MAISTRE IEAN ROBERTET
Puis quil est escheu en mon tour de faire mention de la nature et des vertus dune pierre précieuse commençant par R. troisième lettre du nom de la Princesse Marguerite, il me semble quelle est contée par les bons lapidaires pour vne espèce d'Escarboucle moyenne entre le vray Escarboucle, qui est le souuerain, et le Balais, qui est linferieur et le moindre. Aucuns veulent dire que les Grecz lappellent Epystites : mais nous lappellons Rubith ou Rubis : en Latin Rubinus. Pource que sa couleur est vermeille, clere et rubiconde. Et se treuue en plusieurs contrées, mesmement autour de Corinthe, qui est en Grèce, et en la prouince de
(1) Il existe à la Bibliothèque Nationale de Paris (nouv. supplément français) un recueil dit de Robertet. Jean Robertet qui fonda en quelque sorte la dynastie des secrétaires Robertet s'intitulait « le petit escollier » de Chastellain. Lemaire l'a dû rencontrer à Villefranche au service du duc de Bourbon. M. Georges Robertet, administrateur de la Bibliothèque de l'Arsenal, avait eu le projet de publier un livre sur les trois Florimond Robertet au XVIe siècle. C'est à Jean Robertet que Louis de Brezé, grand sénéchal de Normandie dédia son poème en l'honneur d'Anne de Beaujeu qui avait reçu de son père Louis XI la mission d'élever la dauphine Marguerite.
LA COVRONNE MAKGAIUTIQVE. 79
la Moree, anciennement dite Peloponnesus. Si le bon Rubis est présenté aux rays du Soleil, il semble ietter flammesches de feu, comme vne estoille estincellant : Et sil est mis dedens eaue bouillant, il fait incontinent cesser son ebullition. Ceste pierre précieuse baille seureté contre toutes bestes : augmente richesses et gloire : et appaise noises et contentions. Et plusieurs autres vertus luy attribuent ceux, qui s'y congnoissent. Les Astrologiens la mettent souz la puissance de Iupiter et de Saturne.
Ceste gemme pour sa noblesse et claritude se conforme bien à la vertu, que nous disons Rectitude de conseil : et les Grecz lappellent Eubulia. Laquelle est vne des parties potenciales de prudence, et proprement son adiointe, et se descrit ainsi : Rectitude de conseil, est vne ferme cogitation des choses, qui sont opportunes, tendans à bonne fin par voyes compétentes, et en temps conuenable, cestadire ne trop tost ne trop tard. Ceste vertu est totalement ennemie de précipitation, de folle hastiueté, et de inconsideration, qui sont ses contrarietez vicieuses en extrémité. Elle est parente de regnatiue prudence, politique économique et militaire, affine de mémoire et de docilité, de raison d'intelligence, de circunspection discrète, et aussi d'érudition. Et à icelle vertu Menander vn poëte Grec porte ce tesmoignage : Consilio enim recto nihil tutius. Cestadire, il nest rien si seur que droiturier conseil.
Et dicelle fut amplement douée vne dame du temps iadis, dont le nom commence par mesme lettre , cestasauojr, Radegonde fille de Berenger Roy d'Italie. Laquelle prinse prisonnière par les François, et depuis mariée à Clotaire premier de ce nom, leur Roy, vsa tousiours de ceste vertu singulière, tant actiuement, comme passiuement : cestadire
