DE PAR L'ARCHIDUCHESSE ET CONTESSE

Chier et bien amé. Nous auons veu une pierre dalbastre tirée en la perriere de saint Loihain laquelle maistre (1) Loys nostre secrétaire nous a enuoyee et trouuons par ceulx qui se y cognoissent que ledict albastre nest aucunement bon pour nos dictz ouuraiges. Parquoy ne seroit conuenable y mettre plus de déspeuse, ains se pourueoir ailleurs. Si ce nestoit que celui qui se treuue en la fontaine de Tourmond se trouuast bon ainsi quon nous a escript lauez trouué. Surquoy desirons que nous aduertissez bien et au long de la vérité et que nous enuoyez l'essai par deçà, affin de veoir ce que sera et quon nen face la despense en vain. Chier et bien amé, Nostre seigneur soit garde de vous. Escript a Anuers, ce Xe doctobre XVe et X. Signé de la main de vostre excellence Marguerite. Et soubz signé Marnix.

Madame, quaud jeuz paracheué de lire vosdictes lettres, le sang me mua tout entremeslé de craincte, vergoigne et juste courroux ensemble. Cest assauoir de "craincte destre en lindignation de vostre haultesse, et de honte pour autant que vous raestimez mensongier et moins souffisant à fournir ce que jauoie mis en termes, et aussi de juste courroux contre ceulx qui vous auoient mal informée.

(1) Louis Barangier.

Dont comme je fusse en ceste estraincte de doubte et de vergoigne mes oustilz darchitecture me cheurent de la main. Je donnay congié à mes massons d'ouvrer ailleurs et feiz retirer a part en ung coing les précieux marbres desquelz jauoie fait lattrait (1) et la preparatiue pour si noble euvre, jusques a tant que jeusse la faculté de les mettre en euure se dauenture vous men estimiez digne. Et si le cas fust aduenu que jeusse receu voz lettres raoy estant sur vostre perriere dalbastre en continuel labeur et dangier, jeusse tout laissé là et men fusse aie plourer mon infortune ailleurs. Mais le mesmes jour de la datte de voz lettres les marchiez furent faictz de la grand sépulture par voz officyers de Bresse, comme vostre sommelier Rosalles, présent porteur vous pourra dire. Car il estoit présent, a tout en ceste ville de Bourg.

Apres la lecture de vosdictes lettres, Madame, je diz a par moy bien dolentement : Comment mestimera désormais Madame pouoir fournir à son palais d'honneur féminin qui est une chose immortelle, pardurable et de merveilleuse coustenge, atendu que par faulx donner à entendre dautrui, elle na point tant de confidence en toy ny en ton industrie et diligence que de pouoir ou scauoir trouuer simples marbres, estoffes ou materiaulx pour ung ediffice terrestre et temporel ?

Et encoires diz je à par moy, ruminant souventes fois vos dictes lettres : Or escript Madame quelle a veu une piere dalbastre par moy tirée de la perriere de saint Lothain et dit quelle treuve par ceulx qui sy cognoissent que ledit albastre nest aucunement convenable pour ses ouvrages, ains s'en veult pourveoir ailleurs.

(1) L'extraction.

