DU RESIDU QUANT A LA MESSE ET L'OFFRANDE ET AUTRES CERIMONIES

Toute la reste de l'ordre, estoit semblable au jour précèdent, excepté seullement que les evesques, abbez et prelatz nestoient point aux processions, ainchois estoient dès le matin a leglise, et avoient assisté, aux deux premières grands messes qui furent solempnelleraent célébrées pour le salut de lame du Roy deffunct, oultre ung grant nombre de messes basses dictes par tous les autelz de leglise.

Quant doncques toute la pompe funeralle fut entrée dedens icelle, la couronne Royalle et colier (2) de Lordre

(1) Baissés. Marchen van wapenen (fl.) est-ce pour Marques ?

(2) Et le collier de l'ordre (Imp.). De même en chron. Le flam : Crone en halsbant.

'2>U\ LA POMPE KUNERALI.K DES OBSECQUES

ensemble la robe darmes furent posées sur la représentation du sarcueil. Et illec demourerent (1) le long du service. Les huit banieres des Duchez furent ordonnées, sur la chapelle Royalle, ensemble celles des trois Royaumes et de l'archiduché, celle de quatre quartiers de Illustrité (2), furent tenues par quatre heraulx empres la representacion du tumbel, jusques a loffrande. Et chacune de icelles des quatre marches tant que le service dura, fut sustentée par son Roy darmes, aux quatres quarrés(3)de la chapelle. Toutes les autres pièces furent mises au Ratellier a ce ordonné jusques a l'offertoire.

La messe préparée a célébrer par monseigneur levesques dArras, Labbé de saint Bertin habitué en diacre et (4) ung autre abbé en soubz dyacre, les chantres du feu Roy chantans en lamentations piteuses, commencèrent lintroite de Requiem et fut le sacrifice continué jusques a loffrande. Alors tous les prelatz, levez debout, parez et ornez de leurs mitres et crosses, mis par ordre entre lautel et loratoire de Larchiduche dun coste, Et les chevaliers de l'ordre de lautre, se avancèrent en belle ordonnance, Tous les gentilz hommes, qui tant le jour précèdent, comme ce jour mesmes, avoient apporté les misteres, dessus mentionnez. Lesquelz se tirèrent vers le Ratellier et leur fut délivrée par les officiers darmes a chacun sa pièce. Si marcha premièrement Icelui qui portoit la cornette aux couleurs et devise du feu Roy laquelle il offrit faisant la révérence sans baiser la platine, consequemraent celui qui portoit le

(1) Chron. ajoute tout.

(2) V. notre tome I, p. 15. Van der doerluchticheyt (flam.).

(3) Aen den mer houcken (flam.).

(4) Vigtadabbé (Chron.). '

guidon et puis lestandart, En après les deux escuyers qui menoient le cheval de Jouste, Et trois autres dont lun portoit lespee, Lautre le heaume, Et le tiers lescu de Jouste.

En après vindrent offrir, les quatre chevaliers, qui portoient Les quatre banieres du sang, Et puis le penon aux plaines armes, Et consequemment Les escuyers, qui menoient le cheval du corps, housse des plaines armes Royalles, offrirent Icelui. Si firent pareillement Les nobles hommes qui portoient lespee, la cotte darmes, les heaulmes de Castille et d'Austriche et lescu couronné aux plaines armes. Tous Lesquels ayant fait la révérence sans baiser la platine, se tirèrent a part, Et les pièces offertes mises et posées par les officiers darmes sur le tymon, (1) en parement chacun selon son ordre, La grant baniere sans estre offerte fut apportée devant la bière et Représentation et illec demoura jusques au service finy.

Et lors larchiduc Charles prince dès Espaignes marcha par entremy les dictz prelatz et chevaliers de lordre acompaigné de Lembassadeur du Roy son père, de monseigneur de Cambray, du marquis de Baden, et du jeune duc de Cleves. Le prince de Chimay, portant la queuue de son manteau et thoison dor précédant, si offrit larchiduc pour lame du Roy son père or et cire alumant, puis retourna en sa place. Et toison dor retourna quérir les douze chevaliers de lordre, presens au dit obsecque, Et les mena faire leurs oblations, deux à deux, Les plus anciens devant, et les

(1) Op tymen ofte plecken daertoe gheordineert ofte gheschilt in parementen. Cf. éd. Tross : « sur le tymon ou lobsaul (?) à ce ordonné et paré : « La Chronique donne : « sur le trône en paravant. » Au lieu de Clôves, elle met « Juilliers ».

