EGLE

Trop estions nous joyeuses

Ma seur, mamye, et trop nous degoisions,

Trop avions vo;x de chanter envieuses, (1)

Riens que d'esbat nous ne devisions,

Mais après joye tousjours s'en suit deuil, (2)

A quoy bien peu certainement visions.

De mon vivant je ne sentis mon œil

Si prest a pleur : ne ma bouche a souspirs

Que je faiz or : Et pleure outre mon vueil.

Ne parlons plus de soûlas ou plaisirs,

Beau temps nous laisse et les ventz nous menassent,

Qui de nous nuyre ont trop aigres désirs.