LETTRE DE LEMAIRE A MARGUERITE D'AUTRICHE

A MA TRES REDOUBTEE DAME MADAME MARGUERITE DUCHESSE DOUAIRIERE DE SAVOYE (*).

Madame, depuis peu de jours en ça Monsieur Maître Loys Barangier vous fit requeste pour moy que vostre bon plaisir fust me donner doresenavant mon séjour ordinaire, provision et résidence en vostre conté de Bourgoigne, et mesmement(2) en vostre ville de DoJe, à cause de l'estude (3) et université, laquelle requeste il vous a pieu me ottroyer, comme ledit sieur m'a dit, dont je vous mercije le plus humblement que faire puis, vous suppliant, Madame, que vostre bon plaisir soit le confermer et ratiffijer par ordonnance expresse estât et appoinctement sur ce, tel qu'il vous plaira et par voz lettres patentes.

Mais affin, Madame, que vostre excellence entende plus à plain les causes motifves de madicte requeste, lesquelles par aventure pourroient estre interprétées sinistrement et souspeçonnées d'inconstance, plaise vous les entendre benignement par ceste escripture laquelle m'est plus ydoine que le parler.

Madame, feu monseigneur de Ligny, mon maistre, que Dieu par sa grâce absoille, de son propre mouvement avoit assigné mon lieu avec estât compétent et prommesse de la première prébende vacante, en sa ville de Ligny, disant que le repos m'estoit nécessaire pour mieulx labourer et le bruit continuel de court contraire.

(1) D'après Charavay, Revue des Documents historiques, 3e année, (1875-T6). Cette lettre semble dater de 1509.

(2) Surtout. — Provision = provisio, traitement (Ducange).

(3) Ecole.

A l'exemple de quoy, Madame, tantôt après que je fuz venu en vostre service, pour la première supplication que je vous feiz, ce fut d'avoir mon séjour en quelque lieu solitaire et vous le m'accordastes en la ville d'Annessy en Savoie. Pareilllement au premier voyaige d'Allemaigne je le demanday à Besenson, et depuis que fustes de retour par deçà je vous fiz requeste de mesmes pour me tenir à Louvain, à cause de l'université. Mais puis que ces choses n'ont point sorty leur effect, se je requiers présentement ma résidence finalle en vostre pays de Bourgoigne, plaise vous non le imputer à la légiéreté mais à vraye raison fondée en expérience.

Car, Madame, j'ay expérimenté que la manière de vivre de par deçà me seroit trop reculant mon estude et trop plus coustengeuse (1) que mon estât ne le scauroit porter.

Oultre plus, Madame, j'ay trouvé pour certain que nul n'est prophète en son pays, car, comme il appert, j'ay reeeu par deçà trop de malheurs, oultraiges, envies et scandales à la grand dammation de ceulx qui les ont faulsement controuvez, lesquelz sont si très lasches que ce quilz disent en mon absence oncques n'en osèrent sonner mot en ma présence, combien que je me soye offert à toute espreuve et aye procédé contre eulx par voye juridique, et néantmoins j'ay bien cogneu que par longue et fréquent détraction de mesdisans, on peut bien estre esloigné de benivolence.

Là où au contraire, es marches circonvoisines de Bourgoigne, c'est assavoir Lyonnais et Bourbonnois, où ma petitesse s'est premièrement eslevée, j'ai toujours trouvé amistié, crédit, faveur, recueil et humanité, autant ou plus que nul autre jeune estrangier, comme sevent plui-

(l) Coûteuse.

seurs gens de bien de vostre maison, voire et telle renommée et estimation, ce que sans vantise je puis dire, que de toutes choses venans de ma main, mesme faisans à vostre louenge et à leur désavantaige, ilz en font sans comparaison plus grand feste que ceulx de par deçà, excepté ceulx de vostre maison, et en ont ou désirent avoir les doubles, ou par escript, ou par impression tant es cours de leurs princes comme ailleurs ; laquelle chose me donne tousjours couraige de mieulx faire, car, comme on dit en proverbe latin : Honneur nourrit les sciences, et sont les hommes espris de bien faire pour avoir renommée (1).

Parquoy, Madame ce n'est pas merveille se j'ay plus grand apparence de demander ma retraicte en vostre pays de Bourgoigne que ailleurs. Joinct à ce que oultre toutes les choses dessus dictes, vous ferez euvre méritoire envers Dieu, car du bien que vous me faictes, Madame, j'en fay participans deux petits nepveux de bon esperit, délaissez comme orphenins de mon frère aisné, leur oncle, lequel est derrenièrement mort bon gentdarme en vostre service en la guerre de Gheldres, soubz la charge de Monsieur d'Aymeries (2) lesquelz deux jeunes enfans et leurs povres parentz prieront Dieu tousjours pour vostre bonne santé et prospérité.

Et affin. Madame que vostre bénignité entende quelz euvresj'ay en main commencées mais imparfaictes par faulte de séjour, toutes intitulées à vostre haultesse, et dont vous

(1) Honos alit artes omnesque incenduntur ad studia gloria (Cic. Tusc. 1, 2, 4).

(2) Louis de Rollin, seigneur d'Aymeries (Corresp. de l'emp. Maximil. 1er et de Marg. d'Autriche publiée par Leglay 1. 1. p. 2.)

avez veu les aucunes mais les autres non, j'en ay noté ici Jes tiltres (1) :

Le deuxième livre de la Couronne margariticque, lequel est tout minuté ; ne reste que le mettre au net.

Les trois livres des Singularitez de Troye, qui sont à corriger et parfaire, lesquelz j'espère de brief, s'il vous plet, faire imprimer à Lyon, car tout le monde les demande.

La forte haye du vergier, qui sera la première expédiée, se Dieu plet.

Labrégé de voz croniques et continuation dicelles, qui ne se peut faire synon par temps.

Ce sont les choses principal les qui désirent la première expédition.

Et oultre plus autres choses qui s'ensuivent si comme :

Le commencement du palaix d'honneur, lequel est de vostre propre invention et primitive ordonnance et que premier me commandastes à Thurin, lequel je feray venir cy après au propos de la couronne margariticque.

L'abc mondain.

Le navigaige des Indes nouvellement trouvé, que j'ay naguières recueilly par plusieurs pièces en Ytalie, sans perdre temps.

La généalogie de vostre maison depuis le temps de déluge jusques aux princes modernes, que j'ay cueilly des meilleurs libraries de chrestienté.

Toutes lesquelles choses, se Dieu me donne la grâce de lès mettre en lumière soubz l'auctorité du très heureux tiltre de vostre nom Auguste, ceulx qui viendront aprez nous vous en rendront grâces et louenges.

(l) Palsgrave dit qu'on doit prononcer titre et ne plus faire sonner l.

A tant, ma très redoubtée dame et princesse, ordonnez de mon petit estât ce qu'il vous plaira et vous plaise vous souvenir de ces quatre vers adressans à ma petitesse, lesquelz il vous pleust une fois escripre de vostre main et dicter de vostre noble esperit, en approuvant ma rude et simple industrie, dont je me tins et tiendray toute ma vie pour bienheureux .

Ton escriptoire a si bonne practicque Que si la crois sera bien estimée ; Parquoy concluz : ensuyz sa rhétoricque, Car tu scez bien que par moy est aymée (1).