Mon Dieu, diz je lors, pour une petite pièce que je nauoie pas enuoyee, et qui n'estoit synon louuerture et la monstre de la diligence du descombre, fault il condempner toute la reste ? Pleust or a dieu que madame eust veu les beaux et merueilleux quartiers en toute perfection. Mais qui sont ces grandz cognoisseurs de par delà qui ne cognoissent que lalbastre des sépultures des princes a Dijon est le plus beau et le plus pollissable de tout le monde ? (1) Or est cestui cy du lieu mesmes et est en bruit ladicte perriere passé deux cens ans, mais elle a esté en désert (1) par les guerres et si treuue on par les anciens tiltres de labaye de Baulme. Et pourquoy eust on faict de toute antiquité tant de cauernes par dessoubz terre et tant de descombre a lenuiron, tant destansonnemens de bois pour soubstenir le dessus, si on neust estimé ce trésor bon et vaillable en toute singularité ? Maistre Anthoinet de paris, très singulier tailleur dymaiges ja pièca très passé, fut celui qui tailla la derreniere sépulture de Dijon, cest assauoir celle du bon duc Philippes, vostre grand ayeul que Dieu absoille. Pourquoy eust il repudijé lalbastre dangleterre, ou il ala expressément pour en amener, et celui de Grenoble en Daulphiné et dailleurs, pour sarrester a celui de vostre perriere de saint Lothain, se ce neust esté pour ce quil trouua, par expérience, quil excedoit tous les autres en valeur dautant que largent excède et vault mieulx que lestain ou le plomb ? Et pourquoy en enuoya le Roy Loys XIe faire si grand fourniture par ledict maistre Anthoinet, comme tesmoigne le

(1) On connait les magnifiques tombeaux de Philippe le Hardi, de Jean sans Peur et de Marguerite de Bavière actuellement au musée de Dijon (merveilles de la sculpture flamande).

(1) Abandonnée.

capitaine Chantran et les anciennes gens du pays, lesquelz jay examinez, sy non quil nen pouoit recouurer aillours de pareil ?

Il sen treuue à Clugny qui ne vault riens, car ce nest que croye. Il sen treuue à Salins qui vault encoires moins, car il est tout meslé de sable et de troux et de vaines. Et qui plus est, Madame, depuis que on a sceu que je mettoie ce marbre icy en auant, on men a apporté de vostre pays de bresse. Et de fait c'est albastre, mais il est grisâtre, basenné (1), plain de neux et nen treuue on synon de petiz lopins. Mais celui de St Lotain est si noble que demandez seullement les quartiers (2) quil vous fault vous les trouuez, mais quil soit possible de les charrijer. Parquoy nous a esté nécessité den aleger les grandz pièces dont il en y auoit deux quil failloit a chacune XII cheuaulz ou XXIIII beufs et si nous eussions laissé en son entier les deux qui tenoient ensemble, il neust esté possible à homme viuant de les tirer hors du creux ne de les mener. Et sont les plus beaux bancz, les plus parfondz et les plus netz du monde. Et pleust a Dieu que ceulx qui se y cognoissent si bien eussent esté au trauail, en leaue vifue jusques au genouil comme nous estions. Car le vray marbre ne se nourrist synon en l'eaue, cest assauoir lalbastre, et fault venir et cercher jusques aux sources vifues lesquelles il nous failloit estoupper de mousse et de conroy, (4) et encoires l'eaue surmontoit tellement quil la failloit espuiser jour et nuit ; et tousjours en dangier de noz vies a cause de la terre qui retumboit.

(1) Du vieux bezane, noirci.

(2) Les quantités? Noble = riche.

(3) Pourvu que

(4) Est-ce le conrye de Ducange (clôture de pieux)! Ou bien conroy dans le sens d'arrangement?

iv. 26

402 LISTTKES.

Par ainsi, Madame, en revenant, à la lecture des lettres de uostre excellence, je disoye a par raoy : Ceste noble perriere nest avillee ne mesprisee synon pour autant que Jehan Le Maire a lhonneur de lauoir remise et restituée en bruit et icelle retrouuee à la grand gloire de Madame, car telle est ma fortune. Et tout ainsi que quand jeu/, mis en auant la preiialue des deniers dEspaigne et que jaduertiz Madame quelle perdoit de son douaire mil ou XIIe ducatz par an au moyen des charges du temps du collatéral pyosachz (1) et que le maniement desdicts deniers fut baillé à ceulx qui le faisoient mieulx valoir dautant en baillant bons pleiges, dont en parfin ne fut riens tenu. Et de rechief quand madame commença son bastiment de Brou jeyfeiz prouffit de plus de lIIIm liures au prisfait par laduertissement denuoyer quérir des maistres massons partout. Doncques ma fortune est telle que je bas tousjours les buissons et ung autre prent les oisillons. Ainsi men prent il a ceste heure de ceste perrierre dalbastre (2).

