IV
1 I i LA COVRONNE MARGARITIQVE.
et de Mercure. Elle augmente richesses et dignitez, pourueu quon la porte reueremment, cestadire chastement. Baille victoire contre ses ennemis, et garde lhomme de tristesse. Elle sert beaucoup à ceux qui cherchent de sauoir les secretz des choses futures par hydromancie. Elle rend lhomme gracieux, et luy donne éloquence et paroles persuasiues, en toutes causes et procès pour appaiser les maluueillans. Si elle est portée au col, elle preserue la personne du mal caduque : restaure la veùe débilitée, reboute la tempeste, restraint les mouuemens de luxure, aguise lentendement et conforte la mémoire, et dispose la personne à receuoir érudition et science : Toutes lesquelles choses bien appliquées à la noble nature et aux vertus de la Princesse couronnable, ont vne si douce consonance ensemble, quil est impossible d'y alléguer contrariété. Mesmement en ce que tout homme en regardant ladite Princesse, qui est la plus clere Esmeraude du monde, et en contemplant sa ioyeuse hilarité, y recrée ses yeux et conforte sa veùe : Et aussi pource quelle ha tousiours esté songneusement gardée, par les Griffons : cestadire, par le Roy son père, et par Larchiduc son frère, qui sont autant Aigles, comme Lyons. Et à tant doit suffire ce que ien ay sceu dire.
LACTEVR.
Droit cy Arnauld, auquel on doit credencc, Nostre Princesse à Rachel accompare :
Et dit comment la Radiane pare Par cas décent, Regnatiue prudence.
LA C0VR0NNE 1IARGAR1TIQVE. 115
ARNAVLD DE VILLENEVVE. (1)
Pour dilucider le fleuron qui vient en mon tour, lequel est du nombre septième, de toute antiquité dédié à Dieu, le treuue que iay à faire mention de trois choses commençans par R, qui est la septième lettre du nom de la Princesse Marguerite. (2) Cestasauoir dune vertu nommée Regnatiue prudence, dune pierre précieuse appelle Radiane, et dune dame dont les vertus soient concordables au total, pour laquelle ie prendray Rachel.
Rachel donques, à fin que ie commence par elle, fut iadis vne dame tresuertueuse, de laquelle le nom sonne bien doux en Hebrieu. Car il signifie en commun langage, vne brebis, pour dénoter la douceur et simplicité qui estoit en elle. La beauté dont ceste dame fut flourissant estoit si souueraine, que pour lauoir en mariage se donna grand peine Iacob le tressaint Patriarche. Cestadire le Prince des pères, autrement nommé Israël qui fut lestoc germinant dont sortirent les douze grans Princes progeniteurs du peuple innumerable des Iuifz, et dont procéda la tribu et la lignée Royale de Iudas, qui procréa le trescelebre Roy Dauid, et le grand fleuue de sapience Salomon son filz. Lesquelz magnifièrent si tresamplement ceste vertu Regnatiue prudence, quilz en sont exaulcez à iamais, et que leur mère tresprudente la belle Rachel, en est à tousiours honnoree.
(1) On venait de réunir et d'imprimer à Lyon (1504) les nombreux écrits de cet alchimiste du XIIIe siècle. On dit qu'il fut le maître de Raymond Lulle. La dissertation que lui prête Lemaire est bien digne d'un chercheur de la pierre philosophale.
(2) A propos de ces subtilités concernant les lettres du nom de Marguerite, se rappeler les rêveries du Moyen-Age au sujet de Ave et Eoa.
116 LA GOVRONHE MARGAKIT1QVK.
Or puis ie nommer la Princesse à laquelle nostre intention saddresse vne seconde Rachel, tant pour sa formosité que pour sa bénignité, et mesmement à cause de ses auentures equiparables : car si après auoir perdu et lamenté inconsolablement le tresbeau Ioseph son espoux et son cher tenu, qui peult estre interprété, accroissement, par lequel ientens son feu seigneur et espoux le Prince Dom Iean, futur Roy de Castille, d'Aragon, et de maints autres Royaumes et prouinces, ensemble le noble fruit quelle auoit conceu de luy, elle ha recouuré Beniamin, qui vaut autant à dire, comme enfant de douleur, lequel ha esteinte et mise à fin sa ioye (1) : cestadire, il luy est suruenu le trespas treslamentable, et tresinfortuné de son seigneur et espoux le Duc de Sauoye, qui presques l'a menée au pas mortel : Parquoy elle peult estre dite (selon Hieremie en ses lamentations) Rachel plourant et querant ses enfans, qui ne veult estre consolée, pource quil nen y ha nulz, dont cest grand dommage.
