CHAPITRE XLIIII

Du retour de Priam en sa cité Je Troye apreg les ieux. Et de la Nymphe Pegasis Oenone, qui luy vint au deuant en atour de Princesse. Et de la louenge dicelle : Auec description du grand coauiue nuptial. Et de la ioye que le Roy Priam auoit à cause du recouurement de son filz Paris. De la continuation des ieux. Et de la prouision du pasteur Royal, et de son mesnage. Et aussi de la distribution des prys. Du partement des Princes et de la feste. Et comment le Prince Antenor fut enuoyé en Grèce ambassadeur pour demander madame Hesione, et autres choses.

Av pied du noble et somptueux palais d'Ilion, la tresgracieuse Nymphe Pegasis Oenone se trouua au deuant du Roy et de la Roy ne, accompaignee de messieurs les bastards Cebrion et Mistor, et des damoiselles que la Royne auoit enuoyé auec elle. Quand le Roy et la Royne, et les autres Princes et Princesses, seigneurs et dames la veirent en tel appareil, ilz sesmerueillerent de sa grand beauté. Et bien trouuerent véritable le prouerbe commun qui dit, que les belles plumes font les beaux oiseaux. La Nymphe senclina tout bas en faisant la reuerence au Roy et à la Royne, comme bien le sauoit faire. Et le Roy la print courtoisement par la main, si se retourna vers la Royne, et luy dit en souzriant : « Mamie, nous ne pensions à ce matin faire les noces que de lune de noz filles : mais les Dieux nous ont amené ceste deuxième. Parquoy le vueil que vous vous délibérez que la feste en soit redoublée. » Et la Royne si

tresassouuie de plaisir que nulle plus, respondit doucement : « Monseigneur, certainement cest bien raison : car à meilleur ne plus heureuse iournee ne le saurions nous faire, quand à vne mesme heure auons retrouué nostre filz (si longuement perdu) et auec luy dabondant vne belle fille . » Les Princes et Princesses assistantes, disoient tout dun accord, que bien auenoit à la Njmphe porter habit royal : et que bien monstroit non estre partie de petit lieu. Le Roy alors emmena la Nymphe au palais, deuisant et se coniouissant auec elle. Si ne faut pas demander si le noble Paris estoit bien aise, quand il voyoit sa femme ainsi triomphamment parée, et que le Roy et la Royne luy faisoient tel acueil. Mesmement que les dames, entre lesquelles Paris estoit, ne se pouuoient saouler de louer la beauté et la bonne contenance délie : et disoient à Paris que bienheureux furent ilz tous deux, quand onques ilz sentrerencontrerent.

Les tables de cèdre et de cyprès toutes estoffees dor et dargent furent couuertes et leaue cornée. Si sassit le Roy à sa table laquelle estoit au mjlieu dune grande et spacieuse salle richement tapissée. Et furent assis les Princes et Princesses chacun en son ordre. Cestasauoir le Prince lasius frère de la Royne Hecuba : le Roy Eetion de Thebes en Cilicie, père de madame Andromacha : le Roy Bauo de la haute Phrygie, cousin du Roy Polymnestor de Thrace, espoux de madame Ilione : le Roy Sarpedon de Lycie : le Roy Idomeneus de Crète : le Roy Tlepolemus de Rhodes : le Roy Cuneus de Cypre : le Prince Elycaon de Thrace, filz du Roy Antenor, mary de madame Laodice : le Prince Rhésus Roy de Threicie et Ismarie : son parent le Roy Agamas : et le Roy Forgarite de Methelin. A la table de la Royne (qui estoit à dextre) furent assises après la Royne,

madame Sicambria sœur du Roy Priam, et madame Theano sœur de la Royne, femme du Prince Antenor. Puis ensuiuant madame Ilione la nouuelle espousee : et auprès délie fut colloquee madame Pegasis Oenone, la noble Nymphe. Et consequerament par ordre, madame Astioche femme au Roy Telephus de Mysie : madame Andromacha femme du Prince Hector : et madame Creusa femme d'Eneas : madame Laodice femme du Roy Antenor de Thrace. Ensemble les enfans dhonneur Polydorus, Astyanax, Leodamas, et Ascanius. A la tierce table qui estoit à senestre, furent assis monseigneur Hector et le sage Helenus, et au mylieu d'eux le beau Paris Alexandre. Puis après les quatre Ducz de la haute Phrygie. Les Princes Anchises et Antenor, monseigneur Eurypylus de Mysie neueu du Roy, le Prince Arpalion filz du Roy Philimenis de Paphlagonie, Asius Hirtacides seigneur d'Abydos, Glaucus et Pandarus de Lycie, et le grand bastard Phorbas. Les autres Princes et Princesses, seigneurs et dames, priuez et estrangers, furent assis selon leurs degrez et prééminences, parmy la grand salle du palais. Deïphobus et Polytes, seruirent ce iour les dames Ilione et Oenone descuyers trenchans. Et messieurs les bastards seruirent les autres dames estrangeres.

