LETTRE DE JEAN DE PARIS A MARGUERITE D'AUTRICHE

Original.

Madame, tant et sy hamblement que faire puis à vostre bonne grâce me recommande.

Madame, je crois que vous avez reçeu la sépulture de pierre, ensemble les ymaiges que vostre varlet de chambre Pierrechon vous a portées. Ne scay sy les a rendues entières ; mais aultrement m'en déplairoit.

Madame, Michel Couiombe fait les dix Vertus comme il a promis, et dont est paie par les mains de Jehan le Maire ; car du marché et paiement ne me suis meslé. J'ai fait l'ordonnance et patrons pour faire lesdites Vertus. Il est après. Le bon homme est vieil et fait à loysir ; et m'est avis que encore sera bienheureux un meschant ouvrier (1) d'avoir tels patrons. Je ne scay se serez contante de ce que les ay ainssy accoustrés, tant blanchy les ymaiges que dorez et faire visaiges.

Madame, S'il vous plaisoit me mander et commander que ainssy fisse les Vertus, et s'il vous plest ainssy le

(1) Cette expression injurieuse, dit Leglay, à l'égard de Michel Colombe n'étonne pas sous la plume de J. de Paris, artiste très épris de son propre mérite et très dédaigneux de celui d'autrui.

.<S8 LETTHKS.

faire, ce me sera plaisir. Mais je doubte que pour le temps vous estes lasse de Jehan de Paris, tant par paroles raportëes que aultrement. Mais quant à moy, je n'ay seulement parlé, mais ay fait et reffait et au mieulx que j'ay peu, et feray toutes fois qu'il vous plaira me commander. Et suis marri que n'ay fait mon veu à N. D. de Haux (1) piessa, et vous eusse veue comme j'avoye désiré. Ores le temps est trop divers, dont trop desplaist à tous ceux qui paix ayment, dont vous estes celle qui bien la commensates.

Madame, Ce porteur Diret a passé à.Bloys, de son retour de Bretaigne, et a parlé à moy. Je dis à la royne comme il n'a pas fait comme devoit et qu'il a esté mal recully. Ladite dame a dit que s'elle l'eust sceu, elle y eust mis remède, et m'a dit que luy die que s'on luy fait desplaisir à son retour vers vous, qu'elle réparera. Cecy je dis pour ce qu'il est venu ung homme vestu d'une robe de camelot noir qui a porté lettre à la royne de par vous et de vostre main signée, qui disoit qu'il luy pleust vendre de ses navires de Bretaigne pour vous et que en aviez à faire.

Madame. La royne par ledit homme vous fait response. S'il est vrai ou non, vous le pourez scavoir : je l'ay dit à ce porteur Diret.

Madame, Pais que ainssy est que de moy n'avez plus affaire, je vous supplie au moins qu'il vous plaise me commander se je ferai les Vertus blanches, comme le reste que vous ay envoyées.

(i) Son pèlerinage à N.-D. de Hal en Brabant. Mais le temps est trop divers, trop à la guerre î

Madame, Je prie au benoist fils de Dieu qu'il vous doint le comble de vos nobles désirs et aux crestiens paix. A Bloy, ce XX juillet, (1512) de

Votre très-humble serviteur et obéissant varlet et peintre,

Jehan de Paris.