262 LA POMPE FUNKRALLE DES OBSECQUES

autres subsequens, selon le tempz qu'ils recourent icelle dignité. (1)

Si allèrent tout premièrement ensemble messire Jehan de Berghes, seigneur du dit lieu Et messire Henry de Witten seigneur de Bersele. (2) En après messire Pierre de Lannoy, seigneur du Fresnoy, et monseigneur Charles de Croy, prince de Chimay, puis messire Hugues de Melun viconte de Gand.et messire Guillaume de Croy seigneur de Cherues(3). Consequemment messire Jaques de Luxembourg seigneur de Fiennes, Et messire Phelipes bastard de Bourgoigne, admirai de la mer. Si alloient après messire Michel de Croy seigneur de Sampy, et messire Jehan de Luxembourg seigneur de Ville, Et consequemment (4) messire de Lalaing seigneur du dit lieu, Et messire Philibert de Vere seigneur du dit lieu de Vere grand maistre dhostel, Tous iceulx chevaliers confrères offrirent chacun ung grant cierge et une pièce dor pour Lame de Leur prince deffunct chef et souverain du dit ordre.

Loffrande achevée, selon que dessus est dit, Révérend père en dieu, raonseigueur maistre Jehan Religieux de lordre de sainct Dominicque, docteur en théologie, evesque de Salubry, (5) prélat curial et confesseur du feu Roy, fit ung

(1) La Chron. porte : « Et ce faict, Thoison d'or ala quérir les I II I princes qui avoient adestré mond. Sr et alerent a l'offrande deux à deux. Et consequemment retourna quérir les XII Chevaliers de lordre presens aud. obseque, etc. »

(2) Hère van Borsele (flam.). La Chronique donne : Henry de Vittem.

(3) De Chievres (flam.).

(4) Consequutivement (Imp.). La Chron : et au derrenier Messieur Charles de Lalaing Le flam. : en voert hère Kaerle van Lalaing.

(5) Salubre (flam.). Salisburyî On trouve ailleurs Salbrie, Salombrie, etc. C'est plutôt l'évêque inpartibus de Sélivrée (Selivri?) confesseur et prêcheur de l'archiduc Charles. (Leglay I, 206).

sermon très élégant, Et print son theume, mortuus est Rex et regnabit films ejus pro eo, par lequel il déduisit summairement toutes les grandz vertuz, et fortunes diverses du deffunct dont plusieurs des auditeurs gectoient souspirs et larmes sans nombre, comme je veiz, si croy je, que vous ma très redoubtee dame, seur unique du feu Roy qui secrètement estiez en vostre oratoire, ne fustes pas lors exempte de larmoyer.

Apres le sermon et la messe finee, et leaue benoiste donnée, monseigneur d'Arras, qui eust célébré la messe leut l'évangile saint Jehan. Et quaut il prononça ceste clause, Et verbum caro Jactum est, Lors la grand baniere aux plaines armes Royalles, qui jusques a cette heure là estoit demouree toute droitte, et tenue par te seigneur de Beures, fut enclinee et couchée en terre devant le grant autel. Et ainsi fut fait pareillement des banières des quatre marches, par les Roys darmes qui les tenoient aux quatre coings de la chapelle, puis en ce mesme instant thoison dor principal Roy darmes, jecta son baston en terre, et pronunca par trois fois a haulte voix Le Roy est mort. Peu dintervalle après, il reprint son baston, Et vint a la grand banière, si la redressa debout, en proférant haultement par trois foys vive dom Charles, par la grâce Dieu arc hiduc dAustriche, prince des Espaignes, Et alors le premier Roy darmes a dextre releva sa baniere, Et dit : duc de Bourgoigne de Lothric et de Brabant, consequemment le second Roy darmes releva la sienne, En continuant de Lembourg, de Luxembourg et de Gheldres, puis le tiers redressant sa baniere, adjousta, conte de Flandres, dArtois, de Bourgogne, palatin de Haynnau, de Hollande, de Zeelande, de Namur et de Zutphen, Et b quatriesrae, après, sa baniere

|0 | LA POMPE FUNERALLE DES OBSECQUES

relevée acheva disant : marquis du Saint Empire, seigneur de Frize, de Salins et de Malines.

