ISIDORE

La noble structure de ceste couronne beatifique, est par droit enrichie dune vertu sublime appellee Grâce, qui se

une forme archaïque dérivée du provençal resplandre. Palsgrave remarque que Lemaire ne suit cette conjugaison que pour l'indicatif présent.

(1) Isidore de séville, dont les Etymologiarum sex originum libri XX furent une des grandes sources des bizarreries du moyenâge. — D'après Pline (H. N. 37, 10, 57) le corail est appelé « gemme gorgonie » parce [qu'il durcit au contact de l'air. On sait qu'une des Gorgones, Méduse, pétrifiait.

LA COVROÏSNE MARGARITIQVE. 83

peult entendre en maintes manières. Car à parler poétiquement, elle est fille germaine de Iupiter, et de la Nymphe Autonoe, et sœur germaine d'Amour. Et est proprement vne faueur humaine procédant de céleste influence. Aucuns en mettent trois, qui sont sœurs, et les nomment Charités, dont lune est attraiant, lautre entretenant, et la tierce retenant. (1) Mais selon la doctrine des Theologues, Grâce est vn don du saint Esprit, dont la diffinition est telle : Grâce, nest autre chose, sinon vn commencement de gloire en nous, ou vn adiutoire duquel lhomme ha mestier, pour obtenir béatitude. Les Grecz lappellent Eucharistia, cestadire bonne grâce. Mais les Philosophes moraux prennent Grâce pour la vertu contraire au vice dingratitude : et disent, quelle est fille à dame Iustice, sœur de Libéralité, de Debonnaireté, de Concorde, de Vérité de Sainteté, de Bénignité, d'Innocence, d'Humanité et d'Affabilité. Et est vne vertu tresespeciale, laquelle se declaire ainsi : Grâce est la vertu par laquelle lhomme ha souuenance de lamytié dautruy, et des seruices à luy faits, et ha vouienté de les guerdonner. Laquelle vouienté est mise à effect, par sa sœur Libéralité. Encores se prend Grâce pour remission de delicts actiuement, et pour avoir receu aucun bienfait passiuement, dont pource quelle est si précieuse saint Bernard sur les Cantiques la loue ainsi : Gratta balsamum purissimum est : et ideo purum et solidum vas requirit. Cestadire, la vertu de Grâce, est baume très pur : et pource requiert il vn vaisseau net et entier.

(1) Filles du ciel (Zeus) et de l'aurore (Eurynomé), les Charités s'appelaient, d'après Hésiode, Aglaia (la brillante). Euphrosuné (la joie du cœur) et Thalia|(qui fait fleurir les plantes). Des indianistes les identifient avec les Harits du Rig-Veda, les brillantes cavales du char du Soleil.

84 LA COVRONNE MARGARITIQVE.

Au front de ceste noble verto est posée vne pierre précieuse taillée en forme de croix. Laquelle gemme, Pline Second au dernier liure de son histoire Naturelle appelle Gorgonia. La raison pourquoy elle est ainsi nommée, procède de la fable de Perseus fllz de Iupiter et de Danae. Car après quil eut conquis la teste de Méduse appellee Gorgone, laquelle par estre regardée ou touchée, conuertissoit toutes choses en pierre. (1) La nature du corail qui parauant estoit herbe marine, molle et tendre, pource quelle fut appliquée à ladite teste Gorgone, fut endurcie et transmuée en la qualité telle que nous voyons. Et deslors fut elle appellee Gorgonia. Et certes ceste couleur poétique ha prins occasion de la reale vérité : Car Gorgonia, ou corail, naissant au fons de la mer, est vne plante verde, (2) à manière dun petit arbrisseau, sans fruit, sans fueilles et sans flouriture, ressemMant à la ramure dun cerf : et quand elle est peschee aux filez, ou coupée à tout vn fer trenchant, incontinent après auoir senty lair, deuient vermeille et sendurcit en pierre. La meilleure et la plus louée, croist enuiron les Isles Orcades, qui sont au grand Océan, pardela Angleterre. On en treuue aussi de bonne en la mer Mediterrane, entour de Sicile, et enuiron Barcelone, et aussi vers Afrique. Celle quon treuue en la mer de Naples, est fort rouge, mais elle nest point dure assez. Et celle de la Mer rouge, est approchant à noire couleur. Il en est aussi de la blanche : mais quelque part quelle naisse, la vermeille est la meilleure, pourueu quelle ayt beaucoup de branchettes, et quelle ne

(1) Ici le point n'a que la valeur d'une virgule. Cela est constant dans le Temple d'Honneur.