Grande et merueilleuse estoit la noblesse (comme on peult estimer) dun si grand Prince estant au plus haut de sa fortune prospère, qui tenoit court planiere. (1) Et ne voyoit on leans reluire, sinon or, pierres précieuses, et pourpre au moyen des clers luminaires, tant en vaisselle, comme bagues et tapisserie. Du somptueux appareil et de lordre du seruice, ie nen veux rien descrire : car ce seroit chose superflue. Ainsi le noble Roy Priam, qui voyoit en sa bea-

{\) pleniere {éd. 1512).

tittide, toute sa belle génération (ainsi représentée deuant ses yeux) prenoit en son cœur vne merueilleuse ioje, et ne luj sembloit defFaillir aucune chose à sa bienheurté mondaine : sinon la présence de sa sœur Hesione, qui estoit détenue en lisle de Salamine, par Telamon Roy dillec. Si ietta vn parfond souspir quand il luy en souuint. Puis se tourna à regarder la beauté de son filz Paris, qui excedoit celle de tous ceux de leans, autant que lor surpasse les autres métaux en resplendeur. Notoit aussi tacitement, la noble contenance de sa belle fille la Nymphe Oenone, et en ce prenoit volupté souueraine. Pareillement faisoit la Royne Hecuba, et tous les assistans. Lesquelz communément laissoient le boire et le menger pour les regarder : car telle grâce residoit en ces deux personnages Paris et la Nymphe Oenone, quilz conuertissoient à eux les yeux dun chacun. Et combien que Paris neust point aprins denfance à boire en ces grands tasses pesantes et massiues toutes de fin or, 4 enrichies de pierres précieuses et de somptueuse esmaillure, ne destre seruy de metz si exquis, ne de sassoir sur ces riches tapis de pourpre ou de cramoisy, neantmoins il le print facilement en gré, et y fut tantost appriuoisé.

Le mestier seruy, et les tables abatues, le Roy salla appuyer sur vne fenestre, qui regardoit sur vn grand verger, et la Royne auec luy. Chacun aussi des Princes print sa chacune : et chacun des gentilzhommes saborda à quelque dame ou damoiselle. Le Prince Hector se tira vers madame Oenone, et se print à lentretenir, comme le plus courtois cheualier du monde quil estoit. Et elle comme sage et bien apprinse, luy sceut bien rendre ieu en toutes gracieuses deuises, et monstra quelle nauoit pas esté nourrie entre les bergers, sinon pour autant que lamour de Paris lauoit à ce contrainte. Paris aussi se tira vers les ieunes dames qui lap-

S36 ILLVSTRATIONS DE GAVLE, ET

pelloient. Et tantost suruindrent ieux, comédies, morisques, mommeries, barboires (1) et autres diuerses manières desbatemens, telz que es grands courts des Princes se souloient faire. Puis à chef de pièce on dança. Et quand il fut temps de se retirer, Paris se trouua au coucher du Roy auec ses frères. Et la Nymphe Oenone, après auoir donné le bon soir à la Royne, par aucunes dames et femmes de chambre, ordonnées à ce, fut emmenée en sa chambre richement meublée et tapissée, en laquelle son mary, le tresgracieux Paris suruint tantost après, accompaigné de ses frères Troilus et Deïphobus. Lesquelz après auoir prins vin et espices auec luy, se retirèrent. Et si feit chacun, excepté lesdites femmes de chambre, députées à seruir la Nymphe. Paris se coucha auec elle : et ceste nuict dormirent peu. Ains deuiserent assez de leur auenture.

