DES MISTERES QUI SE FA1S0IENT DALUMER LE FEU

Toutes les choses ainsi disposées se mectoieut en auaut aucuns personnaiges ayans charges expresse de ce, lesquelz par grant cerimonie, tenans chascun une torche en leur main, le visaige destourné arrière, affin quilz ne semblassent faire cest office voluntairement mais plustost encores et malgré eulx bruloient le feu de toutes pars en ce grand tas de boys. Sur ce point (1) les gens darmes leuoient leurs escuz en hault par une manière de faire pour destourner ceulx du dueil quilz ne veissent forsener le premier embrasement du feu qui bruleroit le corpz de leur prouchain parent et amy. Et ainsi que de toutes pars le boys se commençoit a espandre (2J et que desia la flamme et la fumée ensemble surmontoient les nues et obscurcissoient le ciel, lors les trompettes et fleuttes se prenoient a bondir impétueusement et lamenter. Et toute la cheualerie a une flotte (3) commençoit par le costé senestre a circuir a lentour du feu jusques a trois fois, en criant et*vociferant horriblement, en faisant pleurs et lamentacions meruilleuses et en hurtant leurs escuz contre leurs harnois mesmement et rompant leurs lances et leurs arcz, leurs flèches et leurs dars par grant bruit frayeur et desesperation.

(1) Cette locution se rencontre encore dans Boileau.

(2) Esprandre = flamber ?

(3) Ce mot et ses congénères de langues romanes signifie multitude, foule.