Je suis doncq de semblable qualité comme Cassandra laquelle estoit très bonne deuineresse, mais jamais elle nestoit creue ny auctorisée.

Ainsi me passionnoie je à par moy (3), Madame. Si vous

(1) Les conseiller Pyrsachz ? Perroche? Parroiche ?

(2) Dans une lettre à Barangier, Lemaire dit qu'il a laissé les patrons et pourtraietz et plattes formes en parchemin es mains de Thoison d'or auquel, ajoute-t-il, j'ay laissé le compas et donné à entendre le tour... Madame pourra délibérer cependant s'elle se veult servir de moy en cest affaire et que je soie chief, quant à la sollicitation d'icelle avecques recompense et estât condigne et comme on le m'a promis. Mais j'ay grand peine que je ne soie celui qui bat les buissons et ung autre prent les oisillons. Sil est ainsy. il fauldra que jaye patience. (Note communiquée par Alexandre Pinchart).

(3) A part moy. C'est ainsi que, inversement, de par le roy, dérive de : « de part le Roy. »

supplie me pardonner de si long propos, car par vosdictes lettres il vous a pieu me donner auctorité de vous aduertir du tout bien au long à la vérité, ce que je feray présentement.

Madame, en tant quil touche ce quil vous plait me mander, que on vous a escript que jay trouué et jugé quil y eust marbre ny albastre en vostre saulnerie de Tourmond, salue la grâce de ceulx qui vous en ont aduerty pour faire leur cas bon, bien ay je dit quil y auoit quelque apparence de gyp (1) qui sont les indices de marbre, mais que il fauldroit chauer (2) beaucop plus parfond auant que on peut attaindre ledict marbre. Car certes, Madame, le creux de vostre saulnerie en quoy on a besoigné tout lesté, nest pas si large ne si parfond que celui de vostre perriere où je nay esté que six sepmaines et en mauuais temps, ne le soit trois fois plus eu largeur, longueur et parfondeur. Car ains auoir trouué les bons bancz et parfaictz, jay fait creuser plus de LXXI piedz de parfond, et autant de large, et cincquante en trauers, qui est une chose horrible a veoir. Or eussent bien volu ceulx qui ont la charge de vostre dicte Saulnerie, que je me fusse abusé et arresté à cercher de lalbastre dedens icelle, affin que Ion se fust mocqué de moy comme on fait deulx. Mais, Dieu mercy et vous madame, je nestoie pas si despourueu de sens. Ains me suis arresté au plus seur et au plus expérimenté, et ay acquis à vous Madame, ladicte perriere perpétuellement, qui est pas petit trésor, et jay fait planter voz armes dont les moisnes de baulme (3) murmurèrent a tort. Car tous trésors et

(1) Gypse (gif dans Palissy) = pierre à plâtre.

(2) Caver, creuser.Prôs de Liège, le hameau La Xhavée.

(3) Baume-les-Messieurs (Jura) ville qui doit son nom à des bénédictins de Cluny. Le trou de la Baume (Balma, Barme) a douze mètres de tour, près de Poligny, encore si romaine.

lOi LETTRES.