(2) Beaucoup de pêcheurs regardent encore le corail comme une plante, car il en a toutes les apparences. Ce n'est guère qu'au XIXe siècle qu'on l'a rangé parmi les polypiers.

LA COVRONNE MAKGARIT1QVE. 85

soit creuse ne rongneuse, ne pierreuse. Si dit on, que sa hauteur nexcede iamais demy pied.

De ceste pierre précieuse, font autant de conte les hommes d'Inde, comme les dames de pardeça tiennent chères les perles et margarites. Et ha telle autorité enuers les plus sages Indiens, tant pour sa beauté, comme pour sa bonté, quilz croient fermement que ceux qui la portent, sont preseruez de plusieurs perilz en mer et en terre : et mesmement dun vent fulmineux et subtil, nommé Typhon, qui esrache les arbres, et foudroyé les hauts édifices. Et à ceste cause souloient les anciens laboureurs pendre du corail à leurs arbres, et le briser par menues pièces, puis semer icelle parmy leurs vignes et oliuiers, tant pour euiter les inconueniens de tempeste et de gresle, comme pource que leur opinion estoit, que par le moyen de ladite gemme leurs champs en fussent plus fertiles, et leurs fruits plus multipliez. Oultrepius, Gorgonia chasse les ombres Plutoniques, et les esprits nocturnes, et garde de mauuais songes. Aucuns estiment que ces vertus luy procèdent à cause de ce que ses rainceaux ont communément forme de croix. Encores dit on, quelle baille gracieuse entrée entre gens, et facile expédition et yssue de tous négoces : et garde les epileptiques de choir.

Dabondant, icelle gemme Gorgonia ou corail, est réputée souz la tutele de Iupiter et de Venus : et est de nature froide au premier degré, et seiche au second. Si est fort stiptique (1) en vsage de médecine, restraingnant et deffensiue

(1) Ambroise Paré se conformant à l'étymologie écrit déjà styptique; Brunetto Latini déforme le mot à la moyen-âge et met stitique. Quant aux superstitions méridionales au sujet du corail, elles n'ont pas encore entièrement disparu. On le voit surtout à Rome et à Naples.

86 LA COVRONHE K ARGARITlyVE.

contre le flux et crachement de sang, nettoyé les yeux quand elle est mise en pouldre en deseichant ses humiditez : et conforte les genciues et le cœur aussi, vault à toutes douleurs destomach, et pource la pend on au col des enfans. Elle fait reuenir la chair aux playes parfondes : et vnit les cicatrices. Et si elle est bruslee et puluerisee, et bue à tout de leaue, elle proufite à ceux qui ont la pierre en la vessie. Pareillement aux febricitans prinse auec du vin. Et oultreplus, si elle est tenue dedens le creux des mauuaises dents, elle en fait choir les racines : et plusieurs autres bonnes proprietez ha elle.

Au moyen desquelles choses on congnoit lalliance quelle ha auec la vertu de Grâce, veu quelle est si gracieuse en tous ses effectz. Parquoy tant la vertu, comme la pierre, sont iustement appropriées à la Princesse, que tu dame Vertu veux couronner : Car elle est le riche vaisseau plus blanc et plus poly que allebastre, tout plein du précieux baume de grâce odorifere, voire en quelque sorte que grâce soit comprise. Car si vous la prenez pour vn don du saint Esprit, qui est vn principe de glorieuse béatitude, et vne apparence demonstratiue en la personne sur qui elle est estendue désire aymee de Dieu, et tenue au nombre des esluz, il nest chose qui plus en baille verisimilitude et certaines enseignes, que les fréquentes tribulations, que le Toutpuissant enuoye. Par le moyen desquelles, lodeur de leur patience monte iusques au ciel, ainsi comme de lencens et autres espèces aromatiques, quand elles seuffrent combustion par le feu. Et doiuent ceux et celles dont le souuerain Gubernateur essaye les valeurs, comme de lor en la fournaise, auoir certaine espérance de posséder lheritage céleste. Car par cas contraire, on void les peruers et

