, et la belle Nymphe aussi, demanda que cestoit, et que signifioit ce berseau et ces aornemens. Adonc le ieune escuyer Ilioneus filz de Phorbas le grand bastard (lequel auoit tout entendu) luy va dire : « Sire, ce sont ces bonnes gens, qui disent que ce ieune enfant nommé Paris Alexandre, est filz de toy et de la Royne Hecuba : et quilz lont nourry,iusques àlheure présente. » Si fut le Roy tout esbahi,

(1) L'épopée troyenne de l'empereur Néron.

3% ILLVSTRATIONS DE GAVLE, ET

et dit en regardant la Royne : « Mon filz ! et de quel part ? » — « Certes (dit Ilioneus) ceste bonne femme afferme, quil luy fut apporté tout nouueau né pour alaitter, et produit en tesraoignage ce berselet, ensemble ces accoustremens, qui sont ennoblis de tes armes. Quoy que soit, ilz sont de si riche estoffe, quilz ne semblent point estre partis de poure lieu. »

La Royne Hecuba faisant semblant de grand esbahissement, regarda le berseau et les draps par grand attention, et les feit recongnoitre par la femme de chambre, qui lauoit porté nourrir. Laquelle toute apostee à ce, va dire facilement, que vrayement cestoient ilz. Alors la Royne Hecuba se ietta à genoux deuant le Roy, en disant : « Mon tresredoutë seigneur, ie te requiers humblement pardon, de la désobéissance que iay enuers toy commise. Certes il est vérité (mon trescher seigneur) que cest enfant icy est celuy propre que tu me commandas faire liurer à mort, pour les mauuaises signifiances du songe, que ie veis en mon dormant, et de la response des Oracles des Dieux, il y ha enuiron XXI. ou xxii. ans. Car bien ie men recorde. Mais de pitié maternelle esmue, ie ne peux auoir courage de le faire mourir, ains lenuoyay secrètement aux champs, pour estre nourry entre ces pasteurs, qui sont tiens, si dauenture il y pouuoit viure. Maintenant à certaines enseignes, ie congnois infalliblement que cest il : et que les Dieux le nous ont renuoyé. Parquoy iay espérance, et est vray semblable, que les Destinées (si aucunes en y auoit) sont destournees et ont fait leurs cours. Et quand ores les Dieux eussent voulu la mort de ton enfant, si leur ha il esté amplement satisfait. Nha il pas esté mort depuis sa natiuité iusques à présent ? Certes si ha. Car vn si long et vn si poure exil arrière de la présence de ses parens, est pis que mort, à vn filz de

Roy. Or est il maintenant resuscité, et commence au primes à viure. Tu vois comme il est beau, vertueux et fort, et non dégénérant à ta lignée. Reçoy le, par ta bénignité en grâce paternelle : et le remets sil te plaist au nombre de tes héritiers. » Ainsi disoit la Royne, dont la douce éloquence auoit persuasion de grande efficace.

Au noble Roy Priam vindrent les ruisseaux de larmes aux yeux : par le mouuement du sang paternel. Si feit leuer la Royne, et demoura vn temps sans dire mot. Alors tous les Princes et les dames assistantes (pour complaire à la Royne, et ayder au beau Paris) admonnestoient efforceement le Roy de le receuoir et aduouer à fîlz. Et il esmu par limpulsion de leurs prières, et naturelle inclination (combien quil doutast assez, et reuoluast en son courage, ce que les Diuins et les responses des Dieux en auoient prognostiqué) neantmoins à chef de pièce, il feit leuer Paris Alexandre qui estoit à genoux deuant luy, et lacolla et baisa doucement, en signe de réception et adueu. Puis le print par la main, et le bailla à la Royne Hecuba, en luy disant ainsi : « Mamie, prens le, puis que ainsi va : car de tous les autres cest celuy qui est mieux tien par double droit, veu que tu las fait naistre deux fois. Or vueillent les Dieux, que à toute prospérité future nous puist il tourner, et que le maltalent des Dieux (qui de luy nous menassoient) puist estre expiré, et leur ire appaisee, par la fréquence des sacrifices, que souuent leur auons offert, et offrerons encores plus. » Mais les Dieux assourdis, ne lexaucerent en rien de ceste prière : ainçois lestimerent trop débonnaire à sa malheure té. Car par ceste recongnoissance de son filz Paris (laquelle il ha faite contre le vouloir des Dieux) sensuiura lannichilation de sa fortune, la ruïne de son païs, et la mort de luy mesmes, et de toute sa famille.

