LETTRE DE JEAN LEMAIRE A JEAN DE MARNIX
Original.
Monsieur le secrétaire, très chier et honnoré frère, je me recommande à vous de bon cueur.
Il y a desjà assez loing temps que jay receu des lettres de vous par lesquelles vous me mandiez que je tinsse ma promesse touchant la translation du livre du pape Pye, intitulé : De miseria Curialium (1), laquelle chose je n'ay peu fere, obstant une maladie que j'aye eue en la main dextre, procédant de la rompture de mon braz, telle que scavez, pour laquelle guérir je suis venu en ceste ville de Lyon à mes grans dispens. Mais affin que je ne soys du tout trouvé mensonger, je vous envoyé le double du Curial (2) que maistre Alain Chartier composa jadiz sur ceste matière, lequel vault aultant ou mieulx que celuy du pape Pye.
Pendant ce temps que je me suis fait guérir, et que je n'ay peu escripre, je ; néantmoins, pour non perdre temps, faits imprimer deux livres (3) à l'honneur de Madame, et là où ses armes sont. Lesquels seront achevez à la fin de
(1) Tractatus pulcherrimus Aeneœ Sylvii de curialium miseria, Rome 1475, in 4°.
(2) Le double c.-à-d. la copie. Lemaire aimait à citer Alain Chartier auteur du Curial, peinture de la vie de courtisan et son meilleur ouvrage en prose. C'est une lettre adressée à son frère pour le détourner de la cour. «C'est un convent de gens qni soubz feintise du bien commun se assemblent pour eux entretromper. » C'est pour cette satire qu'on l'appelle le père de l'éloquence française.
(3) Quels sont ces deux livres ? Leglay conjectura les Epistres de l'Amant Verd et Sauf conduit du Soudan (1510 et 1511). Cf. la lettre du 9 octobre 1511.
ceste foyre de pasques ; et je luy en envoyrai bientost, au plaisir de Dieu, vous priant estre très humblement recommandé à sa bénigne grâce.
Par les lettres qu'il pleust à Son Exe. me escripre dernièrement, j'ay cogneu que le sieur Diègue Florès ou aultre m'a faict tollir ou reculler la charge que j'avoye des sépultures, soulz umbre de dire que l'alebastre n'estoit pas bon, et que le marchié estoit trop chier.
Ausquels deux points M. maistre Loys Barangier (p)eust desjà avoir respondu, par ce qu'il a treuvé du passé en la chambre des comptes de Dijon ; mais de ma part aussi je y respondray quandjj'envoyrai lesdits livres.
Priant Dieu, Monsieur mon frère, qu'il vous doint ce que desirez. Escript à Lyon ce IIe de may mil cinq cens et onze.
Vostre frère et amy (1), Lemaire.
Je me recommande à Monsieur le contreroleur et à vous Messieurs de l'Estat.
Au dos : A Monsieur le Secrétaire, maistre Jehan de Marnix, en l'hôtel de Madame.