LA COVRONNE MAKGAK1TIQVE. 87

reprouuez communément prospérer en ce monde qui leur est vn Paradis temporel, pource quilz y ont peu ou nulles molestes d'Infortune. Or void on que si le souuerain Créateur des choses monstre signe de son amour et de sa grâce à aucune personne mortelle, au moyen de ce quil seuffre quelle soit tentée, vexée et persécutée de toutes pars, certes il nest auiourdhuy dame viuante sur terre qui mieux sen puist vanter, que la Princesse Marguerite.

Mais pour vn plus especial indice de ce don de Grâce diuine, cest que combien que le Prince sempiternel sesbate aucunesfois par ses iugemens obscurs et incompréhensibles à donner diuerses aduersitez à aucun ou aucune de ceux ou celles qui luy sont à cœur, neantmoins ne veult il quil soit loisible à autres de nostre basse condition humaine le tourner à dérision ny à truffe, (1) ainçois en prend grieue indignation et prompte vengeance. Si comme bien apparut dun grand seigneur du sang Royal de France portant tiltre de Dunois, lequel fut exemple merueilleux des choses dessusdites : car quand le feu Roy Charles huitième accompaigné de Ducz et de Duchesses, et maints grans personnages, vint prendre le triste congé de ladite ieune Royale adolescente, luy mesmes ayant les yeux chargez de larmes, et le cœur tout plein de parfond regret, pource que par léger aduis et dommageable conseil il estoit contraint de briser et annichiler les conuenances de mariage pieça faites dentre luy et elle : et comme en faisant ladite treslamentable séparation et piteux diuorce, iceluy Roy qui de soy mesmes estoit tout noble de courage, et tout débonnaire demoura assez longuement auec la tresdesolee Princesse sa bien

(1) Palsgrave donne truffant bourdant = à moitié sérieux.

aymee, ledit seigneur de Dunois attendant le Roy hors la porte de la chambre, en lieu de ce que tous les autres Princes et Princesses, seigneurs et dames assistens, iettoient pleurs et souspirs iunumerables de pitié et compassion en voyant vne si dolente départie de deux amans, luy seul par sa cruelle arrogance et damnable moquerie, importunoit le Roy de haster son partement, et accusoit sa trop longue demeure auecques ladite tresdeconfortee Princesse, disant quil se morfondoit de tant plourer auec les dames. Dont après estre party dillec, ne tarda pas deux heures, que par la main diuine et iuste punition il receut horrible recompense de son langage dérisoire : car sans bénéfice de confession, et sans coup ou violence extérieure, il tomba soudainement ius de son cheual tout mort, et oultre les piedz contremont encores dedans les estriefz, telle fut sur vn grand moqueur la sentence redoutable de Dieu. (1)

Vn autre cler enseignement de ce don de Dieu est, quand on void aduenir les cas ensuiuans : cestasauoir que combien que la diuine prouidence fatigue aucunesfois ses bien aymees créatures de diuers perilz douleurs et infortunes, et quil espreuue leur patience en maintes sortes, voire iusques à estre prochaines de mort et de periclitation, neantmoins dautant quon estime le péril et la iacture apparente estre plus terrible et moins eschappable, dautant fait Dieu mon-

(1) D'après Molinet, quelques-uns des seigneurs français se montrèrent fort dolents de cette séparation, mais la dame ne s'en émut. En revanche le maire et les échevins d'Amiens décidèrent à l'unanimité qu'ils n'iraient pas au devant d'elle. Le mscr. souvent cité ajoute ici au texte un mot {tout puissant) qui, littérairement n'est pas superflu, vu la pompe et la gravité de la phrase. Elle rappelle l'anecdote de Joinville à propos de l'enterrement de Hue de Landricourt (p. 91 de l'édition Didot ; 1859).

