QUE ELLES ET LES GENS DARMES

GECTOIENT AU FEU.

Les princesses et les autres dames en ces entrefaictes tiroient leurs cheueulx, teurdoient (1) leurs mains, dessiroient leurs robes, descouuroient leurs poictrines et se desconfortoient asprement. Si lit on que aux funérailles de Julius César les Dames Roumaines gecterent dedans le feu les riches bagues, atours et aournemens dont elles estoient acoustrees ensemble les chaynes, quarquans et bullettes (2) de leurs enfans. Pareillement les vieilz cheualiers y ruèrent leurs propres armes garnies dor et dargent, les trompectes et autres ministres de la pompe funeralle, leurs riches robes dont ils usoient aux triumphes et festes solempnelles, tant estoit le dueil grant et publicque (3) et plain daffection. Mais combien que cela fust par incident et naduint pas tousiours, neantmoingz dordinaire on gectoit ou feu les despouilles des ennemis occiz et vaincuz par le prince mort. Si comme toutes (4) paueillons harnoix escuz targes darcz lances espees frains de cheuaulx roes tymons et chariotz. La cause pourquoy ilz gectoient tant de biens dedans le feu estoit comme ilz. ... (5) pource que après auoir fait une si grant perte que du prince ilz pouoient bien encoires faire ceste la.

(1) Forme berrichonne et normande. En wallon on trouve toirchi, d'où le wallonisme : il s'a torché (tordu) le cou.

(2) Cf. bulla aurea (Rien, Dictionnaire des antiquités).

(3) Des deux genres dans Palsgrave.

(4) Palsgrave fait paueillon masc.

(5) Lacune du manuscrit. L'importance exceptionnelle attribuée aux funérailles de César est une tradition du moyen-âge.