Pour lequel dueil designer, dame Vertu luy attribue vne pierre précieuse de noire couleur, et neantmoins translucente : cestadire telle, quon void le iour parmy : laquelle est appellee Radiane, ou selon les autres Radaym, combien que aussi aucuns la nomment Donatides. Ceste gemme est procréée en la teste dun coq, dont aucuns sont dopinion, que le coq doit estre vieil et de grand aage ainçois quon puist tirer de luy la gemme Radiane. Les autres tiennent, que au bout dun an elle est formée entièrement pourueu que le coq soit né en Mars, et gardé separeement par lespace dun an, à fin quil ne touche aux gelines, ains demeure
(1) On voit ici combien le participe est encore considéré comme adjeotif plutôt que comme élément invariable du verbe.
LA COVRONNE MARGAB1TIQVE. 117
chaste et vierge. Et encores ne se peult recouurer ladite pierre, si la teste du coq nest mise en vne fourmiëre pour estre mengee par les fourmis : car alors certaine espace de temps après que la chair sera toute consumée, on treuue ladite gemme toute nette et descouuerte. Laquelle ha ceste vertu quelle entre dedens lœil, et le purge et nettoyé sans lésion quelconque. Et oultre ce, vaut à impetrer toutes choses enuers les Roys et Princes, et donne victoire en toutes quereles.
Encores assignent aucuns dautres merueilleuses vertus à la Radiane, dont ie me déporte pource quelles sont difficiles à croire, combien que ie me condescendroye assez à y adiouster foy : car le coq est vn oiseau de si tresnoble nature, qui est vraysemblable que la pierre qui dedens luy sengendre doit estre de grand préciosité, aussi bien que sont pluieurs autres naissans dedens bestes moins gentiles : Si comme est celle (1) quon dit Alectoire croissant au ventre dun chappon : Cesbites, qui est prinse dedens la teste dune limasse d'Inde : Chelidonius, au ventre dune arondelle : Sinodontides, en la teste dun poisson : Draconites, en la teste dun dragon, et ainsi des autres. Et que le coq soit lun des plus nobles animaux du monde, appert en tous ses actes, tant de libéralité que de hardiesse : et mesmement en ce que pour vn singulier indice de sa Royale nature, la fiereté du Lyon se humilie deuant le Coq, et monstre semblant de le craindre et redouter (2) : Dont la raison nest autre, selon opinion des sages naturelz, sinon que combien que la
(1) Le mscr. a seulement : « si comme est celle d'une limasse d'Inde ».
(2) C'est une des nombreuses légendes médiévales au sujet du lion.
complexion du Lyon et du Coq, soient totalement dépendantes du Soleil, neantmoins en lordre de leurs prééminences, le Coq ha plus dexcellence en sa propre nature, que nha le Lyon en la sienne.
Doncques si la Radiane procréée dedens vn si Royal oiseau doit estre estimée garnie de maintes bonnes proprietez, semblablement aussi la vertu commençant par mesme lettre : cestasauoir Regnatiue prudence, fait a estimer de grand prys et haute valeur, attendu que proprement cest vne gemme engendrée en la teste dun Coq : cestadire en vn chef de noblesse Royale, qui est baillé aux fourmis : par lesquelz ientens, gens sages et preudhorames, plains de grand industrie et solicitude. Laquelle gemme précieuse ha ceste vertu, quelle clarifie lœil de Iustice, rend la personne victorieuse et agréable au monde, et luy donne impetration de grâce et de salut , enuers le souuerain Prince des cieux.
Or et combien quelle soit de couleur ombreuse et teinte de deuil récent, neantmoins on void, comment par vne singularité tresespeciale, il luy affiert bien destre assise en la riche couronne de la Princesse vefue : laquelle es païs de son douaire dépendant de la Duché de Sauoye, cestasauoir es Contez de Villars, et de Sommeriue, et es païs, terres et seigneuries de Bresse, de Vuaud, et de Fossigni, (1) etc. Règne si tresprudemment, et par telle maturité de conseil et de Iustice, quelle en mérite les bénédictions de Dieu et de son peuple, et lamour et le cœur de ses subietz, ausquelz ceste vertu Regnatiue prudence, est autant agréable et autant vtile, comme le cler Soleil, est plaisant et proufitable au
(1) Faueigny en Savoie, baronnie comprise entre le Chablais et la Suisse.