LA COVRONNE MARGAR1T1QVE. 89

strer la ressourse (1) et leuasion plus merueilleuse. Comme on en vid lexperience par les naufrages presques incredibles que la Princesse Marguerite souffrit en allant de Flandres, en Espaigne vers le Prince sou mary. Là ou combien que de trois cens nauires à hune que pour sa garde et conduite elle auoit bien armées et esquipees, au partir de Hollande, les vues fussent brisées et endommagées, les autres peries etenseuelies es parfonds abymes de Locean, et le demourant par force de tourmente dispersées et vagabondes en diuers lieux, tellement, que de long temps ne se peurent rassembler : neantmoins après auoir euadé toutes ces peurs et mesauentures, par la grâce de Celuy qui tout peult, elle arriua fînablement saine et sauue en la coste de Bisquaie, à tout trois ou quatre nauires seulement, elle fut receùe en grand coniouyssement et feste mélodieuse.

Et derechef fut bien euidente et manifeste, la grâce miraculeuse que Dieu feit à ladite Princesse, auprès de la ville de Quier en Piedmont : Là ou elle allant aux champs, auec le feu Duc Philibert de Sauoye son mary, par vn malheur inénarrable, le gros et puissant hobin (2) sur quoy elle estoit montée, irrité par vn autre, et ruant et regibant (3) impétueusement alencontre, versa ladite dame à terre par grand meschef, marcha de lun des piedz sur son atour, et feit apparoir les tresses de ses beaux cheueux dorez : et de l'autre pied bien ferré et bien cramponné pour les glaces

(1) De resourdre, se relever. « A la ressource et adresse dudit royaume désolé. » Monstrelet.

(2) Hobin, (en anglais hobby) nom d'une race de chevaux d'Ecosse qui va naturellement le pas qu'en appelle l'amble. On nommait hobler (hobellarius) le cavalier qui montait le hobin.

(3) Palsgrave a même regibement. On trouve aussi regibier, regipper (repedare). Montaigne a déjà regimber.

00 LA COVROfME MARGARITIQVE.

hyuernales qui lors estoient, luy rompit et froissa au plus près de la face vne chaine dor grosse et espesse pendant à son col. Lors à tous ceux et celles qui virent ce cas effroyable, le sang se mortifia autour du cœur, et leur pallist le visage de crainte, non esperans iamais estre possible que la Princesse eschappast de tel horrible danger, sans vilaine affolure ou sans mort : comme autresfois il estoit aduenu par cas semblable à sa feu Dame de mère. Et neantmoins le grand Faiseur des merueilles soudainemet la releua de ceste cheute sans mal ou blessure quelconques. Declairant en ce, lamour et la grâce quil ha à elle, pour la reseruer à meilleure fortune, dont elle luy rendit grâces immortelles, et si feit vnchacun de grand ioye.

Enoultre, si ceste belle vertu de Grâce est estimée pour vne céleste faueur, vne amour attractiue du cœur des gens, vne bienuueillance humaine que tout le monde ha à elle à cause de sa gracieuseté spectable, ie croy que onques Dame nen fut plus honnoree, ny en tant de lieux : Car pour passer en silence le Royaume François, auquel elle ha este esleuee depuis son aage puérile, iusques au commencement de son adolescence, il est certain que de la grâce que le populaire auoit à elle, encores en font foy iusques auiourd'huy cent mille hommes viuans, qui iournellement la plaingnent et regrettent, tant pource quilz congnoissent par expérience, que sa présence bienheureuse faisoit et eust fait flourir leurs Lis odoriferes trop mieux que au temps présent, comme pour la beniuolence inueteree, et pieça enracinée en leurs cœurs, par laquelle ilz sont enclins à faire dueil, et auoir compassion de ses trop frequens infortunes non desseruis. le me tairay aussi des païs de son frère ou elle ha maintefois par acclamation publique esté appellee