minières cachez en terre appartiennent au prince souuerain. Et touchant vostre dicte fontaine et source de sel, Madame, se je nauoie peur que on feist peu destime de ce que jen mettrois en auant, comme on a fait des autres choses, jabandonneroie ma vie en gaige ou cas que je ne vous y feisse ung si grand seruice, que tous enuieux en seroient desplaisans et que jamais je nauroie enuers vous, Madame, réputation si petitte, car en tel cas ne fault point gens qui ayment leur singulier prouffit et vaine gloire, mais leur honneur, latnour, la crainte et lauctorité du prince, et quilz soient fondez et practicijens en lart mathematicque et géométrie pour scauoir faire engins, beaucop exploittans et à peu de gens et de coust et mesurer la haulteur des terres et cadence des eaues et la séparation des sources, dont je n'ay veu aucun qui se y entendit grandement en vostre dicte saulnerie. Et de toutes ces choses, je ne me vante que bien a point. Mais, Madame, vous auez entre les mains homme à ce propice, riche de science, damyz, d'entendement, dingeniosité, daudace, dhonneur, dauoir et dauctoritë, et qui desireroit de tout son cueur y faire son chief-deuure à peu de coust pour honneur de vostre excellence, laquelle il ayme et lhonneure en tout lieu. Et pour nommer le personnaige, Madame, c'est vostre painctre et varlet de chambre, Maistre Jehan de Perreal de Paris. Lequel très humblement se recommande à la bonne grâce' de vostre haultesse, et se présente à lemploy dudict affaire.

Madame, jay esté par plusieurs fois sur le lieu de vostre dicte saulnerie de Tourmond et note beaucop de choses desquelles je vous eusse bien volu aduertir se jeusse osé. Et se, Madame, on vous a rapporté feablement lindustrie, la conduicte et lexploit dont jay usé à lattrait de vostre mar-

bre, on pourra bien conjecturer se je suis tel que josasse entreprendre et acheuer plus grands choses. Et madame, les entendemens ne valent riens qui ne les met en euure, et lacier sen rouille sil nest exercité. Doncques plaise Vous scauoir, sans que ie use de vantise, que ung jour de feste je menay sur vostre dicte fontaine quinze ou seize de mes compaignons besoignans en vostre perriere (1) et les feiz mettre la main à leuure en vostre saulnerie, cest assauoir aux pompes et aux engins à tirer leaue. Si fut dit et sceu et diuulgué partout à lenuiron pour vérité que mes gens en moins d'un quart dheure auoient destreu (2) leaue à force de bras, de plus que ceulx qui sont ordinaires au labeur dudict ouuraige, ne souloient faire en ung jour entier. Et certes il y a de la lascheté beaucop. Et vous asseure, Madame, que ceulx de saint lotain sont voz meilleurs subgectz que je sache et tous robustes compaignons et de couraige, et ont bien mérité que sil vous plait leur faictes une gracieuse recompense, car ilz ont assez perdu au descombre quilz ont fait pour tirer vostre marbre.

Oultre plus, Madame, par vosdictes lettres, Il vous plait me commander que je vous enuoie lessay dudict albastre et vous aduertisse de toutes les circunstances affin de veoir ce que ce sera, et que on ny face plus de despense en vain.

Madame, auant la réception de vosdictes lettres, je vous ay donné pleniere aduertence de tout par mon nepueu (3). Lequel à ceste cause jay enuoyé expressément deuers vostre haultesse. Et se plustost eusse receu icelles vosdictes lettres, jeusse obey à icelles comme je doy. Mais jose bien

(1) Vostre grieve (autre lecture). -= grave, gravier.

(2) De destraire, ôter ?

(3) Un des deux neveux dont il parle dans sa lettre de 1509.

affermer que la despense na pas esté trrande ne faicte en vain, comme telle qui est sa voisine. Et nest ladicte coustenge que gy ay faicte semblable à celle que le Roy Loys XIe envoya faire sur le mesme lieu, dont pour les premiers fraiz le commissaire mania XVIIIe escuz dor comptant. Je noseroie dire les autres merueilles quon en dit à Poligny, de peur quon ne me creust. Mais je suis certain, Madame, que si quelque autre qui eust eu port (1) de sa nation entiers vostre excellence eust este inuenteur et exécuteur d'un tel seruice, il en eust fait ung grand cas. Mais le prouerbe commun dit que tousjours à poures gens menue monnoye.