monde. Car Regnatiue prudence est vne partie subiectiue, ou vne espèce de prudence en gênerai, la grand vertu cardinale laquelle ha plusieurs filles : cestasauoir Raison, Intelligence, Prouidence, Circonspection, et Erudition, desquelles deux ha esté cy dessus touché bien à plein. Aussi est de sa famille vne prudence especiale nommée Monastique, (1) par laquelle lhomme scait conduire soy mesmes : Et vne autre prudence appellee Economique, laquelle apprend à sauoir bien régir sa chose familière : cestadire sa maison, son mesnage, sa femme, ses enfans et ses seruiteurs. Et aussi vne prudence quon dit Militaire, laquelle saddresse à bien ordonner les choses belliques, et le fait de la guerre, Mais en ce qui touche nostre matière directe, oultre et par dessus les dessusdites, est prudence Politique, laquelle se pratique en deux manières et par deux respectz (2) : cestasauoir du Prince enuers ses subiets, et des subietz enuers leur prince. La première principalement est celle, qui sert à nostre propos, et concerne la personne du Prince et de la Princesse, lesquelz elle introduit à régner prudemment et par grand sapience ; et par icelle doiuent ilz tout premièrement plaire à Dieu, en le seruant et honnorant, et faisant seruir et honnorer dignement et solennellement, et en obseruant les Institutions de Lesglise sans insolence ou mespris. Et secondement, par icelle vertu ils sont tenus satisfaire à leurs subietz, et contenter la chose publique, en baillant prouision (3) de bonne police, et de statuts proufi-
(1) Monastique, c-à-d. seul, individuellement, de povo*;. Un peu plus haut, subiectine est encore plus singulièrement employé.
(2) Respectz = motifs, égards, du latin respectus, regard, considération.
(3) Provision = prévoyance, comme au XIVe siècle.
140 LA COYBOIjrjp MABGAIUT1QYE.
tables, et de lûix ordonnances et constitutions droiturieres, dont ilz acquièrent lamour et la dilection de leur populaire. Lautre espèce de prudence politique, consiste en ce, que par elle les subietz ont congnoissançe de deuoir obéir à leur Prince, ou Princesse : e{ les citoyens aussi par icejle mesmes sauent viure et communiquer ensemble par iuste moyen : cestasauoir tant en communauté comme chacun priueement, en obtempérant (1) à leurs luges, et Magistrats, sans auoir tumulte ne dissension pour petites choses : et eu traitant humainement les estrangers et suruenans de toutes lesquelles choses lopposite est Imprudence. Parquoy appert icelle singulière vertu Regnatiue prudence, estre de grand louenge et mérite, et du tout contraire à tyrannie, oppression et iniustice. Dont est ce chose trop dangereuse dun Prince qui ha faute de ce? te vertu, comme tesmoigne le sage Roy Salomon en ses Prouerbes, disant : Dux indigens prudentia, multos opprimit per calumniam. Cestadire, le Prince qui est mal pourueu de prudence, fait tort â beaucoup de gens par faulses accusations. Et à tant prend icy fin. ma petite exposition de ce septième fleuron, pour faire lieu à, messire Marsille Ficin de Florence, philosophe Plate unique, prestre, médecin, et orateur tresrenomraé.
LACTEVR.
Marsille icy, d'Innocence fait feste, Et les vertus du Iaspe mentionne.
Puis à ces deux tresbien proportionne Dame Iugebergue, ayant loz manifeste.
(1) On obtempère à un ordre plutôt qu'à la personne qui ordonne.
LA COVKONKli MAKGAIUTlQYli. 121
MESSIRE MARSILLE FICIN.
