STRUCTURE DE LA CHAPELLE ROYAL

Tout premièrement, nous dirons de l'aournement de l'église de saint Rombault, laquelle estant longue de huit vingtz pas, et large de cinquante fut lambourdee (1) par dedans tout alentour, de grosses pièces de boys bien cramponnées dedans les pilliers painctes de noir, et dessus icelles chandeliers de bois, de mesmes presques touchans l'un l'autre et sur chacun ung cierge, et audessoubz desdictes lambourdes estoit toute ladicte église, tant en la nef comme ou cueur, et en la croisée tendue et parée de la parfondeur de deux largeurs de drap, Et dessus d'un veloux noir, Et a l'endroit de l'oratoire de deux costez de quatre draps, Et sur le dit veloux de trois piedz en trois pieds, estoient attachez grans blasons aux armes du feu Roy. En bas (2) de la nef pour éviter la foulle du peuple, les entredeux des pilliers furent fermez de planches painctes par dehors de couleur noire ; et (3) par dedens de drap, si n'y avait que ung huyz de chacun costé, Les sièges des prelatz, acoustrez con-

(i) Pendant (variante de la chronique, Ms.503, collection Du puy).

(2) Aubas fChron.).

(3) Parez de drap par dedens (Chron.).

£4(> LA POMPE FUNERALLE DES OBSECQUES

tre les dicts entre deux auprès du cueur, Et ceulx des princes et seigneurs, du long des pilliers de la nef, L'oratoire du prince estant entre les deux premiers pilliers, deçà le cueur. Et de l'autre part le lieu des chantres, si estoit dressé, contre Ihuiz du cueur ung grant autel (1) tout couvert par hault mesmes sur le pavement, de drap noir plus de quarante sept cents piedz, en quarrure. Le dit grant autel estant aourné par en hault de drap d'or, figuré de veloux noir à une croix de satin cramoisy. Et pardessus dix ou douze grants ymaiges dargent doré, Et trente six autelz de la dicte église, tous parez de drap noir à une croix de satin blanc, et sur chacun deux blasons armoyez.

Environ a quarante piedz du dit grant autel, entre les premiers pilliers de la nef, estoit dressée par tresbel artiffice, une chappelle Royalle très matérielle (2) de seize piedz de long, douze de large, et cinquante de haulteur laquelle fut toute paincte de noir a six estaiges ou gouttières. Les quatre premiers en quarrure tousjours amoindrissant, ayant chacun quatre croix par six fois recroisettee et en chacune croisette ung chandellier et ung cierge, Les trois autres supérieurs faicts en rondeur, comme trois couronnes dorées tirans par hault a forme pyramidalle. Et a chacun flouron ung chandellier et ung cierge, Et dessus le tout une grosse pomme dorée portant une croix douze ou quatorze foys croisée et recroisettee, garnie très amplement de luminaire (3) jusques au nombre sur ladicte croix seullement, de soixante et treize cierges. Et certes c'estoit une chose très

(1) A six degrez. (Chron.).

(t) Massive.

(3) Contre la dite Cappelle (Chron.). Gouttière signifie parfois bandes d'étoffe pendant en haut des rideaux (Littré).

DE DOM PHEMP1CS DE CASTILLE. 2l7

riche et très sollennelle a veoir, car la première des dictes gouttières ou estaiges quarrez estoit tendu d'un fin drap noir, et pardessus, d'un drap d'or très riche Et d'un autre satin cramoisy broché d'or, La seconde et la tierce pardessus le drap noir, furent aournees d'autre riche drap d'or, Et les trois couronnes tout alentour de veloux noir tellement que en toute la dicte chappelle, y avoit six vingtz aulnes de drap d'or et de veloux et autant de drap de laine. Et pardessus les dictz paremens estoient attachez plusieurs grans blasons des dites armes, Si y avoit aux quatre coingz du premier estaige, dembas quatre gros cierges, et par dehors se gettoient quatre angeletz bien empenez chascun vestu d'une thunique de taffetas pourprin (1) bordé dargent, les bras ouvers. Et au dessoubz dicelle chapelle Roy aile estoit la représentation du sarcueil ou bière du corps du feu Roy, couverte d'un grant et riche drap d'or, trainant en terre (2) à une croix de veloux cramoisy, si estoit la dicte chappelle close devant et derrière de deux chandelaires En chascun deux par ordre quarante torches armoyees de blasons, Et en la nef avoit un autre grant Ratellier servant pour mettre les pièces dont on debuoit faire les offrandes. Ainsi estoit la dicte église ordonnée par dedens, et par dehors depuis icelle jusques a l'ostel du prince, où il y a plus de sept cents pas, estoient plantez entre (3) le pavez pilotiz de bois, garniz pardessus de bailles et barrières fermées, lesquelles servoient de faire une allée franche et délivre (4) pour la pompe funeralle de douze piedz de large, pour evi-

(1) Tunicque de taphetas pourprez (Chron.).

(2) Trainant en terre (Supprimé en Chron.).

(3) Contre (Chron.). Baille est resté wallon et flamand.

(4) Et délivre (Supprimé en Chron.).

2i# LA PUHPK PUKKIULLE DES OBSECQUKS

ter la foulle du peuple Et quant ce vint au marcher, pour aller aux vigilles, c'est assavoir le dymanche dix-huit de juillet environ deux heures après midy, les dictes barrières estoient garnies de deux costez, par dehors de six cens hommes notables de la ville, vestuz de noir à sept pieds l'un de l'autre tenant, chacun, une torche armoyee. Si fut l'ordre tel que cy après est escript divisé en quatre (1).