80 LA COVRONNE MARGARITItfVE.
estant bien conseillée pour son salut, en tant que par le consentement du Roy son mary elle voua continence perpétuelle : et en renonçant aux pompes mondaines se donna du tout à Dieu : et aussi en bien conseillant autruy quand par son enhort ledit Roy feit beaucoup de biens. Et entre les autres, il fonda le monastère de saint Medard à Soissons. Par lesquelles choses elle mérita finablement destre escrite au liure de vie, et incorporée au catalogue des Saintes âmes couronnées au ciel. Ioint à ce, que pour la mieux comparer à la Princesse seruant à nostre propos, icelle dame Radegonde perdit son mary le Roy Clotaire par semblable moyen que la Princesse Marguerite : cestasauoir, par trop grand eschauffement quil print à la chasse, auprès de ladite cité de Soissons. (1)
Lesquelles prémisses formées, mon argument veult inférer et conclure, que les trasses de la dame dessusdite ensuit totalement la Princesse Marguerite : laquelle tousiours adhérant à Rectitude de conseil, dont elle est bien garnie, ne fut onques notée dauoir fait aucune chose témérairement ou inconsidereement, et sans bonne et meure délibération preallable. Et ne sest point trouuee en lieu de consultation arcane et nécessaire, que son opiniou ny ayt esté louée et tenue en estime, mesmement à son retour de France, que elle ayant trouué les affaires de tout le domaine fraternel Archiducal par diuturnité de tumultes belliques gisant en ruine turbulente, et difficilement réparable : neantmoins en tousiours persuadant les moyens salubres de continuation
(1) 8te Radegonde, fondatrice de l'abbaye de Ste Croix à Poitiers. Elle était fille de Berthaire , roi de Thuringe. Venantius Fortunatus, son aumônier, lui adressa plusieurs poèmes latins. Cf. Aug. Thierry. Récits mérovingiens.
LA COVRONNE MARGARI1 1QVE. 81
de paix, et de restitution de bon ordre en iustice, et autrement, elle ayda grandement le poure populaire à se ressoudre. (1) Et dautre part aucuns afferment, que si le feu Duc de Sauoye eust esté moins enclin à sa propre iuuenile voluntaireté (2), et plus obtempérant à la rectitude du conseil de celle, qui tant de bien luy vouloit, certainement il fust encores plein de vie, pourueu que les Destinées neussent esté totalement au contraire : car elle trescurieuse de sa bonne valitude, ne le prioit pas sans plus incessamment (3) deuiter tous forts excès, et greuable intempérance. Mais qui plus fort est, à lexemple de la tresamoureuse Nymphe Pegasis Oenone, première femme de Paris Troyen, ou comme vne autre Diane, ou vne seconde Atalanta, fille de Iasius Roy des Argiens, et amie de Meleager de Calydone, en habillement de noble veneresse et ses damoiselles après elle, le cor dyuoire pendu en escharpe, montée sur vn ardant pallefroy, suiuoit communément son trescher seigneur et espoux, courant à force les cerfz ramez, par bois et par landes, par monts et par vaulx, sans craindre lardeur du Soleil ne le labeur de la chasse, cuidant que par sa présence songneuse, elle le peust preseruer de tout inconuenient.
Car certes il est expérimenté, que ceste Princesse illustre, qui est conforme à la nature du précieux Rubis, ha ceste vertu miraculeuse enuers ceux et celles qui par elle sont conseillez, quelle refroide (4) les mouuemens bouillansde leur
(1) Ne faut-il pas lire : ressourdre, resurgere, se remettre en pied ?
(2) Il est assez bizare qu'en wallon enfant volontaire signifie docile. On le compare même au flamand : gewillig. (Bulletin de la Société liégeoise, 2e série, t. II, p. 381).
(3j Remarquer cette locution qui semble contradictoire. (4) Cette ancienne conjugaison refroidier correspondait à l'italien raffreddare, variante de rifrigere. — Quand àresplend, c'est iv. 6
82 LA COVRONNE MARGAR1T1QVE.
ieunesse, et tempère leur sensualité pleine de chaleur immodérée. Et oultreplus, par la Rectitude de son conseil, asseure les gens contre les bestes : Cestadire, les sages contre les ignorans. Elle resplend, comme le beau Rubis, à la reuerberation du Soleil : Et semble ietter cleres estincelles de sa formosité corporelle, comme vne estoille matutine. Si donne augmentation de gloire et de richesses à ses bons et féaux seruiteurs. Par ce moyen donques void on, que le troisième fleuron de sa couronne, est deùement fourny. Parquoy ie fais icy pause à mon dire, et laisse le quatrième à déterminer, au vray sourgeon de science, tresreuerend et tressai nt père Isidore euesque de la cité de Hispale en Espaigne quon dit maintenant Ciuille.
LACTEVR.
Isidorus, benoit de corps etd'ame, Descrit à plein, la gemme Gorgonie, Et Grâce aussi la vertu bien garnie, Auec Gilla, tresvertueuse dame.
