DU PREMIER LIVRE

plus belle. Par ainsi, tu Princesse pacifique, qui es vne autre Pallas, et tressage Minerue, cestadire. Immortelle : Et Bellona, qui signifie Martiale, Princesse de fortitudeet de prouesse, ayant en chef larmet de prudence, couronné doliuier en signe de paix (de laquelle tu es seule instauratrisse, en laage moderne) tymbré dun Duc (qui voit cler de nuict) pour signifiancé que rien ne peult estre obscur à ta sage personne (lequel tymbre est le propre aornement de vostre maison de Bourgongne). Tu seras armée (comme desia as esté) pour defFendre la querele, iuste et droituriere, de vostre maison Troyenne. Pour laquelle despieça ta hautesse tient en main la lance de bonne action, et est touiours couuerte de lescu cristalin, au chef Gorgonique, et cheueux serpentins, qui désigne la monstrueuse teste dinfortune, par toy defFait et surmonté. Mais encores ce qui te fait mieux resembler la forte pucelle Pallas, procréée du chef de lupiter son père : cest que comme Pallas luy assista en armes, alencontre des Geans, qui vouloient escheller le ciel stellifere, tout ainsi donnes tu filiale assistence de tout tou pouuoir et prudente industrie au tien tressacré géniteur, et terrestre lupiter : cestadire ivvans pater. Qui tient les saintes Aigles Rommaines, et le sacré Chesne glandifere, en sa protection et sauuegarde. Parquoy les fiers tyrans Vénitiens et autres de téméraire et oultrecuidee hardiesse, et vilenie incomparable, qui tousiours ont blasphémé et irrité les Princes, sont et seront en parfin rudement foudroyez et confonduz. Et ce pendant croit et croîtra en force, et formosité corporelle (et encore plus en vertuz) nostre beau Paris Alexandre, larchiduc Charles. Duquel (quand il sera en aage parfait) tu feras vn second Hector, et ladouberas de belle armature céleste. Or donques Princesse tresreiiommee, après la ressourse de vostre maison