JEAN LEMAIRE A LOYS BARANGIER

Mon très honnouré seigneur, humblement à vostre bonne grâce me recommende. Ce jourd'huy dymanche XXVIIIe de mars, j'ay receu vos lettres par les mains du secrétaire Jehan Veau (1) des quelles je vous mercye de tout mon cuer ; c'est assavoir de l'advertissement et aussi de l'excuse.

Monsieur, touchant ce qu'il vous plait m'advertir de ce qu'il a esté rapporté à Madame que j'ay deu avoir escript quelque chose contre elle, et que à Paris l'en le treuve publicquement par escript, de ce je n'en suis guières esbahy ; car ce n'est pas la première coquille (2) que en

(1) André de Burgo, ambassadeur de Maximilien à la cour Louis XII, avait 2 secrétaires, Paul de Laude pour les lettres latines et italiennes, Jehan le Veau pour les lettres françaises. (Leglay).

(2) Coquille = chaperon dans Ducange. Or, coquillard = un homme que l'on berne, et coquibus, une coiffure de cocardie. Littré y rattache cocasse.

m'a dressée devers son Excellence. Sur le point que j'ay receu vos dictes lettres, je les ay monstrées à monsieur le contrerolleur, maistre Jehan de Paris (1) lequel en riant a respondu ung mot vrayement philosophai ; c'est assavoir que quand les chiens ne pevent mordre, ils se saoulent à aboyer. Je remercye en toute humilité Madame, de ce que vous m'escrivez qu'elle n'adjouste nulle foy à mes détracteurs, laquelle chose procède de sa très noble et très bénigne nature. A la mesme heure que j'ay receu vos lettres, je délibéroie luy escripre des marchiez convenus entre maistre Jehan de Paris et maistre Michiel Coulombe, entre les quelz j'ay esté moyenneur et solliciteur ; (2) mais après avoir veu vos lettres je m'en suis déporté, craignant offenser ma dicte dame et qu'elle ne print pas bien en gré mes lettres. Ledit seigneur, maistre Jehan de Paris, lui escript au long de ses affaires de pardeça. (3) Mon très honnouré seigneur, après avoir remercye Madame, de ce qu'elle ne croit aucune chose sinistre contre moy procurée par mes enemis, je vous remercye aussi du meilleur de mon cuer de ce que avez deffendu ma querelle. Et vous asseure sur ma foy que toute ma vie vous en seray tenu ; car, en toute la maison de Madame, je n'ay trouvé si grant amy que vous, ne qui mieulx aidast à soubstenir la vérité en mes affaires. Si ne me viendrait il point bien à point pourtant que, soubz umbre de ces calumpnies faulses et détestables,

(1) Perréal.

(2) V. sollicitator dans Ducange et dans les acceptions de l'anglais solicitor. Ailleurs Lemaire dit sollicitation pour intendance.

(3) Cf. Lettre de Perréal à Barengier du 30 mars 1511. Datée de Blois comme celle de Lemaire. V. aussi la lettre du 14 mai 1512. Cf. Charvet, Jehan Perréal, Clément de Trie et Edouard Grand (Lyon, 1874) pp. 51-53.

ma dicte dame laissast de faire veoir mon compte et me faire rembourser, se c'est sen plaisir, de ce qui m'est deu pour mondit compte, s'il ne lui plait faire mieulx ; et ne feroient pas bien les gens de ses finances, se par ceste eautelle et cavillation très malicieuse, ils me cuidoient frustrer de ce qui m'est deu : parquoy je vous prie en adviser Madame.

