LETTRE DE JEAN LEMAIRE A MARGUERITE D'AUTRICHE

Original.

Très haulte, très excellente princesse et ma très redoubtée dame, si très humblement que faire puis à vostre bonne grâce me recommande. Madame, n'aguères que je vous escriviz de Bourg en Bresse par l'homme de Mongriffon, vostre chastelain de Mirebel, faisant response aux bénignes lettres que à Vostre Excellence avoit pieu m'escripre touchant voz édiffices de Brou. Et par ledit homme mesmes vous envoyay deux livres compilez et imprimez à vostre honneur et soubz le tiltre de voz armes. Lesquelz, Madame, il vous plaira avoir prins en gré. Madame, depuis mesdictes lettres escriptes, j'ay diligente en l'affaire par Vostre Haultesse à moy enjoinct ; comme verrez, s'il vous plait, par les lettres que M. Jehan de Paris, vostre painctre, vous en escript. Lesquelles je vous envoie par mon serviteur présent porteur. J'ay amené le filz dudit de Paris en ceste vostre université de Dole aux estudes de loix et de décret, afin que son père soit tousjours plus enclin à vostre service ; ce qu'il est desjà assez, espérant que son dit fils vous sera pour recommandé. Madame, je pars d'icy pour aler à Tours, selon le conseil et advis dudit de Paris, pour faire faire les patrons de terre des sépultures, ainsi qu'il vous a pieu me recommander pour voz derrenières lettres. Madame, je suis constraint avec ledit de Paris de poursuivre toutes ces choses à noz despens. Car le tailleur d'ymaiges de Salins (1), lequel on vous

(1) Thibaut. On sait que l'école de Tour* était célèbre, cf. Dufay, Essai biographique sur J. Perréal. Lyon, 1864.

380 I.RTTRKS.

asseure d'estre plus grant ouvrier cent fois qu'il n'est, n'a voulu venir à Tours auec moy, jasoit ce qu'il en ayt esté pressé par messieurs de vostre conseil de Bourg. Puis a dit qu'il a desjà despendu les cent escuz d'erres(l) que lui furent délivrez par vostre trésorier Vyonnet, du commandement de mesdits sieurs de vostre conseil. D'aultre part, nulz ouvriers d'estime ne veullent besoigner soubz lui ; ni luimesmes n'en scauroit finer, pour ce qu'ilz le desdaignent et est mauvais paieur. Vous ordonnerez sur le tout ce qu'il vous plaira. Et j'en escripz plus à plain à maistre Loys Barangier, affin de non vous ennuyer de trop longue lettre.

Madame, plaise à Vostre Excellence m'escripre et ordonner à Tours tout ce qu'il vous plaira que je face en cest affaire. Et en dementiers, je le solliciteray de tout mon povoir. Et s'il vous plait m'envoyer icy quelque ung de vos officiers pour m'aider en ceste matière et faire marchié des patrons avec maistre Mahieu (2) Coulomb, le grant ouvrier, et iceulx paier, et au surplus entendre se on pourroit finer de son nepveu pour aler à Bourg tailler voz ymaiges et faire marchié avec lui ; car c'est le plus souffisant de deçà les montz après son oncle. Et avec ce il est jeune et portatif. (3) Si me semble que Richard Contault, vostre clerc d'office, seroit bien à ce propice et entendu.

Très haulte et très excellente princesse, je prie à Nostre Seigneur qu'il vous doint très bonne vie et longue avec l'accomplissement de voz très nobles désirs. Escript en

(1) Erres, forme encore romane pour arrhes.

(2) Michel. En flamand Mahiel.

(3) Portatif dans Mme de Sévigné X, 56, signifie encore, qui se porte facilement d'un point à un autre.

vostre ville de Dole, le jour Saint Denis, IXe d'Octobre mil

Ve et unze.

Vostre très humble et très obéissant serf

et subgect,

Lemaire, indiciaire.