LETTRE DE JEAN LEMAIRE A LOUIS BARANGIER

Original.

Mon très honnouré Seigneur, humblement et tant de bon cuer que faire puis à vostre bonne grâce me recom-

(1) Ce salut, dit Leglay, et la signature sont seuls de la main de Lemaire que sa maladie empêchait décrire.

mande. Par les lettres que Madame m'a escriptes, signées de vous et données à Bruxelles du VIII' de Juillet dernier passé, jay cogneu vostre grand vertu, en laquelle Dieu vous maintiegne si longuement que je désire ; car par vostre moyen Madame est retournée à saine cognoissance de son albastre et des marchiez faictz.

J'ay receu les dites lettres de Madame à Lyon, environ la my-aoust, dont j'ay esté remply de joye inestimable avec Madame Jehan de Paris. Je faiz du tout response à Madame comme je suis bien asseuré qu'elle vous monstrera. Et pour ce, à cause de briefveté, je ne le répète point icy. J'envoye deux livres à Madame ; et dedens le pacquet y a des lettres de messieurs du conseil, qui s'adressent à vous ou à monsieur le secrétaire Marnix.

Des nouvelles ne scay autre chose, fors que le roy partit pour Lyon jeudy passé et n'est pas encoires certain se le pape est mort ou non (1). Monsieur le duc de Savoie partit de ceste ville samedy, avant-veille de la nativité Nostre- Dame (2), et s'en va à Genève.

Monsieur, les deux aultres lettres que Madame m'avoit escriptes, signées par Marnix, m'avoient navré jusques au cuer ; mais la tierce signée par vous m'a remis sus, dont je vous scauray gré tant que je vive ; car vous m'avez rendu l'esprit dont je vous mercye de tout mon cuer. Et s'il eust pieu à Mengin les me faire tenir plustost ou après que je les ay eues, qu'il eust volu attendre la response de Maître

(1) Le bruit de la mort du pape Jules II avait en effet été répandu à cette époque de l'année 151 i. Voyez Correspondance de l'empereur Maximilien et de Marguerite sa fille, I, 438 (Leglay).

(2) La date du samedi avant-veille de Nativité de N.-D. s'applique très-bien à l'année 1511, et m'autorise à placer la présente lettre sous cette date (Leglay).

Jehan de Paris et de moy, il eust mieulx faict et eust porté lesdits livres à Madame ; mais il n'a oncques volu différer ung jour ne demy, combien que par deux hommes exprès que j'ay envoyez de Lyon, je l'ai cuidé retarder. Si n'est ce pas bien fait à luy ; car Madame pourrait avoir prinse mal de ce que Maître Jehan de Paris et moy n'avons.... (1) ce nous n'en povons mais. Demain j'attends icy ledit Maître Jehan de Paris, Maître Henriet et Maître Jehan de Lorraine, pour besoigner aux pourtraictz de l'église, comme j'escripz plus à plain à Madame. Et y a desja quinze jours que je suis icy les attendant et sollicitant la matière.

Monsieur, s'il vous plait, vous ferez mes excuses envers Madame. Et me commanderez voz bons plaisirs pour les accomplir à l'aide de Dieu, auquel je prie vous donner bonne vie et longue. Escript en haste à Bourg, le jour de la nativité Nostre-Dame, en septembre, tandis que on sonnoit matines.

Vostre très humble à tousjours serviteur, Lemaire.

Je vous supplie estre humblement recommandé aux bonnes grâces de monsieur le comte et de monsieur le gouverneur.

Au dos on lit : A mon très-honnouré Sr, monsieur maistre Loys Barangier, maistre des requêtes et premier secrétaire de Madame l'archiduchesse et comtesse*de Bourgoigne, en Flandres.

(1) Lacune du texte. C'est regrettable, à cause de ce curieux conflit entre les deux serviteurs.