Madame, je vous supplie très humblemeet quil vous plaise non vous ennuyer de la lecture de ceste longue lettre, pour ceste fois tant seullement attendu que mauez donné laudace de vous escryre bien au long. Si mauenture et menhardy en la confiance du begnin support de vostre clémence, de me plaindre a icelle de trois poinetz principaulx, oultre ce que dessus est dict. Lesquelz trois poinetz concernent la despesche et commission ample et honnourable quil vous pleust me faire derrenierement, et en laquelle je nay mespris en aucune manière.

Mon premier plainctif, Madame, est de ce que par importunité et à mon preiudice auez ottroyé ung vicariat à Ung qui ne vous fit oneques seruice, sur la première prébende de Dole à laquelle il vous auoit pieu me préférer en vostre roolle, par ordonnance et promesse recitatiue (2). Vostre plaisir soit fait.

L'autre, de ce que après que par moy il vous auoit pieu

(t) On dit : le port d'une bonne nouvelle.... Port signifiait auss autorité, support, etc.

(2) Ducange v° recitative, nomination, expresse. V. la lettre de 1509.

escripre aux Religieux de Brou que ilz se retirassent au nouveau bastiment et laissassent le viel logis pour moy et pour les raaistres tailleurs dymaiges. Et depuis auez mandé quilz ne bougent. Parquoy il fault que je me tiegne tousjours a îostelerie, comme se, pour tant de labeur, je neusse pas mérité auoir une poure chambre audict ediffice, laquelle chose est tousjours à mon reboutement.

Et sur ce poinct je vous aduertiz, Madame, que vostre dict nouueau bastiment, du coste du grand corpz, cest assauoir du dortoir, a prins cop puis quinze jours en ca. Et sil en prent encoires ung semblable, il y a dangier dune grand ruyne, et coustera beaucop à la reparer. La cause pourquoy est telle à vosdicts Religieux qui sont par trop curieux et bons maisnaigiers. Pleust a Dieu quilz le fussent autant en deuotion contemplatiue. Sont aie faire ung puis secrètement en leur caue et ont deschaussé cinq des mais.tres pilliers jusques a leaue vifue. Parquoy la voulte sest ouuerte, et lediffice et la muraille ont monstre signe de ruyne. A ceste cause vostre Maître des euures et les massons bien esbahiz ont enuoyé à Lyon et ailleurs quérir des maistres en massonnerie pour sexcuser que ce nest pas leur faulte, mais la témérité et curiosité desdicts Religieux. Et aussi n'est-ce, car certes, Madame, auant ledict inconuenient, nul ediffice ne fut oncques tant loué de bonne conduicte et seurté questoit le vostre, par la voix de tous ceulx à ce cognoissans qui lont veu. Vous en aurez quelque jour (1) les plainctes et informations, mais le tout sera réparable.

Aussi, Madame, par la voix et le désir dun chascun, il

(1) Ultérieurement.

seroit désormais temps, de commencer vostre église, ce que lesdiets Religieux reculeroient voulentiers de toute leur puissance, mais cest vostre principalle intention, pour y poser les sépultures. Le dessus nommé maistre Jehan de Paris, vostre painctre, se présente de (1) seruir vostre excellence à faire les pourtraietz et platesformes. Et vous ne scauriez au monde mieulx faire que de lui en bailler la charge et conduicte. Et ny deust il venir que trois ou quatre fois lan, car tout en vauldroit mieulx.

La Tierce doleance que je vous ay affaire (2), Madame, cest que le Receueur général de haynnau, Jehan de la Croix, na tenu compte de voz lettres closes par lesquelles lui mandiez bien expressément, que il meust à paier promptement à cause de mon voyaige et commission mes gaiges dun an entier, escheuz et encouruz, le dernier jour de septembre derrenierement passé a cause de mon office de Indiciaire. Ains a respondu, haultainement quil ne feroit riens du contenu de vosdictes lettres, et que vostre secrétaire Marnix qui les auoit despeschees, mauoit baillé une chanson, ce que non auoit, mais estoient ordonnées de si bonne sorte quon ne scauroit mieulx. Sur toutes lesquelles choses, Madame, de vostre bénigne grâce, il vous plaira auoir regard et me y donner prouision, et aussi me faire rembourser de largent que jay frayé (3) pour la traicte et charroy de vostre marbre, en la faulte de voz trésoriers, cuidant mieulx faire que laisser. Et je vous supplie très humblement ne lauoir prins en mauuais gré.

