DE LA TONSURE DES GENS ET DES CHEVAULX ET DE L'ORAISON FUNEBRE
Quand on estoit paruenu au lieu déterminé, la bière estoit mise sus. Et lors le père, ou le plus prouchain parent ou amy du mort en signe de dueil extrême saprouchoit du corps et dessus icellui posait son sceptre et ses acoustremens Royaulx, et puis tout présentement faisoit copper sa barbe et ses cheueulx et avec certains parolles piteuses à ce seruans la mectoit es mains du mort. Comme fit le Roy Licargus a son filz Ophialtes et Achiles qui tousa (1) sa perruque blonde et espesse aux obsèques de Patroclus, ensemble tous ceulx de sa bende, dont tous les princes de Grèce se
(l) Ou tonsa = tondit, Palsgrave a : jay tonsé, que je tonse.
prindrent a plourer de pithié. Pareillement les gens de Peloridas (1) duc de Thebes lesquelz ne tondirent pas seullement leurs cheueulx, mais aussi les crins de leurs cheveaulx. Par ainsi tout le corps ainsi couuert de cheuelures, redoubloit le dueil aspre et merueilleux, entre tous ceulx de lassemblee. Pour lequel augmenter le prince plus prouchain ou qui auoit plus dauctorïté faisoit pronuncer par ung herault, ou luy mesmes pronuncoit les louenges du trespassé, affin démouuoir les escoutans à commisération piteuse et à plus grand hayne contre les ennemys, ainsi que fit Anthonius aux obsecques de César. Mais la première harengue funèbre qui fut faicte a Romme fut celle que fit Valerius Publicola pour Brutus qui chassa Tarquin lorquilleux hors de la cité, laquelle fut si agréable aux seigneurs et au peuple que tousiours depuis en fut continuée la manière.
DE LOCCISION DES BEÔTES ET DES GENS POUR SACRIFICE ET AUTRES CERIMONIES.
Loraison funèbre acheuee, les cors et les trompettes commencoient à sonner en ung ton graue et piteux, cestoit
pour ung prince (2) fait en aaige. Mais se cestoit pour
ung jeune enfant, il ny auoit sinon flûtes sourdes et basses
faictes doz de cheual de buisset (3) dont le son nestoit
que de pleur et de lamentacion. Et adoncques la bière a tout le corpz estoit montée sur la grand mont joye de boys
(1) Pélopidas.
(2) Lacune du manuscrit.
(3) A Chénier adit. « sur ce buis fertile en agréables sons, i C'est donc une flûte ?
faicte en carrure comme dessus est dit. Les prestres faisoient le sacrifice des bestes qui pour ce auoient esté amenées. Si estoit respandu miel et huille sur icelles, et de tout le sain (1) cueilly dedans leurs entrailles on couuroit le cerpz du prince mort. Et dessus icelui on mectoit grant quantité dencens et de saffren et aucuns vaisseaulx plains dhuille doliue et de miel. Autres aussi plains de lart et de sang, laquelle chose estoit par appaiser lame du trespassé en signiffiance. (2) Le lait nourrit lame et le sang lentretient. Encores asseoit on auprès de luy sur une table dressée, le seruice ordinaire de vin et de viande comme sil eust esté vif. Et en oultre estoient actachez a leschauffault ses grans coursiers en certain nombre et les lieuriers que soulloit aymer et qui estoient nourriz de sa table. Si occisoit on les malheureux prisonniers de guerre qui pour ce seullement estoient reseruez et les entassoit on auec le demourant. Achilles aux obsecques de Patroclus mit au feu quatre cheuaulx deux lieuriers et douze nobles hommes troyens. Et quand on ne pouoit finer de (3) prisonniers on mectoit en leur lieu ceulx qui à cause de leurs démérites estoient condempnez a mort par justice jusques a tant que les Romains trouuerent lusaige de gladiateurs, c'est a dire de maistres joueurs despeesqui senauroient et entretuoient par artiffiee. Il fut aussi ung temps que on mectoit avec Je corpz le jour les plus féaulx seruiteurs du très passé. Et ainsi le fit Eneas aux obsèques de son père Anchises, et julius César tesmoigneque ainsi le faisoiton en nostre Gaule de pardeca.
(1) Graisse, de sagimen, sagina.
(2) Ital. significanza, marque symbole.
(3) Palsgrave a : je me fine, I store, i make provysyon.
