TRES HAULTE TRES EXCELLENTE PRINCESSE ET MA TRES REDOUBTEE DAME
Si très humblement que faire puis a vostre bonne grâce me recommande.
(1) M. Charavay donne le fac-similé depuis les mots : A tant,
ma très redoubtée L'écriture ne ressemble pas à celle du
manuscrit de Genève, mais plutôt à celle des lettres que Leglay à trouvées à Lille.
Madame, estant naguieres en mon petit estude solitaire comme jay de coustume exerçant le très noble et très laborieux commandement a moy enjoinct de par vostre très digne excellence, c'est assauoir de bastir et construire litterallement le palais d'honneur féminin duquel verballement par vostre facunde et ingéniosité céleste despieca maviez baillé le deuis, platte forme, pourtraictz et inuention, pour lequel exécuter et mettre en euure, tout tel simple ouurier et architecte que je suis, jauoie desja le compas en main lescarre (1) preste, le plomb et le lyueau (2) tous agensez et mes massons qui sont mes dix sens naturelz, tant intrinsecques comme extrinsecques, a tout leurs ciseaux, marteaux et autres instrumens duisans a massonnerie, tous uniz, assemblez et encouraigez de bien faire. La matière estoit sur le lieu et les grandz quartiers de marbre, qui sont mes livres espars ca et là deuant mes yeulx. Dont ainsi comme je les retournoie et compassoie pour choisir les meilleurs et les plus duisables, arriua ung homme incogneu lequel interrompit ma sollicitude et me présenta unes lettres (3) sans dire de quel part elles venoient. Mais après que jeux recogneu limpression de vostre secl, ma très Redoubtee dame, je me levay sur bout, en toute craincte honneur et reuerence, descouuriz ma teste, humiliay mon genouil, baisay et adoray la figure de voz armes en signe de subiection et fidélité que je doy a icelles perpétuellement. Puis je leuz la superscription telle. A nostre très chier et bien amé maistre Jehan le maire. Indiciaire et historiographe de l'empereur mon seigneur et père et de monsieur mon nepueu.
(1) Esquire, esquierre, équerre.
(2) Wallon levai, ital. levello, libella = niveau.
(3) latinisme.
Alors voyant par les tiltres lesquelz je dessers petitement, quelles sadressoient a moy, je les ouuriz et trouuay dedens :