(1) De = pour.

(2) On sait combien, dans la vieille langue on aimait à confondre affaire et à faire.

(5) Fraier = dépenser ; delà frayant en Lafontaine, et le vieux belgicisme frayeux.

Madame, jay prié très instamment vostre sommelier(l) Rosalles présent porteur, lequel a veu et entendu presentiallement la plus grand partie des choses passées touchant vostredict marbre et les marchiez faictz de la grand sépulture, quil vueille solliciter vostre excellence de me faire aduertir du plaisir dicelluy sur tous lesdictz poinctz, ou aucune partie diceulx, ainsi comme il vous plaira, affin que je saiche comment je me doy conduire à la reste.

Très haulte, très excellente princesse et ma très Redoubtée Dame, je prie à Nostre-Seigneur, quil vous doint lentier acomplissement de voz très nobles et très vertueux désirs. Ecript a bourg en bresse le XXe jour de novembre lan mil cincq cens et dix.

Madame, depuis ces lettres escriptes, vostre maistre masson et Cheuillard maistre des euures, ont enuoyé quérir deux grandz ouuriers a Lyon, maistres jurez en massonnerie, pour veoir la ruyne apparente dudict ediffice et juger de quel part venoit la faulte, affin de la reparer. Et après le tout bien visité, ilz ont donné leur sentence comme vous dira vostredict sommelier, présent porteur, et besoignent maintenant a la réparation. Escript le le jour Saincte Katherine.

Vostre très humble et très obéissant seruiteur Lemaire.

(Au dos est écrit) : A très haulte et très excellente princesse et ma très redoubtee dame.

Madame. V »

(1) Dans l'Etat des officiers des ducs de Bourgogne, il est question de sommeliers de corps, de paneterie et d'eschansonnerie.

LETTRE DE LEMAIRE A MARGUERITE (1) (Tours, 22 novembre 1511).

Très haulte, très excellente princesse et ma très redoubtée dame, le pins humblement que faire puis, à vostre bonne grâce me recommande.

Madame, j'ay receu deux lettres quil a pieu à vostre haultesse raescripre, lune par mon serviteur, auquel de vostre grâce avez fait donner dix philippus d'or, et l'autre, depuis, par le serviteur du maistre des postes, par lequel serviteur nommé Gilles Moreau, lequel a fait grande et fealle diligence de me venir trouver à Tours et a bien desserui destre récompensé, j'ay receu la somme de cent quarante deux florins d'or et XXIIII sols de monnoye. Mais par deçà il y aura perte pour le moins de V deniers par pièce. Et reviennent les dicts florins, selon la calculation de pardelà, à la somme de II livres de XV gros.

Laquelle somme, Madame, il vous a pieu ordonner pour contenter maistre Michel Coulombe. tailleur d'ymaiges, touchant l'ouvraige des patrons de vos édifices. Et vous a pieu me faire cest honneur que de vous fyer de ma petitesse et naviez volu envoyer autre contrerolle. Ce que toutes voies jeusse bien désiré pour estre présent à la distribution dudit argent et satisfaction de vos ouvriers, ehascun pour sa ratte (2) ; car vous en avez pardeça quatre ; c'est assavoir le très bon ouvrier maistre Michel Coulombe et trois de ses nepveux. Ledit Coulombe est fort ancien et pesant ; c'est

(1) Ànalectes historiques ou Documents inédits pour l'hist. des faits, des mœurs et de la litt. recueillis et annotés par le Docteur Le Glay. Paris, Techener 1838, (pp 9-29).