LA COVRONNE MARGARITIQVE. 91

la Paix.(l) Au moyen de ce que par fois iteratiue ilz auoient pour lamour délie obtenu cessation de guerre et persécution bellique. Et suffira de faire mention succinte d'Espaigne : là ou après le trespas du feu Prince son mary, elle estant maintesfois contrainte dattendre la nuict obscure aux champs souz lorabre des oliuiers, nosoit entrer dedens les villes et citez de iour : Et ce, à fin deuiter la presse et le tumulte tresaffectionné du peuple, qui de toutes pars venoit assiéger sa littiere pour la voir au visage, crians à haute voix, que celle (2) seule ilz vouloient pour leur Dame et Princesse : Là ou à la Roy ne de Portugal, seule héritière pour lors apparente d'Espaigne, combien quelle feist ses entrées sollennelles et pompeuses de plein iour, ilz ne faisoient accueil, sinon sombre et taciturne, et comme maugré eux. (3)

De raconter les autres infinies grâces fauorables quelle ha receu, quant aux honneurs et triomphes mondains, mesmement audit Royaume d'Espaigne, ce seroit chose trop difficile et prolixe. Mais à fin que les lecteurs ayent occasion de faire quelque estimation du merueilleux nombre des Princes, Seigneurs et Gentilzhomes qui luy vindrent au deuant entre Burgues, (4) et le port saint Andare en Bisquaie, en la compaignie de leurs seigneurs souuerains, le Roy Ferdinand et le Prince Dom Iean : Cest assez de dire, que à ladite Princesse, estant assise sur vne haute mule,

(1) Sans doute parce que, pour avoir la paix, on promettait la main de Marguerite. Après la Paix de Cambrai, l'appellation sera plus fréquente.

(2) Celle-là seule.

(3) Isabelle de Portugal, sœur ainée de l'infant don Juan ; elle mourut peu de temps après lui. Jeanne la Folle devint alors héritière présomptive des Espagnes.

(4) Burgos, et non Bourges, comme on lit dans la Revue Belge de 1839. — Saint Andare c'est Santander, le port si connu fLeglay met Saint- André en Galice).

92 LA COVHONNE M VUGA K1TIUVK.

et regardant tant loin quelle pouuoit en circonférence, ne fut onques possible de voir vn plein pied de terre, en la coinpaignie, ne de choisir vne robe autre que de drap dor ou de soye. le me tais de la ioyeuse et honnorable fatigue, quelle eut en souffrant quune si grand multitude de noblesse luy baisast les mains à la mode d'Espaigne, en signe de reuerence et subiection. Mais pour remémorer et insinuer à postérité la principale de toutes les nobles entrées solennelles quelle eut onques : Cestasauoir, celle haute et indicible réception, qui luy fut faite en ladite puissante cité de Burgues (1) en Espaigne par la trescatholique Royne Elizabeth sa belle mère, il est conuenable quon sache, que des personnages qui pour ce iour seruoient à pied ladite Princesse dessouz le palle, et tenoient le riche frein de sa mule, lun nauoit point moindre prééminence que de Connestable, et lautre estoit illustré de dignité Ducale. Et pour comprendre la souueraineté de la totale magnificence, il suffit de dire que quand la Princesse Marguerite monta les degrez du palais pour aller faire humble reuerence à celle, qui nha son per en tout le monde : cestasauoir la grand triomphateresse de Grenade, ses yeux sesblouyrent de la clarté délie, et de ses Dames, qui estoient iusques au nombre de sept vingt sur les galeries, toutes, sans point en excepter, reflambloyantes de pierrerie inestimable, de pourpre et de fin or, tant en riches vestures, comme en bagues. Et certes, pour la perfection de leur speciosité approchant de forme angeline, mieux ressembloient Demydeesses, que féminines créatures. Et le tout en gênerai representoit vn droit Para-

(1) Isabelle la catholique. — Le dais ou poêle = palle, pâlie, paile (palliura). Est-ce de Molinet ou de Marguerite que Lemaire tient ces détails si curieux ?

dis terrestre, retentissant de pure mélodie. Par lequel argument et autres correspondans, ie vueil inférer quil est bien difficile damener en allégation aucune dame qui onques receut tant de grâces en faueur humaine, en festoyemens célèbres, et en vniuersalité de gloire triomphale.