Le lendemain après que chacun fut descouché, (2) et quon eut fait les sacrifices accoustumez, on disna. Et après disner on sen alla aux eschaffauts pour continuer le pas selon les ordonnances dessus mentionnées. Si feit on les iours ensuiuans consequemment. De la description desquelles choses ie me déporte, à cause de brieueté. Et ausdits ieux la belle Nymphe Oenone fut tousiours menée, en la compaignie des autres Princesses ses belles sœurs. Le noble Paris Alexandre, de la licence des luges, et consentement de ceux de dehors, auec ladueu du Prince Hector et de ses autres frères et compaignons, sessaya à tous les ieux, esbatemens, ioustes, combats, tournoys et behours cy deuant spécifiez, pour ostentation de sa force et de sa valeur. Mais il nestoit homme qui peut durer encontre luy,

(1) c.-à-d. mascarades.

(2) wallonisme et flandricisme.

comme tesmoigne Ouide en lepistre de Paris à Heleine, disant ainsi :

Penè puer iuuenes vario certamine vici, In quibus Ilioneus, Deiphobusque fuit.

Lesquelz vers demonstrent quen toute manière dexercitation Paris estoit tousiours supérieur et vainqueur.

La renommée de lauenture de Paris Alexandre, et de la belle Nymphe Pegasis Oenone, estoit desia volée par tout le Royaume de Phrygie. Si eussiez veu les bergers de Cebrine, de Scepsis, de Dardanie, et du païs circonuoisin qui congnoissoient Paris et ladite Nymphe, venir à Troye par grands tourbes et troupeaux, pour voir la miraculeuse fortune diceux. Et quand ilz les veoient constituez en telle dignité ilz ne se pouuoient saouler de sesmerueiller : et au vray dire, cestoit vn beau ieu de Fortune, de voir esleuer bergers si soudain à hautesse Royale. Entre les autres, y vindrent les enfans du bon pasteur nutriteur de Paris. Lesquelz cherchoient leur père et leur mère, et après quilz les eurent trouuez, apeine les recongnoissoient ilz plus, pource quilz auoient changé de vesture. La Royne aduertie du tout, feit aussi habiller lesdits enfans. Et à leurs père et mère, donna tant de possessions de bèstail et de troupeaux, auec grand quantité dor et dargent, que eux et les leurs en furent riches àiamais, comme il est vraysemblable. Aucuns nobles aussi du parentage de la Nymphe Oenone sa femme, furent retenuz en son seruice de par la Royne : Et fut alors donné ordre total touchant lestât de monseigneur Paris et de madame Oenone sa femme, ainsi que à enfans de telle maison appartenoit.

Les iours subsequutifz, les autres combats à pied commencèrent, et les ioustes et tournoys se parfeirent tant des

338 ILLVSTRATIONS DE GAVLE, ET

Princes comme des ieunes enfans selon leur ordre. De la description desquelz, et des coups qui se y donnèrent ie me passe légèrement pour euiter ennuj, et pour cause de labreuiation de nostre conte. Mais toutesuoyes Hector et Paris sur tous les autres y feirent plusieurs faits darmes mémorables. Et après iceux acheuez, les prys furent distribuez, par le Roy Bauo, et les autres luges selon la desserte (1) des meritans. Mais tous pour la plus part furent donnez aux estrangers, pour Ihonneur de la maison. Et combien que Paris en deust auoir la meilleur et plus grand partie, neantmoins il quitta le tout. Et pour son guerdon, ne demanda autre chose sinon estre fait cheualier de la main de son frère Hector. Laquelle chose luy fut facilement accordée. Et le Prince Hector par le commandement du Roy et présent lassistance de tous les Princes luy donna la colee et lordre de cheualerie en le ceindant de la ceinture militaire qui sappelle Baltee. Et aussi feit il à plusieurs autres ieunes Princes en grand solennité.

Apres que le grand festoiement eut eu assez longue durée, le Roy Polymnestor de Thrace, nouueau gendre de Priam, demanda son congé au Roy et à la Royne, pour se retirer en son païs auec sa treschere compaigne madame Ilione et son train. Et si feirent aussi le Prince Elycaon et la Princesse, Laodice sa femme, le Roy Rhésus de Threicie et Ismarie et son parent le Roy Agamas, et le Prince Euphemius Trizenius seigneur de Ciconie auecques le baron Rhygmon, dont dessus est parlé. Ensemble les seigneurs de Peonie, ou Hongrie : Cestasauoir Pyrechmus (2) seigneur Dumydon, et Asteropeus filz de Pelegon, tous lesquelz de

(1) c.-à-d. mérite.