Sil est ainsi que ma rude éloquence soit suffisante à la clere explication du fleuron huitième, de ceste glorieuse Couronne, il me semble que iay matière assez fertile : car tout premièrement se présente à mon propos vne tresgracieuse vertu nommée Innocence, laquelle est lune des parties potentiales de dame Iustice, et est sœur de Debonnaireté, d'Amytié, de Concorde et d'Humanité : parente et affine de Grâce, dont dessus ha esté parlé bien amplement, de Vérité, de Sainteté, de Bénignité et de Libéralité. La diffinition de ceste vertu est telle :
Innocence, est vne netteté et intégrité de courage, qui fuit et abhorre toutes choses par lesquelles on fait tort ou iniure à autruy : Son opposite est Nuisance. Et à parler proprement, estre innocent nest autre chose fors que non estre nuisant, moleste, ou torsionnier à aucun. Et ne se prend pas pour estre sot ou insensé, comme les vulgaires le disent communément (1), ainçois le vray exploit dinnocence est, quand par bon sens, et pour lamour de vertu seulement, on décline arrière (2) de tout mal nuisible à autruy, et sadonne Ion à bienfaire. Et de ceste vertu dit saint Ambroise en son Exameron : Vitam beatam, ejftciunt tranquillités conscientiœ, et securitas innocentiœ. Cestadire, lappaisement de conscience, et la seureté dinnocence font la vie bienheureuse. Et pource, quiconques ha ceste vertu, on ne doit point estimer quil ayt vne douceur ou vne simplesse
(1) Dans les anciennes lois et coutumes ainsi que dans les croyances populaires sot (fou) et innocent étaient presque synonymes. V. plus bas . simplesse.
(2) On s'écarte, on s'éloigne ; c'est le sens primitif.
122 LA COVRONNE MARGAR1TIQVE.
me8prisable, mais plustot vne bonté qui fait grandement à louer, et vne vertu droitement humaine : attendu que combien quil ne soit point ignorant des choses qui sont nuisans, greuables et dommageuses, neantmoins quand on loffense en aucune manière il nest point pourtant enclin à rendre mal. Et pour monstrer que ceste vertu nest point estrange mais contigue de Clémence et de Mansuétude filles de dame Tempérance, nécessaires et appropriées à tous Princes, les philosophes disent, que entre les mouschettes industrieuses qui font le miel et la cire (que nous appelions Epz) (1) à celuy qui est Roy dentre eux, dame Nature par sa prouidence, nha point donné desguillon, à fin quil soit innocent, et ne nuise à nul autre.
A ceste vertu treslouable, est deùement connexee vne pierre précieuse commençant par mesme lettre, cestasauoir par I. huitième lettre du nom de la Princesse Marguerite : car elle nest pas seulement non nuisible, mais fort aydable à ceux qui la portent, et se nomme Iaspis en Latin. Elle est communément verde, et souuent on en treuue des translucentes. Et combien que autresfois elle aytesté tenue en petite estime, neantmoins elle garde tousiours le renom de sa gloire antique. Il est de plusieurs manières de Iaspes, iusques au nombre de dixsept, comme aucuns disent. Celles d'Inde approchent la similitude desmeraude : les Cypriennes ont vne verdeur grosse : celles de Perse sont de couleur aërine. Et entour du fleuue nommé Thermodoon là ou régnèrent iadis les Amazones, on en treuue de couleur sem-
(1) Epz, abeilles = apes. Pour les Anciens, la reine était un roi, et ce roi n'avait pas d'aiguillon. Louis XII entrant dans Gênes parut en habit blanc semé d'abeilles d'or avec ces mots : Reoc mon utitur aculeo.
blable aux ondes marines. Enuiron Phrygie et Troye, la Iaspe retire (l)à couleur de pourpre. En Cappadoce ceste gemme est purpurine et clereverde sans resplendissance. Celles de Thrace et dautour de Constantinoble ressemblent les Indiennes. En Chalcis, quon dit maintenant Nigrepont, elles sont troubles. Il est aussi vne manière de Iaspe qui est environnée de lignes blanches, et sappelle polygrammos. Il en y ha vne autre espèce qui se dit Iasponyx, pource quelle participe de l'Onyce , et comprend sa forme dune nuée et de neige ensemble, et est mouschetee de points rouges. Vne autre sorte de Iaspe est verde, et comme semée de flourettes. Lautre semble estre enfumée. Et lautre représente lescume de la mer. De tant de façons diuerses en est il, et de plaisance si variable. Mais il est plus propice de parler de leurs bontez et valeurs, que de leurs diuersitez. Les Iaspes doncques qui sont vn peu meslez de Pourpre sont les meilleurs, et leur attribue on prééminence première sur toutes les autres. Les secondes après sont celles, qui ont quelque peu de couleur de rose. Et les troisièmes celles qui participent de l'Esmeraude. On met au quatrième lieu celles qui approchent en similitude à la couleur du ciel matutin, tel quil est en automne : et aussi celles qui ensuiuent les violettes. Mais les vicieuses et moins estimées, sont celles, qui ont couleur deaue marine ou de crystal, ou qui ont vne clarté légère, tresluisante de loing. Il sen treuue bien qui sont falsifiées et contrefaites de voirre : mais leur adultération se congnoit quand leur resplendeur
(1) Retire, tire, dans cette acception, fait penser à l'italien tirare a un colore, approcher d'une couleur. On dit encore tirer à comme tirer sur = ressembler. Palsgrave pourrait ici refaire sa plainte contre les imprimeurs, en lisant -.jaspes meslez et les secondes.
