DE L'ORDONNANCE DU PREMIER JOUR POUR LES VIGILLES

Tous les premiers marchoient deux chevaucheurs d'escuierie et deux fourriers du feu Roy lesquelz menoient les processions de toutes les églises, et confraries de Malines en belle ordonnance c'est assavoir les croix et les confanons devant, Et consequemment les clercz, en grant nombre, Revestusde leurs sourpleiz (2), Les religieulx des ordres des mendians, cloistres et abayes, Les curez et chapelains des églises parrochiales, Les chanoines des églises collegialles, Et les seigneurs chapelains de la chappelle du feu Roy, et de monseigneur tous revestus de riches chappes, Consequemment alloient en ordre deux à deux, Les prélatz, c'est assavoir abbez jusques au uombre de dix neuf et trois evesques, dont lun estoit mon seigneur de Salubry, l'autre (3) saffragant de Cambray et le tiers monseigneur Nicolas de Rutter evesque d'Arras, tous aournez de leurs mitres et crosses, et revestuz de leurs habits pontifficaulx.

Le second ordre estoit tel, c'est assavoir que après les

(1) Quatre ordres (Chron.)- La chronique supprime les sous-titres.

(ï) Sourpeliz (Chron.).

(3) Monsieur Jehan Baselet. (Chron.).

dessus nommez marchoient les gens de bien de la Loy (1) et gouvernement de Malines, en grant nombre, consequemment les députez des estatz, de toutes les villes terres et seignouries, en belle magnificence et gravité tous vestuz de dueil. Et après iceulx, les officiers domesticques du feu Roy, de monseigneur L'archiduc Charles et de vous madame (2) ensemble deux à deux. Les chefz des offices derniers puis les gentilz hommes des quatre estatz desditz seigneurs feu Roy archiduc et vous (madame) et les enffans d'honneur Et ensuivant les maistres d'hotelz, leurs bastons en main et aux deux costez du dict second ordre, estoient ung grant nombre de povres hommes honnestes, vestuz de robes de dueil, les chapperons embronchez, portans chacun une torche, à deux blasons ; Lesquelz quant toutz (3) furent en leglise se mirent aux deux costez de la nef, tant que le service dura.