MANIERES
Les princes pour qui on celebroit les exeques ou temps jadis pouoient estre de diuerses qualitez et mortz de diuerses manières selon lesquelz accidentz se varioit la fasson de faire. Patroclus de Mirmidone dont Homère recite la pompe fut occis en fait de guerre par Hector et mourut en terre ennemie et loiugtaine de son parentaige. Mais Achilës son compaignon darmes fournit grandement à l'honneur de sa sépulture en la présence des princes de Grèce, et ou milieu de leur armée estant au siège de Troyes. Palas le Jouuenceau qui mourut en bataille, par les mains de Turnes pour la querelle dEneas fut raporté à son père le Roy Euander et en la présence dicelui fut honorez dobseques par les gens dudit Eneas comme recite Virgille. Lenfant Ophieltes (1) autrement dit Archemorus tué par ung serpent ainsi quil sesbattoit en lherbe fut sépulture par ses propres père et mère. Cest assauoir Licurgus Roy de Grèce et sa femme Euridice comme met le poëte Statius. Julius César occis par trahyson dedans Romme et Lempereur Octouien Auguste son successeur trespassé de mort naturelle, hors de Romme, recurent iceluy derrenier honneur diuersement, par leurs propres parens amyz et subgectz comme recitent
(1) Archemoros (qui meurt le premier) surnom d'Opheltès. Cf. En. IX. 201. Ovid. Met. III, 605.
Plutarque et Suétone. De tous lesquelz personnaiges et encoires dautres, selon les acteurs autenticques qui en ont escript, jay recueilly la manière des pompes en gênerai, comme on verra cy après, combien quil faille entendre par discrétion quil y auoit quelques particularités appropriées a l'une plus que a lautre, selon diuers regards. Comme aussi nous le noterons en aucuns passaiges. Et aussi a noter quil y auoit deux priiicipalles manières densepuelir : Lune de bruller les corps et lautre de les enterrer tout entiers. Si dirons premier comment on les ardoit et la totalité de tel affaire, se peut reciter en ceste manière.
DE LAPPAREIL DU CORPS DU PRINCE ET DE LA GRANT MONT JOIE DE BOYS APPELLE PYRA (1).
Le corps du prince, mort en bataille ou autrement, rapporté en sa tente ou en sa cité, ou en celles de son prouchain parent ou amy', après estre laué deaue chaulde et de vin, purgé et nectoyé ses playes et tout son corps pour euiter putréfaction et oultre ce embosmé de plusieurs oignemens, estoit revestu de ses plus riches vestemens ou de ceulx de son plus prouchain parent ou amy, et illec par les siens plouré et veillé jour et nuyt a tout grant lummaire. Et ce pendant on faisoit lappareil de son sepulchre sumptueulx, et de toutes autres choses servans a ses exsecques. Pour lesquelles acomplir et pour ardre le corps solennellement se dressoit en quelque large champaigne ou sur la plusgrand place et marché de la cité, ung grant eschauf-
(1) Mont-joie, monceau de pierres jetées confusément, en signe de victoire ou pour marquer les chemins. (Littré). Pyra (grécolatin), bûcher en flammes.
fault ou montjoie de gros tronz et branches de toutes manières darbres nouvellement couppez et mis en ordre par grant artifice entrelardé de fagotz et destrain pour mieulx alumer. Lequel monceau de boys ainsi disposé ques apparence (1) par dehors de parement et sur très noble tapisserie et tout liure (2) on appelloit pyra ou temps dadoncques. Si estoit celuy de Patroclus de cent piedz de tous costez en quarrure. Et cela fait se preparoit aussi la bière que les anciens appelloient feretre pour porter le corpz. De laquelle les ordonnances estoient diverses selon la diversité des personnaiges.
DE LORDONNANCE DES FIERTRES OU BIERES ESQUELLES ON PORTOIT LE CORPZ.
La bière de l'enfant Ophialtes filz du roy Licargis (3) estoit estoffée de branches de cyprès tissues lune parmy lautre, lequel arbre estoit anciennement consacré par exprès aux faiz funeraulx, pour ce que quant il est coppé il ne rauerdit jamais. Et dedens icelle y auoit trois litz lun sur lautre. Le premier estoit destrain sec, le second d'herbe vert et de belles flourettes, le tiers de toutes espic"es aromaticques, si comme d'encens, cynamome (4), saffren et autres choses. Et le dessus fait à manière de ciel ou de pasle (5) qui estoit couuert de tapisserie brodure de drap dor, et de
(1) Sic.
(2) Sic.
(3) C'est en lhonneur d'Opheltês, fils de Lycurgue, que furent institués les jeux Néméens d'Argolide.
(4) Cinnamome , substance aromatique fort célèbre chez les anciens, et que les uns croient être la cannelle, les autres la myrrhe.
(5) Pavillon ou poêle. En picard poisle — manteau.
pourpre garnie et semée de perles et autres pierres précieuses sans nulle espargne. Et tout alentour de la bière dudit Ophialtes estoient pendues et actachees les armures de son père et de ses ancestres et aussi le petit arc de lenfant et son carquas, sa petite cuirasse et son espée et ses (jouets ?) denfance et autres choses esquellesil sefust delicté et exercité en sa jeunesse sil y fust paruenu. Mais à ung homme parfait, sicomme estoit Patroclus et autres bons guerroyeurs, on mectoit deuers leur chef ung trophée qui est enseigne de victoire. Cest à dire ung pal de boys richement ouuré, paint et doré, auquel pendoit son propre harnois de corps. Et pour ce que Julius César ne fut point occis en armes, on mist au trophée la robe encoires toute sanglante, en laquelle il auoit esté tué de vingt et trois coupz de dague, et en lieu d'une bière, son corpz estoit dedens ung riche tabernacle tout doré de fin or sur ung lit diuoire, tapissé de drap dor et de pourpre.
DE LORDRE QUON TENOIT A PORTER LE CORPS AU FEU ET MESMEMENT DE CE QUE PRECEDOIT.
Premièrement, alloient en ordres les prestres des temples et leurs ministres ordonnez aux sacrifices et après eulx les victimes quon voulloit offrir aux Dieux infernaulx. Cest assauoir beufz moutons et pourceaulx. Consequemment estoient menez en grant misérable les prisonniers condempnez a estre murtriz et asgouliz (1) audit cruel obsèques (2),
(1) Dans Montaigne, l'ancien es-gosillier dont le sens propre était tuer en coupant la gorge? En italien, Sgozzare. On trouve aussi esgoeler.
(2) Autrefois masculin , à cause de obsequium.
les mains liées derrière le doz et enchaynez piteusement. Et après iceulx marchoient grand nombre de cheuaulx et chariotz, chargez des despouilles et richesses, proyes et butins conquestez par le prince deffunct en fait de guerre sur ses ennemys. Lesquelz alloient suiuant plusieurs notables hommes armez a pié, portans chascun ung bois à manière de trophée cy dessus speciffiee. Autour desquelz estoient fichez les harnois et armures de diuers ennemis occis et desconfitz en bataille, ou en champ mortel corpz a
corpz par le prince mort, si y estoient les escripteaulx
signiffians les noms et les tiltres des vaincuz. Iceulx suiuoient en belle ordonnance autres gentilz hommes, dont les ungs portoient grans bassins vaisseaulx conches (1) platz couppes et flascons et potz tous plains de miel de lait dhuille de vin de viandes pour son seruice comme sil fust vif, despisseries aromaticques et autres choses neccessaires pour les cerimonies.