124 LA COVR0MIB MARGAIUT1QYB.
ne se contient point en elle mesmes, mais sespart (1) par dehors. Par vne commune opinion, les Iaspes sont estimées entre toutes gemmes les plus aysees à grauer et faire signetz (2) : car elles marquent mieux que nulles des autres. Il sest autresfois trouué Iaspe de tel grandeur quil pesoit onze onces dont fut formée et taillée limage de l'Empereur Néron tout armé.
Ceste Gemme fut de telle réputation enuers Galien le tresnoble médecin, que iamais il nestoit sans en porter. Et Moyse lestima tant, quil la mit au second ordre du Rational, et y feit sculper les noms des enfans d'Israël, en ordonnant que le souuerain Euesque la portast perpétuellement deuant sa poitrine. Et oultre plus, le benoist saint Iean en son Apocalypse met le Iaspe pour le premier fondement de la sainte cité de Hierusatem. Ceste gemme, quand elle est de couleur brune, elle est souzmise à la planette de Mars : et si elle est sculpee, le Soleil estant au dixseptieme ou dixhuitieme degré de Libra, régnant certaine constellation nommée Alchameth, elle guérit de toutes manières de fleures, et estanche tout flux de sang : laquelle puissance elle obtient de par Saturne. Les Magiciens disent, que si elle est consacrée, elle vaut beaucoup à ceux qui preschent et font harengues en lieu publqiue, et rend lhomme gracieux et puissant. Et quand on la scait porter chastement, elle guérit dhydropieie : et en lappliquaut à vne femme qui trauaille denfant, elle layde à en deliurer. On croit aussi quelle
(1) On lit dans Palsgrave : « Quant les souldars dung capitayne sont disparsez, or disparez, or dissipez, or espars, que peut-il faire en temps de besoin?» — Il y avait en vieux français espardre, espandre, et espartir (éclairer). « Quant il pleut et vente et espart.»
(2) Au moyen-age sinet ou signet , inscription gravée sur un anneau pour former un cachet.
LA C0VR0NNE MARGAR1TIQVE. 125
preserue de beaucoup de dangers celuy qui la porte sur luy : et chasse toutes manières de fantosmes nocturnes, clarifie la veiie de lhomme, et le rend ioyeux : et oultre ce, réprime les mouuemens de luxure. Et si on treuue la figure de la croix en vne Iaspe verde, elle garde toute personne de se noyer. Aucuns treuùent (1) aussi, qtie si quelque venin est approché dicelle gemme, elle le declaire par sa sueur. Or venons au surplus à dire et demonstrer, que si ceste pierre précieuse est si recommandée en multitude de vertus, aussi fut iadis beaucoup estimée vne gemme humaine, dont le nom commence par mesme lettre : CestasaUoir madame Iugebergue (2) sœur du Roy Caym de Dalmace, laquelle Phelippes Dieudonhe Roy des François, après ce quil fut vefue de madame Ysabel de Haynnau, Contesse d'Artois, enuoya solennellement demander par leuesque de Noyon. Et comme elle luy fut ottroyee et amenée dudit Royaume treslointain au territoire de France, ledit Roy Phelippes son mary, peu de iours après le mariage consommé, la répudia, et feit diuorce auec elle, prenant son excuse final (3) sur ce, quelle estoit sa parente. Et combien que ledit Roy Caym de Dalmace eust tant fait et procuré enuers le saint siège Apostolique, que Mydas, et Cecin Cardinaux de leglise Romaine fussent enùoyez en France pour adnuller iceluy diuorce, et contraindre le Roy à reprendre sa femme, neantmoins ou par sa propre négligence, ou pat4
(3) Le mscr. porte : aucuns tiennent.
{{) Ingelburge, sœur du roi de Danemarck, Canut VI, épousa Philippe Auguste en 1193. Bientôt il lui préféra Agnès, fllle du duc de Méran. Le cardinal Mélior et lé protonotaire Censius furent envoyés pour l'enquête du divorce.