328 illvstràtions de gavle, et

Or fut la Roy ne Hecuba si tresioyeuse, que impossible est de le descrire : Car elle auoit tout le comble de ses désirs. Et lors pleine dafFection naturelle, elle embrassa son cher enfant Paris Alexandre, et le baisa maternellement : si feit elle aussi sa belle fille, la Nymphe Pegasis Oenone, femme de Paris. Car bien la congnoissoit, et sauoit assez quelle estoit gentilfemme, et de noble extraction. Parquoy elle luy feit tresgrand et tresdebonnaire recueil, et Ihonnora beaucoup. Et de prime face, tira vn riche colier, qui pendoit à son col, si le meit en celuy de la Nymphe, dont elle la sceut bien mercier. Le Roy Priam aussi la baisa et festia, après ce quil en fut aduerty par la Royne. Pareillement toutes les dames, sœurs et parentes de Paris, bienuignerent leur frère hautement, et aussi feirent ilz la Nymphe Pegasis : et en après aussi ses frères festierent lun et lautre. Ce fait, lenfant Paris fut incontinent habillé de pied en cap, de laccoustrement mesmes du Prince Hector son frère : Car ilz estoient tous deux de taille, en hauteur assez pareille. Si luy chaussèrent les varlets de chambre dudit Hector vues riches chausses, et les souliers de mesmes, dont les ourlets estoient garnis de fines pierres précieuses. Et luy vestirent vne hazaque, (1) cestadire vn habillement presques de tel sorte, que les Turcz le portent à présent, tout batu en or à figures de pourpre, auec la ceinture de mesmes. Et sur la teste vne tiare à la mode phrygienne, laquelle estoit riche et pompeuse oultremesure. Et puis Hector print sa grand espee, ou cymeterre, à la façon turquoise, dont le fourreau estoit tout de fin or esmaillé et estoifé de pierres précieuses, et pendoit à vne grosse chaine platte dor massif, garnie tout alentour de

(1) Casaque?

SINGVLARITEZ DE TROYE. LIVRE ï. 329

poirettes dor pendans : si la meit en escharpe à son frère Paris, et lacolla par fraternité, en luy requérant courtoisement pardon, de liniure quil luy auoit faite. Dont Paris estoit honteux, et se humilioit de tout son pouuoir enuers son seigneur et frère. Cest accoustrement décora tant la beauté de Paris, que à peine le sauroit on escrire, et sembloit bien Prince de haute affaire.

Et ce pendant la Royne Hecuba auoit appelle messire Cebrion de Cebrine bastard : et luy auoit ordonné de festier sa voisine Pegasis Oenone, et de lamener à Troye, pendant que les ieux de ce iour sacheueroient. Laquelle chose pleut beaucoup audit bastard Cebrion, car bien congnoissoit ladite Nymphe et son parentage. La Royne aussi commanda à sa dame dhonneur, et à certaines ses damoiselles de chambre, quelles allassent faire compaignie à la Nymphe, et que des meilleurs ioyaux et accoustremens de sa garderobe, et de ses coffres elle fust vestue et parée royalement. Ainsi le bastard Cebrion et ses gens auec lesdites dames et damoiselles montèrent ioyeusement à cheual, et meirent ladite Nymphe sur vn riche palefroy. Lun des ieunes bastards nommé Mistor, auec lun des maistres dhostel de la Royne, et certains autres gentilz hommes se vindrent adiouster en leur bende. Car la Royne leur auoit ainsi commandé : et emmenèrent auec eux le bon homme berger lequel auoit nourry Paris, et sa femme et ses deux enfans. Et ainsi sadressa à Troye la noble brigade, deuisant auec la Nymphe et ses gens, des hautes fortunes de lenfant Paris.