(2) Au prorata, Ducange v. Rata.

assavoir environ de IIII** ans, et est goutteux et maladif, à cause des travaulx passez, par quoy il fault que je le gaigne par doulceur et longanimité ; ce que je fais et feray jusques à parfaire. Le bonhomme rajouenist pour Ihonneur de vous, Madame, et a le cuer à votre besoigne, autant ou plus qu'il eust ocques à autre. Et quand je pourray avoir tiré receu de ses mains, je vous assure, Madame, que vous aurez un des plus grands chiefs d'euvre qu'il fit oncques en sa vie. Car vous verrez la sépulture de feu Monseigneur en toute perfection, comme elle sera. Se gisant aura ung pie et demy de longueur, les Vertuz demy pié et toutes les autres ymaiges à la correspondance ; et la raassonnerie qui sera grand chose en toute perfection, comme se vous la voyiez en grand volume. Tellement que les ouvriers qui besoigneront après seront tenus de l'ensuiure à toute righeur, en réduisant le petit pié au grand.

Et vous asseure, Madame, que vous trouverez que je n'auray pas mal enployé vostre argent ; car vous estes servie de cuer de toutes parts : et certainement l'argent est venu à point à mon grand besoing ; car j'estois au bout de mon rolle et craignoie beaucoup davoir honte et disette ; ce que votre très noble cuer ne pourroit souffrir.

Madame, le bonhomme Cou lombe demandât terme jusques a Pasques, à cause de la pesanteur de leuvre et aussi pour lindisposition de sa personne et du temps ; mais je feray tant que je reduiray le tout a trois mois.

Et cependant, je vous yray faire la révérence et vous porteray de beaux présents et bien agréables, au plaisir de Dieu ; mais ce ne sera point que je naye veu la besoigne en train et donné ordre quelle se parface, et que lung ou deux des nepveux dudit bonhomme Coulombe la vous porte par delà, affin que vous lentendez par le menu. Madame, les

dits nepveux sont ouvriers en perfection comme héritiers de leur oncle, lung en taille dymaigerie, lautre en architecture et massonnerie et ny a gens nulle part, que je sache, qui mieulx réduisent une besoigne en grand volume que eulx deux. Et je les ay gaignez.

Touchant vostre albastre, Madame, ce présent porteur en a bon (1) mis en euvre et poly en grand volume. Et vous en dira ce qui en est. Aussi je vous en porteray une pièce mise en euvre du bonhomme Coulombe.

De vous en escripre plus avant, il sembleroit que je le feisse a ma louenge, pour ce que jay retrouvé la perriere ; mais tant y a que c'est le plus bel albastre du monde et le plus approuvé. Ny en Espaigne, ny en Italie, ny en Engleterre, ny en a point qui l'aproche en bonté, beauté et polissement.

Madame, tout le monde vous benyt et loue, et esmerveille davoir entreprins une si grande euvre, là où une très haulte magnanimité se monstre et se declaire. Jay le tout monstre à lembassadeur de lempereur, et est le tout parvenu aux oreilles du roy et delà royne. Et vous asseure, Madame, par le serment que jai faict par trois fois à votre haultesse que on ne lestime point autrement que le plus grand chief d'euvre quon faira es parties par deçà.

Madame, je prie a nostre Seigneur qu'il vous doint très bone vie et longue. Escript à Tours le- XXII8 jour de novembre lan mil Ve et Onze. Vostre très humble indiciaire, esclave et serf.

Lemaire (en un seul mot).

Au dos est écrit.

A ma très redoubtée et souveraine dame Madame Mar-

(!) Dans Palsgrave bon — noyau. En wallon de Liège, j'ai bon — j'ai du bien, du bonheur.

guérite, archiduchesse, duchesse et comtesse d'Autriche et de Bourgogne.

(Original antographe de la Chambre des Comptes à Lille).