(2) Final n'avait pas encore de féminin. Vefve servait pour les deux genres.
126 LA C0VR0NNE MARGARITl^Vt.
orainte, ou peult estre par corruption dargent, lafFaire ne se mit point à effect, ainçois demoura la tresdesolee et tresinnocente dame Iugebergue frustrée de son bon droit, et priuee de la iouissance du Roy son espoux. Et qui plus est, pour accroitre son deuil, tantost après elle vid son lieu occupé, par dame Marie fille du Duc de Bohême. Et tout ce nonobstant, la noble Dame toute vertueuse, perseuerant en son innocence : cestadire sans estre encline de (1) nuire à personne du monde, ne dauoir courage vindicatif à cause de son grief torfait, refusa de retourner en son païs, et ayma mieux viure vefue en France, que de se marier ailleurs.
Par moyen semblable ha esté fortunée la Princesse, dont il est question. Laquelle en son aage denfance, et de vraye innocence amenée en France à grand pompe et triomphe, et fiancée au Roy Charles huitième à grand ioye et solennité, fut depuis en la fleur de son adolescence honnorablement renuoyee en Flandres, souz ombre des guerres, que le Roy son père esmouuoit souuent contre le Royaume François, à cause que les conuenances du traicté de mariage dentre le Roy et elle auoient esté accordées par gens tumultueux et pleins doutrage, arrogance, au desceu et contre le vouloir de sondit géniteur, et au grand desauantage et circonuention de Larchiduc son frère, lors enfant et moindre daage. Parquoy au tresgrand desplaisir délie et de tout le peuple de France (a), elle se vid desnuer de
(1) Enclin de se rencontre aussi dans Comines. Un peu plus bas, le mscr. porte : refusa à retourner. Froissart construit également avec à et y : lequel y refusoit (on dira plus tard : se refusait à).
(a) Lautheur en parle comme vn affectionné seruiteur de sa maistresse, sans sauoir plus auant les importances à luy pour lors incongnues. (La note doit être de De Tournes ou plutôt de Balleure)
LA COVRONNE MARGARIT1QVE. 427
tiltre de Royne, dont vne autre fut incontinent saisie, voire vne autre, qui touchant hautesse dextraction ne de formosité corporelle, ne de rectitude, perfection et intégrité de membres, nestoit en rien à elle comparable. Et qui plus est, se pouuoit dire sa belle mère (1) : et ce nonobstant, ladite tresinnocente Dame neut onques en pensée de maculer la blancheur et purité de son innocence, ne de pourchasser nuisance au Royaume par infraction de paix ou autrement, pour ceste occasion. Mais selon la vertu de la précieuse Iaspe, ladite Princesse tresinnocente quand elle vint en France lan mille quatre cens quatre vingts et trois, estancha le terrible flux de sang, duquel estoient piteusement affoiblis les siens qui auoient soustenu le faix de la guerre, par trop long espace (2) de temps : et derechef quand ceste tresnoble Gemme retourna au pourpris fraternel Archiducal, lan mille quatre cens quatre vingts et neuf. Par les bons lapidaires et entailleurs d'Allemaigne, de France et de Bourgogne, fut graué en elle le beau signet de la Paix tresdesiree. Si fut depuis richement mise en œuure en lor d'Espaigne, et consequemment (3) en largent de Sauoye.Par lesquelles déductions appert facilement la concordance des choses dessusdites. Et à tant ie impose silence à moy mesmes, faisant lieu à maistre Martin Franc, natif d'Arras, (4) poëte, philosophe et historien, et iadis Secrétaire du premier Duc de Sauoye.
(1) Anne de Bretagne, fiancée de Max, était belle-mère de Marguerite.
(2) Palsgrave le fait cependant féminin d'après Lemaire luimême.
(3) Ensuite.
(4) On a contesté cette origine artésienne. Martin Franc fut protonotaire pontifical sous Arnédée VIII, 1er duc de Savoie, élu pape sous le nom de Félix V. C'est en cette qualité qu'il dédia à Philippe le Bon, duc de Bourgogne, le Champion des Dames, réfu-
128 LA COVROMte MARGAIUTIÛVE.
LACTEVR.
De Martin Franc, qui ce fleuron compassé (1) Peult on sauoir, sans que rien on rescinde, Quel loz acquist dame Theodolinde Par Tolérance, à qui duit laTopace.