Se j'ay offensé Madame en faisant imprimer quelque chose à Paris, ce a esté en ceci, c'est assavoir que j'ay fait inprimer, à grand requeste de plusieurs nobles hommes de France et de Picardie, les Illustrations dé Gaule et singularités! de Troye, lesquelles ont premièrement esté imprimés à Lyon, soubs le nom, le tiltre et les armes de Madame, et ne les ay point volu bailler ausdits imprimeurs de Paris, synon sous telle condition que les armes de Madame y seroient, pour ce que le livre estoit dédié à elle. Se j'ay mespris en faisant ce, je n'en demant point de mercy ; car je ne l'ay pas cuidé faire pour mal, et si en ay eu ung bon pot de vin depuis. Les dits imprimeurs m'ont requis d'ouvrer les Conciles et la Légende des Vénitiens lesquels je leur ay permis imprimer, car tout est à lhonneur de Madame. Et en ay desja bien fait en tout six mille volumes qui sont divulgués par tout le monde.

Velà tout ce que je pense avoir meffait à Madame ; mais par delà ne faut il jà cercher occasion de frustrer le povre Jan Lemaire de ce qu'il lui est deu de sen service justement. Car Madame n'en sera pas plus riche, et je l'ay bien gaigné à la sueur de mon corps, et mieulx avec, se je l'eusse peu avoir ; pourquoy il me semble que ce sont occasions bien frivolles et bien extraordinaires que de me mettre sus d'avoir mal dict ou escript de Madame. Et prie à Dieu que

quand je le penseray de faire, je puisse morir subitement et sans confession. Car se je ne l'eusse tant aymée, je n'eusse pas tant escript de bonnes choses à sa louenge. Et autant que j'en ay escript d'elle, en écripraije de la royne, ma noble maistresse qui me fait tant de biens. Et en ce ne feray je nul tort à Madame ; car là où je sens, mon cuer s'adonne du tout, et la raison le veult bien.

Monsieur, j'estois délibéré de demander à Madame quelque petit privilège ou pension en recompense de mes services, ouitre ce qui m'est deu ; mais puisque ainsi est que on me baille des nouvelles brisures, je m'en déporte. Néantmoins je vous prie, pour justice et équité, qu'il vous plaise remonstrer à Madame mon innocence et mon mérite, c'est assavoir, mon innocence, autant que, s'il est trouvé que j'ay dict ou escrit quelque chose contre son Excellence, qu'elle ne me fasse jamais bien; et mon mérite, pour autant que j'ay bien desservy d'estre paie de mes gaiges, se mieulx il ne lui plaist de faire. Or peut elle mieulx cognoistre présentement pour quoy j'ay laissé son service ; si ne m'en doibt sçavoir nul mauvais gré, mais à ceulx qui en sont cause, lesquels n'en demoureront point impugnis ; et cela je le vous promets, car Dieu est juste. Et se gardent hardiement de moy et de ma plume ; mais ce sera le plus tart que je poray.

Mon très honnouré seigneur, comment qu'il en soit, je vous prie et requiers estre recommandé en toute humilité à l'excellence de Madame, comme son povre serviteur que j'ay esté, ce que je ne sçauroie jamais escripre sans larmes. Car tant m'a fortune bestourné, transporté, ramoné et pelotté en son service que je ne sçay comment je suis peu eschapper.

Et s'il est aucune chose en quoy je vous puisse complaire par deçà, mandez-le moy ; et de bon cuer, ainsi m'ayt Dieu, je l'acompliray, voire autant que pour homme que je sache au monde ; car vous m'avez monstre ce chemin. J'avais escript unes lettres responsives à celles de Madame et aux vostres, tant au nom du maistre Jean de Paris comme au mien ; vous ne m'avez point mandé si les avez reçues. Je vous prie, quand il vous plaira, nous escripre que je le sache.

Escript à Blois, le XXVIIIe de mars 1511. (1)

Vostre humble serviteur et amy, Lemaire, indiciaire de la royne

Au dos est écrit :

A mon très honnouré seigneur, monsieur maistre Loys Barangier, maistre des requestes de l'ostel de Madame et son premier secrétaire à MaMnes.

(Original autographe. Chambre des Comptes de Lille).