Car, oultre les choses dessusdites, si on veult prendre Grâce pour remission de grieues offenses, abolition de crimes énormes, et pardonnance de delicts infâmes, et pour eslargissement ou deliurance de poures malheureux prisonniers et misérables delinquans, laquelle chose ne se fait sinon par autorité souueraine ou par priuilege de sang Royal : combien de telles grâces ha elle imparty iusques icy, et fera encores ? Combien de telles gens ha elle restitué de mort à vie, dinfameté à renommée, de seruitude à liberté, de bannissement à recouurer (1) leur pais? Combien depuis sa naissance entre tant de grans voyages et lointaines pérégrinations, quelle ha fait en tant de citez, villes et chasteaux ou elle ha passé ? Combien, ie vous prie, ha elle rendu de Chartres et de prisons vuides? Quantes grosses chaines pesantes et greuables ha elle fait descharger, et quants fers et grésillons ha elle euacuez ? En France vne fois par intitulation de Royne, et autresfois en contemplation de sa haute origine. Es pais de son frère, comme sœur du prince : es terres estrangeres, comme fille de Roy et d'Empereur : en Espaigne, comme vraye Princesse : et en Sauoye, comme Duchesse. Certainement il nest pas facile à nombrer, ainçois

(1) Palsgrave donne cependant le substantif recouverance. Plus haut, on lit pardonnance. Quant à gresillon qui vient plus bas, il le traduit par cricket, a worme. C'est donc criquet ou grillon. Mais dans le texte de Lemaire, il s'agit de menottes (grésillons, grillons) destinées a serrer les pouces.— Pour l'insecte, Lemaire dit crignon (Cf. crikion wallon).

94 LA COVRONNE MARGAHITIgVK.

peult sembler expressément que Dieu toutpuissant la fasse ainsi voyager par tant de régions et prouinces diuerses, à fin que la Grâce et miséricorde diuine soit glorifiée, bénie, et exaulcee par tout le monde, au moyen de la Princesse Marguerite, qui en est linstrument effectif, en donnant grâces à tant de poures pécheurs criminelz iugez, ou prochains destre iugez à mort honteuse, ou exil perpétuel, ou mutilation de membres, pour leurs forfaits et démérites, et en leur baillant respit et espace damender leur vicieuses vies.

Dautre part, si Grâce est prinse pour vne spéciale vertu , coniointe à libéralité, et opposite au vice dingratitude , comme celle par laquelle on rend grâces et guerdons à ses bienfaiteurs : quelle Dame en fut onques mieux pourueue que ceste cy ? Je laisse la gracieuseté libérale, dont elle ha tousiours vsé, tant enuers estrangers, comme domestiques : laquelle vertu nest pas de petite estime, mais encore est celle plus recommandable de ce, quelle non ingrate enuers le supernel Dominateur, qui tant de grâces luy ha fait, iamais ne seuffre attribuer les louenges des dons celestielz, quelle reçoit, à sa propre félicité : ne les actes vertueux, esquelz elle sexercite, au sens délie mesraes, mais le tout retorque à la seule puissance et clémence diuine, et luy en baille gloire et bénédiction.