(2) Pyregamus, seigneur Damydon (éd. 1512).

SINGVLAniTEZ DE TROYE. LIVRÉ I. 559

deçà la mer estoiënt allez à Troy.e, pour faire honneur audit • Roy Polymnestor. Si leur fut ottroyé benignement leur congé par le Roy Priam, nonobstant quil les eust premier beaucoup priez quilz demourassent plus longuement. Et les accumula de grans dons, par toute manière de libéralité royale. Cestasauoir dor et dargent en masse et en vaisselle, de pierres précieuses, et de tapisserie. Et ordonna ledit Roy Priam au Prince Antenor prudent homme et sage (auec aucuns de ses enfans, et bon nombre de gentilzhommes de sa maison) de les conuoyer et accompaigner iusques delà la mer.

Et oultreplus ledit Roy Priam qui incessamment auoit scrupule et regret au cœur à cause de madame Hesione détenue en seruage par Telamon Roy de lislede Salamis, il bailla charge audit Prince Antenor après ce quil auroit conuoyé lesdits deux Roys et Roynes de Thrace, de fournir aussi tout dune voye vne légation et ambassade enuers aucuns Princes de Grèce. Et luy feit sur ce depescher par délibération de son priué conseil certaines amples mémoires et instructions, pour ce faire, dont la mémoire en brief estoit j

telle : Cestasauoir que souz tiltre dambassadeur, il sen allast tout dun chemin vers ledit Telamon Roy des isles d'Egine et de Salamis, frère de Peleus Roy de Thessale, et fîlz de Eacus, iadis Roy de lisle de Crète : pour le sommer et requérir de la part dudit Roy Priam de rendre madame Hesione sa sœur, quil tenoit en seruage, et auoit tenu ia pieça sans tiltre dhonnesteté, depuis le trespas du feu Roy Laomedon son père. Et en son refuz, quil se tirast vers les autres Princes des isles circonuoisines, et aussi de Grèce, Achaie, Thessale, et Beotie, lesquelz estoiënt tous amis, parens et alliez, dudit Roy Telamon. Pour leur reraonstrer et prier quilz voulsissent donner ordre et tenir

540 ILLVSTRATIONS DE GAVLE, ET

la main à ce que ladite Hesione fust rendue. De laquelle ambassade iceluy Prince Antenor plein de grand sens, audace et éloquence, print la charge voluntaire, et promit la mettre à chef.

Ce fait, le Roy et la Royne, et tous les nobles de Troye, conuoyerent Polymnestor Roy de Thrace et de Bistonie, auec madame Ilione sa compaigne, et toute sa bende, iusques au port de Sigee, qui nestoit que à demy lieiie de Troye. La où aussi le Roy Forgarite de lisle de Methelin, se trouua, et le Roy Idomeneus de Crète, et le Roy Tlepolemus de Rhodes, le Roy Cuneus de lisle Cypre. Et le Prince Asius Hirtacides, seigneur de Sestos et Abydos. Et après le congé prins tant dun costé que dautre, lesdits Roys et Princes sembarquerent, et le Prince Antenor et aucuns enfans et gentilzhommes de la maison de Priam auec eux. Le vent fut propice, si feirent voile prestement en grand triomphe et mélodie. Chacun tira son chemin, car les Roys de Methelin, Rhodes et Crète quon dit maintenant Candie, prindrent leur chemin à gauche pour aller en leurs isles. Les autres trencherent de pointe (1) : Cestasauoir, Asius Hirtacides, en sa ville de Sestos où il festia toute la brigade, et de là ilz prindrent leur chemin en leurs Royaumes, et seigneuries. Et quand Antenor les eut renduz en leurs territoires, il se disposa daller faire son ambassade.