Icelles cerimonies, ainsi solemnisées, le chaperon (1) de dueil a la persuasion du souverain Roy darmes fut osté au dit prince, Et lors Ledit thoison dor avec la bénédiction du prélat, print la riche espee estant près de lautre a tout la quelle il vint devant larchiduc Charles, Et en la tenant par la poincte, La croix en hault Luy dist : prince impérial et Royal, ceste espee de justice vous est donnée de Dieu, et succédée (2) a vostre haultesse droicturiereraentpar voz très nobles progeniteurs affin que par vous justice soit désormais maintenue, la foy catholicque exaulcee, leglise deffendue et voz Royaumes principaultez, seignouries vassaulxet subgectz, gardez et entretenuz sauvement. Laquelle bonne et briefve harengue achevée Ledit Roy darmes, baisa lespee, et le mit es petites mains juvenilles du prince. Lequel la print par la manche, et la tint la poincte en hault. Et a tout icelle marcha vers l'autel où sagenouilla (3) Et puis relevé de son oraison, la bailla es mains de son grant escuyer descuyerie. Tous lesquelz misteres achevez Larchiduc Charles retourna en son hostel en la mesme ordre et manière que le jour précèdent, excepté qu'il n'avoit plus le chaperon de dueil et que l'espee de justice fut portée devant luy, a tout laquelle incontinant Luy venu en sa chambre le très noble jeune prinee aaigé sans plus de huit ans créa et adouba un nouveau chevalier pour le premier qu'il fit onques.Veulle Dieu qu'il en puist faire cy apres

(1) De caproene van rauwe (flam). Le chapeau (Chron.).

(2) Et à vostre haultesse succéder (Chron.).

(3) Où il s'agenouilla (Imp.)- Mais le flamand se conforme à notre manuscrit.

autant (1) et d'aussi bons que fit oncques Charleraaigue pour la deffense de la chose publicque de tonte chrestienté.

Ainsi fut ordonnée et mise a effect la pompe funeralle du Roy deffunct vostre très cher frère unicque, princesse très illustre, voire qui est chose mémorable pour la congnoissance de la muableté des choses mondaines, En lamesme église où le deffunct, L'an mil quatre cens quatre vingts (2), lors prospérant en grant triumphe, avec Le Roy vostre père César Auguste, avoit haultement solempnisé la feste du très noble ordre de La thoison dor. Si demoura, en icelle église, La chapelle Royalle ainsi parée comme elle estoit de trente deux banieres par lespace de cinq ou six jours, pour estre veue et regardée des estrangiers, Et puis fut désemparée, Et toutes les dictes banieres, estandars guidons escuz heaulmes et autres misteres dessus dictz, mis et attachez pour mémoire et ramenbrance perpétuelle, aux pilliers tant du cueur comme de la nef et croisée, desquelz paremens l'église fort belle paravant,est ancoires davantaige, embellie et enrichie assez. Et le tout fait selon la devise et disposition de Thomas Isaac souverain Roy darmes du dit ordre, natif de Haynnau (3) homme de grant elloquence et mémoire. Lequel oultre ce que j'ay veu des choses dessus mentionnées, ma aussi informé de la propriété de plusieurs termes les plus nécessaires, quant aux blasonnemens,Et aussi a fait pareillement Jaques Lecocq dit Luxembourg le herault homme très espert en son office darmes.

Par ainsi ay-je tellement quellement (4) descript ceste

(1) Autant que Gharlemaigne (Chron.). Alsoe vêle en alsoe goede ridderen als ooyt maecte Kaerle de Grote.

(2) Quatre vingts un (Irap.) De même le û&m.Lors vivant (Chr.).

(3) La Chron. ajoute : de petite stature, mais... (Là s'arrête la description de la Chronique).

(4) « Mide dien hebbe ich taliter qualiter. » (trad. flam.).

266 LA POMPE FUNERALLE DBS OBSECQUES DB DOM PHILIPPE.

pompe, princesse très clere, Laquelle pour la première que j'ay entamée, comme indiciaire de ceste vostre très illustre maison, Il ma despieu quelle na este triumphalle et non funeralle, mais ainsi que vostre très noble maison est raeslee, de prospérité et de adversité, aussi est l'historiographe subgect a escripre lamer et le doux.