LEMAIRE A MARGUERITE

Très haulte, très excellente princesse et ma très redoubtée dame, le plus très humblement que faire puis, à vostre bonne grâce me recommende. Madame, ce qui me fait enhardir de vous escripre, ce sont les lettres de vostre premier secrétaire M. Loys Barangier, lequel me mande que vostre excellence n'a point prins mal mes derrenières lettres, dont Madame je vous mercie en toute parfonde humilité. (2)

(1) (Date presque illisible ; peut-être y a-t-il 1512 ?) (Leglay).

(2) Cf. la lettre à Barangier, du 28 mars 1511, c.-à-d. d'après l'ancien style, deux mois auparavant.

Madame, j'estime que vostre haulte vertu a cogneu le contraire des faulx rapports qui vous ont esté faits contre mon innocence. Et cy après encoires le cognoistrez vous mieulx, à l'aide de Dieu ; car la royne m'a commandé compiler les croniques de sa maison de Bretaigne et pour ce faire m'envoye expressément par tout le pays de Bretaigne, affin que je m'enquière par les vielles abbayes (1) et maisons antiques de toute lhistoire britannique, laquelle 3ncoires n'a esté mise en lumière entièrement jusques à ores que je l'ay entreprinse. En quoi faisant, il est bien force que de vostre Excellence soit faite ample mention, dont je m'acquiteroy à mon povoir, comme vray subject, serviteur et tenu ; et je scay bien qu'il plaira bien à la royne, laquelle par vos lettres m'avez commandé bien servir.

Madame, vostre dit premier secrétaire m'escrit que, par les premières postes avez ordonné d'envoyer de l'argent à maistre Jean de Paris vostre painctre, auquel j'ay baillé tout ce que j'ay peu recouvrer des patrons faicts de la main du bon homme maistre Michiel Coulombe. Et ledit maistre Jehan de Paris a estoffé les dicts patrons de couleurs, qui est ung grand chief deuvre, comme vous pourra dire ce présent porteur qui les a veuz. Et les a estoffés ledit de Paris bien voulentiers à cause que François Coulombe, nepveu du bon maistre, est allé à Dieu ; lequel François Coulombe, enlumineur avoit receu de vos tre argent dix florins d'or par mes mains pour ce faire. Ainsi vous avez perdu ledit argent. Mais c'est aumosne de le lui donner après son trespas ; par quoy, Madame je n'ay pas volu

(l) Comme un peu plus tard Jacob de Meyer. Cf. mon étude en Flandre libérale (1847, p. 67.)

poursuivre sa femme, ne ses héritiers de fournir et parachever, ce qu'ils debvoient faire pour le trespassé, voyant qu'il y avoit pitié en eulx. Et pour ce, Madame, il vous plaira avoir regard aux labeurs et diligences dudict de Paris qui vous sert de bon cuer et accomplit ce dont les autres estoient paies, non seullement en ce, mais en toutes autres choses.

Madame, quand il vous plaire envoyer de l'argent audit maistre Jehan de Paris, je vous supplie quil vous plaise ne m'oublier, touchant ce qui m'est deu, qui est peu de chose au regard de vostre Excellence et beaucop pour moy.

Et d'avantaige, Madame, pour aucune recompense de mon petit service plus honnourable que prouffi table, je vous faiz très humble requeste quil vous plaise me continuer l'auctorité que m'avez donnée, par mandement patent, de traire le marbre d'albastre qui sera nécessaire, tant pour la fourniture des sépultures et autres euvres de vos ediffices, comme pour ce qu'il s'en pourra cy après et prochainement faire grand traicte en France. Car elle se commence fort à cognoistre, depuis que je l'ay descouverte ; laquelle chose sera honneur à vostre haultesse et me tournera à quelque prouffit sans vostre coustence. Et, Madame, certes ja soit or que je demoura'sse au an fons de Bretaigne, si ne me saurois je passer que une fois l'an, je n'aille veoir vostre ediffice dont j'ay eu grand sollicitude ; et il vous plaira tousjours me donner ceste audace et licence; car la besoigne n'en vauldra pas pis.

Madame, je vous envoie XXIIII coupletz que j'ay faictz pour la convalescence de la royne ; je scay que ne les verrez pas envis, (1) car vous ajmez ladicte dame et elle,

(1) Invitus, avec peine.

vous. J'entends que vous avez créé ung nouvel indiciaire nommé maistre Remy, bourguignon. (1)

Toutes et quantes fois qu'il vous plaira me commander que tout ce que j'ay fait et recueilly servant audit office et à l'honneur de vous, Madame, et de vostre maison très illustre, je le vous envoierai et lui servira de beaucop. Car Vous ny autre ne veistes jamais la moitié des choses que j'ay faictes à Ihonneur de vostre Excellence ; et se elles ne sont achevées, si sont elles bien pourgettées ; mais es mains d'autres que vous, Madame, jamais ne les délivreray. Et s'il vous plaist,par celui qui viendra quérir les patrons, m'en ferez sçavoir vostre intention.

Madame, en ensuivant les lettres qui derrenièrement je vous escrivis, quand il vous plaira envoyer quérir les ditz patrons, il me semble que pour le bien de l'euvre, il serait bon d'envoyer par deçà ung homme bien entendu et qui vous sçeut rapporter ce qui est de mestier(2), touchant l'euvre et les marchiez, tant de bouche comme par escript, et mesmement les intentions des deux principaulx maistres, Michiel Coulombe et Jehan de Paris, avecques ce que j'en ay aprins de ma part.

Très haulte,tres excellente princesse, et ma très redoubtée dame, je prie au benoist filz de Dieu qu'il vous doint très bonne vie et longue. Escript à Blois,au jardin du roy, le XIIIIe jour de may l'an mil Ve et XII. .

Vostre etc. Lemaire indiciaire.

Au dos est écrit : A très haulte, très excellente princesse et ma très redoubtée dame, Madame à Bruxelles. (Original autogr. Ch. de Comptes de Lille).

(1) Rémi du Puys, (Cf. Archives du nord, IV.) V plus loin les fragments de chroniques.

(2) De besoin.

-vjlrtjl.

Le P. de Colonia (Hist. litt. de Lyon II, 481) a extrait du recueil des Opuscula de Syraphorien Champier (Lyon, 1507, in 4° éd. en caractères gothiq. par Estienne Gueynard et Jacques Huguetan) (1) à côté de lettres de Robertet, deHumbert Fournier, etc. la bizarrerie suivante. Après avoir raillé les lyonnais trop louangeurs, il ajoute : « Mais rien ne peut égaler en ce genre la lettre bizarre que Jean Le Maire, Historiographe de la princesse Marguerite, fille de l'empereur Maximilien, écrivit à un de ses amis, au sujet de Symphorien Champier. Ce moreau est curieux et nous pouvons l'appeler une espèce d'ouvrage à la mosaïque, par le continuel mélange que l'auteur y fait du Latin et de Gaulois, qui nous laisse douter dans quelle langue il a voulu écrire cette lettre. Elle va nous faire connaître les pricipaux ouvrages de notre Champier. »

(1) Cf. Quinsonas, Mém. II, 66, et Bibliographie de la ville de Lyon, Lyon, Perrin, 1852. Le Tropœum Gallicum de Champier est de 1507.