PROLOGUE DU PREMIER LIVRE

Troyenne, tu auras oultre plus, ceste gloire palladienne et louenge Mercuriale, que dauoir esté cause de redresser Ihistoire, et icelle restituer en sa dignité pristine, si que (comme ie croy) pour la faueur et reuerence de ton nom trescelebre, à qui lœuure est vouée et consacrée, et souz lombre de tes heureux Auspices elle ne sera plus désormais peinte, figurée, ne patrocinee pour laornement des salles et chambres Roy ailes, sinon après la narration présente, antique et véritable. Et par ce moyen seras dite et renommée, La seconde restablisseresse de la nobilité Troyenne. Parquoy tous nobles cœurs qui voudront cueillir fruit ou flouriture , cestadire , doctrine ou passetemps dedens ce iardin, remply et illustré de singularitez, seront bien si humains, quilz en rendront grâces à la tresnoble fleur, pour laquelle il est ainsi cultiué, en extirpant diceluy toutes erreurs et scabrositez, qui parauant le rendoient stérile et malgracieux. Atant fine icy mon Epistre, laquelle nous seruira de Prologue. Voyons maintenant que nous dira lean le Maire en ses Illustrations, et Singularitez, lequel par manière de préambule, ha cy douant mis aucunes figures bien nécessaires à son propos.

Vade, âge, et ingentem factis fer ad aethera Troiam. Margarita Augustapacis instauratrix.