DE LA MODE DE SEPULTURER LES PATRIARCHES DU VIEL TESTAMENT

Des Egiptiens furent voisins et pour aucun temps cohabitateurs les enfans dlsrael. Desquelz les princes et patriarches très sainctz* hommes et très prudens ne mespriserent point la dernière honorificence des mortelz, aincois furent soigneux et soucieulx dicelle, comme il appert par le bon père Abraham. Lequel après quil eut pleuré le trespas de Sarra, et a icelle exibé (1) le seruice de funérailles, il en grant diligence et sollicitude achecta pour luy et pour les siens en la terre de Annam, la possession du champ dEffron et Heus ouquel estoit une grande caue ou spelumque double et y enseuelit sa femme Sarra (2). Et depuis y furent mis Ysaac et Rebecca sa femme, et Lya lune des femmes de Jacob. Et quant le bon père Jacob sentit aprocher la fin de ses jours, il appella son filz Joseph et luy pria par la foy fllialle quil luy debuoit que son corps ne fust point sepuely en Egipte, mais fust transporté auecques ses ancestres en la cité de Ebron. Laquelle chose fut acomplye, car quant Jacob le bon patriarche lan cent XLVIme de son aaige eust rendu lesperit, son fils Joseph en plourant et lamentant commanda a ses seruiteurs médecins que le corpz fust embausmé de choses aromaticques, ce qui fut fait durant lespace de quarante jours, car telle estoit la manière dadoncques. Si le plaignit toute la terre dEgipte par lespace de soixante et dix jours. Et quant le temps de

(1) Exhibere =- rendre, effectuer.

(2) Genèse, 23. Ephron, des Héthéens d'Hébron, propriétaire du champ acheté par Abraham dans la terre de Chanaan.

dueil fut expiré, Joseph supplia au Roy Pharaon que pour acquicter son debuoir et serment luy fust loisible daller sepulturer son père en la terre de Chanaan. Laquelle requeste il obtint (1).

(1) Les dernières lignes ont été barrées sur le manuscrit. Viennent alors douze pages blanches. Est-ce un brouillon ? Est-ce une copie inachevée ? Duverdier, art. Lemaire dit : « Recueil des pompes funèbres des anciens, non imprimé, veu escrit en main en la librairie du seigneur de Mont-Justin à Lyon. »