Eux arriuez au noble palais d'Ilion, la noble Nymphe fut descendue et menée en vne chambre prochaine à celle de la Royne. Et illec par les matrones et damoiselles fut promp-

330 ILLVSTRATIONS DE GAVLE, ET

tement baignée et estuuee (1) en herbes souef flairans. Puis après oincte de précieux vnguens et liqueurs odoriférantes : selon la manière des grands Princesses des marches de pardelà, ses beaux cheueux luy furent tressez à rubens dor traict. Puis fut vestue et habillée dune robe de sendal pourprin, et dun manteau de samys verd fourré dhermines, tout bordé de pierres précieuses. Et sur son chef luy fut posé vn riche chapeau de fines perles de conte : en son col vn carquant dor massif, duquel pendoient trois riches escarboucles, qui fort enluminoient le colier que la Royne luy auoit donné : et en ses doigts, plusieurs aneaux de valeur inestimable. Puis fut ceinte dun tissu batu en or, tout esmaillé de pierrerie : auquel pendoit vne ausmoniere faite à ouurage desguille de merueilleuse façon. Alors se présenta la Nymphe Oenone belle aux regardans comme vne clere estoille au firmament quand le temps est serain. Dautre part le maistre dhostel de la Royne, en exécutant la charge quil auoit, feit promptement venir vn tailleur, et print des draps en largenterie pour habiller le bon homme berger, sa femme, son filz, et sa belle fille, bien honnestement. Et au surplus seôbrça de leur faire bonne chère.

Tandis que ces choses se faisoient à Troye, les dames auoient prins le noble Paris, et lauoient mené aux eschaffauts ou elles lentretenoient en deuises plaisantes, et senqueroient de sa fortune merueilleuse. Si leur respondoit sagement et plaisamment de toutes ses auentures pendant quil estoit pastoureau, et les en faisoit rire, et aucunesfois larmoyer de pitié. Et en tout estoit si propre, (2) si élégant, et si bien luy seoit, quil sembloit nauoir iamais bougé dentre

(1) estuve ^h&inchsMd.

(2) c.-à-d. convenable.

elles. Et dautre costé le Roy et la Royne, appuyez lun près de lautre, deuisoient de ceste auenture merueilleuse. Et ce pendant le tresnoble cheualier Hector, sestoit remis en place pour acheuer son pas contre son neueu mon seigneur Eurypylus de Mysie, ce quil feit. Et receut aussi à la luitte Pyrechmus de Peonie (quon dit maintenant Hongrie) pour le quatrième. Toletus qui depuis fonda Toulette, pour le cinquième. Et le Roy Forgarite de lisle de Methelin pour le sixième. En après succéda au lieu dudit Prince Hector son frère bastard, le gentil Esacus, lequel attendit le ieune Prince Chorebus de Mygdonie, qui depuis fiança Cassandra. Le Prince Arpalion filz du Roy Philimenis de Paphlagonie, et Venetus fondateur de Venise. Le baron Regmon de Thrace, et le Prince Barchus qui depuis édifia Barselonne en Espaigne. Et Placentulus qui fonda Plaisance en Lombardie. Consequemment Dares Phrygien le fort luitteur, pour le troisième de ceux de dedens, deffendit le pas contre autres six des plus puissans de dehors. Cestasauoir le baron Pandarus de Lycie, le baron Asius Hirtacides, seigneur d'Abydos, et le Prince Othrinous de Cabese. (1) Tholosus qui donna nom à la cité de Thoulouse. Et pour le sixième Elicius qui depuis fonda Verseil et Nouaire. Ce fait, ilz louèrent tous ensemble trois ieux de barres. Et les ieux faillis, (2) tous les champions se radoubèrent. Et se reuestit le Prince Hector dautres habillemens quon luy auoit apporté de Troye, pource quil auoit baillé les siens à son frère Paris. Le Roy et la Royne montèrent à cheual, et toute la baronnie les suiuit pour aller soupper en la cité.

(1) Même ponctuation (éd. 1512 et 1528).

(2) c.-à-d. finis.

ILLVSTRATIONS DE GAVLE, ET