Or est donques icelle Princesse, la treslouable gemme Gorgonia : laquelle ha esté cueillie ieune et tendre au plus parfond de la coste marine de l'Océan Flandrin, et puis amenée en lair François, et en lair d'Espaigne, et consequemment en la froide région de Sauoye, là ou elle ha esté touchée de la teste Gorgone : cestadire de fortune terrible et diuerse, qui la fait endurcir à tous hurts, comme vne

LA COVRONNK MARCARITIQVK. 95

pierre. Cest celle dont la bouche coralline par sa grâce vertueuse ha souuent réprimé la fureur de maintes fouldres et tempestes de guerre, et fait eslongner lorage et le grésil de tumulte bellique arrière du territoire des bons agricoles de Gaule bellique de Bourgongne, de France, d'Espaigne et dailleurs. Et qui fait fructifier tous les païs là, ou ses fragments, (cestadire ses biens) sont espars tant en aumosnes, quen autres bienfaits (dont'auiourd'huy est bien ample tesmoing son païs de Bresse, et sa ville du pont d'Eins, ou elle se tient : duquel la stérilité et mendicité misérable ha esté par ses grâces et vertus, contournée en plénitude fertile) cest la précieuse Gemme par laquelle les mauuais esprits diaboliques reniez du ciel, abastardis de nature angelique, et les ennemis de vertu sont dechassez et déboutez iustement de lambition par eux prétendue, et du gouuernement tyrannique vsurper en Sauoye. (1) Et à brief dire, cest la noble Gemme qui estend sa grâce par tout, et donne bening recueil à vnchacun : et qui possède tant dautres vertus bien esprouuees, que ce nest de merueilles si les Indiens, par lesquelz sont entendues toutes nations Orientales, en font autant destime, comme nous faisons icy des grosses Perles de conte, et des trescheres Margarites.

Dont pour mener mon propos à fin, ie treuue vne Dame au temps passé, à laquelle ie puis de la Princesse Margue-

(1) Usurpation est déjà dans Amyot; mais on sait combien le XVIe siècle aimait à substantiver les infinitifs. Quant au fond, l'auteur fait allusion aux intrigues de Charles de Savoie, frère et suceaseur de Philibert. Il fit mille difficultés pour le douaire consistant en douze mille écus d'or par an, plus les vaisselles, tapisseries, bagues, joyaux et autres meubles à son usage. V. la correpondance de Maximilien ou de Marguerite I, 45 et II, 355.

96 LA COVROfiNE MARGARITiyVK.

rite faire comparaison non impertinente. Cestasauoir madame Gilla, (1) allé au saint Empereur Henri premier de ce nom, et femme du premier Roy de Hongrie nommé Estienne. Laquelle oultre plusieurs grâces humaines quelle possedoit, fut si bien pourueue de ce don du saint Esprit, appelle Grâce diuine, que à layde de saint Albert euesque de Prague son père spirituel, elle conuertit le Roy son mary Payen et mescreant à la sainte foy catholique, et puis consequemment tout le peuple de Hongrie. Et à lexemple de la gemme Gorgonia, chassa arrière d'eux les légions infernales qui molestoient leurs âmes par idolâtrie : et les feit flourir en bienfaits, dont elle tant par ce mérite que par ses autres vertus innumerables desseruit pour guerdon final le diadème celestiel.

Et combien que la Princesse Marguerite nayt tourné tout vn pais infldele à la sainte religion Chrestienne, néantmoins par sa douce persuasion salutaire, elle ha fait baptiser certain nombre de Mores de la secte Mahometiste au Royaume de Grenade, et leur ha fait laisser leur damnable erreur. Et oultreplus, ha desraciné maintes opinions erronées des cœurs obtenebrez et obscurcis en obstination de guerre, et de vieil mal talent tant dun party que dautre, en les conuertissant de tout son pouuoir a paix et à concorde. Lesquelles choses si vous tenez pour persuadées, comme ie croy que ouy, ie imposeray silence à ma longue sermocination. Priant à messire George Chastelain Indiciaire et Historiographe souuerain, anciennement nourry etesleué en la maison de Bourgongne, quil fasse continuation de ce propos, selon lexcellence de son sauoir.

(1) Giselle, princesse de Bavière, épousa St Etienne, fondateur du royaume de Hongrie.

LA C0VR0NNE HARGAR1TIQVE. 97

LACTEVR.

Pour enrichir ce noble diadème, George produit icy dame Vesta, Vrbanité, qui tresbon effect ha, Et de Venus la gracieuse gemme.