Apres que lesdits Roys et Princes de deçà la mer eurent leué leurs ancres ou port de Sigee, le Roy Priam et la Royne sen retournèrent en la cité. Et peu de iours après les autres Princes d'Asie la mineur, quon dit maintenant Natolie ou Turquie, lesquelz estoient venus de leurs loing-

(1) c.-à-d. couper, par le plus court chemin.

taines marches, (1) prindrent congé du Roy Priam. Si comme le Prince Arpalion filz du Roy Philimenis de Paphlagonie, et ses barons Venetus et Equilo. Aussi feit Chorebus de Mygdonie. Et Othrinous de Cabese. Pareillement le Roy Bauo de haute Phrygie. Le Roy Sarpedon de Lycie auec ses barons Glaucus et Pandarus, Amphius d'Ephese, et les autres. Ausquelz le Roy par sa grand munificence Royale, donna plusieurs grans dons, et les feit conuoyer par aucuns de ses enfans. Mais Paris auec Deïphobus (2) accompaignerent madame Astioche leur sœur, Royne de Mysie, auecques leur neueu le Prince Eurypylus son filz, et seiournerent aucune espace de temps au Royaume de Mysie, là ou le Roy Telephus leur feit bonne chère. Le Prince Hector conuoya son beau père, cestasauoir le Roy Eetion, et ses sept enfans, iusques à la cité de Thebes en Cilice. Et mena auec luy le bastard Cebrion de Cebrine. Et le noble Helenus auec son frère bastard le gentil Esacus, allèrent auec leur oncle le Prince Asius frère de la Royne Hecuba, iusques en vue sienne cité, estant en la basse Phrygie. Et ce pendant la Nymphe Oenone, demoura auecques la Royne, et auec ses belles sœurs, faisant bonne chère. Car tant laymoient toutes, que plus ne pourroient. Mesmement la sage Cassandra pour le grand sens et vertu quelle congnoissoit en elle.

Le tresnoble Prince Hector, ses frères Helenus, Paris, Deïphobus et les bastards, après aucun espace de temps retournez chacun de là où nous auons dit, quilz auoient esté conuoyer leurs parens, se deportoient à Troye en toutes manières de passetemps : comme ceux qui de ce

(1) c.-â-d. pays, comme ^WM en latin.

(2) Deiphebus (éd. 1512).

342 ILLVSTRATIONS DE GAVLE, ET

faire auoient bien le loisir. Et aymoient beaucoup les mœurs et les façons de faire de Paris Alexandre. Pource quil estoit humble, courtois et débonnaire, enuers le grand et le petit, dextre et bien aduenant en toutes choses. Et les dames ses sœurs qui furent aduerties par la Nymphe Oenone, comment Paris sauoit si bien toucher de la harpe, luy en présentèrent vne riche et mignonne, toute dyuoire, garnie dor et de pierrerie, à tout laquelle il leur feit depuis souuentesfois passer le temps. Et entre autres choses, il composa vn lay, contenant lapparition des trois Déesses, et du iugement quil en feit : lequel il meit sus et chanta sur sa harpe . Maintesfois aussi ses frères et luy salloient esbatre en la cité de Cebrine, laquelle estoit au Prince Hector et de son domaine. Et dillec entroient es forestz des montaignes Idées, ou ilz sexercitoient à la chasse, et le noble Paris les y guidoit : car bien en sauoit les repaires. Et leur monstroit les lieux ou il souloit garder les bestes, et là où il fut premièrement amoureux de la Nymphe sa femme. Et où les trois Déesses se monstrerent à luy toutes nues. Et leur contoit encores assez de ses autres diuerses auentures, dont il leur donnoit souuent récréation et passetemps, iusques à ce que Ihyuer fut venu, et alors sen retournèrent à Troye.

Icy terminerons nous le premier liure de noz Illustrations de Gaule, et singularitez de Troye. Duquel nous nous rapportons au iugement des nobles lecteurs beniuoles, combien il y ha peu auoir de peine, et dindustrie, dauoir recueilli et assorty tant de matières diuerses, et de tant d'Acteurs autentiques pour les faire seruir tout à vn propos. Et si dauenture il y ha iusques icy aucune chose qui leur ayt pieu, comme nous espérons, lisent tant plus voulentiers les deux autres pour lamour de la tresnoble dame

et Princesse, au commandement de laquelle ce premier liure est acheué. A laquelle, et ausdits lecteurs tant nobles hommes, que gracieuses dames. Dieu doint félicité présente et future. Or clorrons nous nostredit premier liure de deux vers Lucretiens :

Floriferis vt apes in saltibas omnia libant, Omnia nos itidem decerpsimus aurea dicta.

De peu assez. Le Maire de Belges.

544 ILLVSTRATIONS DE GAVLE, ET