LETTRE DE JEAN PERRÉAL DIT DE PARIS A MARGUERITE D'AUTRICHE

Original.

Madame, tant humblement que faire puis à vostre bonne grâce me recommande.

Madame, dernièrement par ung vostre serviteur en l'office de herault (1) vous ay rescript et amplement fait scavoir, comme j'ay de coustume, du bon vouloir que j'ay eu en vous et que tousjours j'ay pour me employer à vos affaires de Brou, ou aultrement quand vous plaira, et desiroy qu'il vous pleust me commander ou mander comment vous estiez contante de ce que vous envoyé par Pierrechon, vostre varlet de chambre : c'est de la sépulture que Michel Coulombe avoit fait et que j'avoie blanchie, ainsi que avez trouvé. Et de plus grandes choses vous ai rescript par luy et le herault, comme de bien commencer vostre église et bien achever l'œuvre et tout plain d'aultres choses.

Madame, je ne me puis tenir de vous escripre ; car

(1) Les simples hérauts darmes étaient souvent des messagers.

amour ancienne me constraint, et ce sçavez (1). Mais à présent je cognoy que vous querez à me rebuter ; ce que de vostre part se fait, et de mon costé ne se fera, combien que maulgré Dieu ne seray en paradis, bien cognoys que de vous ce ne vient. Mais comme j'ay piessa mandé à Monsieur maistre Loys Barangier, il ne me chault des parleurs et inventeurs de menteries, tant pour Jean Le Maire (2) dont vous pensez par raport que soie cause ; car luy mesmes m'a menasse à batre ou tuer depuis pasques enssa, pour ce que je luy ay remonstré sa nativité, sa nourriture, et la bonté de la dame qui le traitoit, qui est vous, Madame, qui l'avez levé et geté hors de la pouillerie et pauvreté, tellement que chascun le congnoist tel qu'il est, et s'en est aie demourer en Bretaigne pour que ce chascun le note, et avant qu'il soit guiere, en orrez chanter mauvaise chansson, et plus ne dis d'aultre (3).

(1) La désinvolture de Perréal s'explique peut-être parce que, autrefois, il avait été le premier maître de dessin et de peinture de la « petite royne » ou Dauphine.Delà, sans doute, l'expression : amour ancienne. Cf. Charavay, Revue des documents historiques, III, 109. « On ne connaît encore aucun tableau authentique de Perréal » (Gazette des Beaux-Arts, Paris, 1885, p. 322.)

(2) Quelqu'opinion que l'on ait du caractère de Jean le Maire, il est certain que dans cette correspondance, il se montre moralement bien supérieur au peintre Jean de Paris. Jean Le Maire, dans toutes ses lettres, fait l'éloge du peintre ; celui-ci, au contraire, ne cesse d'attaquer Jean Le Maire et de le diffamer. Toujours Jean de Paris manifeste de l'aigreur, de l'envie, du mécontentement (Leglay). De son côté, Charvet, p. 90, ajoute : « Que Lemaire se fût ou non mal conduit vis à vis de Marguerite, c'était un triste procédé de Perréal que le dénoncer ainsi. Quelle ingratitude pour son coryphée ! » Dufay, Observations sur la correspondance de Perréal avec Marguerite-d'Autriche (Bourg en Bresse 1853), p. 18 : « Dans toute cette correspondance, Lemaire se montre moralement bien supérieur à Perréal. »

(3) Et plies n'en dis. D'aultre part je croy que (Copie d'Al.

Pinchart, membre de l'Académie).

Je croy que n'avez plus en moi nul vouloir, à l'occasion d'aulcuns raporteurs, comme l'on m'a dit d'un quidam qui vous a raporté tant et tant de menteries que tout n'en vault rien. Mais ung bien me reconforte que telle et bonne princesse ne ajoustera foy aux manteurs (sic), congnoissant (sic) que de ma vie je ne fis ne ne vouldroie faire que ce que vous avez veu non pour les biens, mais par amour et honneur que je vous doy. Et se davanture cette maulditte guerre est cause de retarder tant de bien, mauldiz soit qui en est cause. A moy n'en est à congnoistre. Maiz tant vous di que je vouldroie estre VIII jours avec vous à vostre plaisir, et je vous diroie que valent les grans et les petis.

Madame, se tant il vous piaisoit me donner ceste joie que de me mander que je me déporte de plus vous escripre, et que ainssi vous plaise, je prendroie passience et maulgré moy. Et me fera mal jamais avoir perdu l'amour de telle dame que toute ma vye j'ay aymée et que j'aymeray, combien que peu vous en profite.

Or, Madame, je vous suplie en l'honneur de Dieu, qu'il vous plaise me mander que je me taise ou que je suis vostre serviteur ; car des biens de ce monde ne me chault.

Maiz je prie à Dieu qu'il vous doint santé et longue vie et à vous et voz jours paix. Vous suppliant que par ce porteur me mandez vostre bon plaisir.

A Bloy, ce XVIIe d'octobre, (1512) de

Vostre très humble et très obéissant serviteur, Jehan de Paris, p. d. m. d.